Башҡортостанда берҙәм ауыл хужалығы һалымын тағы өс йыл түләмәҫкә мөмкин була

Республика парламентында ошо турала проект әҙерләнгән. - Ноль процентлыҡ ташламалы ставка хеҙмәткәрҙәр һанын 10 проценттан да ҡыҫҡартмаған ауыл хужалығы тауарҙарын етештереүселәр өсөн ҡарала. Ул 2026 йылға тиклем була, - тип белдерҙе парламент рәйесе Константин Толкачев. Быға тиклем ошондай уҡ ташлама 2021-2023 йылдарҙа ҡулланылды. Уның менән 500 етештереүсе файҙаланды.

Бөгөн Башҡортостан делегацияһының Беларускә эш сәфәре башланды

Уны Радий Хәбиров етәкләй. Сәфәр барышында Минск автомобиль заводында, Ҡытай һәм Беларусь индустриаль паркында булыу көтөлә, бер нисә компания етәкселеге менән һөйләшеүҙәр планлаштырыла, ике республиканың бизнес-форумы ойошторола. - Беларус беҙҙең төп партнер. Беҙ хеҙмәттәшлекте үҫтереү буйынса ҙур эш алып барабыҙ. Юғары күрһәткестәрҙе һаҡлап ҡалыу өсөн даими осрашырға кәрәк. Был юлы бизнес-миссия менән 54 компания вәкилдәре килде. Улар яңы партнерҙар табырға ниәтләй. Беҙҙең компаниялар менән иртәгә таныштырабыҙ, - тине Радий Хәбиров.

Өфөлә Көнсығыш юлдан үтеү хаҡы аталды

"Коммерсант" яҙыуынса, Транспорт һәм юл хужалығы министры Александр Клебанов 100 һумдан билдәләргә тәҡдим иткән. Аныҡ сумманы Тарифтар буйынса дәүләт комитеты билдәләй. Өфөнән М-5 трассаһына сығыу өсөн яңы юл 94 процентҡа әҙер. Бөгөн был объектта 1 мең 400 кеше эшләй.

Радий Хәбиров рәйеслегендә Башҡортостан делегацияһының Белоруссияға рәсми эш сәфәре башланды

Төбәк башлығын Минск милли аэропортында «Белнефтехим» концерны рәйесе Андрей Рыбаков, Беларусь Республикаһының Рәсәйҙәге илселегенең Өфө ҡалаһындағы бүлексәһе кәңәшсеһе Артур Карпович ҡаршы алды. Радий Хәбиров тәүҙә Ҡытай-Беларусь индустриаль паркы менән танышты.

Архангел районында браконьерҙар 3 ҡоралайҙың башына еткән

Тәбиғәттән файҙаланыу һәм экология министрлығынан белдереүҙәренсә, Һунарсылар һәм балыҡсылар ассаоциацияһына ҡараған биләмәлә ҡырағай хайуандарҙың тиреләре табылған. Зыян күләме 360 мең һумға баһалана. Эске эштәр министрлығының район буйынса Тәфтиш комитеты тарафынан законһыҙ һунар буйынса енәйәт эше ҡуҙғатылған. Браконьерҙарға 500 мең һум күләмендә штраф, йә 2 йылға иркенән мәхрүм итеү янай.

Башҡортостанда сәнәғәт производствоһы индексы 2022 йылға ҡарата 106, 5 процент тәшкил итте

Уртаса Рәсәй күрһәткестәренән юғарыраҡ. Уҙған йыл һөҙөмтәләре буйынса Башҡортостанда сәнәғәт производствоһы индексы 2022 йылға ҡарата 106, 5 процент тәшкил итте. Ыңғай динамикаға эшкәртеүсе һәм энергетика өлкәһе предприятиелары ҙур өлөш индерҙе.

Башҡортостанда 8 һәм унан күберәк бала тәрбиәләүсе ғаиләләргә 622 мең һум түләнә

Уҙған йылда 33 ғаиләгә ошонда сумма бирелгән, тип хәбәр итәләр Ғаилә, хеҙмәт һәм халыҡты социаль яҡлау министрлығынан. Әле республикала 18 йәшкә тиклем балаһы булған 472 меңгә яҡын ғаилә бар. Уларҙың 29 меңе - күп балалы.

Башҡортостандың ике район үҙәгендә рөхсәтһеҙ сүплектәр бөтөрөлә

Бының өсөн 26 миллион һумға тиклем аҡса бүленә, улар быйыл әҙер булырға тейеш. Тәбиғәттән файҙаланыу һәм экология министрлығынан хәбәр итеүҙәренсә, Ейәнсура районы Иҫәнғол һәм Краснокама районы Николо-Березовка ауылында сүплектәр юҡ ителә. Быйыл Башҡортостанда сүп-сар ташлау урындарын тәртипкә килтереү өсөн 132 миллион һум ҡаралған.

Рәсәй халҡы Һиндостан бананын ашай

Был дәүләттән емеш килтерелә башлаған. Тәүге партия ғинуарҙа алынған. Тиҙҙән Һиндостандан башҡа төр емеш импортлау планлаштырыла. Күптән түгел Эквадорҙан банан һатып алыу туҡтатылды. Ауыл хужалығын күҙәтеү хеҙмәте бындағы продукцияны хәүефле тип атаны.

Радий Хәбиров рәйеселегендә Башҡортостан делегацияһының Белоруссияға рәсми эш сәфәре башланды

Бөгөн Радий Хәбиров рәйеселегендә Башҡортостан делегацияһының Белоруссияға рәсми эш сәфәре башланды. Өс көнгә иҫәпләннән программа Белоруссияның машиналар эшләү өлкәһе, аҙыҡ-түлек тармағы менән хеҙмәттәшлекте нығытыу, ике яҡ араһындағы бизнес даирәләрҙе киңәйтеүгә ҡоролған. Төп саралар иртәгә Башҡортостан-Белоруссия халыҡ-ара бизнес форумында үтәсәк. Унда ике яҡтан меңгә яҡын эшҡыуарлыҡ өлкәһе вәкилдәре ҡатнашыуы көтөлә.

Өфө фән һәм технологиялар университетында «Октава» лабораторияһы эшләй башланы

Рәсәй фәне көнө уңайынан Өфө фән һәм технологиялар университетында «Октава» фәнни-тикшеренеү акустик лабораторияһы эшләй башланы. Ул «Приоритет – 2030» программаһы сикәтәрендә төҙөлгән.

2025 йылдың 1 сентябренән Башҡортостан мәктәрендә яңы фән уҡытыла башлай

"Тыуған төйәк тарихы. Башҡортостан" тигән курс индерелә. Был турала Мәғариф һәм фән министры Илдар Мәүлетбирҙин белдерҙе. - Авторҙар коллективы билдәләнгән. 1 апрелгә тиклем курс буйынса ҡулъяҙманы әҙерләргә тейешбеҙ, - тине ул. Яңы предметты 5-7-се класс уҡыусылары өйрәнәсәк.

Яңы ВУЗ-ара студенттар кампусында 4 меңдән ашыу студент белем аласаҡ

Бында IQ-парк, Геном үҙәге һәм төп корпус урынлаша. Яңы, заманса комплекс күберәк абитуриенттар йәлеп итеү, белем сифатын яҡшырыу мөмкинлеге бирәсәк тип көтөлә. Кампустың тәүге өлөшө файҙаланыуға тапшырылды.

“Айыҡ ауыл” конкурсының республика этабына 52 ауылдан ғариза ҡабул ителгән

Ярышта ҡатнашыусылар 4 номинация буйынса - эре, ҙур, уртаса, бәләкәй ауылдарға бүленгән. Бөтә донъя башҡорттары ҡоролтайы Президиумы рәйесе Эльвира Айытҡолова ошо турала белдерҙе. Ярыш еңеүселәрен бүләкләү тантанаһы 25 апрелдә Өфөлә була.

Әбйәлил районының Яҡтыкүл ауылында модулле фельдшер-акушер пункты асылды

Бинаға коммуникациялар, һалҡын һәм эҫе һыу, электр уты үткәрелгән. Яңы фельдшер-акушерлыҡ пунктында ҡабул итеү, процедура-прививка кабинеттары, санузел, гардероб бар, халыҡ диспансеризация, вакцинация үтә һәм башҡа дауалау процедуралары алыу мөмкинлегенә эйә. ФАП-та 300-гә яҡын кешегә медицина ярҙамы күрһәтелә.

Башҡортостан йәш хоккейсылары "Алтын шайба" ярыштарында 3-сө урын яуланы

Кушнаренко районы командаһы бронза миҙалға лайыҡ булды. 2009-2010 йылғы үҫмерҙәрҙән тупланған ауыл командалары араһында турнир Салауат һәм Ишембай ҡалаларында үтте. Ярыштарҙа илдең 16 төбәге вәкилдәре ҡатнашты.

Радий Хәбиров Белоруссияның Витебск өлкә башҡарма комитеты рәйесе Александр Субботин менән осрашты

Радий Хәбиров Минскиҙа Белоруссияның Витебск өлкә башҡарма комитеты рәйесе Александр Субботин менән осрашты. Аралашыуҙың төп темаһы иҡтисад һәм социаль өлкәлә үҙ-ара эш итеүҙе нығытыу булды. Бынан тыш, Витебск өлкә башҡарма комитеты етәксеһе республика делегацияһын июнь айында үтәсәк Рәсәй һәм Белоруссия төбәктәре форумына саҡырҙы.

Бөгөн Башҡортостан Республикаһы рәсми делегацияһының Белоруссияға эш сәфәренең икенсе көнө

Программала эшлекле осрашыуҙар ҡаралған. Шулай уҡ Башҡортостан - Белоруссия -халыҡ-ара бизнес форумы үтәсәк. Быға тиклем республиканың бизнес өлкәһе вәкилдәре битуби форматында осрашыуҙар үткәрҙе. Теманы Белоруссиянан БЮТ хәбәрсеһе Айнур Кәбиров дауам итә.

Иглин районында йәшәгән Бөйөк Ватан һуғышы ветераны 100 йәшлек юбилейын билдәләне

Әхмәтзәки Нурғаян улы Сакаев 1924 йылда Әмир ауылында тыуған. 1942 йылдың 15 авгусында атаһы менән Бергә Ҡыҙыл Армия сафына саҡырыла һәм Хәрби-Диңгеҙ флотында хеҙмәт итә башлай. Бөйөк Ватан һуғышы тамаланғандан һуң ул биш йыл дауамында флотта эшләгәс кенә демобилизациялана. Оҙаҡ йылдар Әмит ауылы мәктәбендә уҡытыусы булып эшләй, ғаилә ҡороп биш бала тәрбиәләп үҫтерә.

Рәсәй президентын һайлауҙа видеокүҙәтеү илдең бөтә төбәктәрендә ойошторола

Был турала Үҙәк һайлау комиссияһынан хәбәр итәләр. Рәсәйҙә президент 6 йылға һайлана. Кандидаттар өсөн өс көн эсендә тауыш бирергә мөмкин. Һайлау 15, 16 һәм 17 мартта үтә. Башҡортостанда 3 меңдән ашыу һайлау участкаһы булдырылған.