قصيدة يا راية المشايه 📝👆🏻

✨خدمة محبي باسم الكربلائي تقدم:
📜قصيدة : عدنا غايب نحذر من عتابه
✒️للشاعر : سيد عبدالخالق المحنة
طور:#يا_شهر_عاشور
https://t.me/m7bebasim/44252

عدنه غايب نحدر امن اعتابه
يعرف البينه و يطول اغيابه
▪▪▪▪▪
ما نشك لاجن يظل حق السؤال
لا بعد ممكن ولا ظل إحتمال
إنجان تسمعنه يبو الغيره تعال
ما علينه امن الصبر و أسبابه
▪▪▪▪▪
مو سهل من ينقبل ترك الفرض
مو جزعنه و صار مقبول الرفض
صاحت إنجوم السمه و حته الأرض
كم شخص غيرك طلع بكتابه
▪▪▪▪▪
كون ما تعرف مصايبنه الجرن
و هاي كل هاي النوايب و المحن
و لا دعاة الزور و أقلام الفتن
أصبح اليسأل يريد إجوابه
▪▪▪▪▪
لو يهون اعليك كل هذا الوضع
ما يعجل طلعتك كل هالدمع
لا تقول ايهون إلك كسر الضلع
آه يا كسر الضلع و إمصابه
▪▪▪▪▪
لو يهون الباب و إقيود الأسد
و  من جنين الطاح ظل أصعب بعد
لو تظل هامت إبو احسين الأشد
لا يزال إيفور دم محرابه
▪▪▪▪▪
ما يهون إمصاب جدك لا ولم
ولا مصاب احسين لا راعي العلم
بينه تسعر للأبد نار الخيم
إسأل الطف و الأثر بترابه
▪▪▪▪▪
يا مصاب الصار بعيال النبي
ما أخبرك عالهزل راحن سبي
لا عقيل اوياهن او لا طالبي
بس عليل و دمعته السجابه
▪▪▪▪▪
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة عدنه غايب نحذر من عتابه 📝👆🏻

✨خدمة محبي باسم الكربلائي تقدم:
📜قصيدة : أغرى اللعينة جعدة والسم انبث
✒️للشاعر : جابر الكاظمي
♦️رثاء : الأمام الحسن المجتبى ع
https://t.me/m7bebasim/44262

أغره اللعينه جعده و السم إنبث
گطعت جبد الحسن وشنتحدث
خانت زوجها جعده بنت الأشعث
إسأل التاريخ و شوف هالزوجه ما أقساها
▪️▪️▪️▪️▪️
شاف الحسن سم الغدر أثر بيه
جمع إخوته والأجل گرب ليه
و الغايه رايد لبو اليمه ايوصيه
روح الإمامه ابهاليوم خل نسمع اوصاياها
▪️▪️▪️▪️▪️
يحسين سم الغدر گطع جبدي
أوصيك و إعمل بالوصيه بعدي
لو متت إدفن جثتي يم جدي
لو شاهدت فتنه اتصير ابسلوبك إتلافاها
▪️▪️▪️▪️▪️
و حسين زادت بالمصاب اهمومه
ايشوف الحسن غير السم ارسومه
بالطشت يقذف جبدته المالومه
جبدة ابو امحمد هاي گطعوا لب إحشاها
▪️▪️▪️▪️▪️
هالليله حضروا آل هاشم يمه
يجلون عن قلب ابو محمد همه
شافوه وسط الطشت يقذف دمه
صاحوا يبو محمد ليك دمعتنه أجريناها
▪️▪️▪️▪️▪️
ما بين ما يتوادع اويه الطيبين
نظرة حنان الحسن صد اعله حسين
ناداه ليش اتسيل دمعات العين
يا حال صابك يا حال و الدمعتك أهماها
▪️▪️▪️▪️▪️
يحسين كل الأهل حضرت يمي
و ابحالة التوديع زالت همي
لو متت بالعزه ايتشيع جسمي
خلف النعش من ينشال هاشم تذب أخطاها
▪️▪️▪️▪️▪️
لاجن أنشدك يا عزيز الزهره
لو رحت للطف و طحت عالغبره
يا هو اليلم اوصالك المتوذره
جاسم و لكبر يحسين منهو اليلم أشلاها
▪️▪️▪️▪️▪️
و حسين جاوب يا سليل المختار
خليت قلبي اعليك يتواگد نار
وصيني قبل الموت يبن الأطهار
روحي قبل روحك ريت راحت ولا أبغاها
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة اغرى اللعينة جعدة والسم انبث 📝👆🏻

✨خدمة محبي باسم الكربلائي تقدم:
📜قصيدة : وينه حلال المشاكل
✒️للشاعر : ميرزا عادل اشكناني
🕙 ليلة 24 محرم 1441 هـ
🕌 حسينية إم الحسن / الفاو
https://t.me/m7bebasim/44265

من عله ظهْر المَحامِل
صوتي لرْض النجف واصل
ويـنه حلّال المَشاكل ما يجينه
✅1️⃣✅1️⃣✅1️⃣✅
يبويه للنجف مشبوح طَـرْفي
شوَصِّـف حالتي او شيْفيد وصفي
أحس درْب السَّبي شلْته اعله چتفي
او عنَّك ما أظن هالحال يِخفي
إذا وجهي اِنكشف يسترني جفي
أفَصِّـلك بعد لو هذا يكفي
عِجبه سيف الله او قَناته
ما يجي ايْخلّص بَناته
و احنه حاطتنه الشِّماته يدري بينه
✅2️⃣✅2️⃣✅2️⃣✅
بناتك يا علي ربّات اِلحْجال
مدْري اشلون تركب هزِّل اجمال
يچتّـفها عدوها او تعلم الحال
تَـرِف معْـصَمها لاچن خشنه اِلحْبال
او معاها راس أخوها ابراس عسِّال
يميل اوياها لو شاف الظعن مال
راسه يدري عگبه ظعنه
لاچن امْراعي وظعنه
عالرمح بس اعله ظعنه امخلّي عينه
✅3️⃣✅3️⃣✅3️⃣✅
اليتامه امن البچي اتجرَّح جفنهم
فرات او دجله ظل يجري ابوجنهم
من الناگه هِوَوْ يا بويه چنهم
تگول أوراق طاحوْا من غصنهم
احترت و اشلون راح أبره لظعنهم
ثمانين او أنا المسؤوله عنهم
چم طفل فرْ بالبَوَادي
هايم ابوجْهِا او ينادي
او چم طفل تحت العَوادي ساحگينه
✅4️⃣✅4️⃣✅4️⃣✅
تعال إلحگنه يا حامي الحميَّه
أمَشّي اعليك ضلع اُمّي الزچيه
إذا سوط الشِّمر ينزل عليَّه
أشاگف بيش مو مچتوفه اديَّه
چم طفله اعله طفله اتلوذ بيّه
و إذا سكّت حميده اِتْوِن رقيه
هاذي تسكِت ذيچ تنحب
او كلها تصرخ عمَّه زينب
حيدر الليث المجرّب وينه وينه
✅5️⃣✅5️⃣✅5️⃣✅
يا من تحضر الشِـدّات يا حيد
يوَعد الله ولا تِخلف مواعيد
گِلّـي اشلون وحدي أگطع البيد
او عليّه الشام دربه اطويل و ابعِيد
او عليلك يا علي امطـوّگ بلحديد
بيده الجامعه او مغلوله للجـيد
حبِـل واحد منَّه يبدي
او ينتهي يابويه عِندي
بي صبح زنده اويْه زَندي امچتِّفينه
✅6️⃣✅6️⃣✅6️⃣✅
يمن نجّيت يونِس من بطن حُوت
يموت الموت عجبه ايعطّلك مُوت
مهو إنته اللي بالكلفات منعوت
اشلون ايفوت منّك يا علي الفوت
يزيد ابمجلسه و ايْصيح بالصوت
عليّه خلّو بنت المرتضى اتفوت
صاح زينب دخّلوها
او سمِّعُوها شَتْم أبوها
اهيَه ويَّه اعيال أخوها تعتنينه
✅7️⃣✅7️⃣✅7️⃣✅
يبن عم التظلّل بالسَّحابه
دگوم امن الگبر و انفض تُرابه
عجيبه اتعطّلِت عنّي يَيابه
او حجاب الله أنا او هتكوا حجابه
او عگب ذيچ المعزّه و المَهابه
يبويه تالي نزلونه ابخرَابه
بالخرابه كلنه نسِوه
و الدّهر بينه اِشسوَّه
ياعلي اليِسْوَه او مَيِسْوَه ايْصد علينه
✅✅✅✅✅✅✅
ميرزا عادل أشكناني
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة وينه حلال المشاكل 📝👆🏻

✨خدمة محبي باسم الكربلائي تقدم:
📜قصيدة : باجر ارفع راية المشاية
✒️للشاعر : علي سعيد الطائي
📌 المناسبة : ليلة 25 محرم 1441 هـ
🕌 حسينية ام الحسن موكب اخوة زينب - الفاو
https://t.me/m7bebasim/44274

خلصت كلشي وبقت بس هايه
باچر ارفع راية المشايه
🍃🍃🍃🍃🍃
احسبها بالساعات الازياره
وگلب المحب ما تنطفي ناره
خطار للما يرد خطاره
امشي وادگ بكل جدم ثايه
🍃🍃🍃🍃🍃
يوم اربعين حسين نتعنه
ببيوتنه محد يظل منه
افواج نمشي ونگصد الجنه
وعن المتن ما تنزل الرايه
🍃🍃🍃🍃🍃
واحد للآخر يبري بالذمه
ومن باب بيته يطلع بهمه
نعمه الحسين وباقيه النعمه
نعطش حنان ونرتوي بمايه
🍃🍃🍃🍃🍃
نمشي ونشوف احداث عالفطره
وزينب تشاهد وامك الزهره
طول العمر مو بالسنه مره
كل يوم نتعناله عنايه
🍃🍃🍃🍃🍃
امشي والك خطوات ما احسب
ادري حبيب بدفتره يكتب
نار العواطف بيه من تشب
گلبي يصير بكبر الولايه
🍃🍃🍃🍃🍃
يحسين يوم الاوصل طفوفك
الگه المناير چنهن چفوفك
يالما عفتني تگلي ما عوفك
يوم القيامه تحقق الغايه
🍃🍃🍃🍃🍃
كل لحظه وآنه ينخطف لوني
امشي وسبايه تشاهد عيوني
يا سوط هاك انزل على متوني
هذا اليصير بزينب هوايه
🍃🍃🍃🍃🍃
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة باجر ارفع راية المشاية 📝👆🏻

✨خدمة محبي باسم الكربلائي تقدم:
📜قصيدة : انه وياك واحد
✒️للشاعر : حمزة السماوي
📌 المناسبة : ليلة 16 محرم 1441 هـ
حسينية داود العاشور
https://t.me/m7bebasim/44290

آنه اوياك واحد .. والعباس شاهد
ها ياراس الحسين .. ها ياراس الحسين
♦️♦️♦️♦️♦️
يراس حسين .. ينور العين
نسيت ايامنه الحلوه وليالينه
عشت وياك .. حرام انساك
طيبه عشرتك ما بيهه مو زينه
ركبت النوگ .. دخلت السوگ
لجل عيناك والغالي تعز عينه
يحضن الطير .. يوجه الخير
جبير الخوه ما معقوله ناسينه
بس يالغالي اعذرك .. زين وباقي نحرك
زين وهم كلت زين .. ها ياراس الحسين
♦️♦️♦️♦️♦️
شتريد اتكول .. منو المسؤول
إنه المسؤوله لا تهتم يبعد آنه
يخي واتهون .. اصير عيون
يبعد الحيل ما كول آنه تعبانه
سهرت الليل .. عبرت الخيل
وعبرت النوگ بس عليك قلقانه
الشمس تاذيك .. ومنو يراضيك
اذا تزعل اصير اوياك زعلانه
وازعل عاليزعلك .. تاج الراس اكلك
وتكلي تأمرين .. ها ياراس الحسين
♦️♦️♦️♦️♦️
سؤالي الان .. صدك عطشان
حرام الماي من بعدك اذا ضكته
صباح اجروح .. يروح الروح
جم حسين عندي هو بس انته
دموعي اتسيل .. فرات ونيل
وحقك يا حبيبي النوم ما شفته
زمانك راح .. بقيت ارماح
عكبك يا اخو صاير ابو لاخته
اعيوني لا يهمك .. ما دام آنه يمك
تطلبني وفه ودين ها ياراس الحسين
♦️♦️♦️♦️♦️
كبرنه ازغار .. سوالف نار
وتتذكر بيوم الماتت الزهره
اكعدت وياي .. وبچينه اهواي
لانّه اثنينه اسمعنه الضلع كسره
وعلي من راح .. سمعت اصياح
تكلي يالعزيزه استقبلي الطبره
وجودك جان .. الي اطمئنان
العمر مره يغالي وخوّتك مره
راسك يعني انته .. شكد سولفنه سكته
ما مره كلت وين .. ها ياراس الحسين
♦️♦️♦️♦️♦️
الحياة ادور .. واجه عاشور
واجيت امن النهر ايدك عله ظهرك
شكلت ياراس .. مشه العباس
وبقيت لوحدك من يوكف بضهرك
بعد ساعات .. اجت لحظات
الزمت نحري عرفت آنه انكطع نحرك
تجيني اصوات .. واحس طبرات
اثنعش طبره الشمر متقصد ايطبرك
بحيدر طبره يبدي .. لحد طبره المهدي
ائمه اثنعش بالعين .. ها ياراس الحسين
♦️♦️♦️♦️♦️
يحال الحال .. شدهت البال
اشوفك عالرمح وعيوني تحجيلك
يجي القران .. يصير السان
يخويه بثغرك وبالكهف ترتيلك
بعد ايام .. اطب للشام
واخذ من جبهتك صبرك وحيلك
يزيد ايطيح .. بمهب الريح
ويضل ساطع نهارك يالبعت ليلك
وعيونك يخويه .. وآنه بت ابويه
عزّلت الدواويين .. ها ياراس الحسين
♦️♦️♦️♦️♦️
قناة الشاعر
https://t.me/hamza1996alsmawi

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة انه وياك واحد 📝👆🏻

✨خدمة محبي باسم الكربلائي تقدم:
📜قصيدة : وا حرام تستريح
✒️للشاعر : مهدي جناح الكاظمي
💿اصدار : بني هاشم
📌: ليلة 3 محرم 1430 | الكربلائية الكويت
https://t.me/m7bebasim/44303

يا حبيبي يا حبيبي يا حبيبي يا حسين
▪️▪️▪️▪️▪️
وَ حَرَامٌ تَستَرِيحْ
أَيهَا الجَفنُ الجَرِيح
إنَّ بِي قَلبٌ يَصِيحْ
▪️▪️▪️▪️▪️
حَدَثَتْ عَنَكَ الدِمَاء
يَا مَعِينَ الأنبِيَاء
أنْتَ لِلحَقِ سَمَاء
▪️▪️▪️▪️▪️
أنْتَ بُرءٌ للسَقِيم
وَ صِرَاطٌ مُستَقِيم
أنْتَ نَادَاكَ الكَلِيم
▪️▪️▪️▪️▪️
أنْتَ كَهفُ اللَائِذِين
وأمَانُ الخَائِفِين
أنْتَ دَربُ السَالِكِين
▪️▪️▪️▪️▪️
أَيهَا السَبعُ الشِدَاد
رُفِعَتْ فَوقَ العِبَاد
أنْتَ أنطَقتَ الجَمَاد
▪️▪️▪️▪️▪️
فُطرُسٌ بِاسمِكَ صَاحْ
فَشَفَتْ مِنهُ الجِرَاحْ
وَ لَهُ عَادَ الجَنَاحْ
▪️▪️▪️▪️▪️
تَعَبَ الفِكِرُ وَتَاه
فِيكَ يَا ثَارَ الإلهْ
أنْتَ مِصبَاحُ هُدَاه
▪️▪️▪️▪️▪️
طَيَّبَ اللهُ التُرَابْ
بِكَ يَا فَصلَ الخِطَابْ
يَا شَفِيعِي فِي الحِسَاب
▪️▪️▪️▪️▪️
أنْتَ لِلنَفسِ أنِيس
وَ لَهَا خَيرُ جَلِيس
أَيُهَا الجُرحُ النَفِيس
▪️▪️▪️▪️▪️
أنْتَ مِصْبَاحُ الطَرِيق
بِعِيونِي يَستَفِيق
أيُهَا الحَقُ الحَقِيق
▪️▪️▪️▪️▪️
أنْتَ سِرُ اللهِ فِيِك
يَا ورِيثَاً لأبِِيِك
أيُّ سِفْرٍ يَحتَوِيك
▪️▪️▪️▪️▪️
أنْتَ تَسبِيحُ الشِفَاه
وَ مِنَ العَرشِ عُلاه
أنْتَ قُرآنٌ تَلَاه
▪️▪️▪️▪️▪️
أنْتَ مَعنَى الحَسَنَات
بِكَ تُمحَى السَيئَات
لَكَ تَسعَى المُكرَمَات
▪️▪️▪️▪️▪️
رأسُكَ القُرآنُ سَار
فَوقَ رُمحٍ يَا مَنَار
فَهَوَتْ شَمسُ النَّهَار
▪️▪️▪️▪️▪️
سَجَدتْ كَي تَستَنِير
فِيكَ يَا شَمْسَ الضَمِير
تَبكِي فِي قَلبَيَّ الهَجِير
▪️▪️▪️▪️▪️
أنْتَ يَا بَدرَ الطُفُوف
لَمْ يَنل مِنكَ الخُسُوف
وَعَلَى الرُمحِ تَطُوف
▪️▪️▪️▪️▪️
أنْتَ أُنْسِي فِي الحَيَاة
أنْتَ ذُخرِي فِي المَمَات
أنْتَ لِلقَلبِ صَلاة
▪️▪️▪️▪️▪️
أنْتَ يَعقُوبٌ بَكَاك
قَائِلاً لَمَّا دَعَاك
ضَعْ عَلَى عَينِي رِدَاك
▪️▪️▪️▪️▪️
كَعبَةً جُرحُك صَار
وَلِمَنْ أسَرَى نَهَار
حَولَهُ جِبرِيلُ دَار
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة وحرام تستريح 📝👆🏻

💫خدمة محبي باسم الكربلائي تقدم :
📜قصيدة : انتصار الكلمة عالظالم
🖊للشاعر : حمزة السماوي
🗓المناسبة: ليلة 28 محرم 1441 هـ
🕌المكان: عزاء الشيعة المركزي التركمان/كركوك
🎵طور: #ازورك_من_عله_الناقه
https://t.me/m7bebasim/44322

انتصار الكلمه عالظالم
صعد يخطب جبل هاشم
حچي نار حچي نار
الى من يسمع اتكلم
إنه ابن الصفه وزمزم
والاطهار والاطهار
✅✅✅✅✅
ستّه اعطانه ربنه امن البدايه
حلم عدنه وعلم بيه الكفايه
السماحه والفصاحه لا نهايه
ومحبه امن الله بگلوب البرايه
وشجاعة امحيره الوادم
من جدنه لكمر هاشم
ورث صار ورث صار
الغيره تنتقل بالدم
إنه ابن الصفه وزمزم
والاطهار والاطهار
1️⃣1️⃣1️⃣1️⃣1️⃣
فضلنا بسبع من عدنه نفخر
رسول الله والصديق حيدر
وحمزة الاسد والطيار جعفر
ومن عدنه الامام السبط الاكبر
فخر للعتره والعصمه
عدنه حسين ابو اليمه
والاحرار والاحرار
ميت راسه يتالم
إنه ابن الصفا وزمزم
والاطهار والاطهار
2️⃣2️⃣2️⃣2️⃣2️⃣
ابن مكه ومنى يالتسال منين
وإنه ابن الوصل للقاب قوسين
إنه جدي يعالم جد الحسين
محمد واحد ولا يوجد اثنين
إنه جدي الذي اسره
ووصل يم منتهى السدره
بالاسرار بالاسرار
الوحي من عنده يتعلم
إنه ابن الصفا وزمزم
والاطهار والاطهار
3️⃣3️⃣3️⃣3️⃣3️⃣
إنه ابن المرتضى امفرق الكتايب
علي برمحين وبسيفين ضارب
همام وصابر ومقدام غاضب
الشباب اليمه يوكف صار شايب
علي بوكت الحرب جدنه
مثل طحن الرحى طحنه
يفقار يفقار
يطب للموت يتبسم
إنه ابن الصفا وزمزم
والاطهار والاطهار
4️⃣4️⃣4️⃣4️⃣4️⃣
اختنك بالعبره وادموعه جريه
إنه ابن السيده الزهره الزجيه
انه ابن المنكسر ظهره اعله اخيه
إنه ابن المات ضامي وضل رميه
ابوي المنكطع نحره
ابوي المنسحك صدره
بالانظار بالانظار
قبل لا اسكن امخيم
إنه ابن الصفا وزمزم
والاطهار والاطهار
5️⃣5️⃣5️⃣5️⃣5️⃣
ضجّت بالبچي الوادم والاحزان
مجلس صار عالمذبوح عطشان
يزيد اذن وكت مو وكت الاذان
يريد ايسكتك بس انت قرآن
بهوان الدنيه كلمته
بغروره وانته طيحته
عليه عار عليه عار
الشهاده الاوله هم تعلم
إنه ابن الصفا وزمزم
والاطهار والاطهار
6️⃣6️⃣6️⃣6️⃣6️⃣
وصل اشهد محمد من سمعته
محمد جدنه لو جدك سئلته
اذا جدي كلت تفتري انته
واذا بس جدي ليش ابنه ذبحته
بجوابه احتار شيجاوب
ومحمد باجر ايطالب
اله ثار اله ثار
ويعيده الكلمه بس بالدم
إنه ابن الصفا وزمزم
والاطهار والاطهار
7️⃣7️⃣7️⃣7️⃣7️⃣
قناة الشاعر حمزة السماوي
@hamza1996alsmawi
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة أنتصار الكلمه عالظالم 📝👆🏻

✨خدمة محبي باسم الكربلائي تقدم:
📜قصيدة : عشاق وانته العشق
✒️للشاعر : ناظم الحاشي
📌 المناسبة : ليلة 29 محرم 1441 هـ
🕌 العزاء المركزي للشيعة التركمان/كركوك
https://t.me/m7bebasim/44341

عِشّاگ .. وإنته العٍشِگ
للموت .. مانِفتِرِگ
عَلّمنه الگُمَر.. نفديلك نَحَر
قُربان الولائَك
▪️🇮🇶🇮🇶🇮🇶🇮🇶▪️
دِخَل حُبّك إبدَمنه إوبالمسامات
الحمُر والبيض وإبكل الكُريّات
الحَبّك مات مو من كِثُر طَعنات
قَسَم يحسين من كِثْر العِشِگ مات
لوما شَمِس عِنده إويه المَجرّات
أضِن حَطَّك شمِس رب السموات
يانور .. رب السِمه
ياثار.. دم فاطِمه
يا لاء الرَفُض .. ثوره إبكِل أرض
تِشعِلها إبدِمائك
▪️🇮🇶🇮🇶🇮🇶🇮🇶▪️
نِحِس ماي الفُرات إشما شِربناه
حَرِگ طَعْم الخيم بالماي ضِگناه
صوت الروج مو صوته لگيناه
صَدى الميمون يصهِل بي سِمعناه
مو بَس حِزِن شايل من نِشدناه
الماي إمشَيِّب إعله إحسين شِفناه
بالماي .. طَعمْ الألَم
دخان .. نار الخيم
والصوتَك صَده ..ضل طول المَدَه
صَرخَة كربلائك
▪️🇮🇶🇮🇶🇮🇶🇮🇶▪️
نسينه إعله الرُمِح يوم العِشگناك
روس إبلا جَسَد بس مانسيناك
نازِل وَي جِنِح جبريل شفناك
دُعاء الجَوشَن اوبالطف قريناك
الـ بالسِر والعَلَن يحسين عاداك
حَرُب ويّه الله يعلِن موش وياك
والراد .. ضِدّك حَرُب
قَدْ خان .. كل الكتب
ضِد رَب السِمه .. حربه الظالِمَه
مرفوضه إبقضائك
▪️🇮🇶🇮🇶🇮🇶🇮🇶▪️
تَعلمتو العِشِگ يالتسأل إمنين
علمنه العِشِگ عباس لحسين
گال اليحب لازم بيه شرطين
أوّل شَرُط فاگِد بالسَهَم عين
وإيعَفُّر على التربان خَدّين
وشرُط يحضن حبيبه بغير چفّين
مشروط .. هذا الامر
لحسين .. يفدي العمُر
وإيگلّه أعتِذُر.. كل هذا العُمُر
يالغالي فِدائَك
▪️🇮🇶🇮🇶🇮🇶🇮🇶▪️
مجانين إبمحبتك خَل يگولون
أبَد موعاقِل المو بيك مجنون
عيون المابچتلك تعمه العيون
وصوت الما صرخ لبّيك ملعون
نحچي إبصوت عالي وخل يسمعون
مِثل حسين وين إحسين يلگون
يحسين .. طول الأزَل
بس بيك .. باقي الأمَل
دنيه إوآخِره .. يخسرهن تره
المايسمع نِدائك
▪️🇮🇶🇮🇶🇮🇶🇮🇶▪️.
دَم المايحِبّك خل يشوفوه
شَرُط من نطفة الشيطان يلگوه
كل ما رادو الحُبّك يهدموه
شيعتنه بدمع عاشور يبنوه
قَسَم كل شيعي لويعرف يذبحوه
ميگدرون عن حُبّك يمنعوه
هيهات .. ماينمنع
لحسين .. هذا الدمع
شيعي إبكل زمن .. لابسلك چِفَن
يتأمّل جَزائَك
▪️🇮🇶🇮🇶🇮🇶🇮🇶▪️
عرفونه نحِبّك يابو الأحرار
رادو طف جديد إويانه يندار
لجل حُبّك فزعنه إزغار وإكبار
وقدّمنه المناحر مثل الانصار
ردّينه إبصدرنه النار بالنار
وحلفنه انموت بس مانترك الثار
والله .. يَبن النبي
مرتين .. ماننسبي
كل شيعة علي .. ياشبل الولي
منصوره إبدُعائَك
▪️🇮🇶🇮🇶🇮🇶🇮🇶▪️
عن موضوع حُبّك والقرابين
ماخَلّت وَرِد عدنه السچاچين
الوالد والوَلَد يحسين ميتين
السبع سنين عمره إو أبو السبعين
كون تريد أقدّملك براهين
صور يحسين متروسه الحياطين
يحسين .. دَمهُم نِزَف
لعيون .. سَبع النَجَف
بالحق طاعِته .. لَبّت فَتوِته
مِتغطيه إبرِدائك
▪️🇮🇶🇮🇶🇮🇶🇮🇶▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة عشاق وانت العشق 📝👆🏻

✨خدمة محبي باسم الكربلائي تقدم:
📜قصيدة : كربلاء يالاخذتي الصبح
✒️للشاعر : السيد عبدالخالق المحنه
📌 المناسبة : ليلة 17 محرم 1441 هـ
🕌المكان : حسينية الحاج داوود العاشور البصرة ابو الخصيب
🎵 طور : #ياظلام
https://t.me/m7bebasim/44347

كربلاء .. يالأخذتي الصبح
كربلاء .. واني اخذ رمح
كربلاء .. باقي يمج گمر
كربلاء .. كربلاء
🍃🍃🍃🍃🍃🍃
كربلاء امن التعب ما نستراح
واليجيج ابلا جرح يرجع جراح
جنتي ظلمه واحنه جبنالچ صباح
تالي ردينه سبي وروس ابرماح
بالله ليش .. ماتوا امن الضمه
بالله ليش .. تنشتم فاطمة
بالله ليش .. روانه النهر
كربلاء .. كربلاء
🍃🍃🍃🍃🍃🍃
بالسهم راس الطفل وإمه تصيح
جسمه يم جسم الابو يمج طريح
يعني حتى الـ بالمهد يرجع ذبيح
من يميل الراس احس كلبي يطيح
من يميل .. راسه من الهوه
من يميل .. احنه نوكع سوه
من يميل .. ناگة أمه تعثر
كربلاء .. كربلاء
🍃🍃🍃🍃🍃🍃
راس ابو الغيرة التهشم والاسير
من يثبتونه ابرمحهم ما يصير
برگبة الناگة تعلگ بالمسير
ظلت عيونه علينه تستدير
بالعمود .. راس اخويه انهشم
بالعمود .. عالرمح ما رهم
بالعمود .. حتى گلبي انكسر
كربلاء .. كربلاء
🍃🍃🍃🍃🍃🍃
راس اخويه بلا ملامح يا معين
حافر بعينه وحوافر عالجبين
باقي بلحيته أثر جف اللعين
مغيره أوصافه ابو گلب الحنين
يا ذبيح .. تنسحگ جثته
يا ذبيح .. ينظر لعيلته
يا ذبيح .. خنصر ايده انبتر
كربلاء .. كربلاء
🍃🍃🍃🍃🍃🍃
هيه كل خطوة سبي بطول المصاب
واليتيمة طيره بأنياب الذئاب
صرنه ما نعرف بعضنه من التراب
الفاگد الغيرة وله ام الحجاب
يا زمان .. راحت ام الخدر
يا زمان .. ويه سوط الشمر
يا زمان .. مو ذبحني القهر
كربلاء .. كربلاء
🍃🍃🍃🍃🍃🍃
احدي يا حادي الضعن دربك طويل
احدي ما عندي زلم غير العليل
احدي لكن هالله هالله بالكفيل
وي كل خطوة سبي راسه يميل
بالطريق .. وني ما ينسمع
بالطريق .. بس سوالف دمع
بالطريق .. نايبات وخطر
كربلاء .. كربلاء
🍃🍃🍃🍃🍃🍃
من جنت وي اخوتي كلهم ضواي
امشي محروسه وابو فاضل وراي
من بعد ذاك الخدر محسوبه هاي
هسه چتال اخوتي يمشي معاي
وين اروح .. من عيون العدو
وين اروح .. عندي ما ظل اخو
من اروح .. من سهام النظر
كربلاء .. كربلاء
🍃🍃🍃🍃🍃🍃
تمت بواسطة #علي_حجاب
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة كربلاء يالاخذتي الصبح 📝👆🏻

✨خدمة محبي باسم الكربلائي تقدم:
📜قصيدة : تموت الناس
✒️للشاعر : وسام الشويلي
📌 المناسبة : رثاء ام البنين (ع)
🕙 ليلة 4 محرم 1441 هـ
🕌 حسينية ديوان الكفيل (ع) لندن
https://t.me/m7bebasim/44357
تموت الناس .. بِلا انفاس
يمالك روحي انته
احس گلبي تركته
بِلا انفاس
▫️🔸🔸🔸🔸🔸▫️
يبلسم ودّع جروحي
يروحي الطالع بروحي
يَأنفاسي
بعدك ما رحت خطوه
شيب الحزن والبلوه
ترس راسي
عَلي ليل الهضم عسعس
ظلام اوحشه اتنفّس
حكم قاسي
تموت الفرحه من دونك
بإحساسي صحت هونك
على احساسي
تريد فراگ .. وبديت اشتاگ
واگول الجيّه يمته
أحس گلبي تركته
بِلا أنفاس
▫️🔸🔸🔸🔸🔸▫️
بعد ماباديه الفرگه
وأنه احچيلك على الملگه
شتحاچيني
إذا ناوي تودّعني
اگلك لا تضيّعني
يضي عيني
اسولف وآنه مذهوله
يالمفرّحني معقوله
تبچيني
عجيبه شلون أظل عدله
عمر بفراگ شيحمله
شيسلّيني
يروح الروح .. أعيش جروح
يباب الله ورحمته
احس گلبي تركته
بِلا أنفاس
▫️🔸🔸🔸🔸🔸▫️
الظعن للطف إذا يمشي
يبطّل گلبي من كلشي
وشسوّيله
لأن دمّه وشراينه
وجودك وانته تكوينه
وتفاصيله
شگول وفرگتك موتي
بغيابك بيتي تابوتي
يقنديله
صحت يل رايح ادعيلي
وصلاة الوحشه صلّيلي
مَعَ العيله
صلاة وداع .. تبچي الگاع
على البالفرگه ميته
أحس گلبي تركته
بِلا أنفاس
▫️🔸🔸🔸🔸🔸▫️
يسألوني شكثر ولدي
وتجاوب دمعتي بخدّي
ولا واحد
لأن يحسين أولادي
إلك والبضعة الهادي
وعلي الشاهد
انذرتهم وآنه ممنونه
النذر منّي تقبلونه
فضل زايد
فدائك أم گمر هاشم
اريدك بس ترد سالم
إلي گاصد
شنو الأولاد .. يبو السجّاد
العمر بسمك كتبته
احس گلبي تركته
بِلا أنفاس
▫️🔸🔸🔸🔸🔸▫️
ييوسف عمري شحچيلك
مثل يعگوب ابچيلك
نعم وأكثر
العجاف السبعه يوميه
يعيشن والقحط بيّه
يبو الأكبر
سنابل روحي ذبلانه
وحگ عبّاس عطشانه
عَداك الشر
العمر هالأمحلت أرضه
العزيز انته ولا ترضه
يمسني الظر
اريد الكيل .. تردلي الحيل
نظر عيني اخذته
احس گلبي تركته
بِلا أنفاس
▫️🔸🔸🔸🔸🔸▫️
قميصك يمته الزمّنه
أحس لمّن اشمّنّه
اشمّنّك
بياض عيوني يتحوّل
مثل ما چان بالأول
واشوفنّك
انوح ابيت أحزاني
يغالي شعجب ما جاني
خبر منّك
اصلّي وادعي ليليه
ولو بس طيف مر بيّه
اريدنّك
رغم ما انام .. تجيني احلام
حلم باليقضه شفته
احس گلبي تركته
بِلا أنفاس
▫️🔸🔸🔸🔸🔸▫️
حلم وانظرله باليقظه
جسم من دمّه يتوضّه
بِلا راسه
عدل والرگبه مگطوعه
ترض الخيل بضلوعه
وعطش جاسه
گلت هذا أبو اليمّه
الحوافر تاكل بجسمه
الشمر داسه
يگلبي ذبحوا حسينك
صحت مذهوله چاوينك
يعبّاسه
شفتلي چفوف .. وعلّم ملفوف
كفيل مفارگ اخته
احس گلبي تركته
بِلا أنفاس
▫️🔸🔸🔸🔸🔸▫️
گبل لا ينعه ابن حذلم
نعيتك وأنصبت مأتم
يبو سكينه
انوح وانتظر زينب
سبيه بموكب مسلّب
ترد لينه
العليله ويايه منتظره
نگابل زينب ونقره
نواعينه
يزينب عظّم الله أجرچ
دفنتي بكربله خدرچ
فجعتينه
بعد هيهات .. يعود المات
الهوه وياهم دفنته
أحس گلبي تركته
بِلا أنفاس

شكرا للشاعر الشيخ #وسام_الشويلي
▫️🔸🔸🔸🔸🔸▫️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱