Башҡортостан күмәк халыҡ ҡатнашлығында саралар уҙғарыу өсөн федераль аҡса ала

44 миллион һум ҡаралған. Был сумма "Туризм һәм ҡунаҡсыллыҡ" милли проектына ярашлы бүленә. - Республика бөтә илдән туристар йәлеп итерлек мауыҡтырғыс һәм иҫтә ҡалырлыҡ саралар уҙғарыу өсөн яңы мөмкинлек ала, тип хәбәр итәләр Эшҡыуарлыҡ һәм туризм министрлығынан. Милли проект буйынса Башҡортостанда "Салауат йыйыны", Сәләмәтлек һәм туризм, Күсмә мәҙәниәттәр, Ҡунаҡсыллыҡ, "Терра ҡыш" фестивалдәре уҙғарыла.

Муниципаль инвестиция стандарттарын ғәмәлгә ашырыу һөҙөмтәләре иғлан ителде

Беренсе вице-премьер-Иҡтисади үҫеш һәм инвестиция сәйәсәте министры Рөстәм Моратов белдереүенсә, ҡалалар араһында иң яҡшыһы тип Нефтекама танылған. Шулай уҡ Салауат һәм Өфө билдәләнгән. Райондар араһында Благовещен, Мәләүез һәм Бөрө аталған. Рөстәм Моратов белдереүенсә, 2018 йылдан Республика кимәлендә 172 инвестиция сәғәте уҙғарылған. Ошондай эш район һәм ҡалаларҙа ла алып барыла.

Радий Хәбиров «Евразия йөрәгенә сәйәхәт» Халыҡ-ара экспедицияһында ҡатнашыусылар менән осрашты

Башҡортостан башлығы Радий Хәбиров «Евразия йөрәгенә сәйәхәт» Халыҡ-ара экспедицияһында ҡатнашыусылар менән осрашып, маршруттың республика аша һалыныуына рәхмәтен белдерҙе. Гуманитар-эшлекле башланғыс 6 июндә Мәскәүҙә старт алғайны, экспедиция Үҙәк Азия менән Рәсәйҙең утыҙҙан ашыу ҡалаһы аша үтә.

Радий Хәбиров Николай Красниковтың туғандары һәм яҡындарының ҡайғыһын уртаҡлашты

Башҡортостан башлығы Радий Хәбиров Николай Красниковтың туғандары һәм яҡындарының ҡайғыһын уртаҡлашты. Легендар мотоуҙышсы бөгөн төндә юл-транспорт ваҡиғаһында вафат булды.

Тәүлек әйләнәһенә ҡотҡарыу: балалар санитар авиацияһы 10 йыллыҡҡа аяҡ баҫа

Киләһе йыл Республика балалар клиник дауаханаһының балалар санитар авиацияһы бүлексәһе 10 йыллығын ҡаршылай. Юл-транспорт ваҡиғаһы булһынмы, янғын осраҡтарымы - Өфө табиптары республиканың төрлө район-ҡалаларына юлланып, кескәй ғүмерҙәрҙе ҡотҡара. Йыл һайын мең ярамдан ашыу саҡырыу эшкәртелә.

Дрон-камикадзеларға ҡаршы — мотоуҡсыларҙың яңы күнекмәләре

Дрон-камикадзе - махсус хәрби операцияның ҡурҡыныс ҡоралы. Уның төп маҡсаты - Рәсәй армияһының тере көстәрен һәм хәрби техникаһын юҡ итеү. Шуға күрә ватандаштарыбыҙҙың был ҡоралға ҡаршы эш итә белеүе бик мөһим. 428-се мотоуҡсылар полкының шәхси составы пилотһыҙ осоу аппараттарын ваҡытында асыҡлау һәм уларға ҡаршы саралар күреү алымдарын камилаштара.

Мәккәлә хаж ҡылыусыларҙың бер төркөмө Башҡортостанға әйләнеп ҡайтты

«Ватанды һаҡлаусылар» дәүләт фонды тарафынан ойошторолған сәфәрҙә хәрби бәрелештәр ветерандары һәм махсус хәрби операцияла һәләк булған яугирҙарының ғаилә ағзалары ҡатнашҡайны. Изге ғәмәлде Башҡортостандан 30 кеше үтәне. Шулай уҡ Ырымбур өлкәһендә йәшәгән 10 милләттәшебеҙ ҙә имтихан һөҙөмтәләре буйынса уҡыуҙарҙы уңышлы үтеп, хаж ҡылды.

Салауат Юлаевтың тыуған көнөнә бәйле уның һәйкәленә сәскә һалынды

Бөгөн милли батырыбыҙ Салауат Юлаевтың тыуған көнөнә бәйле уның һәйкәленә сәскә һалынды. Тантанала мәҙәниәт министрлығы, Бөтә Донъя башҡорттары ҡоролтай ағзалары, депутаттар һәм йәмәғәт вәкилдәре ҡатнашты. Салауат Юлаев һәйкәле халыҡты берләштергән ғәҙеллек символы булып тора.

Салауат Юлаевтың тыуған көнө уңайынан әҙәби-музыкаль кисә ойошторолдо

Салауаттың рухы - мәңгелек. Бөйөк шәхес, милли герой Салауат Юлаевтың тыуған көнө уңайынан әҙәби-музыкаль кисә ойошторолдо. Унда төрлө быуын шағирҙар, яҙыусылар үҙ әҫәрҙәрен уҡыны, сәнғәт әһелдәре сығыш яһаны. Сара йыл һайын уҙғарыла. Быйыл ул беренсе тапҡыр Яҙыусылар йортонда үтте.

Фёдоровка районындағы һабантуй Махсус хәрби операция ҡаһармандарына арналды

Күпселек райондарҙа быйылғы һабантуйҙар республикала иғлан ителгән Махсус хәрби операцияла ҡатнашыусылар һәм уларҙың ғаиләләренә ярҙам йылы һәм Рәсәй кимәлендә билдәләнгән Ватанды һаҡлаусылар йылына арнап уҙғарыла.

Башҡортостанда беренсел медицина звеноһына биш миллиард һум йүнәлтелә

Быйыл Башҡортостанда һаулыҡ һаҡлауҙың беренсел звеноһына ярҙамға биш миллиард һум самаһы аҡса йүнәлтелә. Был хаҡта бөгөн Радий Хәбиров рәйеслегендә уҙған республика хөкүмәте кәңәшмәһендә хәбәр ителде. Оператив кәңәшмәлә шулай уҡ махсус хәрби операция яугирҙарына һәм уларҙың ғаилә ағзаларына өҫтәмә ярҙам саралары ҡаралды. Әлегә тиклем 40-лап ярҙам пункты булһа, хәҙер уларҙың иҫәбе 54-кә етә.

Йыл башынан ғына Өфөлә 200 йүкә ағасы ултыртылға

Йыл башынан ғына Өфөлә 200 йүкә ағасы ултыртылған. Баш ҡаланы йәшелләндереү мәсьәләләре «Йәмәғәт биләмәләре сәғәте» форматында үткән кәңәшмәлә өйрәнелде. Радий Хәбиров сираттағы тематик ултырыш уҙғарҙы.

Өфөлә «Онкоурология аҙналығы» Халыҡ-ара форумы үтә

Өфөлә «Онкоурология аҙналығы» Халыҡ-ара форумы үтә. Унда Рәсәй төбәктәре һәм сит илдәрҙән медицина өлкәһе белгестәре ҡатанаша, улар көнүҙәк тема буйынса вуз-ара студенттар кампусында фекер алыша,тәжрибә уртаҡлаша. Осрашыуҙа яман шеш менән көрәштә иң яҡшы клиник практикалар, фундаменталь һәм өҫтөнлөклө ҡулланма тикшеренеүҙәр һөҙөмтәләре ҡаралды.

Өфөлә «Башҡортостан геройҙары» проектының ярым финалистары өсөн уҡыуҙар башланды

Өфөлә «Башҡортостан геройҙары» проектының ярым финалистары өсөн уҡыуҙар башланды. «Берҙәм Рәсәй» партияһының төбәк бүлексәһендә махсус хәрби операцияла ҡатнашыусы 66 яугир йыйылған. Араларында ветерандар ҙа, отпускҡа ҡайтҡан яҡташтарыбыҙ ҙа бар. Уҡыу барышында яугирҙар өсөн тәжрибәле сәйәсмәндәрҙән интерактив лекциялар һәм тренингтар ҡаралған, хәрбиҙәр шулай уҡ үҙҙәренә оҡшаған йүнәлеште һайлай аласаҡ.

Ауырғазы районы Иҫке Ибрай ауылында күп йыллыҡ һыу мәсьәләһе хәл ителмәй ҡала

Алтындан да ҡиммәт һыу. Ауырғазы районының Иҫке Ибрай ауылы халҡы нисәмә йыл инде һыуһыҙ интегә. Һыу үҙәкләштерелгән, әммә крандан бер тамсы ла аҡмай. Яуаплы хеҙмәттәр мәсьәләгә бармаҡ аша ҡарай. 21-се быуатта һыуға сарсаған халыҡ менән БЮТ хәбәрселәре осрашты.

Өфөлә шәхси мобиль саралар менән ҡулланыу ҡағиҙәләре үтәлеше буйынса профилактик рейд уҙғарылды

Төп маҡсат - яуаплылыҡты арттырып, юлда аварияларҙы кәметеү. Юл хәрәкәте хәүефһеҙлеге инспекторҙары ҡағиҙә боҙоусылар менән әңгәмә уҙғарып, иҫкәртеү яһаны. Йыл башынан ғына республикала электр самокаттар ҡатнашлығында 32 юл-транспорт ваҡиғаһы теркәлгән, 33 кеше йәрәхәтләнгән, бер кешенең ғүмере өҙөлгән. Шәхси мобиль саралар аварияларға булышлыҡ иткән сәбәптәр күп, әммә уларҙың күбеһе юл хәрәкәте ҡағиҙәләрен үтәмәүгә бәйле, тип билдәләй Юл хәрәкәте хәүефһеҙлеге дәүләт инспекцияһы хеҙмәткәрҙәре.

Салауат Юлаевҡа арнап: Опера һәм балет театрында милли батырға арналған концерт

Батыр мин һәм йырсы. Башҡорт дәүләт академия опера һәм балет театрында милли геройыбыҙ Салауат Юлаевтың тыуыуына 271 йыл тулыуға арналған тамаша үтте.
Концерт программаһы бай йөкмәткеле итеп әҙерләнгән. Тамаша барышында Салауат Юлаевтың шиғырҙары, уның һүҙҙәренә яҙылған йырҙар яңғыраны. Сәхнә оҫталары шулай уҡ мәшһүр композиторҙар Заһир Исмәғилев, Хөсәйен Әхмәтов, Абрар Ғабдрахмановтың милли батырыбыҙға арнап яҙған әҫәрҙәрен башҡарҙы.

Ишембайҙа «Ижади экспресс» проекты старт алды

Ишембай районында балаларҙың йәйге ялын ойоштороуға, сәләмәт йәшәү рәүешен пропагандалауға йүнәлтелгән «Ижади экспресс» проекты старт алды. Тәүге күләмле сара Петровское ауылы мәҙәниәт йортонда үтте.

Сибайҙа армрестлинг буйынса оҫталыҡ дәресе үтте

Сибайҙа махсус хәрби операция ветераны Сергей Ипатов ойошторған армрестлинг буйынса оҫталыҡ дәресе үтте. Төрлө быуын вәкилдәрен осраштырған турнир рухи һәм физик ныҡлыҡты һынау урынына әүерелде. Ярышта йәштәр менән бер рәттән махсус хәрби операция яугирҙары һәм ветерандары ла ҡатнашты.

Башҡортостан предприятиелары импортты алыштырыуға 118 миллион һум йәлеп итте

Производствоны үҫтереүгә һәйбәт инвестициялар. Республиканың 4 предприятиеһы Рәсәй сәнәғәт һәм сауҙа министрлығы конкурсы һөҙөмтәләре буйынса импортты алыштырыуға 118 миллион һум аҡса йәлеп иткән. Был турала социаль селтәрҙәрҙә Башҡортостан башлығы хәбәр итте.