Рәсәйҙә тәүге тапҡыр Суд хеҙмәткәрҙәре көнө үткәрелде

Бөгөн илдә тәүге тапҡыр суд хеҙмәткәрҙәре көнө билдәләнде. Һөнәри байрам Юғары суд рәйесе Игорь Краснов башланғысы менән булдырыла. Был тәҡдим Владимир Путин тарафынан да хуплау таба. Рәсәй суд эштәренең фундаменталь нигеҙҙәрен 300 йылдан ашыу элек Император Петр Беренсе һалған тип иҫәпләнә.

Өфөлә республикала иң ҙур креатив парк барлыҡҡа килеүе ихтимал

Ижад өсөн урын. Өфөлә республикала иң ҙур креатив парк барлыҡҡа килеүе ихтимал. Бөгөн проект Радий Хәбиров ҡатнашлығында ижади индустриялар сәғәте ултырышында тәҡдим иттелде. 25 мең квадрат метр, тиҫтәләгән студия, ял көндәрендә бушлай оҫталыҡ дәрестәре һәм тәүлегенә ун мең кеше. Бизнесмендарҙың баһаһы буйынса өфөләге ижади паркка тап шул тиклем кеше йөрөйәсәк. Республикала иң ҙур кластерҙы яҡын киләсәктә булдырыу планлаштырыла.

Радий Хәбиров «Тарих һаҡсылары» слетында ҡатнашты

Йәш быуын менән эшләү минең өсөн шәхси өҫтөнлөк. Был турала Радий Хәбиров Рәсәй Геройы, «Юнармия» ның баш штабы етәксеһе Владислав Головин һәм «Беренселәр хәрәкәте»нең идаралыҡ рәйесе урынбаҫары Ксения Янова менән осрашыуҙа белдереҙе.

11 ноябрҙә киске сәғәт етелә Башҡортостан башлығы Радий Хәбиров менән тура бәйләнеш үтә

Республика етәксеһе халыҡ һорауҙарына «Башҡортостан юлдаш телевидениеһы», «Рәсәй-24», «Башҡортостан 24», «Вся Уфа», «Сәләм», UTV телеканалдары, шулай уҡ «Юлдаш» радиоһы тура эфирында һәм социаль селтәрҙәрҙә яуап бирәсәк. Тура бәйләнешкә һорауҙарҙы бер нисә юл менән ебәрә алаһығыҙ.

Өфөнөң Перинаталь үҙәге иң яҡшыһы тип танылды

Ғүмәр Ҡыуатов исемендәге Республика клиник дауаханаһының Перинаталь үҙәге-иң яҡшыһы. Волга буйы федераль округы төбәктәре араһында ойошторолған конкурста төрлө күрһәткестәр ҡаралған. Шул иҫәптән, үҙәктең заманса ҡоролмалар менән йыһазландырылыуы тикшерелгән. Дауахананың Перинаталь үҙәге башҡа бала табыу йорттары араһында өлкән пациенттар өсөн реанимация бүлеге булған берҙән-бер учреждение.

Өфөлә «Мин АГРО-ла» ауыл хужалығы комплексының һөнәрҙәр ҡалаһы асылды

Бөгөн Өфөлә «Мин АГРО-ла» ауыл хужалығы комплексының һөнәрҙәр ҡалаһы асылды. Күләмле проект илдең 13 төбәгендә тормошҡа ашырыла. Башҡорт дәүләт аграр университетында ойошторолған майҙансыҡ менән беренсе көнөндә 700-гә яҡын бала танышҡан.

Республикала ауыл хужалығы өсөн кадрҙар әҙерләүгә 1 миллиард йүнәлтелә

Вице-премьер-Ауыл хужалығы министры ИлшатФәзрахманов ошо турала белдерҙе. Аҡса“Агросәнәғәт комплексына кадрҙар” федераль проектының аҙыҡ-түлек хәүефһеҙлеген тәьмин итеүпрограммаһына ярашлы бүленә. 2030 йылға тиклем предприятиеларҙы 95 процентҡахеҙмәткәрҙәр менән тәьмин итеү маҡсаты ҡуйыла. “ауыл хужалығы тармағынакадрҙарҙы мәктәптән әҙерләү мөһим. Райондарҙа агрокластар булдырыла. БыйылБүздәк һәм Нуриман арйондарында ике синыф асылды. Аграр вузды яңыртыу бурысытора. Йыл һайын 1 миллиард һум алһаҡ, белем биреү системаһын тулыһынсаяңыртыуға өлгәшәбеҙ. Унда заманса кадрҙар әҙерләнәсәк”, - тине Илшат Фәзрахманов.

Башҡортостан фильмы “Радонеж” кинофестивалендә күрһәтелә

“Бер роль яҙмышы” тигән документаль таҫма Мәжит Ғафури исемендәге Башҡорт дәүләт академия драма театрында төшөрөлгән. Ул “Яратам тип әйтеп өлгөрмәнем” спектаклен әҙерләү барышын һүрәтләй. Актриса Илгизә Ғилманова ҡатмарлы ролде башҡарыуы, шулай уҡ республиканың “Именлек” геронтология үҙәгендә ирекмән булып эшләүе тураһында һөйләй. “Бер роль яҙмышы” фильмы 12 ноябрҙә Мәскәүҙең “Сатурн” кинотеатрында тәҡдим ителә.

“Халыҡ участковыйы” конкурсының финалы башланды

Унда Нефтекаманан полиция майоры Айрат Ямалов ҡатнаша. Ул ярыштың төбәк этабында еңеү яуланы. Яҡташыбыҙ өсөн “Комсомольская правда” сайтында 10 ноябргә тиклем тауыш бирергә була. Конкурс еңеүсеһенә күсмә бронза статуэтка тапшырыла. Шулай уҡ төп приз – “Патриот” УАЗ автомобиле бүләк ителә. Тантаналы сара 20 ноябрҙә Рәсәй Эске эштәр министрлығында үтә.

Благовещенда балалар поликлиникаһы асыла

Район хакимиәте башлығы Анна Карабанова белдереүенсә, эштәр теүәлләнеп килә. “Объект социаль әһәмиәтле. Шуға даими контролдә тотола. Төҙөлөштө ваҡытында тамамлау мөһим. Мебель һәм ҡорамалдар әҙер. Эске биҙәкләү эштәре бөткәс тә, улар урынлаштырыла башлай. Йыл аҙағына тиклем лицензия һәм документтар алынырға тейеш. Киләһе йыл башында медицина хеҙмәткәрҙәре яңы бинала бәләкәй пациенттарҙы ҡабул итергә ниәтләй”, тип яҙған телеграм каналында Анна Карабанова. Былтыр Башҡортостан башлығы Радий Хәбиров ҡушыуы буйынса, Благовещендан тыш Асҡар, Учалы һәм Яңауылда балалар поликлиникаһы төҙөлә башланы. Асҡын, Кушнаренко һәм Баҡалыла шулай уҡ медицина учрежденилары һалына.

Баш ҡалаға «Тарих һаҡсылары» 3-сө Бөтә Рәсәй слетында ҡатнашыусылар йыйылды

Дәүләт йылъяҙмаһы ышаныслы ҡулдарҙа. Баш ҡалаға «Тарих һаҡсылары» 3-сө Бөтә Рәсәй слетында ҡатнашыусылар йыйылды. «Беренселәр хәрәкәте» менән «Юнармия» берлектә ойошторған сараға тотош илдән ярты меңдән ашыу үҫмер килгән. Хәҡиҡәт менән киләсәкте һаҡлаусыларҙы Радий Хәбиров та сәләмләне. Һеҙҙең ыңғай энергиянан киләсәккә ышаныс тағы ла арта, тине Башҡортостан башлығы йәштәр менән осрашыуҙа.

Владимир Путин 2026 йылды Рәсәй халыҡтары берҙәмлеге йылы тип иғлан итеү тәҡдимен хупланы

Президент был турала Кремлдә милләт-ара мөнәсәбәттәр буйынса Совет ултырышында хәбәр итте. Был ҡарар илебеҙҙә йәшәгән 190-дан ашыу халыҡ һәм этник төркөмдәр араһында берҙәмлек һәм үҙ-ара ихтирамдың мөһимлегенә иғтибарҙы йүнәлтә.

Өфөлә «Студенттар осрашыуы» фестивале үтте

Ул республиканың медицина колледждары уҡыусыларын берләштерҙе. Иң яҡшы ижади коллектив исеменә 200-ҙән ашыу ҡыҙ һәм егет көрәште. Әлеге сара Бөйөк Еңеүҙең 80 йыллығына һәм Ватанды һаҡлаусылар йылына арналды. Сәхнәлә үҙенең вокал талантын махсус хәрби операцияла ҡатнашҡан Андрей Рыженьков та күрһәтте.

Өфөлә газификация мәсьәләләре буйынса граждандарҙы ҡабул итеү ойошторолдо

Тыңларға һәм ярҙам итергә. Өфөлә газификация мәсьәләләре буйынса граждандарҙы ҡабул итеү ойошторолдо.
Сараны уҙғарыу башланғысы менән Дәүләт Думаһы депутаты Эльвира Айытҡолова сығыш яһаған. Рәсәй парламентеры халыҡтан килгән һорауҙарҙы муниципаль һәм дәүләт власы органдары, профилле ведомстволар һәм партнер ойошмалар вәкилдәре менән бергә тыңланы.

Башҡортостан майлы культуралар буйынса яңы рекорд ҡуйҙы

Техник культуралар күләмен арттырыу һәм яңы баҙарҙарға сығыу. Башҡортостан Хөкүмәте премьер-министры урынбаҫары-ауыл хужалығы министры Илшат Фәзрахманов белдереүенсә, тармаҡтың яҡын киләсәккә бурыстары ошолар. Быйыл республикала майлы культуралар миллион тонна самаһы урылып, йәнә рекорд ҡуйылды.

Башҡортостанда пациенттарҙы аяҡҡа баҫтырыу буйынса алдынғы клиника эшләп килә

Башҡорт дәүләт медицина университеты клиникаһы 1-се этап медицина реабилитацияһы буйынса илдең иң алдынғы 3 дауаханаһы исемлегенә инә. Бүлек пациенттарҙы реабилитациялау, ҡатмарлы операцияларҙан һуң аяҡҡа баҫтырыу буйынса махсуслаша. Юғары технологиялы ҡоролмалар, үҙ һөнәренең оҫталары һәм психологик ярҙам, йәғни комлекслы алым үҙ һөҙөмтәләрен бирә.

Өфөнөң Черниковка биҫтәһендә «55+» ял үҙәге өлкәндәрҙе әүҙем тормошҡа йәлеп итә

Өфөнөң Черниковка биҫтәһендәге «55+» ял үҙәгенә йөрөүсе өлкәндәр тап шулай тип иҫбатлай. 2018 йылда асылған үҙәккә 300-ләгән пенсионер йөрөй. Улар өсөн 16 түңәрәк һәм студия эшләй. Оло йәштә булыуына ҡарамаҫтан, әүҙем йәшәү рәүешен үҙ иткәндәр өсөн бында йыр, бейеү, туризм, әҙәбиәт йүнәлештәре буйынса төрлө ижади түңәрәктәр алып барыла.

Өфөнөң иң ҡыйыу кешеләре ҡараңғыла археология залдары буйлап интерактив экскурсияға барҙы

Баш ҡала «Сәнғәт төнө» Бөтә Рәсәй мәҙәни акцияһына ҡушылды. Быйылғы сара «Халыҡтың көсө-мәҙәниәттең берҙәмлегендә» девизы аҫтында үтте. Башҡортостан милли музейы үҙ ҡунаҡтарын боронғо тарихҡа сумдырҙы, кинолекторийҙа һуғыш йылдары атмосфераһын тергеҙҙе, интерактив программа ойошторҙо. Кисә дауамында музей фойеһында Башҡортостан халыҡтары бейеүҙәре менән таныштырҙы. Шулай уҡ традицион һөнәрҙәр буйынса бер нисә оҫталыҡ дәресе үтте.

«Нур» театрында Мөнир Ҡунафиндың «Һине көтәләр» спектакле премьераһы күрһәтелде

Өфөнөң «Нур» татар дәүләт театрында Мөнир Ҡунафин пьесаһы буйынса «Һине көтәләр» спектакле премьера алдынан тамашасы хөкөмөнә сығарылды. Сәхнә әҫәре реаль ваҡиғаларға нигеҙләнгән һәм махсус хәрби операция темаһына, Ватан һаҡсыларына арнала. «Һине көтәләр»-ысын мәғәнәһендә хисле тарих.

Радий Хәбиров «Рәсәй-спорт державаһы» халыҡ-ара спорт форумында ҡатнашты

Башҡортостан башлығы Радий Хәбиров «Рәсәй-спорт державаһы» халыҡ-ара спорт форумында ҡатнашты. Күләмле сара былтыр Өфөлә үткәйне, быйыл эстафетаны Һамар ҡалаһы ҡабул итте. Майҙансыҡтарҙың береһендә Радий Хәбиров Хөкүмәте рәйесе урынбаҫары Дмитрий Чернышенконы физкультура һәм спортты үҫтереү өлкәһендә төбәк сәйәсәтенең төп йүнәлештәре, шулай уҡ төҙөлгән ҙур спорт объекттары менән таныштырҙы.