✨خدمة محبي باسم الكربلائي تقدم:
📜قصيدة : انا بنت الهتف جبريل
✒️للشاعر : السيد عبد الخالق المحنه
🕙 الزمان: ليلة 19 محرم 1441 هـ
🕌 المكان:حسينية داوود العاشور
🎶طور:#حده_حادي_الضعينه
https://t.me/m7bebasim/44150

انه بنت الهتف جبريل بفعاله
وانه أخت الرعبكم حتى بخياله
انه الثورة انه الحرة انه زينب
💠💠💠🔲🔲🔲💠💠💠
غلطان .. خسران
كلمن يعتقد هاي النهاية
مفهوم.. معلوم
من حرگ الخيم تبدي البداية
مچتول .. ونگول
ويانه الكفيل وعدنه راية
أصرار .. انذار
سجل يا زمن حرب السبايه

الهواشم والصعب بسيوفنه نعجزه
واني بچلماتي اسطر سطرة الحمزه
الي صوله لبو الحملة على مرحب
💠💠💠🔲🔲🔲💠💠💠
ثكلات .. حرات
شيلن روسچن فوگ الهزايل
منطيح .. ونصيح
حيدر يا حسين ويا ابو فاضل
موجود .. ونزود
كل دمعة طفل تنزل مقاتل
أصغار .. أحرار
صح أيتام بس كلهم بواسل

أنه إبشيبة مصابي وعسكر أيتامي
وعد سبعين الف أسحگها بأجدامي
ولا أرجع ولا أخضع انه الأصعب
💠💠💠🔲🔲🔲💠💠💠
طغيان .. عدوان
حسبوا ننذل بطحية زلمنه
لبوات .. ههيات
ما نخضع ولا تضعف ههمنه
ونصول .. ونجول
بچفوف الكفيل نشد عزمنه
معروف .. ونشوف
إحنه النهزم و محد هزمنه

انه بچف الكفيل اليوم ازلزلها
عليكم ينگلب عاليها سافلها
هلي كلهم امثلهم اذا اغضب
💠💠💠🔲🔲🔲💠💠💠
يحباب .. اسباب
لو ما ننسبي تموت الكرامة
أوثان .. بهتان
لازم ينتهي ابليس ونظامه
ييزيد .. تاكيد
مثل الصاعقة صوت اليتامه
تالله .. والله
اليوم عليكم تقوم القيامه

انه نفخة الصور بجمرة انفاسي
سقيفة بروسكم وانه علي براسي
وحگ ربي انه بگلبي خيم تلهب
💠💠💠🔲🔲🔲💠💠💠
صولات .. حملات
حيهم وين لبوات الغيارة
المريود .. بگيود
لا تمشن مثل مشي اليساره
نيران .. بركان
كل خطوة ردت تجدح شراره
بحبال .. واطفال
حتماً ينهدم قصر الامارة

اجيكم جية العباس و بزودي
وانه من سياطكم ما تتعب زنودي
ابچيكم واخليكم بلا مهرب
💠💠💠🔲🔲🔲💠💠💠
بالعين .. بحسين
صولات الخدر تجبر خواطر
بعهود .. ووعود
كل الگاع اسويها منابر
محتوم .. ولزوم
من نار الخيم تبدي الشعاير
انصار .. ابرار
من دم المتن أزرع ضماير

إذا اغضب يبين حيدر بگصتي
واحس براس اخوي يگول عفيه اختي
يراقبني يعاتبني اذا أتعب
💠💠💠🔲🔲🔲💠💠💠
مدحور .. مغرور
ظنك يا شمر تحسم قضية
مأبون .. ملعون
أيام وتجيك الرافضية
رايات .. هوسات
جيتهم مشي للغاضرية
فد صوت .. للموت
عاش حسين تسقط آل أمية

اذا لطموا صدرهم تهتز السبعة
اذا ضربوا الرؤوس بروسهم فزعة
نظل نرهب نظل نقلب ولا نُغلب
💠💠💠🔲🔲🔲💠💠💠
اصنام .. أوهام
ظنكم مات أخويه بقطع نحره
والحال .. خيال
كلكم طحتوا وابن امي على مهره
بعدين .. لحسين
كل طف كربله يسونه حضره
وفلان .. وفلان
بس وكت اللعن إسمه نذكره

اخوي البالحوافر رضوا عظامه
ملايين التحب تصير خدامه
يظل عالي إلى العالي إهو الاقرب
💠💠💠🔲🔲🔲💠💠💠
تمت بواسطة #علي_حجاب #Ali_Hijab

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة انا بنت الهتف جبريل 📝👆🏻

✨خدمة محبي باسم الكربلائي تقدم:
📜قصيدة : بتوقيت الدمع والعلم
✒️للشاعر : سجاد علاء المحمداوي
📌 المناسبة : ليلة 25 محرم 1441 هـ
🕌 حسينية إم الحسن / الفاو
https://t.me/m7bebasim/44157

إبتَوقِيت النَهَر والعَلَمّ والرايه
إجَت مِن السِمَه والگاع مَشايه
🍁🍁🍁🍁🍁
دَگَت ساعه اِلغِيرَه الحُسينيه
وإجانه اليُوم يُوم الأربعينيه
صاحَت ياحُسين الكُرة الأرضية
إبشرِي كربلاء إبشِيعَة وَفايه
🍁🍁🍁🍁🍁
يُوم الشيعه هذا اُو نِعتِنِي إبهِمَّه
فُدوة إرگابنه لإتراب أبو اليِمَّه
راسه يِرتفِع كِلمَن وِگَع دَمَّه
اِحنه الرافِضَه للمُوت شَرايه
🍁🍁🍁🍁🍁
كِلمَه ابكِل زمان اُو گاع نِحچِيها
للمُوت الزيارة نُبقى نِمشِيها
ولا طاغِي گِدَر فَد يُوم يِمحِيها
والتاريخ هُوَه اليِشهَد إبهايه
🍁🍁🍁🍁🍁
غايَتنه أبُو السجاد غايَتنه
ويه إبن الصُميده قِصَه قِصَتنه
بِ إگلُوب العِدَة زِلزال خِطوَتنه
قليله أَفعالهُم وأفعالنَه إهوايه
🍁🍁🍁🍁🍁
يِوَگفُون الزَحِف لإِحسِين مَ إيگدرون
وإبكِل عام بِينَه حِيرَة يِحتارُون
يتِحَدُونَّه اُو بالآخِر إيخِسرُون
عِدنَه إحسِين مَنبع ما يِجِف مايَّه
🍁🍁🍁🍁🍁
إذا سِر الحَياة اِلماي مِتخَيلِين
عِند الرافِضَه سِر الحياة إحسين
والعباس ضَيّنَه البِي تِشُوف العِين
عِشِگ صافِي عِشِگنَه اُو ماكُو بِي غايه
🍁🍁🍁🍁🍁
فَخَرنَه اِبهالعِشِگ وإبغِيرَة مانِفخَر
وإحنه ابكِل وَكِت نِكبَر بأُبو الأكبر
للمَگطُوع نَحره إنضَحِي بالمَنحر
اُو مِثل أنصاره إلا إنعِيد الإسوايَّه
🍁🍁🍁🍁🍁
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة ابتوقيت النهر 📝👆🏻

✨خدمة محبي باسم الكربلائي تقدم:
📜القصيدة : مسا الخير
🖋الشاعر : احمد الذهبي
🔖المناسبة : رثاء العليلة (ع)
🕙الزمان : ليلة 3 محرم 1441
🕌المكان : ديوان الكفيل (ع) - لندن
https://t.me/m7bebasim/44175

مسا الخير .. على اسمك وانته غايب
مسا الخير .. عليك وعالحابيب
بويه واليوم الشمس
سلمت مو مثل امس
💎💎💎💎💎
اجت بويه المسيه .. وانه كل بالي يمك
رفعت اثنين اديه .. ودعيت الله يسلمك
اذا بالك عليّه .. عليك ابداعة امك
ردت عطرك هديه .. توديّه حته اشمك
حرب هاي .. منو يوديلي عمرك
حرب هاي .. يمن عمري اعله عمرك
والحرب موت وعرس
سلمت مو مثل امس
💎💎💎💎💎
على احوالك سؤالي .. يبويه انه الوحيده
يمن ساكن خيالي .. وانه عندك بعيده
صعب و اعرف يغالي .. ولكن شي اريده
اذا طيفك اجاني .. انام انه اعله ايده
ولو طيف .. يجي منك و اشوفه
ولو طيف .. احضنه وما اعوفه
جوّه عيني ينحبس
سلمت مو مثل امس
💎💎💎💎💎
خفت ابعث كتابي .. و اذا يوصل يعذبك
يالمتعبك غيابي .. بعد ما اريد اتعبك
كتبت انه اعله بابي .. يبويه اشگد احبك
ردت تسمع عتابي .. وتخليني اعله گلبك
اذا جيت .. تجي كل ذكرياتي
اذا جيت .. واشم ريحة خواتي
بويه وتهيد النفس
سلمت مو مثل امس
💎💎💎💎💎
ردت جيتك ولكن .. شفتها اهوايه صعبة
يمن بعيوني ساكن .. طلب منك اطلبه
اخذهن وي ضواهن .. تراك بديره غربه
اذا مطرت سماهن .. اخذ ميهن و اشربه
شنو عيون .. اذا يرحل دلالي
شنو عيون .. لون ما بيها غالي
بيها رسمك ينعكس
سلمت مو مثل امس
💎💎💎💎💎
يمن ايدك حمامه .. للموادع شلتها
على جفوفك علامه .. اثر بوسه اتركتها
صدى الليل وظلامه .. يگولون امسحتها
اذا جنت ابسلامه .. وعدل جا ما عفتها
صحت آه .. خفت لا شي جرالك
صحت آه .. يبويه و يا دلالك
بالجرح گمت انه احس
سلمت مو مثل امس
💎💎💎💎💎
حلم للطف خذاني .. وكأن بعيوني شفتك
نعم شفتك تراني .. ولكن ما عرفتك
ردت اعصر حناني .. واحط ماي اعله شفتك
سهم ماخذ مكاني .. وجرحني بس حظنتك
نهر ماي .. اجيتك وانته ضامي
نهر ماي .. اشوفك وانته دامي
بويه وتسولف همس
سلمت مو مثل امس
💎💎💎💎💎
تصب عين المشاعر .. دمع كلما اذكرك
حلم بعدك خناجر .. على اعيونا لينظرك
شفت طولك يسافر .. رمح وبراسه نحرك
شفت كلهن حوافر .. مكانتي اعله صدرك
مسا الموت .. عليك وعالشريعة
مسا الموت .. على جفوف الگطيعة
راية الك ما تنتكس
سلمت مو مثل امس
💎💎💎💎💎
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة مساء الخير 📝👆

✨خدمة محبي باسم الكربلائي تقدم:
📜قصيدة : انه أول من عاشت
✒️للشاعر : ايهاب المالكي
🕙 ليلة 20 محرم 1441 هـ
🕌 حسينية داوود العاشور
https://t.me/m7bebasim/44181

أنه أول من عاشت كسر الخاطر
أنه أخت المذبوح الظل متناثر
يوم العاشر ... رضه الحافر
🍃🍃🍃🍃🍃
جنت أعاين إله ... بنظرته تحيرت
من يصيبه السهم ... للنهر يلتفت
انه كل ما تهل ... دمعتي تذكرت
وابدي اشوف النبض ... وشعجب ما متت
كل عمري حسّيته تموت أيامه
من شفت من حسين تطيح عمامه
صدره الطاهر ... رضه الحافر
🍃🍃🍃🍃🍃
أمشي درب السبي ... وكل نفس بي جرح
بعيني يترك أثر ... خيطه سوط الصبح
من يعاين طفل .... للرأس عالرمح
بأذني يهمس طلب ... عمه أريد أنذبح
من نحره ترجيت بعينِ التهمل
عالرمح أتُرك راسي وأرتاح إنزل
دمعي الحاير ... رضه الحافر
🍃🍃🍃🍃🍃
انه بنت العفه ... وأكتفه من أنتصر
عالخصم لو گدر ... رحمته تظل أثر
ما قسه ولا غزه ... ولا سبه ولا غدر
قد فزت سبقته ... كلمته من أنطبر
موجود تمنيته شاف الحاصل
ويرد بفقاره أهل الباطل
السبط الآخر ... رضه الحافر
🍃🍃🍃🍃🍃
عالرباب ألتفت ... گلبي ما يحتمل
بيها جمر الحزن ...ينطفي ويشتعل
حسبّت لا يفز ... من منامه الطفل
غطته من الشمس ... والدمع فوگه ظل
عالمهد تلوليله يبني الغالي
وتصد على فراشه تلگاه خالي
لو ما حاضر ... رضه الحافر
🍃🍃🍃🍃🍃
الضعن من سره ... بي ملامح نعش
كلشي بي للحزن ... والفكد والعطش
والطريق للسماء ... بالرجال انرفش
عن يقين ننعصم ... اكثر من اثنطعش
من الباري كنيتنه بيت الرحمه
قبل الكون وخلقه انطانه العصمه
اليشهد باجر ... رضه الحافر
🍃🍃🍃🍃🍃
وين أبوي هالسؤال ... من رقية بعتب
ما گلت عالثره ... عاري هدمه انسلب
أشرَت ع الرمح ... ما حچيت السبب
ستدركت ! عمه وين ... ما يجيني شعجب
ما تدري بوالدها وقصة نحره
والخيل العوجاء السحگت صدره
بقلة ناصر ... رضه الحافر
🍃🍃🍃🍃🍃
من نسل متقين ... بنت خير الرسل
بالثگال عالجبال ... جدي شال الحمل
بالسياط أنضرب ... والدمع من يهل
انهظم وانتخي ... خويه يا ابو الفضل
والنبلة الي بعينه الحر يشعلها
والگاع نحس بيها ترتج كلها
غضبة ثائر ... رضه الحافر
🍃🍃🍃🍃🍃
ما نسيت ذكريات ... باقي بيها الألم
أركض على الصغار ... تحترگ بالخيم
من تجرأ الشمر ....بالفرس عالحرم
من صرخ مبتسم ... وينه راعي العلم
من شفت مصلاة حسين الخضره
والريح التأخذها الگلب الصحره
الفرضه تناطر ... رضه الحافر
🍃🍃🍃🍃🍃
تمت بواسطة #علي_حجاب #Ali_Hijab

#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*

قصيدة انه أول من عاشت 📝👆🏻

✨خدمة محبي باسم الكربلائي تقدم:
📜قصيدة : تسأل اقبور الهواشم
✒️للشاعر : حمزه السماوي
🕙 ليلة 21 محرم 1441 هـ
🕌 حسينية إم الحسن / الفاو
https://t.me/m7bebasim/44206
.
بعد الدفن بأيام عم الاستقرار في كربلاء
وكان لقبور بني هاشم حديث آخر

تسأل إگبور الهواشم
ضاعت أخبار الفواطم
شگد سئلنه
ما وصلنه
🔻🔻🔻🔻🔻
حالة إستقرار صارت في ضواحي كربله
الزلم نامت بالتراب وعالنياگ العايله
مگبره وبشكل مصحف بسمله إبصف بسمله
والعيال بشكل كعبة عالارض متنقلّه
من بني الزهره عوائل
بقت تفتر عالقبائل
كل أهلنه
ما وصلنه
🔻🔻🔻🔻🔻
أول إگبور الهواشم ماخذ أطباع الشمس
محترگ گلبه بترابه وضوه ينطي بالعكس
يسأل إمي وين راحت كلّش إبعيده أحس
مدري هسّه هم بعدهه تسولف بطاري العرس
رمله يمه يا هلاهل
وإنتي ما عندج محامل
ماكو حنّه
ما وصلنه
🔻🔻🔻🔻🔻
إستنشقت عطر المدينه منين يطلع هالعطر
اشبه الناس بمحمد هم يشبها بالگبر
وين ليله ليله ليله أحسبلها باليسر
شلون متحمل گلبهه اتعمّر ومات العمر
إمي ما أعرف دربها
خوفي لا واحد ضربها
تمشي ونّه
ما وصلنه
🔻🔻🔻🔻🔻
صوت كاروك ايتحرّك كلهه تسمع هزّته
اضلوع الحسين لرضيعه تهتز شما حضنته
الطفل يبجي بكبره كاعد وأمه أبد ما سمعته
مو حليب يريد منهه يريد شبگه لتربته
يمه راسي شلونه يمج
خاف قصّر ما يخدمج
أنتي جنه
ما وصلنه
🔻🔻🔻🔻🔻
بنفس گبر الطفله اسم صوت منحر بي الم
خويه زينب وين صرتي گلبي بخبارچ علم
اذكر اخر مره شفتچ من تطّفين الخيم
شما اديرن وجهي يمچ جان يمنعني السهم
يختي جسمي شلون ارفعه
مني گطعو حتى اصبعه
شيبي حزنه
ما وصلنه
🔻🔻🔻🔻🔻
صوت من طرف الشريعه إله لون وينرسم
ضاعت اخبارج يزينب وآنه ما عندي علم
راسي كافل مو كفايه يمكن آنه بنص حلم
علي بيدي خلي ايدج بس جنت راس وجسم
من كثر ما يذكر اخته
كبر ابو فاضل عرفته
يسره يمنه
ما وصلنه
🔻🔻🔻🔻🔻
الروس أسمع جاوبتهم بينه محروس الضعن
عالرماح أنباوع إلهن وكلب الحسين إطمئن
راية العباس راسه وطن للماله وطن
شكراً إلكم يالغياره صاح صوت أُم الحسن
ماكو كل إقصور بيكم
بروسكم عاشت اديكم
مطمئنه
ما وصلنه
🔻🔻🔻🔻🔻
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة تسأل قبور الهواشم 📝👆🏻

✨خدمة محبي باسم الكربلائي تقدم:
📜قصيدة : زيد الشهيد - عظماء
✒للشاعر : علي جعفر القطيفي
https://t.me/m7bebasim/33145

أتدرون مازيد الشهيد
فقيه له بأس شديد
حفيد السبط نادى غاضباً حرة
بعزم في حسين يغلب الثأرا
فقيه له بأس شديد
◾◾◾◾◾
جسوراً هدد الطاغي هشاما
بصيراً عارفاً بالسيف قاما
مضى و استأذن الحق الإماما
أحل الصادق المولى القياما
إذا سرك الموت الأكيد
أيا زيد فأفعل ما تريد 
رمى دنيا الهوى و أستطعم الاجرا
نعيماً خالداً إن لم يكن نصراً 
إلى الله خذني يا حديد
◾◾◾◾◾
و زيد قال للظلام قولا
تجلى في دم الاحرار فعلا
ألا من خاف حد السيف ذلا 
مضى درساً على الأجيال يتلى
إذا الشعب في صمت أبيدوا
فهم للطواغيت عبيد 
مشى زيد كمياً عانق الصبرا
دعا يا صحب قوموا نشتري الآخرى 
إلا إنما الدنيا قيود 
◾◾◾◾◾
و لكن للعدا مكر قديمُ
بدا في جيشه لم يستقيموا
بنفسي و هو مخضوب كريمُ
جراح بعدها سهم أليم 
غدا منه بالنفس يجود
و يا ليت مثواه لحود
أمصلوباً سنين أربعاً جهرا
ترآى جسمه بين الملا نشرا
و من حرقه ناح الوجود
◾◾◾◾◾
بكاه جعفر الصادق حزنا
عليه بجليل القول أثنى
و لو آلف كزيد صار يفنى
قليل في حسين كل معنى
و ما عذبت زيد حشود
بطعن و لا حز الوريد
و لا كانت خيام أحرقت جورا
و لا هامت نساء بالفلا ذعرا
و لانا شتماً يزيد
◾◾◾◾◾
مصاب قتل زيد الآل حل
و عقد الجفن بالعبرات حل 
و لكن البكاء سفراً و حل
على المسحوق تحت الاعوجية
◇◈◇⇩..تابعونا..⇩◇◈◇
Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
للقصائد المكتوبة📝 https://t.me/joinchat/AAAAAD9zrDwqsNhwhBThQA
👤إدارة قناة التلقرام @hahbibi
📲Whatsapp
0096170873295🇱🇧
00989371659815🇮🇷
*​من باب احترام حقوق الآخرين*
*نرجو عدم تغيير روابط الخدمة​*
🔱خدمة محبي باسم الكربلائي🔱

قصيدة اتدرون مازيد الشهيد 📝👆🏻

✨خدمة محبي باسم الكربلائي تقدم:
📜قصيدة : كيف واريت الثرى
✒️للشاعر : الدكتور الاديب عادل البصيصي
🕙 ليلة 23 محرم 1441 هـ
🕌 حسينية إم الحسن / الفاو
https://t.me/m7bebasim/44234

كَيْف واريتَ الثَّرَى .. فراقدً أَم كوثرا
هَل وُجِدَتْ نُبْلًا .. هَل سُقِيَت طِفْلًا
✅1️⃣✅1️⃣✅1️⃣✅
عَلَى عَيْنَيْكَ يَنْمُو أَلْطَف صَبْرا
عَلَى طِفْلٍ بَكَى مَاءً ودرا
عَلَى أُمِّ تهزُ الْمَهْد جَمْرًا
تَرَاهُ خَالِيًا وَالشَّوْق ذِكْرَى
تَرَى دَمْعاَ بِوَجْن اللَّيْل يُجْرَى
وَيَسْعَى طَالِبًا نَهْر وَبَدَرا
صُوَر يَا هَلْ تَرَى .. سَوْف تُنْسَى مَا جَرَى
هَل نَسِيَت لَيْلَى .. هَل سَقِيَت طِفْلا
✅2️⃣✅2️⃣✅2️⃣✅
تَرَى نَارَ بِقَلْب أَلْطَف تَسْرِي
خَيّام تتقيها دُون سُتَرِي
وَفَرّت فاطمياتٌ بذُعري
عَلَى الْغَبْرَاءِ تَهْوِي ثُمَّ تَجْرِي
تَرَى أَهْلً بِلَا أَهْل وَتَدْرِي
عِيَالُ اللَّهِ أَمْسَوْا دُون خِدْرِي
أَنَّهُم وَجْه الْعُلَا ... تصطفيهُم كَرْبَلَاء
إذ بَكَيْت أَهْلًا .. هَل سَقِيَت طِفْلًا
✅3️⃣✅3️⃣✅3️⃣✅
تَرَى سِبْط الْهُدَى أَضْحَى قَتِيلًا
وَخَيْلًا فَوْقَهُ جَالَت طَوِيلًا
تَرَاهُ بالدما وَحْيٌ رَسُولًا
تَرَى شَمْس دَنَا مِنْهَا الاخولا
تَرَى فِي نَحْرِهِ سَيْف صَقِيلًا
يَحُزّ الْمَجْد وَالصَّبْرَ الجميلا
صَارَ صَبْرًا مُفْرَدًا .. صَاح نَحَر سَيِّدًا
أ بُنيَّ مَهْلا .. هَل سَقِيَت طِفْلًا
✅4️⃣✅4️⃣✅4️⃣✅
تَجَلَّى أَلْطَفُ عَنْ وَجْهِ الضَّحَايَا
وَجَال السَّيْفَ فِي خَيْرٍ الْبَرَايَا
وَبَانَت عندكم تِلْك الرَّزَايَا
وَفِي أَحْلَامُكُم تَبْدُو الْمَنَايَا
حكايا الذَّبْح تَتْبَعُهَا حكايا
بَنَات الْوَحْيَ قَدْ صَارَتْ سَبَايَا
رَكِب سَبْي قَدْ سَرَى .. نادبا يَا حيدرا
بِالدُّمُوع هَلَّ .. هَل سَقِيَت طِفْلًا
✅5️⃣✅5️⃣✅5️⃣✅
دُمُوع آنَسَت فِي اللَّيْلِ زَيْنَب
عَلَى الْخَدَّيْنِ جَمَرَات ستسكب
فَهَذِي صَفْحَة لِلسَّبْي تُكْتَب
وَهَذِي رَضَع بِالنَّار تَلَهَّب
تَرَى جُودَا قَتِيلًا كَيْف تَشْرَب
تَرَاهَا سَيِّدِي قَلْبًا مُعَذَّبٌ
الرَّزَايَا تَنْحَنِي .. زَيْنَب لَا تَنْثَنِي
صَوْتَهَا تجلا .. هَل سَقِيَت طِفْلًا
✅6️⃣✅6️⃣✅6️⃣✅
وَسَار الرَّكَب كُلُّكُمُ أُسَارَى
وخلفتم بِأَرْض أَلْطَف ثَأْرًا
خَيّام عَانَقْت دُمُعاً وَنَارًا
وسُرتُمْ سَيِّدِي لَكِن حَيَارَى
عَجِيبٌ دَهْرِكُم بِالسَّبْي جَارًا
وَكُنْتُم قَبْل سَبْي مُستجارا
كنتمُ كَهْف الْوَرَى ...للعطاشى أنهرا
نَبعكُمْ تَوَلَّى ... هَل سَقِيَت طِفْلًا
✅7️⃣✅7️⃣✅7️⃣✅
قُلُوب نَادِبَاتٌ لَن تناما
عَلَى مَنْ سَافَرُوا تَشَكَّو الهياما
عَلَى نبضاتها جُرْحٌ تَسَامَى
سيرسِمُ خَيْمَة تَأْوِي الْيَتَامَى
عَلَى جَنَابَتِهَا صَوْت تَرَامَى
يُنَادِي أَهْلِنَا هاكم سَلَامًا
يَا حُسَيْن تجتلي ... أَنْت معناك عَلِيّ
صَاح حِينَ صَلَّى ... هَلْ سقِيَت طِفْلًا
✅✅✅✅✅✅✅
تمت بواسطة #علي_حجاب #Ali_Hijab
#اللهم_عجل_لوليك_الفرج
◇◈◇⇩..تابعونا..⇩◇◈◇
🎥Youtube
https://www.youtube.com/c/m7bebasim
💻Facebook
https://www.facebook.com/m7bebasim
📷Instagram
https://instagram.com/m7bebasim
📺aparat vid
https://www.aparat.com/m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة كيف واريت الثرى 📝👆🏻

✨خدمة محبي باسم الكربلائي تقدم:
📜قصيدة : يا مشاي
✒️للشاعر : ناظم الحاشي
📌 المناسبة : ليلة 20 محرم 1441 هـ
🕌حسينية الحاج داوود العاشور البصرة
🎵 طور : #يا_ستار
https://t.me/m7bebasim/44241

يامَشّاي حَج لحسينك طالِع
حَج مَبرور غافِر ذَنبَك راجِع
🍁🍁🍁🍁🍁
يَلّي ماگادِر تِحِج كَعبَةْ نَجِدْ
لربعين إحسين قَرُّر وإعتِمِد
مِثِلْ يوم الجابِتَك أُمَّك تِرِد
إبلا ذنوب إتگول تَوَّك مِنوِلِد
سَعيَك فاز للرَب ساجِد راكِع
حَج مبرور غافِر ذَنبَك راجِع
🍁🍁🍁🍁🍁
الزار گَبْر إحسين قَدْ حَج وإعتُمَر
وطاف بالكعبه مَعَ الأثنى عَشَر
للعرِش مو عالأرُض هذا السَفَر
والدليل إتروح زاير للگُمَر
للزوّار هذا الأمر الواقِع
حَج مبرور غافر ذنبك راجِع
🍁🍁🍁🍁🍁
هاي كِل خطوَه على الحاقِد سَهَم
ضِد عَدوّ إحسين طِلقوهه الخَدَم
تدري فوگ الگاع كِل رَفعَة جِدَم
بيها رايح تطفي نيران الخِيَم
عَن إحسين چَنَك جاي إدّافِع
حَج مبرور غافِر ذَنبَك راجِع
🍁🍁🍁🍁🍁
بيها كِل خطوه إبمناسِك تِنحِسِب
مو إبحجّه إبالف حجّه تنكِتِب
كون مَكَه بيها زمزم ينشِرِب
حسين عنده الكوثر إومايه العَذِب
باب إحسين باب الله الواسِع
حَج مبرور غافر ذنبك راجع
🍁🍁🍁🍁🍁
لوصِحِت لَبَيّك ماتدري إشْيحِل
مِثِل حَج البيت حَجَك يكتمِل
صَرخه بيها العاده دينك ينكِتِل
ونار بگلوب النواصب تشتِعِل
صَرخَه إتگول حَيدَر لا مو رابع
حج مبرور غافر ذنبك راجع
🍁🍁🍁🍁🍁
لومشيت الكربله إورجلَك خُطَت
يعني وَيّه أم الحَسَن رِجلَك مِشَت
والذنوب إطّيح من عندك بِدَت
وبيك زينب بالقيامه إتكفِّلَت
والعبّاس يصبَح لَجلك شافِع
حج مبرور غافر ذنبك راجع
🍁🍁🍁🍁🍁
ياحُسين إتزيل عن زينَب هَظُم
هاي صَرخَه تِشلَع إعيون الخَصُم
ياحُسين إوكًون وَيّاهه لَطُم
وَي عَدوّك توصل الكَسْر العَظُم
للعاداك هذا الموقِف رادِع
حج مبرور غافر ذنبَك راجِع
🍁🍁🍁🍁🍁
ناظم الحاشي
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة يا مشاي📝👆🏻

✨خدمة محبي باسم الكربلائي تقدم:
📜قصيدة : مصايب كربلا
✒️للشاعر : عمار هليل الواسطي
📌 المناسبة : استشهاد الامام السجاد
🕐 ليلة 25 محرم 1441 هـ
🕌 حسينية ام الحسن موكب اخوة زينب - الفاو
https://t.me/m7bebasim/44167

مصايب كربله ما فارِگتني
خذت مني العزيز وشيبتني
🔻➖➖➖➖➖🔻
أراجع ذكرياتي وروحي مهمومه
گطع بيّه مصاب العاشر ويومه
شسولف عن عذابه وحسرة اعلومه
أنا السجّاد كل سنيني ملچومه
على إوْسادت العلّه وسّدَتني
خذت مني العزيز وشيبتني
🔻➖➖➖➖➖🔻
بعيوني شفت هذا الحزن كلّه
عليل ابكربله والزاد عالعلّه
إنفجع گلبي بأبوي ويا جرح خَلّه
من شال الرضيع وصابته النبله
أحس بالنبله چنهه صَوّبتني
خذت مني العزيز وشيبتني
🔻➖➖➖➖➖🔻
وانه ابخيمتي بس گلبي يتفطّر
كسر ظهري وفجعني بطيحته الاكبر
وجه جدنا النبي أوصافه تتكرر
چا ليش النبي علغبره يتوذّر
يريت سيوف حتفه وَذّرتني
خذت مني العزيز وشيبتني
🔻➖➖➖➖➖🔻
ماشايف عرس ونّه ابأثر ونّه
جسّام بدماه انعجنت الحنّه
نفذها الوصيه بعرسه واتهنّه
ذخر عمي الحَسن ظل عد حِسن ظنه
المنيه سهام كلفه صَوّبَتني
خذت مني العزيز وشيبتني
🔻➖➖➖➖➖🔻
وحق لهفت سكينه للعذب مايه
راح الحيل كله بطيحت الرايه
من طاح الگمر فوگ المسنايه
وچفوفه اتگطعن آيه بأثر آيه
أنا بثگل المواجع مالْ مَتْني
خذت مني العزيز وشيبتني
🔻➖➖➖➖➖🔻
دهاني وهدم حيلي وطالت الحسره
أبوي حسين تفجع خاتمة عمره
على صدره الشمر گاعد يحز نحره
وعشره أمن الخيول الداست بصدره
أيا لَيت الحوافر ساحْگتني
خذت مني العزيز وشيبتني
🔻➖➖➖➖➖🔻
مو حقه الدمع عالوجن سايل دم
تسعر بالگلب نيران المخيّم
من هاي الفواجع ياگلب يسلم
چم مرّه أموت بحسرتي والهم
من الشام چم حسره لفتني
خذت مني العزيز وشيبتني
🔻➖➖➖➖➖🔻
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://www.facebook.com/m7bebasim
📷Instagram
https://instagram.com/m7bebasim
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
* من باب احترام حقوق الآخرين*
*نرجو عدم تغيير روابط الخدمة *
🔱خدمة محبي باسم الكربلائي🔱

قصيدة مصايب كربلا📝👆🏻

✨خدمة محبي باسم الكربلائي تقدم:
📜قصيدة : يا راية المشاية
✒️للشاعر : علي الخفاجي
📌 المناسبة : ليلة 20 محرم 1441 هـ
🕌 حسينية الحاج داوود العاشور البصرة ابو الخصيب
🎵 طور : #انصارك_وياك
https://t.me/m7bebasim/44247

مرفوعه بأيد العباس .. ياراية المشايه
▪️▪️▪️▪️▪️
طول الدرب عين الحسين عليها
والگاع تمشي وياك من تمشيها
محسوبه خطواتك الرايح بيها
رايتك للعباس روح أنطيها
والموقف الما ينقاس .. من يستلمها الرايه
مرفوعه بأيد العباس .. ياراية المشايه
▪️▪️▪️▪️▪️
ماشي الحبيب الله وتريد أتزوره
والرايه بأيدك عالچتف منشوره
رايه التگلها أم الحسن ماجوره
يوم القيامه تعيد نفس الصوره
بالمحشر أبين الناس .. تستقبل الوفايه
مرفوعه بأيد العباس .. ياراية المشايه
▪️▪️▪️▪️▪️
لامونه عذال شكثر لامونه
وعن أربعين حسين ما منعونه
نمشي اعله طول الگاع من شافونه
حبنه بعضهم گاموا يقدسونه
ونشوفه هذا الأحساس .. ترجم معاني هوايه
مرفوعه بأيد العباس .. ياراية المشاية
▪️▪️▪️▪️▪️
عهد المحبه شلون ترضه نبيعه
شيعه ولبوالسجاد نهتف شيعه
باچر عهدنه بالنحر توقيعه
نمشي مشي وبس الحسين نطيعه
وتنادي هاي الانفاس .. غايتنه أشرف غايه
مرفوعه بأيد العباس .. يا راية المشاية
▪️▪️▪️▪️▪️
زينب تريد حسين يتلگاها
تمشي وجرح عاشور يمشي وياها
صوت اعله تل الزينبي تلگاها
واجب علينه نمشي وي ممشاها
أم الخدر والنوماس .. هاليله عدها حچايه
مرفوعه بأيد العباس .. يا راية المشايه
▪️▪️▪️▪️▪️
هاي المسيره الواضحه ومعروفه
بيها الإمام المهدي يمشي نشوفه
عباس فوگ الرايه خط أحروفه
براية علي ما طاحت من أچفوفه
من طاح مرفوع الراس .. يم الفرات ومايه
مرفوعه بأيد العباس .. ياراية المشايه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
🎶TikTok
http://tiktok.com/@m7bebasim
💠telegram
https://telegram.me/m7bebasim
📝 Tel : للقصائد المكتوبة
https://t.me/bassempoems
📲Whatsapp
0096170873295🇱🇧
00989371659815🇮🇷
*من باب احترام حقوق الآخرين*
*نرجو عدم تغيير روابط الخدمة*
*💠خدمة محبي باسم الكربلائي💠*