‍ به نام خدای خرد
شعر #لکی
شماره 42
عنوان : گِلارآو
شاعر : منصور رضایی سرونوی
تخلص : #بهمــرد_هرمزدیار

#گلارآو
نِمام وه چِه زوانی بوشمه بینِت
بَلَم رحمی بِکووی اَی دروینِت
بَلَم بالِ بِژانگت هیز دَین اَر مِ
بَلَم بوینین دو چیَمِ تَم و تَر مِ
بَلَم خولکِم بِکَین ، نازِم بکیشین
بَلَم ساتی اِی پهلیویِم بنیشین
بَلَم دسِم بِگِرین اَی دَسَلَت
بورّینی اَی چیمِم ، چیمه مَسَلَت
بَلَم شانِم بَین اَو شان اَر بِناری
چاله پِلوک دلم ، کَینه هُماری

نِمام وه چِه زوانی حالیِت کَم
چَه تَه مَی ؟ بوش گِ مِ ارزانیِت کَم
چَه تَه مَی بوش بَلَم داشتیوم فِدات کَم
روانی هَس ، گِ هین وژته بِراکَم
روانِم بو وه خِر ناز و کِرِشمَت
مِنم گِدا ، تونین صَو جا و حشمت
تونین صَو کُل ، مِنم دساگِرِ تو
تونین اَی نویر ، منم دس آگِرِ تو
رُچیمه ، اَلهِنای اَی مِ جواو دَه
شِراری نابِرا ، اَی روی ثواو دَه

اِی دَیشتیر یخ ، دروینِم گُرّ گُرّای نَی
دَمی گیر دَه ، جیَئرِم وختِ پَزای نَی
بوری زویتِر وَراَژ یَه اَی کیسِت چو
شِراوْ اَی خوینِ دل مِ بانتِر ها کو ؟
موشِن شراوِ هَف ساله ! خَنَم هات
سی و هَف ساله مَی ! آوه لیوِت هات ؟
بوری بنیش تا مِرک بیَم اَر هَنازِت
خُم و شِراو و پیاله ، کل نیازِت
سرم بِسپارِم اَر راگَت چَه موشین ؟
نخیر برا ! مِ وِرّه میَم ، خَموشین
جواوِ مِ گِ عاشقتِم سنگینَه
دوروسه ! حُجبِ معشوقیژ رنگینَه
ولیکن نیمچه سَیری کم نِمَکَی
اَی وَزنِت هام سنگِ بالِ پَپیولَی

آهای لیلی ! مِنم مجنونِ شیدات
کوره شیرِن ، منم فرهاد ،خاطرخات
دِلارامم ، #گلاراوم وه پَی تَن
نیشانه عشقِ بی تاوِم وه قَی تَن
نکه کاری بیاوان بو وه مأوام
چیو قیسِ ژارَکَه ، بِمْرِم وه ناکام
قُلِنگه بو وه هام دم ژاریِ دل
کُونا کَم سنگ وه زویخِ رنجِ بِلبِل
هَزار کیشاتی رنجِ گل ، سی وا بِرد
دس آخِر رنجِ بیوَر اَی سویکی مِرد
تو رنج #بهمرد ، نکین بیوَر هَناسی
شو اَندر روژ ، خدا خدا ، خداسی !

🍂بهمرد هرمزدیار
🍂 @BHormozdyar

#گلارآو

بوری بنیش تا مِرک بیَم اَر هَنازِت
خُم و شِراو و پیاله ، کل نیازِت

سرم بِسپارِم اَر راگَت چَه موشین ؟
نخیر برا ! مِ وِرّه میَم ، خَموشین

جواوِ مِ گِ عاشقتِم سنگینَه
دوروسه ! حُجبِ معشوقیژ رنگینَه

ولیکن نیمچه سَیری کم نِمَکَی
اَی وَزنِت هام سنگِ بالِ پَپیولَی

آهای لیلی ! مِنم مجنونِ شیدات
کوره شیرِن ، منم فرهاد ،خاطرخات

دِلارامم ، #گلاراوم وه پَی تَن
نیشانه عشقِ بی تاوِم وه قَی تَن

نکه کاری بیاوان بو وه مأوام
چیو قیسِ ژارَکَه ، بِمْرِم وه ناکام

قُلِنگه بو وه هام دم ژاریِ دل
کُونا کَم سنگ وه زویخِ رنجِ بِلبِل

هَزار کیشاتی رنجِ گل ، سی وا بِرد
دس آخِر رنجِ بیوَر اَی سویکی مِرد

تو رنج #بهمرد ، نکین بیوَر هَناسی
شو اَندر روژ ، خدا خدا ، خداسی !
▶ @Behmard60042
#منصوررضایی‌سرونوی
#بهمردهرمزدیار
#شعرلکی #لکستان #قوم‌لک #لک‌تبار #لکی #کرمانشاه #لرستان #همدان #ایلام