Һуңғы тәүлектә республика халҡы мутлашыусыларға 20 миллион һум күсергән

Зыян күреүселәр хоҡуҡ һаҡлау органдарына 38 ғариза тапшырған. Республика буйынса Эске эштәр министрлығынан ошо турала белдерәләр. Белгестәр таныш булмаған кешеләр менән телефон аша аралашмаҫҡа, шәхси мәғлүмәттәрҙе таратмаҫҡа кәңәш итә. Мутлашыусылар күп осраҡта кешеләрҙе кредит юлларға мәжбүр итә. Илдә һәр кем банктан кредит алыуға сикләү ҡуя ала. Быны Дәүләт хеҙмәттәре порталында эшләргә була. Берҙәм кредит бюроһынан хәбәр итеүҙәренсә, республикала 300 мең самаһы кеше ошондай мөмкинлек менән файҙаланған.

Өфөнән рапирасы Адэлина Бикбулатова Рәсәй чемпионы булды

Баш ҡалабыҙҙа беренсе тапҡыр ир-егеттәр һәм ҡатын-ҡыҙҙар араһында фехтование буйынса ил беренселеге үтте. Финалда Адэлина Бикбулатова Курск ҡалаһынан килгән спортсы Полина Козаеванан көслөрәк булып сыҡты. Осрашыу 15-кә 3 иҫәбенә тамамланды. Ярышта Рәсәй төбәктәренән 650-нән ашыу атлет ҡатнашты. Башҡортостан исеменән 68 спортсы сығыш яһаны. Чемпионатта шулай уҡ Беларусь, Ҡаҙағстан һәм Ҡырғыҙстан вәкилдәре көс һынашты.

Башҡортостандың халыҡ артисы Фидан Ғафаров арабыҙҙан китеп барҙы

Ауыр юғалтыу. Легендар шәхес, миллиондарҙың һөйөүен яулаған Фидан Ғафаров арабыҙҙан китте. Башҡортостан башлығы Радий Хәбиров социаль селтәрҙәге сәхифәһендә Рәсәйҙең, Башҡортостандың һәм Татарстандың халыҡ артисы Фидан Ғафаровтың вафатына бәйле ҡайғы уртаҡлашыу белдерҙе Ҡабатланмаҫ талантлы актер менән хушлашыу иртәгә Башҡорт дәүләт академия театрында сәғәт унда була. Башҡорт сәнғәте легендаһы тураһында китләһе яҙмала.

Әбйәлил районында «Йорт идарасыһы» форумы үтте

Сарала күп ҡатлы йорттары булған ауыл хакимиәттәре башлыҡтары, хеҙмәтләндереүсе ойошмалар, фатир хужалары, йәмәғәт эшмәкәрҙәре ҡатнашты. Әбйәлил районында 100-гә яҡын күп ҡатлы йорт иҫәпләнә. Былтыр фатир хужаларынан йыйылған иғәнәләр иҫәбенә район үҙәгендә күп ҡатлы ике торлаҡтың ҡыйыҡтары алмаштырылған, биләмәләр төҙөкләндерелгән. Форумда башҡарылған эштәрҙең сифаты, алда торған бурыстар ҡаралды

Өфөлә Башҡортостандың халыҡ артисы Әлфиә Юлсуринаның концерты үтте

Тыңлаусыларҙы үҙенең ҡабатланмаҫ моңо менән ҡыуандырған йырсы ошо көндәрҙә 65 йәшлек юбилейын билдәләне. Әлфиә Юлсуринаның репертуары жанрҙар байлығы һәм төрлөлөгө менән айырыла. Башҡорт музыкаһы мэтры, композитор Салауат Низаметдиновтың әҫәрҙәре йырсының һоҡланғыс талантын яңы кимәлгә күтәрҙе, ижад сиктәрен киңәйтте. Данлыҡлы композитор яҙған йырҙарҙы Әлфиә Юлсурина тамашасыларға юғары профессиональ кимәлдә сағыу образдар аша еткерә. Юбилей концертында репертуарҙағы алтын хиттар, эстрада әҫәрҙәре, шулай уҡ быға тиклем ишетелмгән йырҙар яңғыраны.

Рима Баталова мөмкинлектәре сикләнгән балалар өсөн спорт мөмкинлектәрен киңәйтә

Рима Баталованың «Милләт йәшлеге» һәм Президенты гранттары фондынан коррекция мәктәптәренә социаль ярҙам. «Спорт һәр кемгә асыҡ» йәмәғәт башланғысы проекты мөмкинлектәре сикләнгән балаларға физкультура дәрестәрен төрләндереү өсөн спорт секцияларын ойоштороуға ярҙам йөҙөнән йыһаздар тапшырҙы.

«Салауат Юлаев» хоккейсылары сенсацион рәүештә Ярославлдә тәүге еңеүен яуланы

Гагарин кубогының ярымфиналында юлаевсылар «Локомотив» менән беренсе осрашыуын үткәрҙе. Уйын алдынан эксперттарҙың барыһы ла тиерлек өҫтөнлөк тимер юлсылар яғында буласаҡ тип фаразлағайны. Быға бер ҙә ғәжәпләнәһе түгел, сөнки дәғүәселәр даими чемпионаттың иң яҡшы командаһы тип танылды. Шуға ла улар әле лә кубокҡа төп дәғүәсе тип һанала. Яҡташтарыбыҙға ышанмаусыларҙың күп булыуына ҡарамаҫтан, тәүге уйын Башҡортостан командаһы файҙаһына тамамланды.

Башҡортостандан 8 колледж кластерҙар булдырыу өсөн грант ала

Улар "Профессионалитет" федераль проектында ҡатнаша. Радий Хәбиров белдереүенсә, был яҡшы һөҙөмтә. Башҡа төбәктәрҙән бер ике проект ҡына һайлап алынған. Колледждарға 800 миллион һум бүленә. Был аҡсаны алыусылар араһында Нефтекама, Кушнаренко, Туймазы, Бәләбәй һәм Өфө ҡалаһынан уҡыу йорттары бар.

Башҡортостанда 39 район һәм ҡалала йылытыу миҙгеле дауам итә

Йорттарға йылы биреү туҡтатылмаған. Был турала бөгөн хөкүмәттә оператив кәңәшмәлә Торлаҡ-коммуналь хужалыҡ министры Ирина Голованова белдерҙе. - 63 муниципалитеттың 24-ендә, шул иҫәптән Өфөлә йорттарҙы йылытыу тамамланды. Башҡа район һәм ҡалалар һауа шарттарын иҫәпкә алып йылытыуҙы дауам итә, - тине ул.

«Үлемһеҙ полк»ҡа быйыл 200 меңдән ашыу кешенең ҡушылыуы көтөлә

Һуңғы тапҡыр акцияла 172 мең кеше ҡатнашҡайны. Был иһә йылдар үткән һайын сараның тағы ла киңерәк билдәлелек ала барыуы һәм йәмғиәттә патриотизмдың артыуына дәлил. Хәүефһеҙлек талаптарын иҫәпкә алып «Үлемһеҙ полк» акцияһы ғәмәлдә өс йыл элек уҙғарылды. Ошо ваҡытта ул онлайн форматта үткәрелә килде. Быйыл да күп халыҡтың йыйылыуы именлек хеҙмәтендә борсолоу уята. Ләкин Бөйөк Еңеүҙең 80 йыллығында мөһим сараны үткәрмәйенсә лә мөмкин түгел, ти властар. Республика башлығы Радий Хәбиров акцияны ойоштороу ваҡытында хәүефһеҙлек ҡағиҙәләрен тейешле үтәү бурысы ҡуйҙы. Аҙналыҡ оператив кәңәшмәлә Еңеү көнөндә ҡаралған башҡа саралар планы ла тикшерелде.

Радий Хәбиров: Мәғрифәт ойошмаларын берләштереү мөһим

Мәғрифәтселек эшмәкәрлеге менән шөғөлләнгән ойошмаларҙы берләштереү мөһим. Был турала Радий Хәбиров бөгөн «Белем» йәмғиәте Башҡортостан төбәк бүлексәһенең күҙәтеү советы ултырышында белдерҙе.

Өфө менән Ҡытай халыҡ республикаһы араһында тура авиарейс асылды

Өфө менән Ҡытай халыҡ республикаһы араһында тура авиарейс асылды. Ул аҙнаһына ике тапҡыр оса. Был хаҡта Башҡортостан Башлығы Радий Хәбиров Ҡытай-Рәсәй комплекслы хеҙмәтләндереү сауҙа платформаһы директоры Дин Сяопинға хәбәр итте. Һауа юлдары бәйләнеше ике яҡ өсөн дә файҙалы хеҙмәттәшлеккә булышлыҡ итәсәк. Яңы эшлекле бәйләнештәр булдырылған, тауар әйләнеше арта. Ҡытай Башҡортостан өсөн сауҙа ғына түгел, индустриаль партнер ҙа була ала, тине республика башлығы.

Башҡортостан делегацияһы «Иннопром. Үҙәк Азия» күргәҙмәһендә тиҫтәләгән килешеү төҙөнө

Ташкент ҡалаһында «Иннопром. Үҙәк Азия» Халыҡ-ара сәнәғәт күргәҙмәһендә Башҡортостан рәсми делегацияһы тиҫтәләгән хеҙмәттәшлек килешеүенә ҡул ҡуйҙы. Яҡтар сәнәғәт, сауҙа, нефть-химияһы, аҙыҡ-түлек эшкәртеү, ауыл хужалығы йүнәлештәрендә уртаҡ проекттарҙы тормошҡа ашырыу маҡсатын ҡуйҙы. Халыҡ-ара күргәҙмәлә республиканың сәнәғәт һәм туристик мөмкинлектәре презентацияһы ойошторолдо.

Әбйәлил районында баҡыр сығарыу буйынса инвестиция проекты тәҡдим ителде

Әбйәлил районы Буранғол һәм Амангилде ауыл биләмәләрендә баҡыр сығарыу буйынса инвестиция проектын тәҡдим ителде. Яуаплылығы сикләнгән «Салауат» йәмғиәте тиҙҙән районда геологоразведка эштәрен башларға ниәтләй. Баҡыр запастары барлығы раҫланһа, инвестор тәбиғәткә зыян килтермәй торған экологик технологиялар ҡулланып муниципалитет үҫешенең төп көсө була алған предприятие төҙөргә әҙер. Был хаҡта тулыраҡ киләһе яҙмала.

Ғафури районы халҡы «Йәшел Башҡортостан» һәм «Хәтер баҡсаһы» акцияларында әүҙем ҡатнашты

Ғафури районы халҡынан йәшел урман һәм тере хәтер акцияһы. Бөйөк Ватан һуғышында Еңеүҙең 80 йыллығына һәм махсус хәрби операцияла башын һалған яугирҙар иҫтәлегенә арналған илһөйәрлек саралары хаҡында репортаж.

"Динамо-Урал" волейбол командаһы Көрәш һарайында сығыш яһаясаҡ

Был турала хөкүмәттә белдерелде. Республика Башлығы әйтеүенсә, Көрәш һарайы күберәк тамашасы һыйҙыра. Волейбол командаһы яҡшы һөҙөмтәләр күрһәтә, Рәсәйҙә иң көслөләр рәтендә, - тине ул. Әле "Динамо-Урал" Өфөлә "Динамо" спорт комплексында сығыш яһай.

Радий Хәбиров ағас ултырыуҙа әүҙем ҡатнашҡан халыҡҡа рәхмәт белдерҙе

Уның әйтеүенсә, ҡырҡылған урман урынына йәш үҫентеләр күберәк ултыртылыуы мөмкин. - 2024 йылда 16 мең гектарҙа урман тергеҙелде. Быйылға ла шундай күләм планлаштырылған. Башҡортостан һәр ваҡыт урманға бай төбәк булды, ошо байлыҡты һаҡларға тейешбеҙ, - тине Радий Хәбиров. Республикала "Йәшел Башҡортостан" акцияһы башланды. Уҙған шәмбе 5 мең ярымдан ашыу ағас һәм 100 мең ҡыуаҡ ултыртылды. Был сараларҙа 45 меңдән ашыу кеше ҡатнашты.

Башҡортостан һәм Үзбәкстан ауыл хужалығы өлкәһендә хеҙмәттәшлекте нығыта

Беҙҙең республика делегацияһы был көндәрҙә эш сәфәре менән Ташкент ҡалаһында. Вице-премьер-Ауыл хужалығы министры Илшат Фәзрахманов Үзбәкстан Ауыл хужалығы министры Иброхим Абдурохманов менән осрашты, Башҡортостандың агросәнәғәт комплексы мөмкинлектәре менән таныштырҙы. Өфө һәм Ташкент араһында агросәнәғәт продукцияһы әйләнеше 24 мең тоннаға еткән. Осрашыуҙа ҡошсолоҡ, һөт проудкцияһын эшкәртеү, малсылыҡ һәм умартасылыҡта хеҙмәттәшлек нығытыу мөмкнилектәре ҡаралды.

Был аҙнанан Башҡортостан урмандарында махсус режим көсөнә инде

Республика хөкүмәтенең ошо турала күрһәтмәһе бар. Урман хужалығы министрлығынан биләмәләрҙә патруль эшен ойошторорға, хәүефһеҙлек тәьмин итер ҡушылды. Урмандарҙа усаҡ яғыу, урманған яҡын урындарҙа сүп-сар яндырыу тыйылды. Янғын хәүефе ҙур булғанда урмандарға инеү сикләнә. Үтә ҡатмарлы осраҡтарҙа муниципаль кимәлдә ғәҙәттән тыш хәл тәртибе индерелеүе мөмкин.

Республиканың 42 районында яҙғы сәсеү башланды

Ауыл хужалығы министрлығынан хәбәр итеүҙәренсә, бөгөнгә 86 мең гектар сәселгән, был - пландың 7 проценты. Әле башлыса иген һәм ҡуҙаҡлы культуралар сәселә. Шулай уҡ 4 районда шәкәр сөгөлдөрө баҫыуҙарына төшкәндәр. Быйыл татлы тамыр өсөн 46 мең гектар ҡаралған.