Өфөлә 19 йәшлек студент ҡыҙ тракторсы булып эшләй

Эдиля Мирғаязова баш ҡаланың Октябрь районында Төҙөкләндереү хеҙмәтенә урынлашҡан. Хакимиәт башлығы Антон Тарасов белдереүенсә, ҡыҙ МТЗ тракторын йөрөтә. Ул йәйге каникулда үҙен һынап ҡарарға, эшкә өйрәнергә ҡарар иткән. "Эдиля бөтә районға берҙән-бер тракторсы ҡыҙ. Эшкә тырыш булыуын күрһәтте. Беҙҙә тәжрибә туплар, оҫталығын арттырырына ышанам", - тигән Антон Тарасов.

Башҡортостан колледждарында 24 мең бюджет урыны була

Был турала мәғариф министры урынбаҫары Светлана Антипина белдерҙе. Быйыл уҡыу йорттарында тағы ике мең бюджет урыны өҫтәлә. Бының өсөн ҡаҙнанан 170 миллион һум тотонола. 1 мең ярым урын машина төҙөү предприятиелары өсөн кадрҙар әҙерләүгә тәғәйенләнә.

Мариуполь тергеҙелә: Башҡортостан төҙөүселәре ҡалаға яңы һулыш өрә

Көл-күмерҙән тергеҙелгән ҡала. Мариуполь бөгөн ҙур төҙөлөш майҙанын хәтерләтә. Аҙау диңгеҙе ярындағы ҡала 2022 йылдың февралендә тамуҡҡа әйләнә. Ул ваҡытта Украин артиллерияһы урамдарҙы аяуһыҙ утҡа тота, йорттар емерелә, меңәрләгән кеше подвалдарға йәшеренә. Рәсәйгә ҡушылғандан һуң ғына бында яңы тормош башлана. Илдең төрлө субъекттары, шул иҫәптән Башҡортостан төҙөүселәре Мариуполде тергеҙергә тотона.

Константин Толкачев медицина хеҙмәткәрҙәрен һөнәри байрам менән тәбрикләне

Дәүләт Йыйылышы - Ҡоролтай рәйесе Константин Толкачев Медицина хеҙмәткәрҙәрен һөнәри көнө байрамы менән тәбрикләне. Ул республика халҡы исеменән табиптарға, шәфҡәт туташтарына, һаулыҡ һаҡлау өлкәһендә эшләгән барлыҡ хеҙмәткәрҙәргә изге эш һәм һөнәргә тоғролоҡ өсөн рәхмәт белдерҙе. Байрам уңайынан һөнәр алдынғыларына дәүләт наградалары тапшырылды.

Республикала йылҡысылар форумы уҙғарыла

Ул 21 июндә Өфө районында була. Башҡортостан Ауыл хужалығы министрлығынан ошо турала белдерәләр. Сара барышында тармаҡты үҫтереү, дәүләт ярҙамы, тоҡомдо камиллаштырыу мәсьәләлре ҡарала. Шулай уҡ йылҡысылыҡ өлкәһенә кадрҙар әҙерләү темаһы күтәрелә. Форумда Рәсәй төбәктәре һәм Ҡаҙағстандан билдәле ғалимдар, фермер хужалығы етәкселәре ҡатнаша.

Йылайыр районының Матрай ауылы мәктәбенә 100 йыл

18 июнгә сюжет. Матрай мәктәбенә -100 йыл. Йылайыр районының Матрай ауылы мәктәбенә 100 йыл. Белем усағын төрлө йылдарҙа тамамлаусылар ошо көндәрҙә туған мәктәбен бер быуатлыҡ юбилейы менән ҡотларға йыйылды.

Баш ҡалала 20 йәшкәсә егет-ҡыҙҙар араһында пляж волейболы буйынса республика беренселеге үтте

Баш ҡалала 20 йәшкәсә егет-ҡыҙҙар араһында пляж волейболы буйынса республика беренселеге үтте. Ярышта Өфөнән, Ауырғазы һәм Иглин райондарынан 12 команда ҡатнашты. Уйындар икегә ике форматында үтте, еңеүсе өсөнсө партия һөҙөмтәләре буйынса билдәләнде. Иң көслө команда Волга буйы федераль округы беренселегендә Башҡортостан данын яҡлай. Быға тиклем 15, 17 һәм 19 йәшкә тиклемге спортсылар араһында ошондай уҡ ярыштар уҙғарылғайны.

Ағиҙел ҡалаһында һыу аҫты һунары фестивале үтте

Ағиҙел ҡалаһында һыу аҫты һунары фестивале үтте. Ике көн дауам иткән сарала илдең 12 төбәгенән 35 команда, йәғни 105 һунарсы ҡатнашты. Ярыш Ағиҙел йылғаһы акваторияһында уҙғарылды. Беренсе урынды Ҡазандан килгән команды алды, коллектив 50 кг ауырлыҡтағы йәйен тотто.

Өфөнөң «Торатау» конгресс холында Медицина хеҙмәткәрҙәре көнөнә арналған тантаналы ултырыш үтте

Өфөнөң «Торатау» конгресс холында Медицина хеҙмәткәрҙәре көнөнә арналған тантаналы ултырыш үтте. Аҡ халатлыларҙы һөнәри байрамдары менән Башҡортостан башлығы тәбрикләне. Радий Хәбиров халыҡ сәләмәтлеге һағында тороусыларға фиҙаҡәр хеҙмәте өсөн рәхмәт белдереп дәүләт наградалары тапшырҙы. Шулай уҡ Башҡортостан медицина учреждениеларна 31 автмобиль асҡысы тапшырылды. Транспорт саралары «Медицинаның беренсел звеноһын яңыртыу» милли проекты буйынса алынған.

Медицина хеҙмәткәрҙәренә – дәүләт һәм ведомство наградалары

Фиҙаҡәрлеккә - абруйлы награда. Башҡорт дәүләт академия опера һәм балет театрында ла һөнәри байрам уңайынан 200-ән ашыу медицина хеҙмәткәренең хеҙмәте һәм шәхси ҡаҙаныштары дәүләт һәм ведомство наградалары менән билдәләнде. Халыҡтың сәләмәтлеген хәстәрләп, тынғыһыҙ эшмәкәрлек алып барыусыларға Лука Крымский миҙалы, «Һаулыҡ һаҡлау отличнигы» билдәһе, Почет грамоталары һәм маҡтаулы исемдәр тапшырылды.

Башҡортостан Петербург форумында: иҡтисад, мәҙәниәт һәм милли брендтар

Илдең төньяҡ баш ҡалаһында Халыҡ-ара иҡтисади форум эш башланы. Дүрт көн дауамында барасаҡ күләмле сара Рәсәй төбәктәренән тыш, донъяның 92 сит ил ҡунаҡтары ҡатнашлығында үтә. Форумдың тәүге көнөндә төбәк ресторандары менән бергә, дүрт автор гастрономия проекттары асылды. Улар араһында беҙҙең милли аш-һыуҙарҙы тәҡдим иткән «Башҡортостан» рестораны ла бар. Быйылғы форумда республика традицион мәҙәниәт аша фәнни-технологик йүнәлештәге килешеүҙәр төҙөү маҡсатында эш алып барасаҡ.

Пилотһыҙ авиация үҫешендә Башҡортостан алдынғылар иҫәбендә

Башҡортостан Петербург халыҡ-ара иҡтисади форумында тәҡдим ителгән төбәктәрҙе «дронофикациялау» пилот рейтингында өсөнсө урын яуланы.
Рейтингты төҙөүселәр илдең 47 төбәгенең пилотһыҙ осоу тармағын үҫтереүгә йәлеп ителеүен баһалаған. Был турала социаль селтәрҙә Башҡортостан башлығы хәбәр итте.

Радий Хәбиров «Патриот» паркында Башҡортостандың география уҡытыусылары менән осрашты

Радий Хәбиров Шишмә районындағы «Патриот» паркында Башҡортостандың география уҡытыусылары менән осрашты. Төбәк етәксеһе билдәләүенсә, йәш быуынды илһөйәрлек рухында тәрбиәләүҙә педагогтарҙың роле баһалап бөткөһөҙ. Тап улар ярҙамында мәктәп уҡыусылары тирә-яҡтағы мөхитте өйрәнә. Шулай уҡ был фән «Ватан» төшөнсәһе менән дә айырылғыһыҙ.

Өфөнөң «Защитник» үҙәгендә хәрби хеҙмәткә контракт төҙөүселәрҙе ҡабул итеү дауам итә

Бында республика район-ҡалаларынан, Рәсәйҙең башҡа төбәктәренән килгән граждандар документ туплай, банк иҫәбе аса, медицина тикшереүе үтә һәм кәрәкле анализдар тапшыра. Контракт буйынса килешеүҙе 18 йәштән алып 65 тиклем ир-егеттәр төҙөй ала. Башҡортостанда контракт килешеүе төҙөүсе ир-егеттәргә түләүҙәр һәм шулай уҡ ғаиләләренә төрлө ярҙам сараһы ҡаралған. Тулыраҡ мәғлүмәт өсөн хәрби комиссариатҡа йәки республика һайлап алыу пунктына мөрәжәғәт итергә мөмкин.

Башҡортостан сит илдәрҙә Discover Russia тигән бренд менән танытыла

Эшҡыуарлыҡ һәм туризм министрлығы бренд координаторы - Стратегик башланғыстар фонды менән килешеү төҙөлдө. Республика ведомствоһы башлығы Зөһрә Гордиенко белдереүенсә, милли туристик бренд системаһына ҡушылыу Башҡортостан туристик индустрияһы үҫешендә ҙур аҙым булып тора. Беҙҙең республиканан тыш Discover Russiаға 24 төбәк ҡушылған.

Петербург Халыҡ-ара иҡтисади форумының икенсе көнө эш башланы

Күләмле сара донъяның 140 иленән 20 меңдән ашыу кеше ҡатнашлығында үтә. Санкт-Петербург ҡалаһында Рәсәй төбәктәре менән бергә, Башҡортостан стенды иҡтисади мөмкинлектәре менән таныштыра. Көн дауамында бер нисә килешеүгә ҡул ҡуйыласаҡ. Форум барышын БЮТ ижади төркөмө күҙәтә.

Башҡортостанда ҡырағай йәнлектәр һаны артҡан

Республика урмандарында айыу, ҡоралай һәм мышылар күбәйгән. Ҡырағай хайуандарҙы аулаған һунарсыларға дәртләндереү сараһы булдырырға ниәтләйҙәр. Тәбиғәттән файҙаланыу һәм экология министрлығы ошондай тәҡдим менән сығыш яһаны. Бындай башланғыс йәнлектәр араһында ҡотороу осраҡтарын кәметеү маҡсатында булдырыла.

Махсус хәрби операция биләмәһенә Ҡалтасы районынан гуманитар ылау килеп етте

Хәрбиҙәргә тәгәрмәсле мунса. Махсус хәрби операция биләмәһенә Ҡалтасы районынан гуманитар ылау килеп етте. Был юлы урындағы халыҡ яҡташ яугирҙарына 4 техника оҙатҡан. Шуларҙың береһе үҙгәртеп ҡоролған «ПАЗ» автобусы. Уны оҫталар мобиль мунса итеп эшләгән. Эске яғында мейес, йыуыныу бүлмәһе, эләүкә һәм кейем элгестәр бар. Был мунса яугирҙарға фронт шарттарында таҙалыҡты һаҡларға, ял итергә ярҙам итәсәк.

Башҡортостан ирекмәндәре яугирҙар өсөн Рәсәй флагын үрә

Халыҡ фронты «Маскировка Щит Өфө» ирекмәндәре хәрәкәте менән берлектә Рәсәй флагын үреп, уны яугирҙарға тапшырырға ниәтләй. Дүрт квадрат метр ярым ҙурлыҡтағы триколорҙы эшләү өсөн оҫталарға ни бары бер сәғәттән ашыу ваҡыт талап ителде. Сөнки бында маскировка селтәрҙәрен үреүгә оҡшаш техника ҡулланыла.

Өфөлә «Берҙәмлектә - көс» хәйриә концертты уҙҙы

Өфөлә «Берҙәмлектә - көс» хәйриә концертты уҙҙы. Сараға махсус хәрби операция яугирҙары, уларҙың ғаилә ағзалары, фронтҡа ярҙам итеүсе ирекмәндәр саҡырылды. Концерт алдынан хәрбиҙәргә хәрби хәрәкәттәр ветераны танытмалары тапшырылды. Тантана «Башҡортостан» дәүләт концерт залында үтте. Ҡунаҡтар алдында билдәле артистар сығыш яһаны. Билет һатыуҙан йыйылған аҡса махсус хәрби операция биләмәһендәге һалдаттарға ярҙамға йүнәлтеләсәк.