باوار واران گِ توزِ خصم و کینە
قلا دل گرتیەی کس کس مووینە
کوتل چنیایە اَر سر لاشە آوخت
بگرمر اُورِ وشت اَر داخِ سینە


باوار اِی اُورِ دل تنگ توفِ واران
باوار ار دشتِ مِینت ار نساران
کتم اِی سوکِ مال ای باوشِ خم
گرفدارم وه دس شو نووه داران


ناوار ای آسمان گیانت سنیمن
فره چًمه رری وارانت منیمن
هاوار ای یانه بی سامان و مرزت
دست روی که خودایا چن چنیمن؟


چەمؤیا اُورِ آسـمانت گل آ دین
چە مؤیا لاف و وارانت گل آ دین
ارا تو مر چنی خرجە مەگرتور
خفـت ای کول ایرانت گل آ دین


خودایا شوگرە کارت هاینە زورە
تو گی بزم و بساتت جورِ جورە
نمم چت ها دسا شیویایە تیمت
تو نانتیج بی خووایە یا گ شورە

#سیف_چراغی

#بیسالکستانی

─┅─═इई 🍃💐🍃ईइ═─┅─
🏞 کانال #دوستان_بهمرد
🌈 @Behmard60042
─┅─═इई 🍃💐🍃ईइ═─┅─

بخت حووتی

پل پروازت شکانم بشگری شە پل بالت
ار تخاسم ریشە بی چن درد کاری پی زاوالت

پشت چارم حو چمی! کوناخ شانسم چویچیایە
هرگ مام ئودس مەپیچی اَرپروپیم شفت شالت

توگِ ارجرگ منت شن راس وچپ چن تیر کاری
بشگری چن تیخ الماس ای سر و مزگِ خیالت

روژو شو تکرارە حالم ، هر یسە حال و حوالم
نوش گیانت بو فلک چوی شیر دا حالم حلالت

ای فلک چوی منتە بین بای بوینە بش سرباش هوزان
تیرِخوویی بوئو ری ار بیخ بخل کاریگە حالت

مر إگَل گیرم نکووین بخت حووتی تاگە وختی!
تو گِ نیات آو ار میانم، بو بنم آو ار جا مالت


#سیف_چراغی
#بیسالکستانی

امروز ٢٩هم خرداد٩٨

#غزل_خودافظی
م خراوم ای رفیقان زحمت آوار نکیشن
إ م مردن إ هومە هم وُنگ و هاوار نکیشن

#سیف_چراغی

#هلیلان
#زردلان #زردلانی
#لکستان #لکستانی #الشتر #دلفان #نورآباد #سلسه
#طرهان #هرسین #نهاوند #بیرانشهر #صحنە #گنگاور #شیروان_چرداوول #کوهدشت #سوردم_لکی #رومشکان #درەشهر #آبدانان #بدرە #لکستان
#بیسا
#بیسالکستانی

غزل_خوداحافظی

م خراوم ای رفیقان زحمت آوارم نکیشن
ای طبیبان سرئو درد دل بیمارم نکیشن

هر حکیمی سرّ شکن بی بزم زانای داشتەبی
سرّ کویزەم نشکنن نشتر وە آزارم نکیشن

تیخ لقمان یا ارسطو ار شکان آە و فغانم
ماوە آگر یی چولوسک کرسروەاسرارم نکیشن

هی حلاجی ئم نکن تا بوشگی آ پن ژە پوئم
تال و پودم بی وە وا، وە سرِ دارم نکیشن

ای حکیمان ای طبیبان نشکنن شیشە دلم تا
خرچە پا نازک مەرنجی ای گنم زارم نکیشن

ماوە کومی ار ور هر نازکی هر آشنائی
پردە ای اسرار دل،دل گستەزمدارم نکیشن

اە تنک،نازک خیالە،چم رشەل،کال و مەکالە
تیخ چم یا کم برو ار رخشِ ریوارم نکیشن

آگر دل ئورە کن هر شو بنیشن تا رێخِ صو
شو شکن یا شو کوشی ار شانِ شاوارم نکیشن

ار م مردم إی کسانم جرخە جامی جم بکن تا
شوخ‌ عشقم آ دمین دم کی بونگ و هاوارم نکیشن



#سیف_چراغی

#هلیلان
#زردلان #زردلانی
#لکستان #لکستانی #الشتر #دلفان #نورآباد #سلسه #ماهیدشت #سرفیروزآباد #فیروزآوا #دورودپرامان #درودفرامان
#طرهان #هرسین #بیستون #نهاوند #بیرانشهر #صحنە #گنگاور #شیروان_چرداوول #کوهدشت #رومشکان #درەشهر #آبدانان #بدرە #لکستان #مهرگان #مهرگانکدە
#بیسالکستانی

غزل_خوداحافظی

م خراوم ای رفیقان زحمت آوارم نکیشن
ای طبیبان سرئو درد دل بیمارم نکیشن

هر حکیمی سرّ شکن بی بزم زانای داشتەبی
سرّ کویزەم نشکنن نشتر وە آزارم نکیشن

تیخ لقمان یا ارسطو ار شکان آە و فغانم
ماوە آگر یی چولوسک کرسروەاسرارم نکیشن

هی حلاجی ئم نکن تا بوشگی آ پن ژە پوئم
تال و پودم بی وە وا، وە سرِ دارم نکیشن

ای حکیمان ای طبیبان نشکنن شیشە دلم تا
خرچە پا نازک مەرنجی ای گنم زارم نکیشن

ماوە کومی ار ور هر نازکی هر آشنائی
پردە ای اسرار دل،دل گستەزمدارم نکیشن

اە تنک،نازک خیالە،چم رشەل،کال و مەکالە
تیخ چم یا کم برو ار رخشِ ریوارم نکیشن

آگر دل ئورە کن هر شو بنیشن تا رێخِ صو
شو شکن یا شو کوشی ار شانِ شاوارم نکیشن

ار م مردم إی کسانم جرخە جامی جم بکن تا
شوخ‌ عشقم آ دمین دم کی وونگ و هاوارم نکیشن



#سیف_چراغی

#هلیلان
#زردلان #زردلانی
#لکستان #لکستانی #الشتر #دلفان #نورآباد #سلسه #ماهیدشت #سرفیروزآباد #فیروزآوا #دورودپرامان #درودفرامان
#طرهان #هرسین #بیستون #نهاوند #بیرانشهر #صحنە #گنگاور #شیروان_چرداوول #کوهدشت #رومشکان #درەشهر #آبدانان #بدرە #لکستان #مهرگان #مهرگانکدە
#بیسالکستانی

چن ملی گ زمین سی گوم کردییەی م شکتم
چن دتی گ آوروی ای وژ بردییەی م شکتم
م شکتم جورِ رولەی گ پلپ شیر دامەگری
چن چنە دالکەی رولە نو‌چم مردییەی م شکتم

چن چنە بازی، گ وژ ای تور دییەی م شکتم
چهمەرری مرگە شە پلی شور دییەی م شکتم
م شکتم چن چنە تنیا کتن یی سرداری
گ وە دس و کت بونیا زور دییەی م شکتم

چن دلی گ پردە ای اسرار کتییەی م شکتم
گ فرە درد دیەی پرە پرە سییەی م شکتم
م شکتم چن چنە ریواری گ ای ری گوم بییە
پیس إ هناسی کتییە ری بی رییەی م شکتم

چن کسی گ آگر ای کشت و کال چییەی م شکتم
آگر بی دو ای وژئو مال چییەی م شکتم
م شکتم چوی بی شون ‌و آوە لیز و لانەوازی
گ عومری ساتی ار پیِ سال چییەی م شکتم

چوی کسی گ وە نرخ بان بار خرییەی م شکتم
چوی اوە گ پردە حیا وژ درییەی م شکتم
م شکتم چوی اوە گ آو إ سر مل کل بیەی
ار قولیِ گیژ و گولوم پی برییەی م شکتم


و...


#سیف_چراغی
#بیسالکستانی

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳

#دوبیتی
#دوبیتی_لکی
بژن سازِ خوشی دونیا دورووه
پر ای راز و سرووەل هلفرووه
دمی ساز و دمی رازت کلیلی
شکانن آخرین بیت چلسرووه

#سیف_چراغی
#بیسالکستانی
#لکستان
#هلیلان #الشتر #دلفان #نورآباد #سلسله #ماهیدشت #سرفیروزآباد #درودفرامان #طرهان #هرسین #بیستون #نهاوند #بیرانشهر #صحنە #کنگاور #شیروان_چرداوول #کوهدشت #رومشکان #درەشهر #آبدانان #بدرە #مهرگان #مهرگانکدە #زردلان
https://www.instagram.com/p/CKtzYqZr1e_/?igshid=143trojapfdcs

پیشاپیش سال نوتان پیروز و خجستە بو،ارانتان هوبختی آوختە ماریمن
#دوبیتی_لکی
بمارک بو ای سال و روژِ نووە
نصیوت بوهر اونچی خیر وخووە
اِرا رویشن ریک و رگ لی شرِ تن
بتن اِ نو ای دارِ تال و پـووە

#سیف_چراغی
#بیسالکستانی

#لکستان #هلیلان #الشتر #دلفان #نورآباد #سلسله #ماهیدشت #کرماشان_سرفیروزآباد #درودفرامان #هرسین_بیستون #صحنه_گنگاور #همدان_نهاوند_اسدآباد_ملایر_تویسرکان #خرم_آباد #بیرانشهر #کوهدشت #رومشکان #پلدختر #ایلام_شیروان_چرداوول #درەشهر #آبدانان #بدرە #مهرگان #زردلان #قزوین_لوشان #کلاردشت
https://www.instagram.com/p/CMoKZ0OrZIZ/?igshid=w3ehwpjbg762
▶ @Behmard60042

‍ ای هوم ریەل
ای هچل هوول کتیەل
هوەل هتییەل

ای ویر چیەل
خاو گرتیەل
یی لاچیەل

ار سی زمین هلەکاو
چوی کلا سی چردەکلا ئی ویرچیەل

ای کیش مە کیشِ پس و پیش
دو گام نووا، س ئو دوما
یا گر بچن نونەو دوما
یاگر بوئنی نچنەریا
پابن وە گرر
پابن وە گرر...
دم دورییال بی هاوار
دلمە دریال کوس کتی
دالەدرری هنگتی بیەل
ای درون درد کتیەل
لش وژ ار سر آگرنیەل
چوی تک گولە ای لول شش خان ئیر چیەل
ای دس چیەل گل بارن آ
آتیویال روچ ئورە بون
سردآبیەل داخ بکن
چوی کلەمژ ارهیوتِ آگر وژ

پا بن وە گرر...
دم دورییال بی هاوار
آژالەپوشەل سرئوسای
پاشمانە حورەل ژلمەژا
لم لخرو وە درر درەل
هوشەچنەل
کول وسیەلِ کشت و کال ورەلا بی
دنگ بارِن ئورار ئی حمیلِ هویچ ئو دوما وژ میلە

ای شل شیویالِ وژ آ شار
ئراز هتیەلِ ساتراو
نوین گومەلِ بی نیشان
مال بریاال کول هر ژار
ای نی ای ناخان ئیر چیەل
هر هان گ مووینین هتییە
ئی کول خودا هول هوتییە
نە ئی خودا، نە اە خودا
تو یی خودا م یی خودا
هر کی ارا وژ یی خودا
وژ پیا کن وژ پیا کن وژ پیا

دنگ بارِن ئور
هاواربکن تا گوش فلک کر بو
تا فریای نفیریاتان
لرزە بایجی ای بناو بناوا ئی آسمان برز و بلنگە
داد وژ بسینن اژ ئی آسمان کاو و کلەکینە
گ خشت خشتی وە شرر آ کلە کو بیەسرسر یک
هر هان گ بروخی ئرا و برمی ار سر وژ ئی کلکە خراوە

دنگ بارِن ئور
پابن وە گرر...

بی هوکرەل گل آمەور
واران وە دم وا وا درەل
آگر ار بان آو وا کرەل
ار آسمان سر خم نکر
واگیژە ماری رنج بیور
گیس دەن چراخی ار ئی زمگە بی نویرە
آگری ئورە کن
هاوا وشتە،سردمانە...
مانگ گیریایە،هورپلیایە
هویچ کام ار سر
گیژنگ و پاشنە وژ نمە چرخین
ویریا بوئن
دم دویرییال بی هاور
آژالە پوشەل سر ئو سای
پاشمانە حورەل ژلمەژا
ایمە فرە هان سالە گ وە گردِ یک آو سر تتەلمان حوواردییە
هویچ ای من و هویچ ای هامە...
وژ پیا کن وژ پیا کن وژ پیا
#سیف_چراغی
#بیسالکستانی
#شعرنو
#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳