Menga siz o‘rgatdingiz qalam tutishni,
So‘zlarning ta’min bilib, she’rlar bitishni.
Hadyalarni ulashgan ham siz erursiz,
Daryoyu chashma suvidan menga berursiz.

Taomlantirdingiz go‘yo qushlar misoli,
Buning natijasi Alloh rizosiyu visoli.

Ota

Ona

Uyingizni topib bormasin xatlar,
Yomg'irlar chertmasin derazangizni.
Sizga yo'ldosh bo'lsin eng ulkan dardlar,
Eng mitti dardlar ham o'rtasin sizni.

Sizni bo'm-bo'sh xona ishga kuzatsin,
Faqat stol suhbat qursin siz bilan.
Tunlar ko'rpangizni zulmat tuzatsin,
O't bilan yashamang, yashang muz bilan.

Omadli yo'llarning izini tashlang,
Omadsiz yo'llarda yuring qoqilib.
Meni sog'inguncha siz shunday yashang,
Men shunday yashayapman, sizni sog'inib.

Agar 20-25 yosh oʻrtasida inson oʻzini isloh qilib olmasa, oʻlgani shu ekan.

Baʼzi birovlarni koʻryapman. Yoshi ulugʻlardan ammo "qarib quyilmagan". Ayoli bilan Davron suradigan davrda boshqacha davr suryapti.

Yoshlar, biz, oʻzimizni isloh qilishim kerak.

Taqdirimga roziman

Bu ko‘ngil nelarni istaydi deysiz,
Nasiba rizqingiz borini yeysiz,
Afsuslar qilmayman demayman essiz,
Bergan taqdiringga roziman Robbim.

Bandaman gunoxdan xolimas tilim,
Fakat seni desin yuragim dilim,
Gox shodlik g‘amlarni ko‘rganda ko‘nglim,
Bergan taqdiringga roziman Robbim.

Taqdiridan qochib ketolgandi kim,
Avliyolar o‘tdi afsonalar jim,
Ularni oldida men kimmanaa kim,
Bergan taqdiringga roziman Robbim.

O‘tgan umrlarim qarab birma bir,
Nomoyi amaldan bo‘lib xavotir,
Iltijolar qilar o‘zingga Qodir,
Bergan taqdiringga roziman Robbim.

Sog'inch ifori

Uzilib, zil bo‘ldi ko‘nglimning choki,
Hozir alam bilan bitayapman bayt:
Mensiz ahvolingga yig‘laymi yoki
Sensiz ahvolimga kuyayinmi, ayt?

Mashriqlardan kutib olgali bongni,
Dunyo saf tortadi xushro‘y shaharda –
Men hali o‘nglolmay bu telba ongni,
Quyosh charaqlaydi tong-la saharda!!!

Xo‘sh, men nima qilay bundayin tongni,
Sensiz kirib kelar tundayin tongni?!

Sening noming bilan oqajak bu qon,
Ollashib bormoqda o‘ylagan sarim:
Ko‘zlarim qa’rida egizak vulqon
Izhor qila boshlar bor qayg‘ularim.

Sensiz on asrlar o‘tganga o‘xshar,
Yer meni o‘ziga yutganga o‘xshar.
Sen tomon o‘tmoqqa imkonim bor-u,
O‘rtada ajdaho yotganga o‘xshar.

Nima bo‘ldi menga, xayol jontalash,
Majnun belbog‘ining yirtig‘i menda.
Farhod ko‘tarolmay qolgan qo‘shbardosh,
Menga, faqat menga, ortig‘i menga!!!

Juldur kiyimlarga sanchiq tikanak,
Mening nomim endi mangu telbavor!
Pokiza dunyoga qarayman g‘amnok,
Bunda ul sho‘rlikning nima aybi bor !?

Oh, sensiz yashashlik azobi g‘alat,
Bo‘rtib chiqqanmi-yey yelkamda tog‘lar...
So‘ngsiz nigohingni men tomon qarat,
Cho‘llagan yuzimda uyg‘onsin bog‘lar!

Ayt, meni qutqarsin ilohiy amr,
Sokin tunlariga qaytar yurakni.
Vujudim binosi so‘raydi ta’mir,
Kechiktirma, yorim, o‘zing darakni!

Buni araz degil va yoki gina,
Mayli, bo‘lari - shu... holim parishon.
Sening ovozingni eshitibgina,
Yana bu dunyoga qaytaman, ishon!

So‘rovim, tilovim, shugina borim,
Dunyo-i duningga qaytib qo‘y meni.
Hech qursa, hech qursa, hech qursa, Yorim,
Ko‘rib turganingni aytib qo‘y meni!

Xayrulla Hamidov.

Bu baytlardan darajamiz sari nasibalanamiz.

Menimcha dunyodagi eng xatokor inson men boʻlsam kerak.

Chunki rost deya aytganim yolgʻon ekan

Doʻst deya ishonganim dushman ekan

Duo deb bilganim qargʻish ekan

Toʻgʻri deya qilganim xato ekan.

Bir misol:

"Inson oʻzini boshqarishi kerak, hissiyotlariga erk bermasligi kerak. Doimiy nazoratda yashashi kerak" - deb aytdim

Ammo unday emas ekanku. Inson hissiyotlardan iborat ekanku. Uni boʻgʻish yoki yoʻq qilish kerak emas ekan, hissiyotlarga erkinlik ham berish kerak ekan. Inson istagan joyiga borishi, istagan insoni bilan koʻrishishi va istagan ishini qilishi kerak ekan.

Bu fikrlardan soʻng, aytishim lozim.

Inson istaganini qilishi mumkin ammo u istaklari kimgadir zarar bermasin. Jamiyatni parokanda qilmasin!!!

Bir koʻrmoqqa, jon bermoqdir.

— Ishq :)

Haqiqatlar!!!

Men shunchaki qattiq mehnat qilishni, pul topishni, yaxshi insonlar bilan birga ovqatlanishni va bir ayolni qayta-qayta sevishni istayman.

Erkak tungi soat 2 gacha uxlamay, soat 6 da uyg‘onishi mumkin. Qarzdor, pulsiz va yolg‘iz qolsa ham, bir kun kelib hammasi yaxshi bo‘lishiga ishonadi.

Hammaga eng yaxshisini tila, ammo seni qo‘llab-quvvatlamaydiganlardan uzoq yur.

Hayotdagi eng yaxshi ustoz — o‘z xatolaring. Ularning bahosi qimmat, ammo sabog‘i kuchli.

Ota-onam juda qattiqqo‘l deb o‘ylardim. Ammo hozirgi avlodni ko‘rib, ular meni asrab qolganini angladim.

Ba’zan odamlarning asl qiyofasini ko‘rish uchun ularning jig‘iga tegib, chetdan kuzatish kerak.

Behruz Reader

Bir kuni mendan so‘rashdi:

— Birinchi muhabbatingiz bilan birgamisiz?

Menimcha, muhabbatni sanab bo‘lmaydi. U yo bitta bo‘ladi, yo umuman bo‘lmaydi.

Agar siz hali ham muhabbatingizni birinchi, ikkinchi yoki uchinchi deb sanab yurgan bo‘lsangiz, demak, bu tuyg‘ularga boshqa nom topishingiz kerak.

Chunki haqiqiy muhabbat faqat bir insonga ataladi.

O‘ylab ko‘ring, biz «eng yaxshi ko‘rgan insonim» deganimizda, aslida qolgan barcha insonlarni bu ta’rifdan istisno qilamiz. Chunki «eng» degan so‘zning o‘ziyoq yagona bir insonni anglatadi.

Muhabbat ham shunday.

Haqiqiy muhabbatning tartib raqami bo‘lmaydi. Chunki yagona bo‘lgan narsani sanashga hojat yo‘q.

Behruz Reader

Insonlarning tuygʻulari bir lahzalik

Bir lahzalik tuygʻular sizni baxtli qila olmaydi. Baxtsiz sari olib boradi.

Shuning uchun insonlarning his-tuygʻulariga ishonmang.

Bugun ishongan odamingiz ertaga sizga xiyonat qilishi mumkin.

Bugun sizni sevgani ertaga boshqaga yor boʻlishi mumkin.

Ishonichda odam zotiga ishonish gʻalati!

Alloh Toʻgʻri vaqtda toʻgʻri inson bilan sizga sevgi beradi.

Aa, yoshlikdagi sevgi esa shayton beradi. Chunki sizlarni nimadir bilan ovvora qilib qoʻyishi kerak va siz uchun sevgi - sof tuyğu deb atalgan holatda sizni xor qiladi.

Shunday ekan, yoshlikdagi sevgidan vos keching. Yöq qiling. Bölmasam, butun umr azob chekasiz.

20-yoshgacha sevishishni badali katta boʻladi.

"Agar halol qilgan holatda boʻlsangiz, Mashaalloh, Alloh sizlarni silabdi"

Doʻstim

Taqdirning ham bizga atab olib qoʻygan "Baxti" bor

Shu Baxtga qarab harakat qilishimiz lozim...

Men seni Baxt oldida kutaman

Yil tugashiga 78 kun qoldi

Ko'pimiz shunday o‘ylaymiz:

"Bu yil o'tib ketdi, endi kelasi yildan boshlayman."

Lekin hisoblab ko'ring:

kuniga 15 daqiqa = 21 soat
kuniga 1 soat = 83 soat
kuniga 2 soat = 166 soat
kuniga 3 soat = 249 soat

Kuniga atigi 15 daqiqa bilan ham 2–3 ta kitob o'qib chiqish mumkin.

Kuniga 1 soat bilan esa yangi ko'nikma, kichik loyiha yoki o'z kanalingizni boshlash mumkin.

Muhimi, mukammal vaqtni kutmaslik. Boshlash uchun eng yaxshi payt hozir!

Oʻsha bemaʼni ammo haqiqat boʻlgan gap.

Puling boʻlmasa qolgan narsalar asl qadriga ega boʻlmaydi.

Misol:

Puling boʻlmasa, yetarlicha vaqting boʻlmaydi. Yetarlicha vaqting boʻlmasa, yetarlicha mehr berolmaysan. Yetarlicha mehr bermasang, senga ham mehr berishmaydi. Mehr olmasang, mehrsiz boʻlasan. Materialist bölasan.

Atrofimdagi koʻpchilikka pul kerak. Shaxsan menga ham. Kimnidir xursand qilish uchun pul kerak.
Kim bilandir eslash uchun arzigulik xotira yaratish uchun ham pul kerak.

Bilmadim. Pul hammasi yaxshiroq boʻlishi uchun kerak.

Pul hech narsani hal qilmaydi deganlar. Yo oʻta kambagʻal yoki yolgʻonchi

Pul - hamma narsa

Pul topish yoʻlini qidirish kerak. Pul topish kerak, pul.

Hatto insonlarni hissiyotlari (pok sevgisini) pulga sotilganini koʻrdik va koʻryapmiz. Pul topish kerak. Pul

“I am a lover with or without a lover. Love is who I am, not who I'm with.”

— Sylvia Plath

O‘ZINGDAN KO‘R!

Boshingga har ne kelsa,
Xato bosgan izlaringdan ko‘r.
Agar o‘g‘ling yomon bo‘lsa,
Harom bergan tuzingdan ko‘r!

Ahlingga kimdir nazar solsa,
Qiyo boqqan ko‘zlaringdan ko‘r.
Boshingga musibatlar kelsa,
Boshqadan emas, faqat o‘zingdan ko‘r!

Menimça özbek alifbosidagi yangi harflardan foydalanişni boşlaşimiz lozim.

Çunki bu biz uçun endi qadriyatga aylanişi kerak bölgan odatdir.

Menga buni doimo yodda saqlash uçun esa Najot Taʼlim telegram kanali yordam beradi. Ular allaqaçon bu taşabbusni boshlab yuborishgan edi.

Tanqid: hatto taʼlim vazirligining öz rasmiy sahifalari ham eski özbek alifbosidagi harflardan foydalanib kelişyapti. Şunday ekan, hozirdan boşlash kerak. Töğri qiyin böladi ammo boşlang,

Özbekistonliklar.

Turmuş — 20 ming soat suhbat degani.

Eng muhim qaror şu — kimga qayta va qayta gapirişimizni tanlaşimiz va u odam buni qançalik eşita olişi.

Nietzsçe aytganidek, söralişi kerak bölgani:

“Qariganimda ham şu odam bilan yaxşi suhbatlar qura olamanmi?”

Jerar Filip ham turmuşga bir juda çiroyli sifat bergan edi:

“Turmuş — bu davomiy suhbat.”

Yana qayerdadir shu satrlarni öqigandim:

“Vafot etişidan 2 yilça avval Rolan menga şunday degan edi: «Ey Xudo, biz sen bilan 25 yil yaşabmiz-ku, men esa sen bilan hali töyib suhbatlaşişga ulgurmadim».”

Tasavvur qilyapsizmi, bu qanday baxt, inson siz bilan butun umri davomida suhbatlaşib, lekin baribir hali suhbatingizga toöymasa?

Qayta va qayta gapirişdan çarçamaydiganingiz, sizni ham qayta va qayta eşitişdan toliqmaydigan va albatta, butun umri davomida ham suhbatingizga töymaydigan insonni tanlang!

Uzr sörayman. Özim bitta post oldin aytgan gapimga, özim amal qilolmadim. Ammo örganyapman. Nasib hammasi gözal böladi

Xatolarimni töğirlab qöydim.

Yur, qölimdan tut, desam, yugurib köçaga çiqa olasanmi?

Yöq, sen avval pardozingni sozlaysan, jozibador kiyim, eng nozik iforli parfyumni qidirasan.

Çunki sen hammasining ideal bölişini istaysan.

Va afsuski, mana şu ideallikni yarataman deb, uzun va mazmunli sayrdan quruq qolasan.

Odamzod heç qaçon heç narsaga tayyor his qilmaydi özini. Va bu aslida öta gözal hodisa.

Axir nomukammallik kişidagi uyaliş, hayajon, qörquv, hadik, beg‘uborlik kabi sof sifatlarni aks ettiradi-ku?!

Hayot bizni katta qilib qöyişini, biror bir qadam taşlaş uçun mukammal bölişimizni kutmaylik.

Aksinça, yöl davomida ulg‘ayişdan, vaqt ötgan sari komillikka yaqinlaşib borişdan umid qilaylik.

Mana şu yölda haqiqiy halovat bor.