Башҡортостан Бөтә Рәсәй мәшғүллек йәрминкәһенә ҡушылды

Башҡортостан Бөтә Рәсәй мәшғүллек йәрминкәһенә ҡушылды. Бөгөн республиканың 60-тан ашыу төбәгендә вакасиялар йәрминкәһе ойошторолдо. Уларҙа 600-ҙән ашыу предприятие һәм ойошма 14 мең тирәһе эш урыны тәҡдим итте.

Алексей Касьянов Өфө студенттарына дипломдар тапшырҙы һәм фәнни үҫеш хаҡында һөйләне

Тотош курс менән ҡыҙыл дипломға! Өфө фән һәм технологиялар университетында Башҡортостан буйынса баш федераль инспектор Алексей Касьянов төбәктең юғары уҡыу йорттары студенттары менән осрашты. Һүҙ Волга буйы федераль округында һәм Башҡортостанда йәштәргә үҫешергә ярҙам иткән фәнни-мәғариф үҙәктәрендә заманса инфраструктура булдырылыуы, йәмәғәт проекттарының тотош бер спектры эшләүе хаҡында барҙы.

Баймаҡ районы балалар баҡсаларында йәйге ремонт эштәре бара

Йәй айҙары мәғариф усаҡтары өсөн ҡыҙыу ремонт осоро. Сөнки булдырылған уңайлыҡтар, яңы шарттар балаларҙың һаулығы һәм хәүефһеҙлеген күҙ уңында тотоп башҡарыла. Баймаҡ районы балалар баҡсаларындағы төҙөкләндереү эштәре хаҡында киләһе сюжетта.

Башҡортостандан оҙатылған 153-сө гуманитар ылау составында Донбасҡа килеп етте

Берҙәмлектә - көс, берҙәмлектә - еңеү! Башҡортостандан оҙатылған 153-сө гуманитар ылау составында Донбасҡа килеп етте. Тиҫтәләгән йөк машинаһына яугирҙар өсөн иң кәрәкле әйберҙәр тейәлгән. Был ярҙам халҡыбыҙҙың берҙәмлеген, иғтибарын һәм хәрбиҙәргә булған ихтирамын күрһәтә. Ватан һаҡсыларына тәғәйенләнгән ылауҙы БЮТ ижади төркөмө ҡаршы алды.

Өфөлө Йәштәр көнөн билдәләнеләр

Бөгөн Йәштәр көнө билдәләнә. Ошо уңайҙан Рәсәйҙең барлыҡ тәбәктәрендә, шул иҫәптән Өфөлә лә төрлө саралар уҙҙы. Баш ҡаланың Ағиҙел яры буйы байрамдың төп майҙансығына әйләнде. Ҡунаҡтар өсөн виртуаль уйын һәм аниме-косплей зоналары, сауҙа итеү майҙансыҡтары эшләне, төрлө конкурстар ойошторолдо, йәштәр араһында билдәле блогерҙар һәм артистар менән осрашыуҙар үтте. Шулай уҡ бай музыкаль программа ла әҙерләнгәйне.

Өфөлә Бөтә Рәсәй йәш ғалимдар съезы үтәсәк

Киләһе аҙнала Өфө Бөтә Рәсәй йәш ғалимдар советтары һәм студенттарҙың ғилми берләшмәләре Съезын ҡабул итә. Унда ҡатнашыуға ике меңдән ашыу заявка ҡабул ителгән. Сара барышында төрлө майҙансыҡтар эшләйәсәк, шулай уҡ 5-се Йәш ғалимдар конгрессы программаһына тәҡдимдәр ҡабул ителә. Съездың әһәмиәте, һәм Башҡортостанда йәш ғалимдарға булдырылған мөмкинлектәр тураһында БЮТ хәбәрсеһе Әлфинә Килдейәрова әҙерләгән әңгәмә.

Өс фәндән дә 100 балл: Алексей Лобовҡа Ҡоролтайҙа хөрмәт күрһәтелде

Бөгөн Дәүләт Йыйылышы - Ҡоролтай йортонда Берҙәм дәүләт имтихандарында юғары балл йыйған уҡыусы тәбрикләнде. Алексей Лобов өс фәнде лә йөҙөшәр балға яҙып, 300 балл туплауы тураһында алдан хәбәр иткәйнек инде. Был республика тарихында тәүге күренеш. Тантанала Алексей белем алған Өфөнөң 153-сө лицейы директоры һәм уҡытыусылары ла ҡатнашты. Педагогтар билдәләүенсә, Алексей бер ҡасан да дәрестәрҙе ҡалдырмаған, олимпиадаларҙа әүҙем ҡатнашҡан.

«Берҙәм Рәсәй» йәмәғәт штабында йәш сәйәси лидерҙар менән осрашыу үтте

«Берҙәм Рәсәй» партияһының йәмәғәт штабында «ПолитЗавод» федераль мәғариф проектында ҡатнашыусылар менән осрашыу үтте. «ПолитЗавод»- сәйәси әүҙем йәштәрҙе артабан республиканың ижтимағи-сәйәси тормошона йәлеп итеү өсөн асыҡ конкурс майҙаны. Осрашыу барышында унда ҡатнашыусылар власть вәкилдәренә үҙҙәрен ҡыҙыҡһындырған һорауҙарҙы бирҙе.

Мишкә районында «Ер ҡото» төбәк-ара этномәҙәни, илһөйәрлек фестивале үтте

Мишкә районында «Ер ҡото» төбәк-ара этномәҙәни, илһөйәрлек фестивале үтте. Мәртәбәле сара Башҡортостан район-ҡалаларынан һәм күрше төбәктәрҙән меңдән ашыу кешене берләштерҙе. Махсус хәрби операцияла ҡатнашыусылар, ветерандар һәм уларҙың ғаилә ағзалары иғтибар үҙәгендә булды. Фестивалдә «Ватанды һаҡлаусылар» дәүләт фонды филиалы, төрлө минстрлыҡ-ведомстволар тарафынан халыҡҡа күп яҡлы ярҙам күрһәтелде. Берҙәмлек һәм илһөйәрлек байрамы хаҡында киләһе сюжетта.

Баймаҡ районында Исхаҡ Ғүмәровҡа арналған хәтер кисәһе үтте

Батыр иҫтәлегенә. Баймаҡ районында Бөйөк Ватан һуғышы ҡаһарманы, полк командиры, гвардия подполковнигы, бихисап ордендар һәм миҙалдар кавалеры Исхаҡ Ғүмәровтың хәтер һәм ҡәҙер кисәһе үтте. Геройҙың данлы яу юлын уҡыусылар өйрәнгән.

Дәүләкән районында «Табын-Фест» йәштәр фестивале үтте

Бөйөк Еңеүҙең 80 йыллығы һәм Ватан һаҡсылары йылына арналған сара «Бәйге» ярышын да үҙ эсенә алды. Атап әйткәндә, бесән төргәген әйләндереү, төрлө ҙурлыҡтағы бүрәнәләрҙе күсереү, арҡан тартыу кеүек һынауҙар әҙерләнгәйне. Шулай уҡ «Табын батыры» менән «Табын һылыуы» конкурсы ла үтте.

Өфөлә «Беренселәр саҡырыуы» Бөтә Рәсәй проектының төбәк этабы үтте

Йәштәрҙе спорт менән шөғөлләнеүгә ылыҡтырыуға йүнәлтелгән проектта 6 йәштән 18 йәшкә тиклемге ҡыҙҙар-малайҙар ҡатнаша. Этап муниципаль кимәлдә еңеү яулаған иң яҡшы 23 команданы осраштырҙы. Фестивалдә ҡатнашыусылар биш дисциплинала - һыҙыҡ уйнау, гимнастика, резинка аша һиккереү,спорт скакалкаһын ҡуллана белеү кеүек йүнәлештәрҙә көс һынашты.

Башҡортостанда әсәлекте һәм балалыҡты һаҡлауға 1 миллиард һумдан ашыу аҡса йүнәлтелә

Башҡортостанда әсәлекте һәм балалыҡты һаҡлауға 1 миллиард һумдан ашыу аҡса йүнәлтелә. Был турала бөгөн Радий Хәбиров рәйеслегендә уҙған оператив кәңәшмәлә белдерелде. Был суммаға бала табыу йорттарын заманса ҡорамалдар менән йыһазландырыу һәм республика райондарында ҡатын-ҡыҙҙар консультацияларын төҙөү күҙ уңында тотола. Эш «Ғаилә» милли проекты һәм «Әсәлекте һәм балалыҡты яҡлау» төбәк программаһы буйынса алып барыла. Оператив кәңәшмәлә шулай уҡ ауылдарҙы газификациялау, янғын-ҡотҡарыу хеҙмәттәренең эшмәкәрлеге тураһында ла һүҙ барҙы.

Радий Хәбиров махсус хәрби операция яугирҙарына Шайморатов миҙалдарын тапшырҙы

Оператив кәңәшмәлә Радий Хәбиров махсус хәрби операция яугирҙарына Шайморатов миҙалдарын тапшырҙы. Юғары дәүләт наградаһына ике яҡташыбыҙ лайыҡ булды. Владимир Булавенцев махсус хәрби операция ветераны, ә Динис Тоҡомбәтов гвардияның өлкән лейтенанты, әле ҡыҫҡа ваҡытлы ялға ҡайтҡан. Шайморатов миҙалы уларға алғы һыҙыҡтағы ҡаһарманлыҡтары өсөн бирелде. Яугирҙар үҙ сиратында Республика етәкселегенә иғтибар, хәстәр өсөн рәхмәт белдерҙе.

Башҡортостанда транспорт инфраструктураһын модернизациялау дауам итә

Башҡортостанда төбәк һәм муниципаль-ара кимәлдәге юлдарҙың 740 саҡрым арауығында, йәмғеһе яҡынса 280 участкала ремонт эштәре планлаштырылған. Шулай уҡ 12 күпер төҙөкләндерелә. Был объекттар «Тормош өсөн инфраструктура» милли проектына индерелгән, әле 65 участкала эш башланған да инде. Республика йортонда төбәк башлығы Радий Хәбиров ҡатнашлығында үткән «Транспорт сәғәте» ултырышында район-ҡалаларҙа транспорт инфраструктураһын яңыртыу мәсьәләләре ҡаралды.

Өфөнөң Ленин исемендәге паркында төҙөкләндереү эштәре ҡыҙа

Паркта эш барышы менән Башҡортостан башлығы Радий Хәбиров танышты. Төбәк етәксеһе төҙөлөш майҙанын даими күҙәтеп торасағын белдереп, паркты ремонтлау тураһында ҡарарҙың дөрөҫ булыуын билдәләне.

Өфөлә рәсми рәүештә Салауат Юлаев һәйкәле реставрацияһы проекты старт алды

Өфөлә рәсми рәүештә Салауат Юлаев һәйкәле реставрацияһы проекты старт алды. Тәүге этапҡа ярашлы, скульптураны тергеҙеү эштәренә әҙерлек бара. Быға бәйле монумент эргәһендәге майҙанға юл ябылды. Ҡойма менән уратылған биләмәлә төҙөлөш ҡаласығы булдырыу ҡаралған. Сентябрҙә кран ярҙамында һәйкәл постаменттан алынып, баш ҡалалағы махсус йыһазландырылған оҫтаханаға оҙатыла. Проект буйынса барлыҡ эштәрҙе сифатлы һәм ваҡытында башҡарыу бурысы тора.

Ирек Сәғитов Красный Луч ҡалаһында осрашыу уҙғарҙы

Башҡортостан Хөкүмәте Премьер-министры урынбаҫары Ирек Сәғитов Луганск халыҡ республикаһына эш сәфәре барышында Красный Луч ҡалаһы хакимиәте башлығы Сергей Соловьев менән осрашты.
Билдәле булыуынса, беҙҙең республика 2022 йылда төбәкте шефлыҡҡа алды. Был ҡаланы тергеҙеү генә түгел ине, ә тәү сиратта урындағы халҡтың рухын нығытыуға, уларға киләсәккә ышанысты ҡайтарыуға һәм тотороҡло үҫеш өсөн шарттар булдырыуға йүнәлтелде. Сергей Соловьев Башҡортостанға ярҙамы өсөн рәхмәт әйтеп, артабанғы уңышлы хеҙмәттәшлеккә өмөт белдерҙе.

Өфө медицина колледжы студенттарына диплом тапшырылды

Һөнәргә юл асылған мәл. Бөгөн Өфө медицина колледжы студенттарына диплом тапшырылды. Тантана баш ҡала мәҙәниәт һарайында үтте. Быйыл уҡыу йортон 522 уҡыусы тамамлай, уларҙың 200-ҙән ашыуы ҡыҙыл дипломға эйә булды.

Башҡортостанда урман янғындарына әҙерлек юғары

Премьер-министр Андрей Назаров хәбәр итеүенсә, республикала янғын һүндереү көстәрен үҫтереү стратегияһы ғәмәлгә ашырыла. Һуңғы алты йылда 8 бүлексә булдырылған, 6 депо төҙөлгән, 670 мең янғын иҫкәртеү приборы таратылған. - Өфө янында Булгаков һәм Нефтекамала Әмзә ауылдарында деполар төҙөү планлаштырыла, ти Андрей Назаров. Быйыл Башҡортостанда ун урман янғыны теркәлгән.