Һуғыш балалары тураһында закон проекты беренсе уҡыуҙа ҡабул ителде

Уға ярашлы, айырым категория граждандарға күп функциялы үҙәктәрҙә дәүләт хеҙмәттәре сиратһыҙ күрһәтелә. Спикер Константин Толкачев белдереүенсә, бындай норма өлкән йәштәгеләр һәм хәрби бәрелештәрҙә ҡатнашыусыларға бюрократик кәртәләрҙе кәметеү мөмкинлеген бирә. Башҡортостанда әле һуғыш балаһы статусында булған 113 меңдән ашыу кеше йәшәй. Был исемлеккә 1927 йылдың 22 июненән 45-се йылдың 3 сентябренә тиклем тыуғандар инә.

"Ағиҙел" Свердловск өлкәһе хоккейсыларын 13-2 иҫәбе менән еңде

Ҡатын-ҡыҙҙар хоккей лигаһында даими беренселек дауам итә. Бөгөн был командалар араһында тағы бер уйын ҡаралған. Лигала 7 команда сығыш яһай. "Ағиҙел" үткән миҙгелдә чемпион булды.

Башҡортостан менән яңы төбәктәр араһында хеҙмәттәшлек үҫә

Бөгөн Донецк, Луганск халыҡ республикалары, Запорожье, Херсон өлкәләре халҡы бөйөк Рәсәйҙең бер өлөшө булырға ҡарар итеүенә өс йыл тулды.
Ошо мөһим ваҡиға менән Башҡортостан башлығы Радий Хәбиров ҡотланы. Рәсәйҙең яңы төбәктәрендә йәшәүсе ҡәрҙәштәребеҙ тураһында даими хәстәрлек күрелә. Беҙҙең яугирҙар ҡулдарына ҡорал алып, биләмәләрҙе нацистарҙан азат итә, тыныс халыҡты дошмандан һаҡлай.

1 октябрҙән республиканың барлыҡ муниципалитеттары ла йылытыу миҙгелен башларға бурыслы

Йылы менән тәү сиратта социаль учреждениелар тәьмин ителә. Был балалар баҡсалары, мәктәптәр һәм һаулыҡ һаҡлау объекттары. Ә бына торлаҡ йорттар биш көн дауамында уртаса тәүлек температураһы 8 градустан түбән булған осраҡта ҡаҙанлыҡҡа тоташтырыла.

Бөгөн төндә республикала ҡырау төштө

Һауала һәм тупраҡ өҫтөндә -4, -9, таулы райондарҙа 10 градусҡаса тиклем ҡырау төштө. Ирәмәл тауында һәм Сибай ҡалаһында бер көн элек ҡар яуыуы күҙәтелгәйне.
Башгидромет фараздары буйынса,алдағы көндәрҙә яуым төшөмһөҙ, аяҙлы- болотло һауа торошо көтөлә. Һауа температураһы төндә 0, +5° тирәһе, көндөҙ +7, +12° градусҡаса йылыта.

Архангел районында дәүләт автоинспекцияһы хеҙмәткәрҙәре иҫерек комбайнерҙы тотҡан

Эскән килеш рулгә ултырған аграрий тураһында инспекторҙарға битараф булмаған замандашыбыҙ хәбәр итә. Комбайнерҙы трассала туҡтатҡан автоинспкекторҙар 58 йәшлек ирҙең ысынлап та эскән булыуын дәлилләй. Тағы ла бер комбайнерҙың водитель таныҡлығы булмауы асыҡлана. Ике иргә ҡарата ла административ протоколдар төҙөлгән.

Шаран районы Баҙғый ауылында модулле фельдшер-акушерлыҡ пункты асылды

Яңы бина «Оҙайлы һәм әүҙем ғүмер» милли проекты буйынса сафҡа ингән. Бында халыҡҡа беренсел медик-санитар ярҙамы күрһәтеү өсөн барлыҡ шарттар ҙа тыуҙырылған. Иркен яҡты бүлмәләр медицина хеҙмәткәрҙәре һәм пациенттар өсөн дә уңайлы.

Баймаҡ районы «Йәшел Башҡортостан» республика экологик акцияһына ҡушылды

Өмәлә Башҡортостандың Ғаилә, хеҙмәт һәм халыҡты социаль яҡлау министры урынбаҫары Азат Арыҫланов, ҡаланың хеҙмәт коллективтары һәм уның битараф булмаған халҡы ҡатнашты. Баймаҡтың Есенин урамына ултыртылған 70 төп йәш миләш үҫентеләре ныҡлы тамыр йәйеп, нығынып ҡаланың бер нисә быуынын ҡыуандырасаҡ.

Өфөнөң Ағиҙел йылғаһы буйы ике көнгә әүҙем ял итеүселәр үҙәгенә әйләнде

Балыҡ тотоу бәйгеһе 1-се Халыҡ-ара Аксаков фестиваленең финал ваҡиғаһы булды. Ғаилә байрамында төрлө оҫталыҡ дәрестәре, күргәҙмә-йәрминкә, уха бешереү буйынса кулинар алыш ойошторолдо. Билдәле булыуынса, Сергей Аксаков
балыҡсылыҡ һәм һунарсылыҡты үҙ итә, уның ижады ла был мауығыуҙар менән тығыҙ бәйле була. Шуға ла сараны ойоштороусылар яҡташыбыҙҙы рус әҙәбиәте классигы ғына түгел, ә тәбиғәтте яратыусы булараҡ та күрһәтергә тырышҡан.

Әлшәй районы Мәндән ауылында йәшәүсе Фәниә Нурғәлиева бер быуатлыҡ юбилейын билдәләне

Оло быуын вәкиле әүҙем тормош алып бара. Ул һәр таңды ҡыуаныс менән ҡаршылай, сәләмәтлеген нығытыу өсөн күп хәрәкәт итә. Өләсәйҙең иң яратҡан шөғөлө-ҡош-ҡорт аҫрау һәм баҡса үҫтереү. Уның ҡулдары тере һыу кеүек-нимә генә ултыртһа ла, барыһы ла сәскә ата.

Өс йыл элек яңы төбәктәр Рәсәйгә ҡушылды

Өс йыл өйҙә. 2022 йылдың 30 сентябрендә Луганск һәм Донецк халыҡ республикалары, шулай уҡ Херсон һәм Запорожье өлкәләре Рәсәй составына инде. Был ҡарар референдум һөҙөмтәһендә ҡабул ителә. Халыҡтың 99 проценттан ашыуы берләшеү өсөн тауыш бирә. Йәғни тарихи ғәҙеллек тергеҙелә. Әммә Киев режимы йәмәғәтселек ҡарарын таныуҙан баш тарта һәм тыныс ҡалаларҙы, уларҙың халҡын тағы ла ҡатыраҡ бомбаға тота башлай. Күптәр емерелгән йорттарын ташлап күсеп китергә мәжбүр була.

Башҡортостандың урта махсус уҡыу йорттарына ҡабул итеү кампанияһы 25 ноябргә тиклем оҙайтылды

26 колледжда барлығы 680 бюджет урын ҡалған. Был, тәү сиратта, сентябрҙә Дөйөм дәүләт имтихандары тапшырған 9-сы синыф уҡыусыларына урта һөнәри белем биреү программалары буйынса уҡыуын дауам итеү мөмкинлеге бирә. Кушнаренко ауыл хужалығы техникумында ла абитуриенттарҙы көтәләр.

Башҡортостан яугирҙары Курск өлкәһендә ҡатындарҙы үлемдән ҡотҡарған

Яу ҡырында яралған дуҫлыҡ ғүмерлеккә һаҡлана. Башҡортостан яугирҙары Курск өлкәһенең Новоивановка ауылын азат иткәндә ике ҡатынды үлемдән алып ҡала.

Салауат Юлаев исемендәге премияға Рита Өмөтбаева һәм Сулпан Асҡарова тәҡдим ителде

Әҙәбиәт, сәнғәт һәм архитектура өлкәһендә Салуат Юлаев исемендәге дәүләт премияһына дәғүәселәрҙән конкурстың йомғаҡлау этабында ҡатнашыусылар һайлап алынған. Улар араһында билдәле продюсерҙар һәм хореографтар ҙа бар. «Байыҡ» телевизион проекты авторы һәм продюсеры Рита Өмөтбаева, «Салауат Юлаев» көндәре республика байрамының ҡуйыусы режиссеры Сулпан Асҡарованың ижади порттретары хаҡында киләһе яҙмала.

Башҡортостан халыҡ артисы Олег Ханов вафат булды

Бөгөн башҡорт сәнғәте ауыр юғалтыу кисерҙе. Күренекле актер, режиссер һәм педагог Олег Ханов вафат булды. Уға 74 йәш була.

Өфөлә "Мин яратам һине, тормош!" ун дүртенсе республика фестиваленең гала-концерты уҙҙы

Бөгөн Торатау Конгресс-холында өлкәндәрҙең "Мин яратам һине, тормош!" ун дүртенсе республика фестиваленең гала-концерты уҙҙы. Ижади бәйгелә быйыл 55 йәштән өлкән 2580 кеше ҡатнашҡан. Республика төбәктәрендәге этаптарҙа еңеп финалға сыҡҡандар баш ҡала сәхнәһендә тормошто яратыуын иҫбатланы.

Радий Хәбиров Рәсәй энергетика форумын һәм «Урал энергетикаһы» күргәҙмәһен асты

Башҡортостан башлығы Радий Хәбиров Рәсәй энергетика форумы һәм «Урал энергетикаһы» 31-се Халыҡ-ара күргәҙмәһен асыу тантанаһында ҡатнашты. Телекүпер режимында ул йылытыу электр станция ҡорамалдарын яңыртыу федераль программаһы буйынса реконструкцияланған Ҡарман дәүләт район электр станцияһының-энергия блогы эшенә старт бирҙе.

Башҡортостанда торлаҡ-коммуналь хужалыҡ хеҙмәттәре өсөн бурыстарҙы түләтеү буйынса рейдтар үтә

Суд приставтары республика буйынса бурыслыларҙың йәшәгән урынына бара. Бурысты түләүҙән баш тартҡан осраҡта түләмәүселәргә ҡарата мәжбүри саралар ҡулланыла: банк иҫәптәренә арест һалына, сит илгә сығыуға сикләү индерелә, мөлкәт тартып алына. Йыл башынан суд приставтары торлаҡ-коммуналь хеҙмәттәр буйынса бурыслыларҙан 722 миллион һум аҡса түләткән, мөлкәткә 1088 арест һалған.

Балаҡатай районы Түбәнге Исҡуш ауылында теркәлгән янғында 73 йәшлек ҡатындың ғүмере өҙөлгән

Хаҡлы ялдағы ҡатындың кәүҙәһен ҡотҡарыусылар ут ялмап алған ағас йорт эсендә тапҡан. Тикшереү фаразына ярашлы янғын иҫке мейестән сығыуы ихтимал.

«Восход» етәкселегендәге Башҡортостан мотоуҡсылар полкы алдынғылар рәтендә

Рәсәй Оборона министры 67-се мотоуҡсылар дивизияһы яугирҙарын Донецк Халыҡ республикаһының Кировск тораҡ пунктын азат итеү уңайынан тәбрикләне. «Берләшмә хәрбиҙәре юғары һөнәри оҫталыҡ һәм батырлыҡ күрһәтеп, Ватанға, хәрби антҡа тоғролоҡ өлгөһө булып тора»,-тиелә министрҙың ҡотлау телеграммаһында. Башҡортостан мотоуҡсылар полкы 67-се дивизия составында алыша. Полк менән бер йылдан ашыу инде «Восход» ҡушаматлы командир идара итә. Рәсәй Ҡораллы көстәренең ҡоро ер ғәскәрҙәре көнө уңыйынан хәрби хәбәрсебеҙ полк менән идара итеү үҙәгендә булды.Тулыраҡ киләһе яҙмала.