Башҡортостанда йәйге һауыҡтырыу кампанияһына йомғаҡ яһалды

Өс ай дауамында республиканың Йәмәғәт палатаһы ағзалары балалар ялын ойоштороусы 55 учреждениела булып, тикшереүҙәр үткәрә. Мәғариф буйынса комиссия рәйесе Марина Таран мониторинг йомғаҡтарын тәҡдим итте.

Өфөлә Салауат Итбаевтың тыуыуына 80 йыл тулыуға арналған хәтер кисәһе үтте

Ваҡытында ул Башҡорт дәүләт филармонияһының художество етәксеһе була, 200-ҙән ашыу театрлаштырылған концерт программалары ҡуя. Салауат Мостафа улы эстрада артисынан күп яҡлы профессиональ белемгә эйә булған киң ҡарашлы, үҙенсәлекле, танылған режиссерға тиклем юл үтә.

Башҡортостан башлығы Салауат ҡалаһында яңы сәнәғәт объекттары төҙөлөшөн ҡараны

Башҡортостан башлығы Радий Хәбиров Салауат ҡалаһында тормошҡа ашырылған күләмле инвестиция проекттары менән танышты. Битум предприятиеһы резервуар паркын киңәйтһә, «Алға» айырым иҡтисади биләмәһендә резидент тарафынан яңы производство төҙөлөшө алып барыла. Шулай уҡ төбәк етәксеһе ҡала эшҡыуарҙары менән осрашты, федераль конкурс буйынса төҙөкләндереү эштәре алып барылған йәмәғәт биләмәһен ҡараны.

Радий Хәбиров Салауатта махсус хәрби операцияла һәләк булған яугирҙарҙың ғаиләләре менән осрашты

Салауатҡа эш сәфәре барышында Башҡортостан башлығы Радий Хәбиров махсус хәрби операцияла һәләк булған яугирҙарҙың ғаиләләре менән осрашты. Бөтә хәрбиҙәрҙең дә ҡаһарманлығы ил президенты Указы менән Батырлыҡ ордены менән билдәләнгән.

Тәфтиш комитеты Өфөлә ике кешенең ғүмерен өҙгән юл-транспорт ваҡиғаһы буйынса енәйәт эше ҡуҙғатты

Ҡот осҡос авария бөгөн иртәнсәк Новоженов урамы менән Өфө шоссеһы киҫелешендә теркәлде. Беренсе мәғлүмәттәр буйынса, ҡом тейәлгән «Шахман» машинаһы, светофор утына туҡтаған автомобилдәргә барып бәрелгән. Фажиғәгә төп сәбәп булып, тормоз системаһының сафтан сығыуы фаразлана.

Өфөлә «Ватан һаҡсыһы атаһы» миҙалы менән бүләкләү тантанаһы үтте

Атайҙар көнө алдынан Колонналар залында «Ватан һаҡсыһы атаһы» йәмәғәт миҙалы менән бүләкләү тантанаһы үтте. Награда хәрби операцияла ҡатнашыусыларҙың аталарына тапшырылды. Ике махсус хәрби операция ветераны еңел автомобиль асҡысы алды. Шулай уҡ махсус хәрби операцияла һәләк булған яугирҙарҙың ғаиләләренә «Батырлыҡ ордены»,«Ҡаһарманлыҡ өсөн»миҙалы, Генерал Шайморатов ордены тапшырылды.

Баймаҡта «шайморатовсылар» сафы яңы уҡыусылар менән тулыланды

Йәш шайморатовсылар-Башҡортостан киләсәге. Ошо көндәрҙә Баймаҡ полилингваль күп профилле лицей-интернатының»шайморатовсылар«сафы яңы уҡыусылар менән тулыланды. Теманың дауамы киләһе яҙмала.

Өфөлө мәктәп уҡыусыһы «Киләсәк ғалимдары» халыҡ-ара конкурсы финалына сыҡты

Мәктәп партаһынан уҡ етди ғилми проекттарға. Өфөнөң 119 сы мәктәбе 11 класс уҡыусыһы Рамаҙан Йәнбәтов «Пилотһыҙ системалар» номинацияһында «Киләсәк ғалимдары» абруйлы халыҡ-ара йәш тикшеренеүселәр конкурсында ҡатнашып финалға үтә. Яңы инновацион проекттар авторы һәм уның остазы менән беҙҙең ижади төркәм дә осрашты. Йәштәргә техник һөнәр һайлауҙа яңы алымдар хаҡында киләһе яҙмала.

Быйыл М-5, М-7 һәм Р-240 трассаларында 153 километр юл яңыртылған

Республика юл хужалығы идаралығы менән берлектә Дүртөйлө һәм Илеш райондарындағы юлдар тәртипкә килтерелгән. Улар М-12 трассаһын һалғанда зыян күргәйне. Башҡортостан башлығы социаль селтәрҙәге сәхифәһендә ошо турала белдергән. “Республика биләмәһе аша 863 километр федераль трасса үтә. “Приуралье” автомобиль юлдары идаралығы уларҙы яҡшы хәлдә тоторға ярҙам итә. Өршәк, Ҡармасан, Саярыш һәм Ҡыуаш йылғаларындағы күперҙәр төҙөкләндерелде. 7 объектта эш дауам итә. Юл хәүефһеҙлегенә ҙур иғтибар бүленә. Йәйәүлеләр үткәүеле, кәртәләр ҡуйыла, яҡтыртыу системаһы урынлаштырыла. Был һөҙөмтә бирә. Федераль трассаларҙа юл-транспорт ваҡиғаларында һәләк булғандар кәмей”, - тип яҙған Радий Хәбиров.

Быйыл республикала 1 миллион ярым сәйәхәтсе ял иткән

Башҡортостан туристар һаны буйынса Волга буйы федераль округында 3-сө, Рәсәйҙә – 17-се урында тора. Эшҡыуарлыҡ һәм туризм министры Светлана Верещагина ошо турала белдерҙе. Беҙгә йышыраҡ Силәбе, Ырымбур, Свердловск өлкәләренән, Удмурт һәм Татарстан республикаларынан киләләр. Башҡортостанды дауаланыу маҡсатында һайлаусылар бар. Быйыл майҙан алып августҡа тиклем шифаханаларҙа 80 мең кеше һаулығын нығытҡан. Туризм өлкәһендә күрһәтелгән түләүле хеҙмәттәр, былтырғы менән сағыштырғанда, 15 процентҡа артҡан. Сәйәхәтселәр күберәк фәнни-популяр, сәнәғәт, таулы, йәйәүле һәм йылға маршруттарын һайлай.

Башҡортостандан 4 уҡыусы “Иң яҡшы хат дәресе” конкурсында еңгән

Ярышта йыл һайын мәктәп уҡыусылары һәм педагогтар ҡатнаша. Балалар тәҡдим ителгән темалар буйынса хат яҙа. Уҡытыусылар бындай дәрестәрҙе ойоштороу алымдарын күрһәтә. Бөтә Рәсәй конкурсында Борайҙағы 2-се мәктәп уҡыусылары Динара Сәйетғәлиева һәм Илдан Шәйҙуллин, Республика дистанцион белем биреү үҙәгенән Владимир Михайлов һәм Бишбүләк районы Дим ауылы мәктәбенән Екатерина Калмыкова лауреат булған. Ярышта барлығы 46 уҡыусы һәм 6 педагог еңгән. Улар араһында Курск, Белгород һәм Херсон өлкәләре уҡыусылары ла бар.

Өфө үҙәгендә йәштәр өсөн креатив кластер булдырыла

Өфө үҙәгендә йәштәр өсөн креатив кластер барлыҡҡа киләсәк. Радий Хәбиров Башҡортостан ҡалаларында йәштәргә үҙ проекттары өҫтөндә эшләү өсөн тейешле мөхит кәрәклеген белдерҙе. Гастрономия, музыка, мода һәм креатив индустрияларҙың башҡа тармаҡтарын берләштереүсе биләмәләр Бөрө һәм Стәрлетамаҡ ҡалаларында ла ойошторола. Был турала төбәк етәксеһе республиканың һөнәри колледж студенттары менән осрашыуҙа белдерҙе.

Баш ҡалала «Берҙәм Рәсәй» юғары партия мәктәбе филиалының өсөнсө семинары старт алды

Уның эшендә Башҡортостан башлығы, «Берҙәм Рәсәй» партияһының төбәк бүлексәһе етәксеһе Радий Хәбиров та ҡатнашты. Вуз-ара кампустың Геном үҙәге майҙансығында ойошторолған сарала «Партияның урындағы бүлексәләрендә депутаттар берләшмәләре эше һәм команда төҙөү» темаһы ҡарала.

Ишембайҙа ирекмәндәр алғы һыҙыҡ яугирҙарына йылы кейемдәр әҙерләй

«Йөрәк ҡушыуы буйынса». Ишембай ҡалаһы ирекмәндәре махсус хәрби операцияла ҡатнашыусыларға йылы кейемдәр, махсус форма тегә. Хәрәкәткә йәштәр ҙә, өлкәндәр ҙә ҡушылған. Цехтағы эш менән беҙҙең ижади төркөм дә танышты. Тулыраҡ киләһе яҙмала.

Бөрйән районы юбилейы уңайынан байрам тантаналары уҙҙы

Бөрйән районы ойошторолоуға 95 йыл. Күренекле дата уңайынан районда байрам тантаналары уҙҙы, хеҙмәт уңғандары тәбрикләнде. Теманың дауамы киләһе яҙмала.

Башҡортостанда йәшәүселәр иҡтисад буйынса диктант яҙҙы

Быйылғы акция «Көслө иҡтисад-сәскә атҡан Рәсәй» девизы менән үтте. Майҙансыҡтарҙың береһе Өфө фән һәм технологиялар университетында ойошторолдо. Иҡтсади яҡтан үҙ белемен һынарға юғары һәм урта уҡыу йорттары студенттары менән бер рәттән бизнес-берләшмә һәм төбәктең төрлө ведомство вәкилдәре килде.

Башҡортостанда ҡулланыусылар хоҡуҡтары яҡланған

Беҙҙең республикала ил төбәктәре араһында төҙөлгән рейтингта беренсе урын алған. Сауҙа һәм хеҙмәттәр министры Азат Асҡаров белдереүенсә, ҡулланыусыларҙы хеҙмәтләндереү сифаты 65 күрһәткес буйынса баһаланған. 9 айҙа 600-гә яҡын ялыу ҡаралған. 6 миллион һумдан ашыу суммаға матди ярҙам ҡайтарып бирелгән. Рейтингта икенсе урында Татарстан, өсөнсөлә Белгород өлкәһе.

Башҡортостан "Музей аҙналығы"на ҡушыла

Ул 18 октябрҙән 24-енә тиклемдауам итә. Был көндәрҙә махсус хәрби операцияла ҡатнашыусылар һәм уларҙың ғаилә ағзаларына музейға инеү бушлайбула. Мәҙәниәт министрлығынан хәбәр итеүҙәренсә, осрашыуҙар, музей дәрестәре,лекциялар әҙерләнә, махсус хәрби операцияға бағышланған экспозицияларурынлаштырыла. Шулай уҡ патриотик фильмдар күрһәтеләсәк .

«Сәләмәт республика» акцияһы — төпкөлдәргә сифатлы медицина ярҙамы

Төпкөлдә йәшәүселәргә - сифатлы медицина ярҙамы. Башҡортостанда етенсе йыл «Сәләмәт республика - сәләмәт төбәк» проекты тормошҡа ашырыла. Ошо ваҡыт эсендә күсмә медина бригадалары ике мең ярымдан ашыу ауылда булып, халыҡты ҡабул иткән. Урындарҙа ауырыуҙарҙы диагностикалауҙан тыш, кеше ғүмерҙәрен дә ҡотҡарырға тура килгән - быйыл ғына ике кеше ашығыс рәүештә дауаханаға оҙатылған, бер пациент билдәләре беленмәгән миокард инфарктынан ҡотҡарылған. Акцияның республика өсөн әһәмиәте тураһында киләһе репортаж.

Иң яҡшы юлсыларға дәүләт наградалары тапшырылды

Бүләкләү тантанаһы яҡынлашып килгән Юл хужалығы хеҙмәткәрҙәре көнө уңайынан үтте. Юлдарҙа уңайлы шарттар һәм хәүефһеҙлек тәьмин итеү тап уларҙың хеҙмәтенә бәйле. Һуңғы йылдарҙа республикала ҙур инфраструктура объекттары төҙөлә - Көнсығыш сығыу юлы, М-12 автомагистрале, Ағиҙел йылғаһы аша аркалы күпер. Уларҙың һәр береһе артында юл хужалығы эшсәндәрәенең тырыш хеҙмәте тора.