‍ ‍ ‍ ‍
ار نجنگیم مەپوترکیم


شیرەل لک ،هوز لکەل ایمە نیریمن کسی تر
بی إی سلسال و الشتر

نفکەگورین هوزِهامان بو‌بجنگ تاروژە ماوا
هوز دلفان و نویرئاوا

هانە بی دنگ هوزِ کاکە هوزِ هرسین و چمچمال
کورە نوویمن بی هومال

کو کورەل کاوە آسنگر هم بالەئن هم زردلال
چپکم کورە هی دای خیال

کو بور بیرانِ دلیر نیشان همای ار سر شاخ
هنگِ مادن إ چووار باخ

گاتەهای یشت من ،کویشت من مایشت من
راز چپی ای دشتِ مِن

داد و هاوار کو عدل و دای، دای کو کرم دیاکو شا
یی کمی کم بی ای خودا

کو اە مرتوەلِ ذانا صد هزار شیر اریک کتی
ایسکە اسیر کول هول هتی

کو تویخان و کو فرخان کو سورنای سرادارم
دا یونە ای کو بارم

کوئی گرا کوئی برا کوئی پرتوکە ماجرا
ست کتاوم ای توک ئرا

هم بنیشیم وژ وە لش کیم ایمە تون جیر و من جیریم
بو کمی تر خوصە بیریم

دا انی هوزمان گورئم سپای آگر روژ جورم
دی تمامە وشتە صورئم

هوزەلِ هوزِ یکاگیر، جال و جووان و کلە و پیر
پیس چنیانە هم زنجیر

آگری باجم ای ویشە گوم نماو هویچ وختی پیشە
ایمیمن تولِ سر ریشە

ار نجنگیم مەپوترکیم یا عرو یا گرتی تورکیم
ایمە ارا ظالم زرکیم

ارتونستت دی خوصە نیربو بنیش خو اندیشە کە
ار ای ملکە دای پیشە کە


#سیف_چراغی"بیسا"

#دوبیتی
#دوبیتی_لکی
بژن سازِ خوشی دونیا دورووه
پر ای راز و سرووەل هلفرووه
دمی ساز و دمی رازت کلیلی
شکانن آخرین بیت چلسرووه

#سیف_چراغی
#بیسالکستانی
#لکستان
#هلیلان #الشتر #دلفان #نورآباد #سلسله #ماهیدشت #سرفیروزآباد #درودفرامان #طرهان #هرسین #بیستون #نهاوند #بیرانشهر #صحنە #کنگاور #شیروان_چرداوول #کوهدشت #رومشکان #درەشهر #آبدانان #بدرە #مهرگان #مهرگانکدە #زردلان
https://www.instagram.com/p/CKtzYqZr1e_/?igshid=143trojapfdcs

پیشاپیش سال نوتان پیروز و خجستە بو،ارانتان هوبختی آوختە ماریمن
#دوبیتی_لکی
بمارک بو ای سال و روژِ نووە
نصیوت بوهر اونچی خیر وخووە
اِرا رویشن ریک و رگ لی شرِ تن
بتن اِ نو ای دارِ تال و پـووە

#سیف_چراغی
#بیسالکستانی

#لکستان #هلیلان #الشتر #دلفان #نورآباد #سلسله #ماهیدشت #کرماشان_سرفیروزآباد #درودفرامان #هرسین_بیستون #صحنه_گنگاور #همدان_نهاوند_اسدآباد_ملایر_تویسرکان #خرم_آباد #بیرانشهر #کوهدشت #رومشکان #پلدختر #ایلام_شیروان_چرداوول #درەشهر #آبدانان #بدرە #مهرگان #زردلان #قزوین_لوشان #کلاردشت
https://www.instagram.com/p/CMoKZ0OrZIZ/?igshid=w3ehwpjbg762
▶ @Behmard60042

‍ ای هوم ریەل
ای هچل هوول کتیەل
هوەل هتییەل

ای ویر چیەل
خاو گرتیەل
یی لاچیەل

ار سی زمین هلەکاو
چوی کلا سی چردەکلا ئی ویرچیەل

ای کیش مە کیشِ پس و پیش
دو گام نووا، س ئو دوما
یا گر بچن نونەو دوما
یاگر بوئنی نچنەریا
پابن وە گرر
پابن وە گرر...
دم دورییال بی هاوار
دلمە دریال کوس کتی
دالەدرری هنگتی بیەل
ای درون درد کتیەل
لش وژ ار سر آگرنیەل
چوی تک گولە ای لول شش خان ئیر چیەل
ای دس چیەل گل بارن آ
آتیویال روچ ئورە بون
سردآبیەل داخ بکن
چوی کلەمژ ارهیوتِ آگر وژ

پا بن وە گرر...
دم دورییال بی هاوار
آژالەپوشەل سرئوسای
پاشمانە حورەل ژلمەژا
لم لخرو وە درر درەل
هوشەچنەل
کول وسیەلِ کشت و کال ورەلا بی
دنگ بارِن ئورار ئی حمیلِ هویچ ئو دوما وژ میلە

ای شل شیویالِ وژ آ شار
ئراز هتیەلِ ساتراو
نوین گومەلِ بی نیشان
مال بریاال کول هر ژار
ای نی ای ناخان ئیر چیەل
هر هان گ مووینین هتییە
ئی کول خودا هول هوتییە
نە ئی خودا، نە اە خودا
تو یی خودا م یی خودا
هر کی ارا وژ یی خودا
وژ پیا کن وژ پیا کن وژ پیا

دنگ بارِن ئور
هاواربکن تا گوش فلک کر بو
تا فریای نفیریاتان
لرزە بایجی ای بناو بناوا ئی آسمان برز و بلنگە
داد وژ بسینن اژ ئی آسمان کاو و کلەکینە
گ خشت خشتی وە شرر آ کلە کو بیەسرسر یک
هر هان گ بروخی ئرا و برمی ار سر وژ ئی کلکە خراوە

دنگ بارِن ئور
پابن وە گرر...

بی هوکرەل گل آمەور
واران وە دم وا وا درەل
آگر ار بان آو وا کرەل
ار آسمان سر خم نکر
واگیژە ماری رنج بیور
گیس دەن چراخی ار ئی زمگە بی نویرە
آگری ئورە کن
هاوا وشتە،سردمانە...
مانگ گیریایە،هورپلیایە
هویچ کام ار سر
گیژنگ و پاشنە وژ نمە چرخین
ویریا بوئن
دم دویرییال بی هاور
آژالە پوشەل سر ئو سای
پاشمانە حورەل ژلمەژا
ایمە فرە هان سالە گ وە گردِ یک آو سر تتەلمان حوواردییە
هویچ ای من و هویچ ای هامە...
وژ پیا کن وژ پیا کن وژ پیا
#سیف_چراغی
#بیسالکستانی
#شعرنو
#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳

#تردەخاوآزادیە

ای فلک تاکی! چنی هر جورِ ژاری، دی وسە
تا چنی ار پیری ام ری ناهوماری دی وسە

ار کڕم داوە مەوازین مر م هوم زایە تونم
سر سووارم، یورخە تازی شهسوواری دی وسە

نە م منصورِ حلاجم نە درم شان کولِ دار
بی سووال و بی جوواوی سر وە داری دی وسە

تا چنی ار لار ژاری تیخ ناحق ساوە مین
ای شمارە کل بیە شون زحم کاری دی وسە

پوسِ عقلم هت کت ئوچل اولە دل خوش وە خیال
حیک حاکِ شیت گری ار دس بی عاری دی وسە

ای فلک بختت بشیووی برمی ایرە ظلم و زور
حوشکە سالی سال بی واران ناواری دی وسە

گستە مارم چوی صیاتی گی خدنگ کاریگە گرت
دردە دارم، دردە دارم، دردە داری دی وسە

هرچی نخش آزادی ار ویروشە دورانە منم
چوی مزوک ئوزا نمای ژانژو زاواری دی وسە

سوشیانتم هوتیە ای یَشت پنجم گوم بیە
روژ رستاخیز نهت چم انتظاری دی وسە

مر چنی تاوارە بیسا تردە خاو آزادیە
ای کِرن بیس و یکم شان بردە باری دی وسە

#سیف_چراغی