Әбйәлил районы Амангилде ауылында Вадим Баҡыев иҫтәлегенә волейбол буйынса ярыш үтте

Батыр рухы мәңге йәшәһен! Әбйәлил районы Амангилде ауылында Вадим Баҡыев иҫтәлегенә волейбол буйынса ярыш үтте. Турнирҙы Вадим Нурислам улының бергә уҡыған һабаҡташтары ойошторҙо.

Фермерҙар ер биләмәләре майҙанын 40 тапҡырға киңәйтә ала

Республика парламенты закон ҡабул итте. Уға ярашлы, фермер хужалығы биләмәһе иң күбе 2 мең гектарға етеүе мөмкин. Ер һәм мөлкәт мөнәсәбәттәре министры Наталья Полянская белдереүенсә, әлегәсә республикала фермерҙар 50 гектарға тиклем ерҙе аукционһыҙ ҡуртымға алған. Был нормалар заман талаптарына яуап бирмәй. Күп хужалыҡтар артабан үҫешергә әҙер. Яңы закон фермерҙарға күпкә һөҙөмтәле эшләү мөмкинлеге бирергә тейеш. Республикала 7 мең фермер хужалығы бар. Улар миллион гектарҙан ашыу ер файҙалана.

Өфөлә түләүле парковкалар тураһында шылтыратып белешергә мөмкин

Иртәгәнән кол-үҙәк эшләй башлай. 246-68-66 һандарына шылтыратып парковкаларҙың эш тәртибе, түләү, ташламалар тураһында мәғлүмәт алырға була. Өфөнөң үҙәгендә 1 меңдән ашыу түләүле машина ҡалдырыу урыны булдырыла. Тәүҙә улар һынау рәүешендә эшләй. Быйыл июнь айынан тулыһынса файҙалана башлау планлаштырыла.

Өфө данлыҡлы Мәскәү Пасха фестивален ҡабул итте

Мариин һәм Ҙур театрҙың Валерий Гергиев етәкселегендәге ижади коллективы Башҡорт дәүләт академия опера һәм балет театры сәхнәһендә сығыш яһаны. Өфө мәҙәни тур графигына икенсе йыл рәттән индерелә, баш ҡала тамашасыһы мәшһүр сәхнә оҫталарын һағынып көтөп ала һәм алҡыштарға күмә.

Рәсәйҙең ҡайһы бер төбәктәрендә йәшәүселәргә тәбиғәттә шешлек ҡыҙҙырыуҙан баш тартырға кәңәш иттеләр

Майҙың тәүге ял көндәрендә тотороҡһоҙ һауа шарттары, атап әйткәндә, көслө ел сығыуы, яуым-төшөм көтөлә. Шуға ла белгестәр бындай һауа торошон ял өсөн иң яҡшы ваҡыт түгел тип иҫкәртә. Бер үк мәлдә республикала янғынға ҡаршы махсус режим ғәмәлдә ҡала. Был көндәрҙә ауыл хужалығы тәғәйенләнешендәге ерҙәрҙә, төбәк әһәмиәтендәге айырым һаҡланған биләмәләрҙә, юл буйҙарында, йылға һәм күл яндарында, ҡала һәм ауыл биләмәләрендә, коммерция булмаған баҡса ширҡәттәрендә усаҡ яғыу тыйыла. Махсус режим ғәмәлдә булған осорҙа республикала ҡотҡарыу хеҙмәте көсәйтелгән.

Өфөлә «Защитник» үҙәгендә хәрби хеҙмәткә контрактты бер тәҙрә аша рәсмиләштерергә мөмкин

Үҙ теләгең менән Ватан һағына. Өфөнөң «Защитник» үҙәгендә хәрби хеҙмәткә контракт төҙөү эше «берҙәм тәҙрә» ысулы буйынса ойошторолған. Республика район-ҡалаларынан, Рәсәйҙең башҡа төбәктәренән килгән граждандар ошонда уҡ документ туплап, банк иҫәбе аса ала. Шулай уҡ медицина тикшереүе үтергә, анализдар тапшырырға мөмкин. Барлыҡ хеҙмәттәр ҙә бушлай күрһәтелә. Һайлап алыу пунктында кандидаттарҙың хәрби хеҙмәткә яраҡлығы ҡарала. Контракт төҙөгән ир-егеттәр махсус хәрби операция биләмәһенә юлланыр алдынан хәрби әҙерлек тә үтә.

Баймаҡ районы хакимиәте башлығы Азамат Иҙрисов Семеновское ауылы биләмәһендә халыҡ менән осрашты

Халыҡ мәнфәғәтен хәстәрләп. Баймаҡ районы хакимиәте башлығы Азамат Иҙрисов Семеновское ауылы биләмәһендә халыҡ менән осрашты. Бындай йыйылыштарҙың маҡсаты: халыҡҡа райондың социаль‐иҡтисади үҫеше менән танышыу, ауылда йәшәүселәр менән күрешеп аралашыу, мөһим мәсьәләрҙе оператив рәүештә хәл итеү.

Дәүләкән икмәк комбинаты етештереүҙе арттыра һәм продукция сифатын яҡшырта

Тәүлегенә 185 тонна он. Модернизация етештерелгән продукция күләмен артттырыу менән генә сикләнмәй, уның сифатын яҡшыртыуға ла булышлыҡ иткән. Һуңғы биш йылда Дәүләкән икмәк продукттары комбинаты производствоға 120 миллион һумдан ашыу аҡса инвестициялаған. Тулыраҡ киләһе яҙмала.

«Бәләкәй ҡалаларҙа ҙур музыка»: Башҡорт музыкаһы республика ҡалаларына юл тота

Заһир Исмәғилев исемендәге Өфө дәүләт сәнғәт институты өсөнсө йыл «Бәләкәй ҡалаларҙа ҙур музыка» проектында ҡатнаша. Ошо ваҡыт эсендә юғары уҡыу йорто коллективы республиканың 8 ҡалаһында урынлашҡан балалар сәнғәт һәм музыка мәктәптәрендә булып, төрлө мәғариф программаларын тормошҡа ашырған. Эш һөҙөмтәһе булараҡ вуздың «Шаляпин залы»нда Гала-концерт үтте.

Игорь Акинфеев Алексеевка ауылындағы спорт залына ремонт эшләүҙә ярҙам итәсәк

Игорь Акинфеев Өфө районы Алексеевка ауылындағы мәҙәниәт йорто бинаһында урынлашҡан спорт залын төҙөкләндерергә ярҙам итәсәк. Был хаҡта ЦСКА командаһы капитаны социаль селтәр аша хәбәр иткән. Социаль селтәрҙә Алексеевка ауылы спортсыларының видеояҙмаһын күргәндән һуң Игорь Акинфеев спорт залына ремонт эшләүҙә ярҙам күрһәтәсәге хаҡында белдергән.

8 майҙан 11-енә тиклем Өфөлә йәмәғәт транспорты ял көнө теҙмәһе буйынса йөрөй

13-сө һәм 22-се троллейбустар маршрутҡа сыҡмай. 9 май, Еңеү көнөндә Октябрь проспектында машина йөрөшө сикләнә. Бында байрам уңайынан тантаналы саралар ҡаралған, тип хәбәр итәләр Транспорт һәм юл хужалығы министрлығынан.

Өфөлә Рәсәй халҡы батырлығына арналған махсус поезды ҡаршылайҙар

Бөйөк Еңеүҙең 80 йыллығына бағышланған тематик состав 13 майҙа тимер юл вокзалына килеп етә. Ул 19 апрелдә Мәскәүҙең Киев вокзалынан юлға сыҡты. Илдең 75 ҡалаһында туҡталыш яһай. Поезд Өфөлә урындағы ваҡыт менән иртәнге сәғәт 9-ҙан көндөҙгө сәғәт 3-кә тиклем перронда тора. Халыҡ заманса ҡоралдар һәм хәрби техника өлгөләре менән таныша ала. Экспозициялар Рәсәй хәрбиҙәренең ҡыйыулығы һәм ҡаһарманлығына арнала. Оборона министрлығы уҙғарған өгөт-пропаганда акцияһы барышында Башҡортостан артистары ҡатнашлығында концерт тәҡдим ителә. Халыҡты һалдат бутҡаһы менән һыйлайҙар.

Радий Хәбиров «Өфө - хеҙмәт ҡаһарманлығы ҡалаһы» стелаһына сәскә һалды

1-cе Май - Яҙ һәм Хеҙмәт байрамы. Хеҙмәттәшлекте һәм эш кешеһен данлаусы байрам уңайынан Башҡортостан башлығы Радий Хәбиров республика халҡын тәбрикләне. Төбәк етәксеһе «Өфө - хеҙмәт ҡаһарманлығы ҡалаһы» стелаһына сәскә һалып, Өфө моторҙар эшләү берекмәһендә хеҙмәт династияларын дауам итеүселәр менән аралашты.

Башҡортостан һәм Үзбәкстан хеҙмәттәшлеге яңы кимәлгә күтәрелде

«Иннопром. Үҙәк Азия» халыҡ-ара сәнәғәт күргәҙмәһендә Башҡортостан менән Үзбәкстан араһында тиҫтәләгән хеҙмәттәшлек килешеүе төҙөлдө. Яҡтар ауыл хужалығы, сәнәғәт, еңел сәнәғәт, нефть химияһы продукцияһын эшкәртеү, аҙыҡ-түлек етештереү, туризм йүнәлештәрендә уртаҡ проекттарҙы дауам итергә килеште.

Баш ҡалаға бөйөк рус шағиры исемен йөрөткән теплоход килде

«Александр Пушкин» Өфөлә. Баш ҡалаға бөйөк рус шағиры исемен йөрөткән теплоход килде. Дүрт палубалы йылға транспорты Өфө өсөн һирәк күренеш һәм ул йылына бер тапҡыр, Ағиҙел ташҡанда ғына инә ала. Шуға күрә теплоходтың баш ҡалаға килеүе байрамға әйләнә. Түбәнге Новгородтан килгән ҡунаҡтарҙы БЮТ хәбәрселәре лә ҡаршыланы.

Өфөлә түләүле туҡталҡалар буйынса диспетчер үҙәге эшләй башланы

Бөгөн Өфөлә түләүле туҡталҡалар буйынса диспетчер үҙәге эшләй башланы. Операторҙар парковка өсөн түләү, мөмкин булған льготалар буйынса кәңәштәр бирә. Шулай уҡ түләүҙәр йәки башҡа техник мәсьәләләр буйынса мөрәжәғәттәр ҡабул ителә.

Башҡортостанда «Георгий таҫмаһы» Бөтә Рәсәй патриотик акцияһы башланды

Өфөнөң Еңеү паркында ирекмәндәр ассоциацияһы хәрби дан символын һәм уның барлыҡҡа килеүе тураһында мәғлүмәт яҙылған листовкалар таратты. Илһөйәрлек акцияһы Ватанды һаҡлап һәләк булған яугирҙар иҫтәлеген һаҡлау өсөн үткәрелә. Проектта ҡатнашҡан ирекмәндәр 9 майға тиклем көн һайын йәмәғәт биләмәләрендә эшләйәсәк. Хәҙер инде бөтә ил кимәлендә уҙғарылған сара тәүге тапҡыр 2005 йылдың яҙында ойошторолған булған.

Баймаҡ халыҡ ижады үҙәгендә һәләтле балаларҙың район слеты - «Йондоҙҙар парады» үтте

Уҡыу йылы дауамында төрлө йүнәлештәрҙә алдынғы булған, ҙур уңыштарға өлгәшкән уҡыусылар тәбрикләнде. Тулыраҡ киләһе яҙмала.

3 майҙа Башҡортостанда Хәтер һәм хөрмәт көнө уҙғарыла

Иртәгә, 3 майҙа Башҡортостанда Хәтер һәм хөрмәт көнө үтә. Республикала бер нисә йыл элек булдырылған дата тураһында соицаль селтәрҙә Радий Хәбиров яҙып сыҡты. Был көндө республикала йәшәүселәр ҡыштан һуң зыяраттарыҙы тәртипкә иклдетерә, яҡындарын иҫкә ала. Төбәк етәксеһе белдереүенсә, етәкселәрҙең бурысы - был көндө халыҡ яҡындарының ҡәберҙәренә бара алһын өсөн шарттар тыуҙырыу. Ошоға бәйле «Башавтотранс» йәмғиәте зыяраттарға илтеү өсөн өҫтәмә 50 автобус бүлә.

Үзбәкстандың Бекабад ҡалаһында Башҡортостан миҫалында сәнәғәт технопаркы асыласаҡ

Ике республика араһында хеҙмәттәшлек килешеүе Ташкент ҡалаһында үткән «Иннопром.Үҙәк Азия « халыҡ-ара күргәҙмәһендә төҙөлдө. Башҡортостан Рәсәйҙә индустриаль парктар һаны буйынса алдынғы биш төбәк исемлегендә. Республикала 170 ҡеүәтле резидент эшләгән 12 индустриаль һәм 19 технопарк теркәлгән. Башҡортостан делегацияһының Үзбәкстанға эшлекле сәфәре тураһында махсус репортаж йәкшәмбе Башҡортостан юлдаш телеканалында эфирға сыға.