Өфөлә «Нацизмһыҙ донъя өсөн» тип исемләнгән халыҡ-ара йәштәр форумы уҙҙы

Сарала «Георгий Димитровтың 1933-1941 йылдарҙағы көндәлеге» китабының исем туйы уҙҙы. Көндәлектең быға тиклем Рәсәйҙә баҫылмаған өлөшө Коминтерндың һәм Советтар Союзының фашизмға ҡаршы көрәше тураһында яңы мәғлүмәттәр асыуы менән әһәмиәтле. Китап йәмәғәтселеккә Башҡортостан Йәмәғәт палатаһы һәм Мәҙәниәт министрлығының Гуманитар тикшеренеүҙәр үҙәге тырышлығы менән тәҡдим ителде. Республиканың Халыҡтар дуҫлығы йорто менән Милли китапхана берлектә сығарған «Еңеү альманахы» ла Бөйөк Еңеүҙең 80 йыллығына арнала.

Әбйәлил районында Бөйөк Еңеүҙең 80 йыллығына 80 шыршынан торған аллея барлыҡҡа килде

Тәүҙә зарядкаға, артабан етди эшкә. Әбйәлил районында Бөйөк Еңеүҙең 80 йыллығына 80 шыршынан торған аллея барлыҡҡа килде. Ағас ултыртыу башланғансы район халҡы билдәле ММА һуғышсыһы, панкратион буйынса донъя чемпионы Венер Ғәлиев менән зарядка яһаны. «Башҡорт» ҡушаматлы спортсы күптәрҙең, бигерәк тә балаларҙың кумиры. Шуға күрә унан кәңәш, физик сынығыу буйынса оҫталыҡ дәрестәре алыу өсөн акцияға ҙур теләк менән ҡушылдылар.

Красноусол ауылында балалар парады уҙҙы

Мәктәпкәсә йәштәге балалар Бөйөк Еңеүҙе тәбрикләй! Красноусол ауылында балалар парады уҙҙы. Унда биләмәләге 4 балалар баҡсаһынан 123 тәрбиәләнеүсе ҡатнашты. Шулай уҡ Красноусол башҡорт гимназияһы кадеттары, «Юнармеецтар» клубы тәрбиәләнеүселәре, «Десант» эҙәрмәндәр клубы ағзалары һәм хәрби бәрелештәр һәм сик ғәскәрҙәре ветерандары ла тигеҙ сафтарға теҙелде. Парадты 2-се ранг капитаны, Ғафури районы хакимиәте башлығының мобилизация мәсьәләләре буйынса кәңәшсеһе Владимир Герасимов ҡабул итте.

Шаран-Яңы Балтас-Андреевка юлын төҙөкләндереү дауам итә

Асфальтты яңыртыу «Тормош өсөн инфраструктура» милли проектына ярашлы башҡарыла. Әле подрядсы ойошма юлдың өҫкө ҡатламын түшәй, яҡын арала барьер ҡоймалар уратыу, юл ситен нығытыу башлана. Юл төҙөлөшө материалы менән Серафимовский ауылындағы асфальт-бетон заводы тәьмин итә. Әлеге ваҡытта бер мең 400 тонна асфальт түшәлгән. Объектты киләһе йыл файҙаланыуға тапшырыу ҡаралған. Әммә төҙөүселәр эште быйыл тамамларға иҫәп тота

Башҡортостанда Бөйөк Еңеү байрамында хәүефһеҙлек саралары көсәйтелә

Республика террорға ҡаршы комиссия ултырышында тейешле күрһәтмә бирелде. Радий Хәбиров белдереүенсә, Бөйөк Ватан һуғышында еңеүҙең 80 йыллығы илебеҙ өсөн иң мөһим байрам. -Тантаналы сараларҙа һәм акцияларҙа халыҡ күпләп ҡатнашасаҡ. Беҙ төрлө хәлдәргә әҙер булырға тейешбеҙ, - тине Радий Хәбиров.

9 майҙа Өфөлә ҡайһы бер урамдар ябыла

Бындай сикләү Бөйөк Еңеү көнө уңайынан саралар уҙғарыу менән бәйле. Иртәгә иртәнге сәғәттәрҙә Пушкин һәм Совет урамдарының айырым өлөштәренән машина менән үтеп булмай. Миңләғәли Шайморатов һәйкәлен ә сәскә һалыу сараһы ҡаралған. Шулай уҡ 15 сәғәткә тиклем Октябрь проспектының бер өлөшө ябыла. Бында парад һәм "Үлемһеҙ полк" акцияһы уҙғарыла.

Радий Хәбиров Шишмә районында инженер бригадаһы яугирҙарына наградалар тапшырҙы

Рәсәй Ҡораллы көстәренең ғорурлығы. Еңеү көнө алдынан Башҡортостан Башлығы Шишмә районында 12-се айырым Гвардия инженер бригадаһы урынлашҡан биләмәлә булды. Радий Хәбиров 9 майға арналған тантаналы митингта ҡатнашты, шулай уҡ батырлыҡ күрһәткән яугирҙарға дәүләт наградалары тапшырҙы.

«Үлемһеҙ полк» акцияһы Өфөлә 200 меңдән ашыу кешене йыясаҡ

Өфөлә Еңеү парады иртәгә сәғәт 10-да башлана. Артабан «Үлемһеҙ полк» хәрәкәте дауам итә. Колонна иртәнге сәғәт 10-дан 11-гә тиклем теҙелә, шунан һуң - бер минутлыҡ тынлыҡ. Сара 11-се 12 минутта башлана һәм сәғәт 1-ҙәр тирәһендә тамамлана. Яҡынса иҫәпләүҙәр буйынса, унда 200 мең кешенең ҡатнашыуы көтөлә.

Ишембай районы Әхмәр ауылы «Үлемһеҙ полк» акцияһына ҡушылды

Башҡортостан ауылдары «Үлемһеҙ полк» акцияһына ҡушылды ла инде. Ишембай районы Әхмәр ауылында йәшәүселәр ата-олатайҙарының фотоһүрәттәрен тотоп мәктәптән алып ауыл үҙәгенә тиклем үтте. Махсус хәрби операцияла һәләк булғандар ҙа уҙған быуат геройҙары менән бер сафта барҙы.

Мәләүез районы Һарыш ауылында «Үлемһеҙ полк» акцияһы ойошторолдо

Унда ҡатнашыусылар Бөйөк Ватан һуғышында ҡатнашыусы ата - бабаларының портреттарын күтәреп урамдар буйлап үтте. Был төбәк бер юлы ике геройҙың - Миңлетдин Әминев менән Андрей Мигуновтың тыуған яғы.

Өфөнән Шайморатов ауылына тиклем автоуҙыш Бөйөк Еңеүҙең 80 йыллығына арналды

Бөгөн Өфөнән Ҡырмыҫҡалы районы Шайморатов ауылына тиклем Бөйөк Еңеүҙең 80 йыллығына арналған автоуҙыш ойошторолдо. Өфөнөң йәмәғәт палатаһы уҙғарған акцияға йөҙҙәрсә кеше ҡушылды. Автоколонна Салауат Юлаев һәйкәле эргәһендәге майҙандан ҡуҙғалды. «Беҙ бергә» тип аталған патриотик акция тураһында репортаж.

Ғафури районында батырҙар иҫтәлегенә арналған яңы обелиск барлыҡҡа килде

Ғафури районы Ҡаранйылға ауылында Бөйөк Ватан һуғышында һәләк булған һәм яуҙан ҡайтып мәрхүм булған яугирҙарға Хәтер мемориалы асылды. Бөйөк Ватан һуғышы йылдарында Ҡаранйылға ауылынан 118 ир-егет фронтҡа киткән. Ҡыҙғанысҡа ҡаршы, уларҙың 64-е яу яланында батырҙарса һәләк булған.

Өфө районы Волков ауылында «Быуындар ҡыңғырауы» мемориалы асылды

Бөйөк Ватан һуғышында Еңеүҙең 80 йыллығына бағышланған илһөйәрлек комплексы оло быуын вәкилдәренең ҡаһарманлығы, туған илгә һөйөү, батырлыҡ тураһында һөйләй. Быуындар ҡыңғырауы мемориалында 1945-2025 һандары яҙылған, ә уртаһында СССР-ҙың юғары хәрби наградаһы «Еңеү» ордены урын алған. Бронза мемориал Вадим Гәрәев тәҡдиме менән төҙөлгән.

Өфөлә Еңеү вальсы республика акцияһы үтте

Башҡортостанда Бөйөк Ватан һуғышында Еңеүҙең 80 йыллығына арналған Еңеү вальсы республика акцияһы үтте. Өфөнөң Совет майҙанында колледж һәм вуз студенттары вальс бейеп оло быуын вәкилдәренә рәхмәт һәи ихтирам хистәрен еткерҙе. Байрамса кейенгән биш йөҙ пар билдәле йырҙар көйөнә вальс әйләнде. Майҙанда «Катюша», «Өфө йүкәләре», «Шайморатов генерал» һәм башҡа йырҙар яңғыраны. Тулыраҡ мәғлүмәт киләһе яҙмала.

Бөйөк Ватан һуғышында Бөйөк Еңеүҙең 80 йыллығына арналған «Баймаҡ-Өфө велоуҙышы» тамамланды

Баймаҡ районынан ете ир-уҙаман бөгөн иртәнге сәғәт 12-лә Өфөгә килеп етте.Дуҫлыҡ монументында велосипедсыларҙы Баймаҡ районы районы хакимиәте, Башҡортостан йәштәр сәйәсәте һәм спорт министрлығы вәкилдәре, баш ҡалала йәшәүсе яҡташтары ҡаршы алды.

«Еңеү Яҙы» телемарафоны: иртәнге эфир

БСТ телеканалында Бөйөк Ватан һуғышында Еңеүҙең 80 йыллығына арналған телемарафон старт ала: тамашасыларҙы һуғыш хәтирәләре, ветерандар менән осрашыуҙар һ.б. көтә.

Эфир 9 май 7:00 сәғәттә башлана.

https://vkvideo.ru/video-27097047_456289982

«Еңеү Яҙы» телемарафоны: иртәнге эфирҙың дауамы

БСТ-ла бөйөк Еңеүгә бағышланған телемарафон дауам итә. Байрам сараларынан тура бәйләнеш, герой-ветерандар хаҡында сюжеттар — ҡарамай ҡалмағыҙ!

Трансляция 9 май 9:30 сәғәттә башлана. https://vkvideo.ru/video-27097047_456289984

Бөйөк Еңеү парады: тура эфир

Өфөлә Еңеү көнөндәге иң сағыу ваҡиғаларҙың береһе Октябрь проспектынан башлана. Эфирға ҡушылығыҙ, барыһын да үҙ күҙҙәрегеҙ менән күрегеҙ.

Трансляция башланыу ваҡыты: 9 май, 10:00.

https://vkvideo.ru/video-27097047_456289985

Мишкә яугиры 7 йыл фронтта хеҙмәт итә

Мишкә районы Бәләкәй Шаҙы ауылында йәшәүсе Ғәбделислам Нурисламов 1944 йылда фронтҡа китә һәм 1951 йылда ғына тыуған ауылына әйләнеп ҡайта. Бөйөк Ватан һуғышы ветеранының оҙон ғүмере ауыр ҙа, йөкмәткеле лә, һоҡланғыс та.

«Еңеү Яҙы» телемарафоны һәм «Үлемһеҙ полк»: тура эфир

Башҡортостандың баш ҡалаһы «Үлемһеҙ полк» сафына баҫты. Акция бер нисә йыл онлайн үткәрелде, ә быйыл, ниһайәт, ҡала урамдарына әйләнеп ҡайтты. Ветерандарҙы бергәләп БСТ каналында иҫкә алайыҡ.

Тура эфирға һылтанма:
https://vkvideo.ru/video-27097047_456289986