Өфөнөң Ленин исемендәге паркында төҙөкләндереү эштәре ҡыҙа

Паркта эш барышы менән Башҡортостан башлығы Радий Хәбиров танышты. Төбәк етәксеһе төҙөлөш майҙанын даими күҙәтеп торасағын белдереп, паркты ремонтлау тураһында ҡарарҙың дөрөҫ булыуын билдәләне.

Өфөлә рәсми рәүештә Салауат Юлаев һәйкәле реставрацияһы проекты старт алды

Өфөлә рәсми рәүештә Салауат Юлаев һәйкәле реставрацияһы проекты старт алды. Тәүге этапҡа ярашлы, скульптураны тергеҙеү эштәренә әҙерлек бара. Быға бәйле монумент эргәһендәге майҙанға юл ябылды. Ҡойма менән уратылған биләмәлә төҙөлөш ҡаласығы булдырыу ҡаралған. Сентябрҙә кран ярҙамында һәйкәл постаменттан алынып, баш ҡалалағы махсус йыһазландырылған оҫтаханаға оҙатыла. Проект буйынса барлыҡ эштәрҙе сифатлы һәм ваҡытында башҡарыу бурысы тора.

Ирек Сәғитов Красный Луч ҡалаһында осрашыу уҙғарҙы

Башҡортостан Хөкүмәте Премьер-министры урынбаҫары Ирек Сәғитов Луганск халыҡ республикаһына эш сәфәре барышында Красный Луч ҡалаһы хакимиәте башлығы Сергей Соловьев менән осрашты.
Билдәле булыуынса, беҙҙең республика 2022 йылда төбәкте шефлыҡҡа алды. Был ҡаланы тергеҙеү генә түгел ине, ә тәү сиратта урындағы халҡтың рухын нығытыуға, уларға киләсәккә ышанысты ҡайтарыуға һәм тотороҡло үҫеш өсөн шарттар булдырыуға йүнәлтелде. Сергей Соловьев Башҡортостанға ярҙамы өсөн рәхмәт әйтеп, артабанғы уңышлы хеҙмәттәшлеккә өмөт белдерҙе.

Өфө медицина колледжы студенттарына диплом тапшырылды

Һөнәргә юл асылған мәл. Бөгөн Өфө медицина колледжы студенттарына диплом тапшырылды. Тантана баш ҡала мәҙәниәт һарайында үтте. Быйыл уҡыу йортон 522 уҡыусы тамамлай, уларҙың 200-ҙән ашыуы ҡыҙыл дипломға эйә булды.

Башҡортостанда урман янғындарына әҙерлек юғары

Премьер-министр Андрей Назаров хәбәр итеүенсә, республикала янғын һүндереү көстәрен үҫтереү стратегияһы ғәмәлгә ашырыла. Һуңғы алты йылда 8 бүлексә булдырылған, 6 депо төҙөлгән, 670 мең янғын иҫкәртеү приборы таратылған. - Өфө янында Булгаков һәм Нефтекамала Әмзә ауылдарында деполар төҙөү планлаштырыла, ти Андрей Назаров. Быйыл Башҡортостанда ун урман янғыны теркәлгән.

Мәктәпкә йыйынырға ярҙам акцияһы башланды

Башҡортостанда хәйриә акцияһы башлана. Изгелек марафоны 15-се тапҡыр уҙғарыла. Маҡсат - ауыр тормош хәлендәге ғаиләләргә балаларын мәктәпкә әҙерләргә ярҙам итеү. Акция бөгөн старт ала һәм йәй аҙағына тиклем бара. Унда ҡатнашыу өсөн яҙыу-һыҙыу әйберҙәрен алып ҡала һәм райондарҙа "Ғаилә" үҙәктәренә тапшырырға кәрәк. Шулай уҡ портфель, мәктәп форманы, уҡыу әсбаптары ҡабул ителә. Йәй аҙағында йыйылған ярҙам социаль учреждениеларҙа иҫәптә торған ғаиләләргә тапшырыла.

Өфөлә вандалдарҙан зыян миллиондарса һумға баһалана

Был турала ҡаланың коммуналь хужалыҡ һәм төҙөкләндереү идаралығы етәксеһе Арсен Латыпов белдерҙе. - Бөтә парк һәм скверҙарҙа тәртипһеҙлек осраҡтары теркәлеп тора. Балалар һәм спорт майҙансыҡтарын емерәләр, туҡталыштарҙы йәмһеҙләүселәр бар. Шулай уҡ түтәлдәрҙән сәскә урлап һатыусылар теркәлә, - ти ул.

Башҡортостан әсәлек һәм балалыҡты һаҡлауға миллиард һумдан ашыу аҡса алды

Бала табыу йорттары заманса ҡорамалдар менән йыһазландырыла, райондарҙа ҡатын-ҡыҙҙар өсөн консультация бүлмәләре асыла. Һаулыҡ һаҡлау министры Айрат Рәхмәтуллин белдереүенсә, "Ғаилә" милли проекты ғәмәлгә ашырыла. Уға ярашлы әсәләр һәм балаларға медицина ярҙамы күрһәтеү сифаты яҡшыра. Быйыл ҡатын-ҡыҙ консультациялары Языков, Борай, Иҫәнғол, Краснокама, Оло Ыҡтамаҡ, Миәкә, Нуриман, Үрге Тәтешле үҙәк район дауаханаларында асылырға тейеш.

Радий Хәбиров социаль селтәрҙә Евразия фәнни-мәғариф-үҙәге кампусы төҙөлөшө барышы менән таныштырҙы

Башҡортостан башлығы Радий Хәбиров социаль селтәрҙә Евразия фәнни-мәғариф-үҙәге кампусы төҙөлөшө барышы менән таныштырҙы. «Беҙҙең университет кампусын төҙөү дауам итә. Бында 13 берәмек техника йәлеп ителгән - эш ҡайнай. Студенттар яяңы объектты көтә. Минеңсә , беҙ архитектура күҙлегенән һәм объект эстәлеге буйынса ла илдә иң уңышлы кампусты төҙөйбөҙ» тип яҙған Радий Хәбиров.

Башҡортостанда айырыуса янғынға ҡаршы режим ғәмәлдә

Урман янғындары - иғтибар үҙәгендә. Башҡортостан хөкүмәте премьер-министры Андрей Назаров етәкселегендә үткән ултырышта төбәктә урман янғындарына бәйле хәл ҡаралды.
Андрей Назаров билдәләүенсә, көндәр ямғырлы һәм һалҡынса торғанға, әлегә урман янғындары борсолоу тыуҙырмай, хәл контролдә тотола. Йыл башынан республикала ҡоро үлән янып китеп, 291 тапҡыр янғын сыҡҡан. 18 апрелдән алып Башҡортостанда янғынға ҡаршы айырыуса режим ғәмәлдә.

Асылыкүлдә законһыҙ рәүештә балыҡ тотоу осраҡтарына ҡаршы көрәш алып барыла

Бер ай эсендә генә 8 ау табылған. Асылыкүлдә законһыҙ рәүештә балыҡ тотоу осраҡтарына ҡаршы көрәш алып барыла. Дәүләкән районындағы һыу ятҡылығында тәбиғәт паркы инспекторҙары тарафынан даими рейдтар үтә. Тәүлек әйләнәһенә күҙәтеү ойошторолған, хеҙмәткәрҙәр барлыҡ тейешле ҡорамалдар, тепловизор һәм төнгө күреү приборҙары менән тәьмин ителгән.

Башҡортостанда «Мәктәпкә әҙерләнергә ярҙам ит» хәйриә акцияһы башланды

Изгелек марафоны ауыр тормош хәлендә ҡалған ғаиләләрҙә тәрбиәләнгән балаларға яңы уҡыу йылына әҙерләнергә ярҙам итеү өсөн ойошторола. 1 июлдән 31 авгусҡа тиклем дауам иткән акцияла һәр кем ҡатнаша ала. Бының өсөн «Ғаилә» үҙәге бүлексәләренә канцелярия тауарҙары, яҙыу һәм һүрәт төшөрөү өсөн кәрәк-яраҡтар, балалар ижады өсөн әйберҙәр тапшырырға кәрәк.

Республика ашнаҡсылары оҫталыҡта көс һынашты

Беренсе урын алыусыға 50 мең һумлыҡ дәртләндереү сараһы. Башҡортостанда «Һөнәре буйынса иң яҡшыһы» Бөтә Рәсәй һөнәри оҫталыҡ конкурсының республика этабында иң яҡшы ашнаҡсы билдәләнде. Өфө туҡланыу индустрияһы һәм сервис колледжында ойошторолған бәйгелә район-ҡалаларҙан йәмәғәт туҡланыуы ойошмалары хеҙмәткәрҙәре ҡатнашты. Конкурсанттар технологик ҡорамалдар менән йыһазландырылған эш урыны һәм өҫтәлгә ҡуйылған азыҡ-түлек менән танышҡандан һуң ваҡытҡа өс төрлө ризыҡ әҙерләне.

Шаран районында Фән Вәлиәхмәтовҡа һәйкәл асылды

Шаран районында Башҡортостандың һәм Татарстандың халыҡ артисы, Салауат Юлаев ордены кавалеры Фән Вәлиәхмәтовҡа һәйкәл асылды. Тантана «Шаран еләге» республика этник фестивале сиктәрендә үтте. Байрам йыр-моңға ла, емеш-еләккә лә, тарихи-патриотик сараларға ла бай булды.

Өфөнән бер ир 23 миллион һумға алданған

60 йәшлек кешегә шылтыратыусы үҙен пенсия фонды хеҙмәткәре тип танытҡан, пенсия аҡсаһын яңынан иҫәпләү кәрәклеге тураһында белдергән. Унан һуң тағы шылтыратыуҙар булған. Йыйылған аҡсаһы Рәсәйгә дуҫ булмаған илдәргә күсерелеү ихтималлығы, енәйәт кодексы буйынса яуап тоторға тура киләсәге менән янағандар. Ошонан һуң ир банктан 23 миллион һум аҡсаһын сығарып алған. Уны өлөшләп курьерҙарға биргән. Ир банк хеҙмәткәрҙәренең иҫкәртеүҙәренә ҡолаҡ һалмаған.

Радий Хәбиров республиканың йәш спортсылары менән осрашты

Башҡортостан башлығы Радий Хәбиров республиканың йәш спортсылары менән осрашты. Өфөләге Көрәш һарайында билдәле спортсылар, йәш тренерҙар, һөнәри һәм һәүәҫкәр спорт федерациялары вәкилдәре, студенттар йыйылғайны. Спорт йәмәғәтселеге күтәргән көнүҙәк һорауҙар һәм осрашыуҙа яңғыраған мөһим ҡарарҙар тураһында репортаж.

Радий Хәбиров урта һөнәри белем биреү тармағын камиллаштырыуға арналған совет ултырышында ҡатнашты

Төрлө ведомство етәкселәрен берләштергән сара Евразия фәнни-мәғариф үҙәге кампусында уҙҙы. Ултырышта колледждарҙа тәрбиә эшен көсәйтеү, эшсе һөнәрҙәрҙең абруйын үҫтереү мәсьәләләре иғтибар үҙәгендә булды. Төбәк етәксеһе билдәләүенсә республикала урта һөнәри белем биреү системаһын камиллаштырыу йәһәтенән күп яҡлы етди эш алып барыла.

Өфөлә 13-сө Бөтә Рәсәй йәш ғалимдары советы съезы ҡунаҡтары өсөн экскурсия үтте

Рәсәйҙең ун биш төбәгенән йыйылған вәкилдәргә вуз-ара студенттар кампусы лабораториялары, атап әйткәндә, дрондарҙы осороу һәм йыйыу майҙансығы күрһәтелде. Шулай уҡ уйын платформалары һәм программа тәьминәтен эшләү, роботтарҙы йыйыу, 3Д принтер ярҙамында авиадвигателдәр өсөн деталдәр яһау процесы менән таныштырҙылар.

«Башҡортостан геройҙары» проекты ҡатнашыусылары икенсе уҡыу модулен башланы

«Берҙәм Рәсәй» партияһының төбәк булексәһендә «Башҡортостан геройҙары» кадрҙар проектында ҡатнашыусылар өсөн икенсе белем биреү модуле башланды. Программа Рәсәй Президенты башланғысында тормошҡа ашырылған «Геройҙар ваҡыты» федераль проектының дауамы. Проект махсус хәрби операция ветерандарына дәүләт һәм муниципаль власть органдарында, шулай уҡ республика предприятиелары һәм ойошмаларында лайыҡлы эш урыны биләү өсөн тейешле белем тупларға ярҙам итә.

Хәрби хәрәкәттәр ветерандары Ҡоролтайҙа патриотик эшмәкәрлеге өсөн бүләкләнде

Бөгөн Рәсәйҙә хәрби хәрәкәттәр ветерандары көнө билдәләнә. Ошо уңайҙан Башҡортостандың Дәүләт Йыйылышы - Ҡоролтайы рәйесе Константин Толкачёв «Шурави» хоккей командаһы ағзалары менән осрашты. Афған һуғышы һәм махсус хәрби операция ветерандарын берләштергән хоккей командаһы боҙҙа сығыш яһауҙан тыш, белем биреү учреждениеларында әүҙем йәмәғәт эше алып бара, йәш быуынды илһөйәрлек рухында тәрбиәләүгә күп көс һала. Иҫтәлекле көндө ветерандар Дәүләт Йыйылышы - Ҡоролтай наградаларына лайыҡ булды.