❗️Соғлиқни сақлаш вазирлиги ҳузуридаги Коронавирусга қарши штаб аъзоси Наргиза Нуруллаева иштирокида брифинг

❓Хотиним ҳомиладор. Aвгустда фарзанд дунёга келтириши керак. Чилонзор туманидаги 7-туғруқ комплексига йўлланма берилган. Борсак, у ер коронавирусга чалинган ҳомиладор аёлларни қабул қилишга мўлжалланди деб киритишмади. Энди қайси туғруқхонага мурожаат қилсак бўлади?

Каналга уланиш: 👇
t.me/Rasmiy_xabarlar_Official

Марказий банк молиявий саводхонлик бўйича ахборот-таълим веб-сайтини ишга туширди

🔸Аҳолининг молиявий саводхонлигини ошириш мақсадида Марказий банк томонидан Finlit.uz ахборот-таълим ресурси ишга туширилди. Бу ҳақда Марказий банк ахборот хизмати хабар берди.

❗️Мазкур лойиҳа доирасида молиявий хизматларни танлаш ва улардан фойдаланиш, шунингдек, оқилона ва масъулият билан молиявий қарорлар қабул қилиш ҳамда молия бозоридаги имкониятларни тўғри баҳолашга ёрдам берувчи билим ва кўникмаларни шакллантириш вазифалари белгиланган.

✅Ахборот-таълим веб-сайти фойдаланишга осон ва қулай бўлган қуйидаги бўлимлардан иборатдир:

✔️ Мақолалар – молия бозорининг турли соҳалари ва маҳсулотларини қамраб олувчи долзарб ахборот материаллари (омонатлар, кредитлар, бюджетни режалаштириш, тўловлар ва ўтказмалар, молия бозори, пул-кредит сиёсати, валютани тартибга солиш ва молиявий хизматлар истеъмолчилари ҳуқуқларини ҳимоя қилиш);

✔️ Ўқув материаллари – иқтисод, банк ва молия соҳасига оид атамаларни ўз ичига олувчи луғат, молиявий саводхонлик бўйича китоблар ҳамда таълим видеоматериаллари;

Интерактив хизматлар – депозит ва кредит калькуляторлари, кўп бериладиган саволлар, сўровлар ва бошқалар;

Лойиҳалар – аҳолининг молиявий саводхонлигини оширишга қаратилган тадбирлар анонси ва релизлари.

🔹 Материалларда берилган маълумотлар тавсиявий характерга эга бўлиб, улар молиявий саводхон шахснинг хулқ-атвори ва кўникмаларини шакллантиришга қаратилган. Сайт таркиби дастлабки босқичда бўлиб, келгусида доимий равишда янгиланиб ва такомиллаштириб борилади.

Каналга уланиш: 👇
t.me/Rasmiy_xabarlar_Official

📈 (+246) 2020 йил 6 август соат 17:00 ҳолатига кўра, Ўзбекистонда коронавирус инфекцияси қайд этилганлар сони 28 315 нафарни ташкил этмоқда.

🦠 Янги касалланиш ҳолатларининг 167 нафари Тошкент шаҳрида, 35 нафари Самарқанд вилоятида, 33 нафари Қашқадарё вилоятида ҳамда 11 нафари Андижон вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

▪️ Шу билан бирга, Қашқадарё вилояти Қарши шаҳрида яшаган 37 ёшли Н.О. (аёл) ҳамда Тошкент шаҳри Шайхонтоҳур туманида яшаган 51 ёшли А.Б. (эркак), жами 2 нафар коронавирусга чалинган бемор вафот этди.

✅ Эътиборли жиҳати, бугун айни пайтга қадар Тошкент шаҳрида 318 нафар, Тошкент вилоятида 162 нафар, Андижон вилоятида 14 нафар ҳамда Фарғона вилоятида ҳам 14 нафар, жами 508 нафар бемор тузалди.

💉 Ҳозирда мамлакатимизда 8 849 нафар беморга шифокорларимиз томонидан белгиланган стандартлар бўйича даво чоралари кўрилмоқда.


Каналга уланиш:👇
t.me/Rasmiy_xabarlar_Official

❗️Бугун АОКА ҳузуридаги штабда Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони бош инспектори Шерзод Саидов иштирокида брифинг бўлиб ўтди. Унда фуқаролардан тушган долзарб саволларга жавоб қайтарилди.

❓Биз экспортни амалга оширувчи тадбиркорлармиз. Aвтотранспорт воситасидан фойдаланиш учун махсус рухсатномага эгамиз. Бироқ, махсулотларимизни бир ҳудуддан бошқа ҳудудга олиб ўтишда айрим тўсиқлар вужудга келмоқда. Ҳозирда мавсумий қишлоқ хўжалик махсулотларини ташувчи автотранспорт воситалари учун ҳаракатланишда қўшимча ҳужжатлар талаб қилинадими?

Каналга уланиш: 👇
t.me/Rasmiy_xabarlar_Official

❗️Тест синовлари стадионларда бўлади

Бугунги кунда ўқишга қабул қилиш тестлари қачон, қаерда ва қандай тартибда ўтказилиши ҳамда 2020/2021 ўқув йилида таълим жараёни қандай ташкил этилиши барчани ўйлантирмоқда. Бунга сабаб, табиийки, турмуш тарзимизни ўзгартириб юборган коронавирус пандемияси.

Шу боис Президент Шавкат Мирзиёев бугун тақдимот чоғида ушбу омилни ҳисобга олган ҳолда кун тартибидаги масалалар юзасидан қатор вазифаларни белгилаб берди.

▫️ Жумладан, тест имтиҳонларини абитуриентлар ва назоратчилар учун эпидемиологик хавфсизликни таъминлаш имконини берадиган жойда ўтказиш кераклиги қайд этилди.

✅ Ёпиқ бинолар эпидемиологик талабга жавоб бермаслигини, ижтимоий масофага риоя қилинган тақдирда имтиҳонлар вақти анчага чўзилиб кетишини инобатга олиб, тест синовларини Тошкент ва Нукус шаҳарлари, вилоятлар марказларидаги стадионларда ташкил этишга топшириқ берилди. Бунда имтиҳонлар кунига 2 марта (ҳаво салқин пайтда) ўтказилса, барчасини тахминан 12-14 кунда якунлаш мумкин.

Каналга уланиш: 👇
t.me/Rasmiy_xabarlar_Official

Шавкат Мирзиёев: абитуриентлар ва назоратчилар учун эпидемиологик хавфсизликни таъминлаш мақсадида имтиҳонларни марказий стадионларда ўтказиш мақсадга мувофиқ
—
Шавкат Мирзиёев: для обеспечения эпидемиологической безопасности абитуриентов и наблюдателей целесообразно провести экзамены на центральных стадионах

#Mirziyoyev #yigilish #oliytalim #qabul

Prezident.uz|Facebook|Instagram|YouTube|Twitter

Самара ва Оренбургдан фуқаролар поездлар орқали қайтарилмоқда

Бу ҳақда Ташқи меҳнат миграцияси агентлиги ахборот хизмати маълум қилди.

Бугун Ўзбекистон Республикаси фуқароларини Россия – Қозоғистон давлат чегарасидан ўтказиш масаласи бўйича Республика махсус комиссияси ҳамда Россия ва Қозоғистон томони билан келишувга биноан, Ўзбекистон фуқароларини йўловчи поездлари орқали олиб келиш жараёни бошланди.

Тошкент – Бузулук – Тошкент йўналишидаги поезд 918 нафар йўловчи билан бугун тунда Ўзбекистон томон йўлга чиқади. Тошкент – Кинел – Тошкент йўналишидаги поезд эса 7 август куни 918 нафар йўловчилар билан тушдан сўнг Ватанимиз томон ҳаракатланишни бошлайди.

Поезд чипталари фақат Ўзбекистон Республикаси фуқаролари учун Бузулук ва Кинел вокзалларида сотилди. Бузулук - Тошкент йўналишидаги чипталар нархи 1 млн 287 минг сўм (9259 рубль), Кинел - Тошкент – 1 млн 357 минг сўм (9761 рубль). Йўл давомида йўловчи поездлар фақат техник кўрик учун тўхтатилади, яъни станция-вокзалларда йўловчиларнинг платформага тушишига рухсат этилмайди.

Поездлар Ўзбекистон Миллий гвардияси, Ички ишлар вазирлиги ва Соғлиқни сақлаш вазирлиги ходимлари кузатуви остида олиб келинади.

Каналга уланиш: 👇
t.me/Rasmiy_xabarlar_Official

​​Коронавирусга чалинган ҳомиладор аёллар билан ишлаш бўйича уч кунлик ўқув машғулотлари ўтказишга келишиб олинди

Куни кеча ижтимоий тармоқларда Тошкент шаҳар перинатал марказининг бир гуруҳ ходимларининг видеомурожаати тарқалди. Унда айтилишича, мазкур туғруқ мажмуаси “СOVID-19” билан касалланган ҳомиладор аёлларни қабул қилиш учун мослаштирилгандан сўнг айрим ходимлар орасида тушунмовчилик келиб чиққан.

ССВ мутахассислари вазиятга ойдинлик киритиш мақсадида Тошкент шаҳар перинатал марказида бўлишди. Вазирлик ахборот хизмати маълум қилишича:

Ходимлар билан мулоқот давомида маълум бўлишича, мавжуд вазият ҳақида етарлича тушунтиришлар берилмагани натижасида улар орасида қатор саволлар пайдо бўлган.

❗️Аслида мурожаатда айтилганидек, ходимлар ишсиз ва ойликсиз қолдирилмаган. Коронавирусга чалинган ҳомиладор аёлларни даволаш учун мослаштирилган 200 нафар беморни қабул қилиш қувватига эга ушбу шифохонада ҳозирда 27 нафар ҳомиладор коронавирусдан даволанмоқда. Шунинг учун марказ ходимларининг бир гуруҳи 14 кунлик навбатчиликда бўлиб, қолган ходимлар эса яхлит график асосида кейинги 14 кунлик навбатчилик учун сафарбар қилинади. Аммо айни пайтда навбатчиликда бўлмаган ходимларга ҳам белгиланган тартибда ойлик маошлари тўлаб берилади. Бугун улар билан бўлиб ўтган учрашувда ходимларнинг меҳнат қонунчилигига асосланган ана шундай ҳуқуқлари ҳақида тушунтиришлар берилди.

Шунингдек, юқорида тилга олинган мурожаатда ҳомиладор аёлларни қабул қилувчи шифохоналар етишмаётгани ҳақидаги фикрларга жавобан қуйидагиларни маълум қиламиз. Тошкент шаҳрида 12 та туғруқ муассасаси мавжуд бўлиб, айни вақтда шаҳар 3- ва 7-сон туғруқ комплекслари ва Тошкент шаҳар перинатал маркази коронавирусга чалинган ҳомиладорларни қабул қилмоқда. Ушбу туғруқ комплексларига бириктирилган ҳомиладор ва туғувчи аёллар эса пойтахтимиздаги қолган 9 та туғруқ комплексига ва Республика перинатал марказига дислокация асосида тақсимланган.

🤝 Мурожаатчилар билан ўтказилган мулоқот якунида уларга коронавирусга чалинган ҳомиладор аёллар билан ишлаш бўйича уч кунлик ўқув машғулотлари ўтказишга келишиб олинди. Бунинг натижасида тиббиёт ходимлари кейинги 14 кунлик навбатда коронавирусга чалинган беморларни даволаш учун тайёргарлик ўтайдилар.

Каналга уланиш: 👇
t.me/Rasmiy_xabarlar_Official

🔺2020 йил 6 август соат 23:30 ҳолатига кўра, Ўзбекистонда коронавирус инфекцияси қайд этилганлар сони 28 535 (+220) нафарни ташкил этмоқда. Бу ҳақда ССВ ахборот хизмати хабар берди.

🔴Янги касалланиш ҳолатларининг 87 нафари Тошкент шаҳрида, 43 нафари Сирдарё вилоятида, 41 нафари Самарқанд вилоятида ҳамда 11 нафари Фарғона вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 38 нафари эса Тошкент вилоятида чегара пост орқали хориждан кириб келган халқаро юк ташувчи автомашина ҳайдовчилари орасида аниқланган.

🔴Шу билан бирга, Тошкент вилояти Зангиота туманида яшаган 24 ёшли Д.А. (аёл), Тошкент шаҳри Чилонзор туманида яшаган 81 ёшли К.К. (аёл), жами 2 нафар коронавирусга чалинган бемор вафот этди.

❗️Эътиборли жиҳати, бугун Тошкент шаҳрида 468 нафар, Тошкент вилоятида 194 нафар, Сирдарё вилоятида 53 нафар, Бухоро вилоятида 27 нафар, Қашқадарё вилоятида ҳам 27 нафар, Андижон вилоятида 14 нафар, Фарғона вилоятида ҳам 14 нафар ҳамда Навоий вилоятида 7 нафар, жами 804 нафар бемор тузалди.

❗️Шундай қилиб, юртимизда 19 587 (+804) нафар коронавирус инфекциясига чалинган фуқаролар (68 фоиз) соғайган.

‼️Ҳозирда мамлакатимизда 8 771 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Каналга уланиш: 👇
t.me/Rasmiy_xabarlar_Official

Assalomu alaykum. Hayrli tong azizlar 🌞
Yangi kun muborak 💫
Yana bir kun bergan Allohga hamd-u sanolar bo'lsin☝️🏻

👉@bugunjizzax👈