Шишмә районында яугирҙар һәм ирекмәндәр өсөн тактик медицина буйынса семинар уҙғарылды

Шишмә районында Әлкә инженер-сапер бригадаһы һалдаттары һәм ирекмәндәр өсөн тактик медицина буйынса семинар уҙғарылды. Теоретик һәм практик дәрестәр барышында улар Ғәҙәттән тыш хәл шарттарында, ғүмер өсөн хәүефле осраҡтарҙа үҙҙәренә һәм зыян күреүселәргә беренсе ярҙам күрһәтергә өйрәнде.

Өфөнөң Ҡулса урамы 170 кәсер 2 йортонда йәшәүселәр йыл һайын ҡыйыҡтан аҡҡан һыуға ҡаршы көрәшә

Өфөнөң Ҡулса урамы 170 кәсер 2 йортонда йәшәүселәр йыл һайын ҡыйыҡтан аҡҡан һыуға ҡаршы көрәшә. Проблема юғары ҡаттарҙа йәшәүселәрҙе генә борсомай, ямғыр һыуҙары икенсе ҡатҡа тиклем үтә. Төрлө инстанцияларға мөрәжәғәт итеү ҙә тейешле һөҙөмтә бирмәгән .

Хәйбулла районында Мөхәмәтйән Ҡаҙаҡбаев исемендәге «Сәсән һүҙе нур сәсә» асыҡ республика конкурсы үтте

Хәйбулла районында Мөхәмәтйән Ҡаҙаҡбаев исемендәге «Сәсән һүҙе нур сәсә» асыҡ республика конкурсы үтте. Ике йылға бер ойошторолған бәйгелә Башҡортостан район-ҡалаларында һәм күрше төбәктәрҙә йәшәүсе 40 сәсән һәм йыраусы ҡатнашты. Мөхәмәтйән Абдулла улы халыҡ ижадын һаҡлау һәм үҫтереүгә тос өлөш индергән шәхес. Уның репертуарында 100-ҙән ашыу оҙон йыр, мөнәжәт, бәйет һәм таҡмаҡтар урын алған. Сит ил сәхнәләрендә лә сығыш яһап, башҡорт мәҙәниәтен танытҡан.

Башҡортостан Ҡытайға рапс майын ебәреүҙе арттыра

Йыл башынан күрше дәүләткә 7 мең ярым тонна продукция экспортҡа оҙатылған. Был уҙған йыл менән сағыштырғанда 2 мең ярым тоннаға күберәк. Рапс майы өлгөләре лаборатияла тикшереү үткән, барлыҡ санитар нормаларға тап килә, тип белдерәләр Рәсәй Ауыл хужалығын күҙәтеү хеҙмәтенең республика буйынса идаралығынан.

Башҡортостанда йәш ғаилә мутлашыусыларҙан алданған

Эске эштәр министрлығынан хәбәр итеүҙәренсә, Стәрлетамаҡта 24 йәшлек иргә шылтыратыусы үҙен һалым хеҙмәткәре тип таныштырған. Мәғлүмәттәрҙе яңыртыу өсөн смс-кодты әйтергә күндергән. Ошонан һуң йәнәһе лә Үҙәк банк менән элемтә булған. Ирҙең исеменә кредит алырға маташыуҙары тураһында иҫкәрткәндәр. Аҡсаны һаҡлап ҡалыу өсөн тиҙерәк яуап кредиты алырға кәрәк тигәндәр. Ир үҙенә һәм ҡатыны исеменә аҙна буйы кредит алып мутлашыусыларға 5 миллион һумдан ашыу аҡса күсергән. Был хәл буйынса енәйәт эше асылған.

Көнкүреш ҡалдыҡтарын сығарыу ҡиммәтләнә

Төбәк операторҙары 1 июлдән хаҡтарҙы 7 проценттан 13 процентҡа тиклем күтәрергә ниәтләй. Торлаҡ йорттоң төрөнә һәм урынлашыу биләмәһенә ҡарап, сүп сығарыу өсөн айлыҡ түләү 130 һумдан артмаҫҡа тейеш, ти белгестәр.

⚡️ Разыгрываем 2 сертификата в книжный магазин!

Любите читать? Тогда скорее участвуйте в нашем розыгрыше!

Два счастливчика могут стать обладателями подарочных сертификатов в один из крупнейших книжных магазинов.

👉🏻 Как принять участие в розыгрыше?

Подпишись на каналы ниже и нажми кнопку “Участвую”:

БСТ | Новости Башкортостана

ЮЛДАШ радиоһы

БСТ | Яңылыҡтар

Бот-рандомайзер случайным образом выберет двух победителей 30 июня в 14:00. Обратите внимание, что сертификаты можно будет забрать у нас в офисе по адресу: Уфа, ул. Гафури 9/1.

🥳 Всем удачи!

1-се курс студенттары фестивале уҙғарыла

Радий Хәбиров тейешле бойороҡҡа ҡул ҡуйҙы. Сара 4-се сентябрҙә Көрәш һарайында үтәсәк. Студенттарҙы беренсе курсҡа ҡабул итеү йолаһын йыл һайын уҙғарыу ҡарала, тип белдерҙе Республика Башлығы.

Өфөлә Рәшит Шәкүр һәм Мәстүрә Саҡаева урамдары барлыҡҡа килде

Ҡала советы депутаттары Ленин районында ике урамға исем биреү тураһында ҡарар ҡабул итте. Рәшит Шәкүр - Башҡортостандың халыҡ шағиры, билдәле яҙыусы, профессор, Халыҡ-ара төрки академияһы академигы. Мәстүрә Саҡаева билдәле табип, ул Ҡыуатов исемендәге дауаханала бөйөр ауырыуҙары үҙәгенә нигеҙ һалыусыларҙың береһе. Республикала урология һәм нефрология хеҙмәттәре үҫешенә ҙур өлөшө индерә.

Башҡортостанда инвесторҙар өсөн 1400 буш майҙансыҡ әҙер

Былтыр Башҡортостандың үҫеш корпорацияһына яңы производство төҙөргә урын һорап 80 эшҡыуар мөрәжәғәт иткән. Быйыл әле үк 30 мөрәжәғәт бар. Уның иллеһен «Инвестиция сәғәтендә» тикшерҙек, тип яҙа Радий Хәбиров социаль селтәрҙәрендә.

Туймазыла Башҡортостан хөкүмәте премьер-министры эшҡыуарҙар менән осрашыу үткәрҙе

Иң әүҙем һәм креатив эшҡыуарҙар Туймазыла эшләй. Был турала Башҡортостан хөкүмәте премьер-министры Андрей Назаров район эшҡыуарҙары менән осрашыуҙа белдерҙе. Һөйләшеү диалог форматында үтте. Туймазының бизнес йәмғәтселеге менән осрашыу тәүгеһе түгел, әлегә тиклем был сара республиканың ете муниципаль берәмегендә үткән. Эшҡыуарҙар менән осрашыу Башҡортостан башлығы Радий Хәбировтың ҡушыуы буйынса ойошторола. Бизнес форумда республиканың барлыҡ министрлыҡ-ведомство етәкселәре ҡатнаша.

Әлшәй районы халҡы махсус хәрби операция биләмәһенә гуманитар ылау оҙатты

Ярҙам алғы һыҙыҡҡа республиканан тупланған ҙур конвой составында барып етәсәк. Махсус хәрби операция башланғандан алып муниципалитет хәрбиҙәргә 20 тапҡырҙан ашыу ярҙам йыйған. Һәр ылау яугирҙарҙың теләген иҫәпкә алып туплана. Был юлы яугирҙарға 2 УАЗ автомобиле, мотоциклдар, төҙөлөш материалдары һәм шәхси посылкалар ебәрелде.

Башҡорт моңо фронтта яңғырай: артистар һәм ирекмәндәр яугирҙарҙы ҡеүәтләне

Батыр йөрәкле башҡорт ҡыҙҙары йәнә алғы һыҙыҡта. «Ете ҡыҙ» йәмәғәт ойошмаһы вәкилдәре Донецк һәм Луганск Халыҡ Республикаларындағы хәрби берләшмәләрҙә булды. Был сәфәр яугирҙарға гуманитар ярҙам күрһәтеү һәм көс биреү маҡсатында ойошторолдо.

Өфөнән йәш ғалимә – Рәсәйҙең «ТОП-1000» университет стартаптары араһында беренсе

Өфөнән йәш ғалимә Айгөл Шадрина икенсе йыл рәттән Рәсәй Фән һәм юғары белем министрлығының «ТОП-1000» университет стартаптары рейтингында беренсе урын яулаған Уның Вуз-ара кампуста тормошҡа ашырылған «Киләсәк образы» мәғариф проекты Рәсәйҙең сәнәғәт предприятиеларына үҙ төбәктәрендә үҫмерҙәр менән һөҙөмтәле бәйләнеш булдырыуға булышлыҡ итә.

Радий Хәбиров Мәскәүҙә «Берҙәм Рәсәй» партияһының генераль советы ултырышында ҡатнашты

Башҡортостан башлығы Радий Хәбиров Мәскәүҙә «Берҙәм Рәсәй» партияһының генераль советы ултырышында ҡатнашты. Сараны сәйәси фирҡәнең рәйесе Дмитрий Медведев алып барҙы.
Ултырышта башҡарылған эштәргә йомғаҡ яһалды, киләсәккә бурыстар билдәләнде. Дмитрий Медведев белдереүенсә, әле партия сафын яңы көстәр менән тулыландырыу буйынса әүҙем эш алып барыла.

Өфөлә идара кадрҙарын әҙерләү федераль программаһының күсмә модуле эшләй башланы

Өфөлә идара кадрҙарын әҙерләү федераль программаһының күсмә модуле эшләй башланы. Президент академияһы базаһында тормошҡа ашырылған курс үҙ белемдәрен киңәйтергә һәм системаға һалырға теләүсе тәжрибәле идарасылар өсөн тәғәйенләнгән. Программала 12 модуль. Һәм уларҙың береһе - милләт-ара һәм конфессиональ мөнәсәбәт мәсьәләләренә арналғанын ҡатнашыусылар Башкортостанда өйрәнә.

«Башҡортостан геройҙары» проекты икенсе этапҡа күсә

«Башҡортостан геройҙары» проектының 150 шәхсән әңгәмә һынауы үтеүсенең яртыһы ғына киләһе этапҡа һайлап алына. Унда ҡатнашыусылар араһында ветерандар ҙа, отпуск ялына ҡайтҡан яҡташтарыбыҙ ҙа бар. Иҫегеҙгә төшөрәбеҙ, проект Радий Хәбиров тәҡдиме менән 24 февралдә ойошторолдо.

Аҡъяр тау колледжында тәүге тапҡыр дәүләт аттестацияһы үҙ урынында үтте

Аҡъяр тау колледжы студенттары тәүге тапҡыр үҙ уҡыу йортонда биш йүнәлеш буйынса дәүләт аттестацияһы үтте. Быға тиклем уларға имтихан тотоу өсөн Учалы һәм Сибай ҡалаларына йөрөргә тура килгән. Хәҙер колледжда уҡ атесттация үтеү өсөн генә түгел, ә уҡыу процессын яҡшыртыу өсөн заманса шарттар тыуҙырылған.

Стәрлебаш районынан Федоровкаға илткән автомобиль юлында ремонт эштәре бара

Стәрлебаш районынан Федоровкаға илткән автомобиль юлында ремонт эштәре бара. Әлегә ике саҡрым участкала яңы асфальт ҡатламы түшәлгән. Объектты яңыртыу буйынса пландар һәм файҙаланыуға тапшырыу ваҡыты - киләһе материалда

Стәрлетамаҡта "Ҡала алдындағы ҡаҙаныштар өсөн" билдәһе булдырылды

Ул иҡтисад, мәғариф, мәҙәниәт, спорт, һаулыҡ һаҡлау, ирекмәнлек һәм башҡа өлкәләрҙә ҙур ҡаҙаныштарға ирешкән граждандарға бирелә. Дәғүәселәрҙе предприятие һәм ойошмалар тәҡдим итә, ғаризаларҙы махсус комиссия ҡарай.