بِمه‌خِرّ چیَمَل چُوی آهِن‌راوات/ مَر تاوان دِلمه کَتیسی هاوات؟!

یِی روژِم نِینه بیمَسه زالی/ وَ سَرمه مَچو ساتی وَ سالی

هَرسِی بیمارِم وَ گیانِم آسِم/ اَر حاوال‌پِرسِم وِژِت بُوین خاسِم

وَ چیَمِت، شای چیَم چُوی گُمه پیران/ بیجگَر تو چیَمَر گِشت کَسی دُویران

طوافچی دِورِت چُوی کَفن‌پوشِم/ لاشریکَ لَک لَبّیکَه موشِم

هَروَخت مَنیشین وَ وَرای‌وَرِم/ مِومه جِفتی چیَم وَ پا تا سَرِم

بِلبِل وَ چَهچَه خَنینِت ماته/ نیشکر غلام کمر بَسیاته

نرگس وَ گیلاس گِلاره‌ت شیته/ گُلباخی گِدا بو هَناسیته

وِیَل گِشت مجنون سَرچوپی گیسِت/ گَنمَل «پالاویژ» بافه‌ل کِریسِت

جِفتی گِلاره‌م کِردیسه گیوه‌ت/ تا بُوَرینمه سِیر بوسان‌وُ میوه‌ت

اَر ناین وُ ریم نِین وَ بوسان وُ باخ/ یا وَرَنِسکه هَناسیم یا آخ !

#علی‌نظری‌جلالوند

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳

چَیکه‌چَیکه #لکی
ئر برا عزیزمان #علی‌نظری‌جلالوند

#کانال‌دوستان‌بهمرد « وَناویَل »
▶ @Behmard60042 👈🇯‌🇴‌🇮‌🇳