#کرم_دوستی

وَگَردِم دَس وَ  شمشيري نِمم چات
تو ئه‌ژ گيونِ وِژِت سيري نمم چات

گِلي ي‌‌ِگِل خُلّي‌خاوي مَنينا
دياره ماجرا ديري نمم چات

هميشه كِرژ و خوينالي و قهرو
بگر پوپِ كِله‌شيري نمم چات

توگِ تيتالِ مال ايررازِنم بين
دو روژه پوخ و دلگيري نمم چات

قرار نيري، پَكَرحال و پريشون
وَ هيچ پاچاي نمفيري نمم چات

دو بِرمت لونه اَخم و تَخمه ايمشو
پرّه‌ته ماي، لَرّه جيري نمم چات

كِز و كويرژه مَنيشي، دَس وَ زوني
تو نه بيمار و نه پيري نمم چات

دويه‌رَژ بي، رَش و بي‌رنگ و رَشمه
چُمت داخِ تنويري نمم چات

«كرم» تا يكي اسم سويره ماري
دِل اي هولِ “چَم انجير”ي نمم چات


─┅─═इई 🍃💐🍃ईइ═─┅─
🏞 کانال #دوستان_بهمرد
🌈 @Behmard60042
─┅─═इई 🍃💐🍃ईइ═─┅─

#شعر_لکی


ایمشو داخ ئَر دل بیچاره دیرم
رنگی  وَه   زردی   ایواره  دیرم

یه  حالی  مدوم  گیرِ گَن هتی
وَ  خصه هواردن، هوکاره دیرم

مِشتی  اسر  ئه‌را  مور آوردِنـِم
آشاریا   ای  نوم  گلاره  دیـرم

وختی   اسرَلِم   یَکاگیر    بِکَن
گِن‌گِن  ئر  دامون  پَلاره دیـرم

تا  ایِ  تِلَنجِک  زمون  نامه گیر
دو  پا  چوی   آهو  فراره دیرم

خاکِ   وا   بردی  زمینم،   ولی
هومالی وَ  گرد   آساره   دیـرم

ئه‌را  نیشون داین  رازم و بینِت
وَ  سویکِ  چَما   اشاره    دیرم

«کرم» وَ تنـیای شـوگارت قـسم
ایمشو  تا‌ گَه  صو   پژاره  دیرم
#کرم_دوستی

🏞 کانال #دوستان_بهمرد
🌈 @Behmard60042

‍ ‍           وِهارِ سیمره

سوز و بَرزه ولگِ تاریخ اَژ وِهارِ سیمره
کله باد و وَشت و وارون ریویارِ سیمره

شُره آو و هیله اسب و یاس و دارِ ازگوهُ
شیرِز و پَلتافِ بهرام، یادگارِ سیمره

اَرجن و جرّ جرّ خیاطه، بافه بافه خیزران
خیمه داسی هفته رنگ اَر لا نسار سیمره

شاقه کوگ و دنگِ "ایرج" هوفه بالِ رشه دال
سِیر بکه سَمفونیِ بی ساز و تارِ سیمره

آزیَتی مَن روزگار اَژ شَپه تیتونِ عرب
هَلمتِ ناهَلمونه کَت اِی آوارِ سیمره

تا خِرِّشت تیر و نیزه اِی نِهاوَن جِریا
پِشکیا مَزگِ سخونِ درده دارِ سیمره

گُله گُله نوم ونیشونِ فرخزادِ دلیر
شیرِ نیرِ حاکمِ نیله سوارِ سیمره

چوی رگِ خیرتِ هرمز، اِی دل گاماسیاو
جوشیا خوینِ سیاوش، ای مخارِ سیمره

سِم کتونِ اسبِ تیمور، گاله گالِ ایلِ لک
پیچیا اِی سی پِله، دنگِ هاوارِ سیمره

راز عشق، وَ خوینِ فرهاد، اَر شقایق نویسیا
تا بِگیسی آگرِ دشتِ انارِ سیمره

یِ وِچون، اَر شاخِ هِنجس، دل سِتی و بیقرار
موره ماری بایه قش، اَر روزگار سیمره

تو «کرم» چوی مارِ زمدار، پیچ پیچ و کف کِرِّن
جرَّ ماری اَر مسیرِ ناهمارِ سیمره

#کرم_دوستی

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳

شعری در وصف استاد #لک_امیر
از طرف استاد #کرم_دوستی

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳