اسماء المدارس الي وصلت بياناتها لغاية يوم 24-1-2025 الي ارسل بعد هذا التاريخ لسة ما تم تصفيتها ع الوجبة القادمة ان شاء الله بالايام الجاية تنزل
الي ارسل قبل يوم ٢٥ وماكو مدرسته بدون ما يسالني يسوي اعادة ارسال ويتاكد انه الملف وصل ويستعين بشخص لديه معرفة بارسال الرسائل ع الايميل لان اكو مسجات وصلت فارغة من البعض يعني دز مسج بس ما بيه ملف ف رجاء لحد يسالني ويكلي مدرستي ماكو اذا مدرستك ماكو من يمك سوي اعادة ارسال للملف من جديد فقط ملف بدون كتاب واكتب عنوان الرسالة اعادة ارسال

منصة راتبي اليوم تتفعل ان شاء الله مودتي

تغيير رقم الهاتف للماستر كارد من داخل تطبيق سوبر كي

https://www.facebook.com/share/r/19qrdHBDgD/
جمعة مباركة
راجين الحذر من اعطاء اي معلومات تخص الماستر عن طريق الهاتف وبالاخص الاكواد الي توصلك برسالة (كود التحقق) واذا اتصل بيك شخص وكالك اني من حسابات دائرتك و طلب معلومات علمود نحدثلك علمود نصرفلك فروقات علمود نسويلك سلفة الخ ... كله اتصلو بالمدير مالتي بلغوه انه تحتاجون معلوماتي و اني باجر اجيكم للحسابات و ازودك بالمطلوب اذا فعلا هو من الحسابات ف راح يتصل بمدير مدرستك ويطلب حظورك للحسابات
مع تحيات تربية ديالى قسم الشؤون المالية

شكرا لكم على تعاونكم لكل من سجل بياناته بشكل كامل شكرا لكم على حرصكم و مثل ما وعدناكم انه هذه البيانات هي بداية لمراحل تطوير العمل الرقمي بداية راح تكون الكم هدية مني ومن استاذ فراس انه اعتبارا من هذا العام راح يتم دفع مبالغ اجور المراقبة الامتحانية على بطاقات المراقبين كلا على حدى وليس على بطاقة مدير المدرسة يعني راح نخلص المدراء من موضوع انه تصرف الاجور على بطاقتك حيث تم عقد ورشة مع الست شيماء مديرة الامتحانات وتم التنسيق مع مسؤولة الصرف الست حليمة قبل ايام واليوم بدء العمل على التنفيذ سابقا كان منكدر نعمل ع هذا الشي لان ما عدنا بياناتكم بشكل كامل اليوم العمل تطور من خلال تعاونكم وان شاء الله التطوير مستمر والقادم افضل

بالنسبة للبيانات اليوم راح ننشر شي نهائي اسماء المدارس المنجزة وغير المنجزة باقي حاليا ٣٢٠ مدرسة لم تنجز بياناتها اليوم ليلا سيتم النشر ان شاء الله تابعوا ويانا النشر لغرض اتمام العمل بنسبة 100%

اسماء المدراس المنجزة وغير المنجزة التواصل عن طريق الواتساب للغير منجز قضاء بعقوبة يتواصلون وياية ع هذا رقمي ٠٧٧٠٧٠١٩٣٠٧
بقية الاقضية يتواصلون وي استاذ مهند 07772218417
فقط رسالة حتى لو تاخر الرد عليك عادي بسبب كثرة الرسائل ممكن يمر ٧٢ ساعة يلا اجاوبك لا تستعجل دز ملف الاكسل ع واتساب

اخر موعد للاستلام هو يوم الجمعة الساعة ١٢ ليلا

اخوان بالنسبة للمدارس غير المنجزة الي راسلنا ودز ملف ف اوكي وصل اما الي ما دز ملف ف اخر موعد للاستلام اليوم ساعة ١٢ ليلا ... ١٢ ودقيقة يهمل الملف حتى لو ترسله والي يتاخر ف يجي يراجع للتربية لوحدة بنك المعلومات يم استاذ مهند
بعد ماكو استلام الكتروني بعد ١٢ ليلا علما اليوم بعد الوقت الي ذكرناه راح يبلش الاستقطاع على كل الي ما دز بياناته وكذلك الي راغبين بالاستقطاع و يوم الاحد راح يوصل كتاب للوزير طلب عدم الاستقطاع الي يجي بعدها يسجل لا يرغب ف بعد يروح بنفسه للوزير يقدم طلب احنا مالنا دخل لان هو متاخر
شكرا لكل من ساعد بانجاز هذا العمل.

هواي شكر وتقدير الكم يا مدراءنا العزيزين
تستاهلون كل خير على الجهود الكبيرة والتعب اللي بذلتوه بملف الاستقطاع 1%. حقيقة عملكم جان مميز وهذا شي ما يطلع الا من ناس مخلصين ويحبون عملهم.اني اعرف انه اكو منكم صرف من جيبه لابو المكتب حتى يكمل شغل المدرسه وهذا الشي كلش خلاني احاول مرات اشتغل شغل مدارس يعني يرسلي الملف اني ارتبه وارسله اله
شغلكم جان دقيق وسريع وكلش راقي بتنظيم البيانات. وتعاونكم ويه الحسابات جان اكثر من رائع. هاي كلها اشياء تدل على قيادتكم الحكيمة وفهمكم العميق للشغل.
نقدر جهودكم بتوجيه الكوادر التربوية وحل اي مشكلة واجهتهم. وهذا النجاح ما جان يتحقق لولا حكمتكم وتعبكم المتواصل.
احنه متأكدين انو هالمستوى الراقي من التعاون راح يستمر بالمشاريع الجاية. واحنه دائماً حاضرين لدعمكم باي شي تحتاجونه.
الله يحفظكم ويخليكم ذخر للمؤسسة
تحياتي الكم
فراس سعدي محمود
مسؤول شعبة الدفع الالكتروني

📢 تنويه رسمي من محافظة ديالى 📢

🔹 قرر محافظ ديالى الأستاذ عدنان محمد عباس الشمري تعطيل الدوام الرسمي ليوم الثلاثاء 25 فبراير 2025 في المدارس الابتدائية فقط، وذلك بسبب انخفاض درجات الحرارة حرصًا على سلامة الطلبة.

🌡️ نرجو من أولياء الأمور اتخاذ التدابير اللازمة، ونتمنى للجميع الصحة والسلامة.

#محافظة_ديالى #تعطيل_الدوام #سلامة_طلابنا

الثانوي شنو موقفهم

السلام عليكم ورحمة الله وبركاته
شباب متفضلين بالتصويت لقسم جلولاء
https://t.me/astbeanJalawla

الي يحب يشوف علاوته لقضاء بعقوبة من خلال الرابط ملاك جديد فقط
http://www.firas.somee.com/default.aspx

جاري رفع رواتب تربية ديالى لشهر نيسان 2025

https://najah.iq/
رابط نتائج ثالث متوسط ٢٠٢٥ ديالى