‌‌«وَرِ سر گروین»

اِ وَرْ وهارِ سر گروین،عشق تو اِ دویرا خوشه
پاوَن دلت ار پا دلم،لیوت وَ زنجیرا خوشه

اژ بس گِه شیرینه لُوِت،یَسه مرض قن گِرتِمه
ای چای گُلدم دَم تونه، اَلوَت و انجیرا خوشه

چوی سیر و موسیرم،تو اژ بو مِ فراری بینسا
چرمی تر اژ ماس و پنیر،ماسِت و موسیرا خوشه

مردم مِنِی یه زندگی، کُل بی گِرف گیری مَکن
کُل کس تو دلگیری نکی، عاشقته دل گیرا خوشه

ویرت بِگر ژَنْ مشکه ژن،دیری مَلاوِنی دلم
پیرِ خَریوی چُی دلم، اِی خاطره و ویرا خوشه

پِرسم بِنَر در مالت ار،درمون دردم نمکی
عاخُت وَ دس بِژنگ دُرِت، قاسم بوه تیرا خوشه

#ابوالقاسم_رستمی_اسدآبادی
#دکلمه_لکی #شعر_لکی

─┅─═इई 🍃💐🍃ईइ═─┅─
🏞 کانال #دوستان_بهمرد
🌈 @Behmard60042
─┅─═इई 🍃💐🍃ईइ═─┅─