⭕️ Bugun Buxoro davlat texnika universitetining yaqin hamkori SANEG rahbariyati a’zolariga "Faxriy professor" unvoni berildi

Tashkil etilgan tantanali marosimda Universitet rektori Sadoqat Siddiqova tomonidan SANEG (Sanoat energetika guruhi) MCHJ QK rahbariyatining quyidagi vakillariga universitetimiz tomonidan “Faxriy professor” unvoni topshirildi:

🎓SANEG Bosh direktori– To‘lqin Yusupov
🎓 Ishlab chiqarish bo‘yicha birinchi o‘rinbosar – Kabul To'xtayev
🎓Operatsiyalar bo‘yicha bosh direktor o‘rinbosari – Sherzod Xusenov
🎓Personal bilan ishlash departamenti boshlig‘i – Ismoil Abdulazizov

🏅Ushbu unvon ular tomonidan oliy ta’lim, ilm-fan va sanoat integratsiyasini mustahkamlash yo‘lida qo‘shilgan katta hissa, tajriba va amaliy yondashuvlarni e’tirof etgan holda taqdim etildi.

🔍 Tashrif davomida mehmonlar ilg'or muhandislik maktabi, Registrator ofisi hamda Mashinasoz Texnoparki faoliyati bilan yaqindan tanishdilar.

📌 Uchrashuv doirasidagi muloqotlar, fikr almashuvlar va kelgusidagi rejalashtirilgan loyihalar universitet va sanoat korxonalari o‘rtasidagi innovatsion hamkorlikni yangi bosqichga olib chiqishga xizmat qiladi.