@MedicalBooksStore 2018 Toronto Notes, Comprehensive medical reference and review for MCCQE AND USMLE II

@MedicalBooksStore 2018 Toronto Notes, Comprehensive medical reference and review for MCCQE AND USMLE II

@MedicalBooksStore 2019 Nelson Essentials of Pediatrics, 8th Edition

@MedicalBooksStoreS 2019 Nelson Essentials of Pediatrics, 8th Edition TRUE PDF

هاااابي نيوووو يييررر ❤️❤️❤️❤️


كل عام وانتوا بالف خير وصحة وسعادة

عام جديد جميل ان شاء الله
خالي من كل حزن

مليء بالخير والتوفيق والسعادة

ان شاء الله تحققوا كل امنياتكم وطموحاتكم
🎊🎊🎊🎉🎉🎉🎉🎉

برنامج لموقع طبي يتميز بسهولة البحث عن المراجع والادوية والامراض والحالات

وعليكم السلام ورحمه الله وبركاته

اما بعد ....
ان كنت قدمت شيء فهذا من نتائج مرحله لتجارب و نصائح من قبلنا..فالشكر لله أولا ولمن نفعونا من قبلنا و لكل من أراد العلم ..

عموما ،،، هذه سنه رابعه سنه البدء في تشغيل المعرفه الاساسيه اضافه الى تطورات لكل الأساسيات في الجانب العملي ،، فالآن وقت التطبيق ...
عموما سنه رابعه مقسمة إلى جانب نظري و جانب عملي ،،،
النظري تحضروا في قاعه مستشفى الكويت يوميا ما عدا الخميس والجمعه ألا اذا في استثنائيات من الدكاترة (تعويضي ) ،، و معاكم ست مواد اساسيه عد تختبروهن في سنه رابعه وهي كاتالي :-...
١. الباطنه ومراجعها(ديفيدسون #اساسي# ، هاريزون#مرجع للتأكد من المعلومات لأنه كبير جدا #
كومار #مرجع هندي مبسط#
دانش #كتاب من عمل طلاب الدكتور الباكستاني دانش #،،
احنا قرأنا دانش و ديفيدسون و أغلب الامتحان ما خرج منهن ( cardio, respiratory, blood ,renal ) ترم أول
Neuro لحد الان ما اختبرنا ترم ثاني

٢ . جراحه والمرجع المقرر هو كتاب القصر العيني ، وهو مرجع مبسط قليل و معلوماته كثير ، وامتحان البكلريوس منه ،،، وفي كتاب ثاني وهو كتاب المطري ،،شخصيا انا ما قريت منه بس قالوا انه مختصر ومرتب ....
الجراحه مواضيع وليست سستمات، المندوب عي نزل لكم كل المواضيع المقررة ..

٣. الاطفال، والمرجع المقرر هو اسنشل نلسون، ،، و في مرجع بيبي نلسون مختصر و ناقص #مشو كامل #

٤. النسائيه، و المرجع المقرر .. تن تيتشر ..
و لكن في مراجع مصريه مختصره وتفي بالغرض مثل كتاب خالد عبد الملك

٥ . طب مجتمع ،،، مواضيع يجيبهن لكم القسم مقسمة على الدكاترة ،،،

٦ . الطب الشرعي والسموم و أخلاقيات الطبيب ،،، عي اشرحوهن دكاترة القسم و الدكتور نبيل الحمادي عي وضح كل حاجه ... المرجع هو كتاب الدكتور نبيل

اما الجانب العملي :-
فالدفعه تنقسم إلى خمس مجموعات على الخمسه الكورسات ( باطنه ، جراحه ، أطفال، نسائيه ، طب مجتمع )
و كل سب جروب ع تدخل الكورس تبعها الذي يطلع في القرعه ومده كل كورس هو ٥ اسابيع والسادس امتحان ،، وبعدها يحدث روتيشن بين المجموعات بالترتيب التالي ، الباطنه ثم الاطفال ثم الجراحه ثم النسائيه ثم طب المجتمع ،،،، بس كل مجموعه ح تمسك الكورس الذي طلع لها في القرعه وتنتقل للكورس الثاني ،، و المطلوب منكم فقط هو ###هستوري و اقزامنيشن#### بعض المعلومات المهمه من الجانب النظري .

في الباطنه :- تتقسم جروب إلى ٥ سب جروبات، ويتقسموا الدكاترة عليهم كل مجموعه معاها ٥ دكاتره ،، يتوزعوا في المستشفى الجمهوري و الكويت على حسب المكان الذي يحدد لكم الدكتور ،، و ما بش روتيشن بين السب جروبات .. يعني طوال الكورس مع حقكم الدكاترة .😅
و المراجع خيرات حق العملي
1. Hitchinson
2. Chamberlin
3. Macloid
4. سويلم ،،تجميع من كل المراجع العملي والنظري لكن كثير .
مجموعه
اما الجراحه:-
فتتقسم المجموعه إلى اربع سب جروب ،،، والباقي نفس الباطنه ،لكن معاكم دكاتره في المستشفى العسكري و الثورة . به روتيشن بين السب جروبات. 😁
و المراجع كالتالي
1. Browse
2.RBS clinical surgery
3.وائل متولي ،،، ناقص كثير

اما النسائيه :-
فتتقسم المجموعه إلى ٢ سب جروبات (السبعين و الثورة )
ما بش روتيشن ،، والمراجع نفس حق النظري للمعلومات و كلام الدكاترة و أغلب نظام الهستوري والاقزامنيشن هو مشترك بين كل الكورسات .. بس في كل مستشفى نظام معين للكورس هم حي فهموكم

اما الاطفال :-
فتتقسم المجموعه إلى ٣ سب جروبات ( الكويت ، الثورة ، السبعين) ، ما بش روتيشن و كل مستشفى له نظام معين للكورس
المراجع نفس النظري و كلام الدكاترة و كتاب ناصر جمال ..

اما طب المجتمع :-
فالقسم يحدد لكم موضوع للبحث والمجموعه تتفق على التقسيم بينكم البين و معاكم نهايه الكورس سمنار في قاعه الوسايل في كليه الطب .


عموما ،،، سنه رابعه سنه التجميع ،،،الذي تعب في السنوات السابقه ففي سنه رابعه حيرتاح و يتوسع بشكل كبير و يبدع ابداع مذهل ،،، رغم ذلك المذاكرة ضروريه جدا من المراجع عشان هذه حياه ناس بتعامل بها ،،، ونحن مسؤلين امام الله وأمام الناس وأمام أنفسنا عليها ....

بالتوفيق للجميع ،،،،، تحياتي 👍👍👍


د/آدم القادري

بسم الله الرحمن الرحيم...ِِسلام الله عليكم ورحمته وبركاته.....مبرووك لكم لإتمامكم المرحلة الأساسية ومرحبا بكم بالمرحلة السريرية....ِ
1- من الآن أنتهى مجرد الدراسة التخيلية وسيبدأ الجد والعمل؛كل سطر سهرت عليه يوما سترى أثره على الأرض...ِإن سنة رابعة ماهي إلا مجرد تحصيل ودمج لما تمت دراسته في المرحلة الأساسية مع إضافة بعض التزيينات في جانب المعالجة الجراحية والدوائية.
2-سنة رابعة يتم العمل فيها على النحو التالي يتم تقسيم الدفعة إلى 5مجموعات تتوزع على كل من(الجراحة-الباطنة-النسائيه-الأطفال-طب مجتمع)يبدأ الدوام العملي من الساعة 8:00وحتى الساعة 11:00.....طبعا أهم حا

جة في سنة رابعة في الجانب العملي تضبطhistory&examinantion (القصة المرضية مع الفحص السريري)وهؤلاء هن حجر أساس يتميز بها الطبيب عن غيره وهنا يبدع عمل الطبيب في كيفية تقمص دليل يوجهه نحو الهدف (disease).....حيث ان مثلث الطب يرتكز على ثلاث حاجات للوصول للتشخيص وهيhistory examinantion&investigation......لذلك أنصحكم اولا في هذه الفترة قبل ما تبدؤا تدرسوا تأخذوا كتاب (سويلم اللي هو عملي باطنة او+ملزمة الدورة السريرية مع متابعة فيديوهات شريف ومحمد رجب)وتبدؤا تذاكروا منهن كيف أخذhistory&examinationوغيره لأنه مهما وزعوكم في أي قسم بعد ذلك يعتبر اللي قد ذاكر عملي باطنة لاخوف عليه وباقي اقسام العملي بعد الباطنة ما هي إلا مجرد إضافة أشياء فقط.
3-بالنسبة للنظري يبدأ دوامه من الساعة 12ظهرا وحتى 3عصرا طبعا هينزلوا لكم خطة دراسية للعام كامل وجدول محاضرات هيكون باليوم والساعة والموضوع والدكتور اللي هيلقي المحاضرة .....لذلك بما أن الوقت هيكون ضيق معاكم كونوا حاولوا تحضروا المحاضرات للدكاترة الممتازين وفي محاضرات الكنسله منها أولى كسبا للوقت.
4-بالنسبة للباطنة هي أم الطب لذلك حاولوا اتعبوا فيها بقدر الإستطاعة.....طبعا معكم بالنظري(دافدسون مرجع رائع جدا على مستوى العالم ومعظم الإمتحان بيجي منه)وكذلك معكم دانش مرجع باكستاني مصغر وفيه تفريغات الشافعي رائعة جدا وفي فيديوهات طارق عبد الحميد رائع خاصة اللي يريدوا زمالة......اهم حاجة أمسك مرجع واحد وهوش منه لاتتخبط ابدا....بالنسبه للعملي معكمmacloidرائع جدا وكذلك سويلم.
4-بالنسبة للجراحة نظري معكم كتاب القصر العيني هو المعتمد من القسم(طريقته مثل نور الدين)وفي كتاب وتفريغات المطري رائع( طريقته تشبه سامح دوز) وفي فيديوهات علي حسيب رائعة جدا....بالنسبه للعملي معكم كتاب وائل متولي وفيديوهات علي حسيب وفيديوهات هندية تحصلوها مع اللجنة العلمية .وفي براوز كمرجع عملي حلو.
5-بالنسبة للنسائية معكم كتاب خالد عبدالملك(يشبه سامح دووز)وكتاب فاروق حسيب(يشبه نور الدين معظم الدكاترة بيعتمدوا هذا) وفي فيديوهات للدكتور عبد الرحمن مجدي.....بالنسبة للعملي هو نفس كتاب النظري بس في كتاب عملي عادل فاروق.
6-بالنسبة للأطفال نظري معكم كتاب بيبي نلسون وتفريغات أبو الأسرار....وللعملي كتاب النجار.
7-طبعا المعلومات نفسها بأي مرجع أو كتاب ولكن تختلف طريقة العرض لذلك حاولوا اعتمدوا مرجع اوكتاب واحد لكل قسم والفيديوهات او التفريغ لكي تستوعب وتفهم الموضوع.
8-بالتوفيق إن شاء الله تعالى.


د/عبده ناجي النمراني

معلومات وأهم الملاحظات عن سنه رابعة طب بشري
من اوائل الدفع السابقة

السلام عليكم ورحمة الله

ان شاء الله يكون الكل استمتع بالإجازة ، احب اقولكم كلمتين وان شاء الله الكل يستفيد .


الآن خلصنا ثلاث سنوات ولله الحمد ،وتشمل جزء كبير من الطب طيب وايش بيكون الجديد في السنين القادمة؟
الصراحة مافيش جديد حيكون معانا إلا بنسبة يمكن تقل عن 20% مثلا الأشعة,طب شرعي .
وأغلب المحتوى بيكون قد عدينا عليه في السنين الثلاث الماضية ، المهم كل اللي اشتي اوصله انه مادام والإجازة طولت شوي ,استفيدوا منها وراجعوا المواد اللي اخذناها في ثالثة فارما ع باثو ع بكتيريا أو تكملة ما تبقى فيها ,أو ممكن تراجعوا تشريح أو فسيو ، واللي حاب يبدأ بمواد رابعة يبدأ أهم شي تستفيدوا من وقتكم ولازم تعرفوا شي كل معلومة بتقرأوها اليوم بتفيدكم في يوم من الأيام ، بعض الأحيان الواحد فينا اول ما يخلص يختبر يفرمت كل شي وعاده باب القاعة حق الامتحان 😅، ولمن يبدأ الدراسة من جديد يحس بصعوبة ...ليش ؟
لأن مواد الطب مبنية ع بعض مثلا ما ينفعش تأخذ فارما ولا باثو قبل ما تاخذ فسيو وتشريح بالأول وما ينفعش تأخذ باطنة قبل ما تاخذ المواد السابقة كلها عشان يسهل عليك الفهم فبالتالي لازم تكون فاهم المواد السابقة عشان تفهم بسهولة المواد الجديدة اللي حتاخذها بعد كذا ,كثير من الزملاء في الدفع السابقة ينصحوا بمراجعة بعض المواد من أولى وثانية وثالثة عشان الواحد يستعد وال background عنده قوي وتتسهل عليه المواد الجديدة

ان شاء الله يكون الكلام واضح ومفهوم والفكرة وصلت لكم .

وبالتوفيق للجميع