11 ноябрҙә киске сәғәт етелә Башҡортостан башлығы Радий Хәбиров менән тура бәйләнеш үтә

Республика етәксеһе халыҡ һорауҙарына «Башҡортостан юлдаш телевидениеһы», «Рәсәй-24», «Башҡортостан 24», «Вся Уфа», «Сәләм», UTV телеканалдары, шулай уҡ «Юлдаш» радиоһы тура эфирында һәм социаль селтәрҙәрҙә яуап бирәсәк. Тура бәйләнешкә һорауҙарҙы бер нисә юл менән ебәрә алаһығыҙ.

Юлыҡ ауылы халҡы яугирҙар өсөн 100 банка быҡтырылған ит әҙерләне

Баймаҡ районының Юлыҡ ауылы уңғандары махсус хәрби операция биләмәһендә хеҙмәт иткән яугирҙарға күстәнәс әҙерләне. Файҙалы эш башҡарып берҙәмлектә-көс икәнлеген тағы ла бер тапҡыр иҫбатланы.

Утҡа ҡаршы тороусыларҙың штаттан тыш «хеҙмәткәре» барлыҡҡа килгән

Берәҙәк бесәй Өфөнөң 8-се янғын һүндереү часына сентябрҙә эйәләшкән.
Рыжий ҡушаматлы бесәй бында үҙен өйҙәге кеүек тоя. Бер кемгә лә ҡамасауламай, әйтерһең, ҡотҡарыусыларҙың эше етди икәнен яҡшы аңлай. Йонсоған йорт хайуаны янғын һүндереү часына үҙе килә.

Комсомолдың тыуған көнө алдынан Өфөлә студент отрядтары ветерандары слеты үтте

Унда ваҡытында Советтар Союзында берҙән-бер «Зоркий» фотографтар отрядының фотоһүрәттәр күргәҙмәһе ойошторолдо. Әлеге ваҡытта ил һәм республика кимәлендә танылған фоторәссамдарҙың һәр ҡайһыһында был осорҙоң студент отрядтары тормошон сағылдырған бай архив һаҡлана. Күргәҙмә ветерандарға студент йәшлеген иҫкә төшөрҙө.

Миәкә районында тыуған Айгөл Әхмәтшина Норвегия тамашасыһы күңелен «Һандуғас» йыры менән әсир итте

Осло сәхнәһендә башҡорт халыҡ йыры яңғыраны. Миәкә районында тыуған Айгөл Әхмәтшина Норвегия тамашасыһы күңелен «Һандуғас» йыры менән әсир итте. 6 йәшенән академик вокал менән шөғөлләнә башлаған башҡорт ҡыҙы бөгөн донъя операһы йондоҙо. Ул Лондондың «Ковент-Гарден» клубында стажировка үтә, Мадридтың «Король операһы»нда сығыш яһай һәм Нью-Йорктың «Метрополитен операһы»нда Карменды башҡара.

“Өфө” халыҡ-ара аэропорты ҡышҡы ваҡытҡа күсте

Улкиләһе йылдың 28 мартына тиклем ғәмәлдә була. Был осорҙа 47 йүнәлеш буйынсарейстар билдәләнгән, осоштарҙы 28 авиакомпания башҡара. Ҡышҡы осорҙағы чартерпрограммаһына донъяның тиҫтәләгән иле инә. Улар иҫәбенә Төркиә, Вьетнам,Берләшкән Ғәрәп Әмирлектәре, Шри-Ланка, Ҡытай, Таиланд кеүек традиционкурорттар ҙа индерелгән. Мәскәү, Санкт-Петербург, Новосибирск, Нижневартовск, Ҡазан, Екатеринбургҡалаларынарейстар арта.