یک غزل و سه #دمواژه


اَر شِوی یادم بِکین ، باین اَر خیالاتِم چه بو؟
اژ دَمِت ماچی تو بارین اَر ملاقاتِم چه بو؟
کَژ بکیشین اَرسَرِت توری چِراخِت گُر بِهِی
سَرچراخی برشِنی نویر اَژ خراواتم چه بو؟
بِرمِ قاجارِت بکیشی تیخِ خارَت اَردلم
گُل دَمی یِی گِل بِنِین اَر وَر هَلاماتِم چه بو؟
هم بزانی وِردِ هر شوئِم تونی تا گُل شَفَق
گوشِ دل بارینه وَر پیری مناجاتِم چه بو؟
بومَ سازی سَر وَ باوِش گرمُ نازارِت بِنِم
پنجه بارینْ دَس بِکیشین اَر مقاماتِم چه بو؟
اَر کسی بوشی فلانی لیوه بازی کاره سی
چو فلک باری بِتاشین اَر خرافاتم چه بو؟

🌺🌺🌺🌺🌺🌺

شَوارَه هم شَواره هم شَواره
دوواره بیزه ماچِ دَم گلاره

تقاصِ داخِ دل ئِه کی بِسینِم؟
گلاره آسِمونو دَم هَساره

🌺🌺🌺🌺

سایَه نویرِت ئِه سَرِم بارُ بِکیش
بورِ لاما ئِه دِلا ساتی بنیش

چَن گِلِم هورَه اَرا مِردِن چِرین؟
یِی گِلِت دامو نَکِردی شَش تِلیش!

🌺🌺🌺🌺

دِتیلِک هر گِه سُرخاوَه مَکیشئ
خُلی خاوِم وَسَر خاوَه مَنیشئ

وِژ اَر دلفانَ جاری تیشه عشقی
فراتاشی وَ خُرماوَه مَتیشئ


رضارضائی
آذر۹۹

#دمواژه #لکی

اَناره نارِکِت ، ری ساوَه ت آباد
دو چَئمِ چُی قَناتَل خاوَه ت آباد

خِراوَه حالِ دل وَختی بِزونی
مَکِومَه ویر دَمِت،مال باوَه ت آباد

#رضا_رضائی

؛✾࿐༅🍃🌸🍃༅࿐✾
#کانال‌دوستان‌بهمرد #سرونویها
🍃 @Behmard60042
✾࿐༅🍃🌸🍃༅࿐✾
🧿💓 💓🧿