Башҡортостан менән Силәбе өлкәһе сигендә яңы стела барлыҡҡа килде

Был турала социаль селтәрҙә Әбйәлил районы хакимиәте башлығы Айрат Әминев хәбәр итте.
Хәҙер объектта төҙөлөштөң әүҙем тамамлау фазаһы бара. Яңы стела ҡәтғи дизайнда-Башҡортостан флагы төҫтәрен һәм гербын файҙаланып эшләнгән, ул ышаныслы металл каркасҡа ҡуйылған. Стелала ҡурай сәскәһе һүрәтләнгән.

Иглин районы Һарт-Лабау ауылында яңы фельдшер- акушерлыҡ пункты асылды

Медицина учреждениеһын асыу ауыл халҡы өсөн оло байрам. Сөнки бар уңайлыҡтары булған пунктты улар күптән көткән. Тантанала ауылдың «Шәйхулла» мәсете имам-хатибы ла ҡатнашып диндарҙар исеменән фельдшер- акушерлыҡ пунктына аҡсалата бүләк тапшырҙы.

Ҡыҫҡа ваҡытлы ялдан һуң, бер төркөм яугирҙар йәнә махсус хәрби операция биләмәһенә юлланды

Улар ике аҙна ялын яҡындары менән уҙғарған. Көнкүреш мәсьәләләрен хәл иткән, мәктәптәрҙә асыҡ дәрестәрҙә сығыш яһаған. Ир-егеттәрҙе оҙатыу тантанаһында яугирҙарҙың ғаилә ағзалары, туғандары, дуҫтары ҡатнашты. Ил именлеге өсөн көрәшкән яҡташтарыбыҙҙы тәғәйен урынға алып барыу өсөн республика етәкселеге уңайлы автобустар бүлгән.

Шишмә районында хәрбиҙәр һәм уларҙың ғаиләләре өсөн консультация көнө үтте

Шишмә районында махсус хәрби операцияла ҡатнашыусылар, һәләк булған яугирҙарҙың ғаиләләре өсөн берҙәм консультация көнө ойошторолдо. Һорауҙарға төрлө ведомстволар, шул иҫәптән адвокат палатаһы, нотариаль, хәрби комиссариат, медицина учреждениелары вәкилдәре яуап бирҙе.

Салауат районы Мөрсәлим ауылында ирекмәндәр махсус хәрби операция өсөн маскировка селтәрҙәре үрә

Яугирҙар өсөн ауыл ағинәйҙәре ойоҡбаштар бәйләй. Окоп шәмдәренән тыш бында оҙаҡ яныусы сыраҡтар ҙа әҙерләнә. Ауыл халҡы хәйриә концерттары ойоштороп, унан килгән аҡсаға фронт кәрәк-яраҡтары һатып ала.

«Нур» театрында яугирҙарҙың ысын тарихына нигеҙләнгән спектакле ҡуйыла

6 ноябрҙә Өфөнөң «Нур» татар дәүләт театрында Мөнир Ҡунафин пьесаһы буйынса «Һине көтәләр» спектакленең премьераһы үтә.
Махсус хәрби операцияға арналған әҫәр ысын хәлдәргә нигеҙләнгән. Яугирҙарҙың һөйләгәндәрен автор-журналист хәрби хәрәкәттәр биләмәһенә командировкаға барған ваҡытта яҙып алған. Сектаклдә ҡушаматтар менән билдәләнгән персонаждар барыһы ла Башҡортостан егеттәре, улар бөгөн дә махсус хәрби операцияла ҡатнаша.

Пушкин сәхнәлә: Ҡурсаҡ театрында «Руслан һәм Людмила» премьераһы үтте

Пушкин үҙе сәхнәнән шиғырҙар уҡый. Башҡорт дәүләт ҡурсаҡ театрында «Руслан һәм Людмила» спектакленең премьераһы үтте.
Поэманан тыш Александр Сергеевичтың башҡа билдәле әҫәрҙәренән дә юлдар яңғырай. Музыкаль әҫәрҙе әҙерләгәндә театр актерҙары махсус саҡырылған хореограф һәм вокал буйынса педагог менән шөғөлләнә. Спектаклдә видеопроекция һәм компьютер графикаһы айырым роль уйнай.

Өфөлә балалар һәм үҫмерҙәр өсөн «Щит двора» фильмы төшөрөлдө

Дуҫлыҡ һәм изгелек темаһына бағышланған кинотаҫмала төп ролдәрҙе Өфөлә йәшәүсе йәш актерҙар башҡарҙы. Фильмдың режиссеры һәм сценарий авторы Илнур Ғәниев Никита Михалков академияһында уҡып йөрөй. Төрлө конкурстарға тәҡдим ителгән фильмдың премьераһы Өфөлә киләһе йылға үтәсәк. Йәштәр киноһында дуҫлыҡ һәм изгелек яманлыҡты һәр саҡ еңәсәк тигән идея сағылдырыла.

Шаранда «Шаран турғайы» балалар фестиваль-конкурсы үтте

Кескәйҙәр йыр аша туған теленә һөйөүен белдерҙе. Шаран ауылының Мәҙәниәт йортонда татар йырҙарын башҡарыусыларҙың «Шаран турғайы» балалар фестиваль-конкурсы үтте. Һигеҙенсе тапҡыр уҙғарылған конкурста 5 йәштән 14 йәшкәсә 23 уҡыусы ҡатанашты. Сәхнәлә улар татар халыҡ һәм эстрада йырҙарын башҡарҙы.

«Brain Bricks» уйындар эшләүселәр клубы йәштәре грант ярҙамында идеяларын тормошҡа ашыра

Дизайнерҙар, программистар һәм рәссамдар үҙҙәренең грант проекттары менән таныштырҙы, тәжрибә уртаҡлашты, яңы уйындар эшләүҙә алдынғы ысулдар хаҡында һөйләне. Александра Ляготина «Килогерц» тигән новелланың демоверсияһын яҙған.

Рәсәйҙә суд приставтары институтына нигеҙ һалыныуға 160 йыл тулды

Радий хәбиров тарихи дата уңайынан «Башҡортостан» дәүләт концерт залында уҙған тантаналы йыйылышта ҡатнашты. Сара ил Президенты Владимир Путиндың видеоҡотлауы менән асылды. Республика башлығы үҙенең сығышында суд приставтарының дәүләт ғәҙеллек системаһының айырылғыһыҙ өлөшө булыуын билдәләне. Бөгөн һеҙһеҙ суд ҡарарҙарын үтәүҙең, законлылыҡты контролдә тотоуҙың, граждандарҙың хоҡуҡтарын яҡлауҙың һөҙөмтәле механизмын күҙ алдына килтереү мөмкин түгел, тине Радий Хәбиров.

Рәсәйҙә тәүге тапҡыр Суд хеҙмәткәрҙәре көнө үткәрелде

Бөгөн илдә тәүге тапҡыр суд хеҙмәткәрҙәре көнө билдәләнде. Һөнәри байрам Юғары суд рәйесе Игорь Краснов башланғысы менән булдырыла. Был тәҡдим Владимир Путин тарафынан да хуплау таба. Рәсәй суд эштәренең фундаменталь нигеҙҙәрен 300 йылдан ашыу элек Император Петр Беренсе һалған тип иҫәпләнә.

Өфөлә республикала иң ҙур креатив парк барлыҡҡа килеүе ихтимал

Ижад өсөн урын. Өфөлә республикала иң ҙур креатив парк барлыҡҡа килеүе ихтимал. Бөгөн проект Радий Хәбиров ҡатнашлығында ижади индустриялар сәғәте ултырышында тәҡдим иттелде. 25 мең квадрат метр, тиҫтәләгән студия, ял көндәрендә бушлай оҫталыҡ дәрестәре һәм тәүлегенә ун мең кеше. Бизнесмендарҙың баһаһы буйынса өфөләге ижади паркка тап шул тиклем кеше йөрөйәсәк. Республикала иң ҙур кластерҙы яҡын киләсәктә булдырыу планлаштырыла.

Радий Хәбиров «Тарих һаҡсылары» слетында ҡатнашты

Йәш быуын менән эшләү минең өсөн шәхси өҫтөнлөк. Был турала Радий Хәбиров Рәсәй Геройы, «Юнармия» ның баш штабы етәксеһе Владислав Головин һәм «Беренселәр хәрәкәте»нең идаралыҡ рәйесе урынбаҫары Ксения Янова менән осрашыуҙа белдереҙе.

11 ноябрҙә киске сәғәт етелә Башҡортостан башлығы Радий Хәбиров менән тура бәйләнеш үтә

Республика етәксеһе халыҡ һорауҙарына «Башҡортостан юлдаш телевидениеһы», «Рәсәй-24», «Башҡортостан 24», «Вся Уфа», «Сәләм», UTV телеканалдары, шулай уҡ «Юлдаш» радиоһы тура эфирында һәм социаль селтәрҙәрҙә яуап бирәсәк. Тура бәйләнешкә һорауҙарҙы бер нисә юл менән ебәрә алаһығыҙ.

Өфөнөң Перинаталь үҙәге иң яҡшыһы тип танылды

Ғүмәр Ҡыуатов исемендәге Республика клиник дауаханаһының Перинаталь үҙәге-иң яҡшыһы. Волга буйы федераль округы төбәктәре араһында ойошторолған конкурста төрлө күрһәткестәр ҡаралған. Шул иҫәптән, үҙәктең заманса ҡоролмалар менән йыһазландырылыуы тикшерелгән. Дауахананың Перинаталь үҙәге башҡа бала табыу йорттары араһында өлкән пациенттар өсөн реанимация бүлеге булған берҙән-бер учреждение.

Өфөлә «Мин АГРО-ла» ауыл хужалығы комплексының һөнәрҙәр ҡалаһы асылды

Бөгөн Өфөлә «Мин АГРО-ла» ауыл хужалығы комплексының һөнәрҙәр ҡалаһы асылды. Күләмле проект илдең 13 төбәгендә тормошҡа ашырыла. Башҡорт дәүләт аграр университетында ойошторолған майҙансыҡ менән беренсе көнөндә 700-гә яҡын бала танышҡан.