Ҡалтасы районынан Диләрә Низаметдинова 7 йыл дауамында башҡорт тоҡомло аттар үрсетә

Был турала Башҡортостан башлығы Радий Хәбиров социаль селтәрҙә яҙып сыҡты. «Юғары уҡыу йортон тамамлағандан һуң ул беҙҙең аграр университетта өҫтәмә белем алған һәм ата-әсәләре ярҙамы менән «Экони» йылҡы фермаһы асҡан. Бөгөн Диләрә ҡеүәтле крәҫтиән-фермер хужалығы башлығы. Уның хужалығында 450 баш мал иҫәпләнә. Фермер әйтеүенсә, ул башҡорт тоҡомло аттар фанаты.

Башҡортостанда хәрби хеҙмәткә контракт буйынса ҡабул итеү дауам итә

Өфөләге «Защитник» үҙәгендә республика район-ҡалаларынан ғына түгел, Рәсәйҙең башҡа төбәктәренән дә килеүселәр өсөн бөтә шарттар булдырылған. Үҙәктә банк хеҙмәткәрҙәре финанс буйынса аңлатыу эштәре алып бара, табиптар тикшереүҙәр үткәрә, ә инструкторҙар хәрби әҙерлек уҙғарыу менәнә шөғөлләнә. Хәрби хеҙмәткә һайлап алыныу процедураларын бер көн эсендә тулыһынса үтергә була.

Иглин районында махсус хәрби операцияла ҡатнашыусы табип менән осрашыу үтте

Иглин районының «Барыһы ла Еңеү өсөн» ирекмәндәр штабында махсус хәрби операцияла ҡатнашыусы табип менән осрашыу үтте. «Космос» ҡушаматлы яугир яҡташтары менән аралашып, алғы һыҙыҡтағы яңылыҡтар менән уртаҡлашты. Яугир махсус хәрби операцияға үҙ теләге менән 2022 йылда юлланған. Рәсәй оборона министрлығы менән контракт килешеүе төҙөгәндән һуң Достовалов исемендәге батальонда хеҙмәт итә башлаған. Алғы һыҙыҡта ул тиҫтәләрсә яраланған һалдат ғүмерҙәрен ҡотҡарған.

Сибай тарих һәм тыуған яҡты өйрәнеү музейы МХО биләмәһенән экспонат менән тулыланды

Сибай тарих һәм тыуған яҡты өйрәнеү музейы махсус хәрби операция биләмәһенән экспонат менән тулыланды. Гаубица гильзаһы хәҙер ҡала халҡына һәм ҡунаҡтарына күрһәтеләсәк. Уны активист һәм ирекмән Руслан Таһиров тапшырҙы. Ул даими рәүештә яугирҙарға гуманитар йөк ташый. Музейға Руслан улы Вадим менән килде, ул да гуманитар миссияларҙа ҡатнаша.

Ҡотҡарыусыларҙың дүрт аяҡлы хеҙмәттәштәре

Улар ҡотҡарыусыларҙың үҙҙәренә ярҙам итә. Һүҙ янғын һүндереү частары, авария-ҡотҡарыу хеҙмәттәрендә йәшәгән эт һәм бесәйҙәр тураһында. Берәүҙәре биләмәне һаҡлауҙа тоғролоҡ күрһәтһә, икенселәре емереклектәр араһынан кешеләрҙе эҙләп таба. Ҡотҡарыусылар менән бергә хеҙмәт иткән кесе дуҫтарыбыҙ тураһында репортаж.

Шаран районындағы «Бригантина» һауыҡтырыу лагерында дзюдосыларҙың күнекмә сборы үтте

Шаран районының Шаранбаш-Кенәз ауылындағы «Бригантина» һауыҡтырыу лагерында дзюдосыларҙың күнекмә сборы үтте. Сарала Шаран, Туймазы райондары, Приютов ҡасабаһы, Дәүләкән, Бөрө һәм Бәләбәй ҡалаларынан 6 йәштән 18 йәшкә тиклемге спортсылар ҡатнашты. Лагерҙа бындай йыйындар 8 йыл рәттән, Рәсәйҙең спорт мастеры, Шаран районының балалар ижады һәм спорт үҙәге етәксеһе Салауат Хөсәйеновтың тәҡдиме менән үтә.

Тыуған ерҙә көс туплағандан һуң — йәнә ватан һағына

Тыуған ерҙә көс туплағандан һуң йәнә ватан һағына. «Өфө-Арена» алдындағы майҙанда яугирҙарҙы фронтҡа оҙатыу тантанаһы үтте. Сарала власть органдары һәм хәрби комиссариат вәкилдәре ҡатнашты. Сығыш яһаусылар ил һаҡсыларына махсус хәрби операция барышында күрһәткән ҡаһарманлығы өсөн рәхмәт һүҙҙәре еткереп, уларға хәйерле юл теләне.

21 август Рәсәйҙә офицер көнө билдәләнә

Һөнәри байрам запастағы һәм ветеран офицерҙарҙы, көс структуралары хәрбиҙәрен, Рәсәй гвардияһы һәм Именлек хеҙмәте офицерҙарын берләштерә. Өфөлә йәшәүсе летчик Илдар Исхаҡов та байрам көндө хәрби хеҙмәт юлын иҫкә ала. Запастағы офицер 13 йыл дауамында дәүләт өсөн стратегик бурыстарҙы үтәп хаҡлы ялға сыҡҡан.

Рәсәй Социаль фондының Башҡортостан буйынса бүлексәһенән автомобиль асҡыстары

2001 йылдан алып фонд тарафынан эш урынында йәрәхәтләнгән 1400 кешегә автомобилдәр тапшырылған. Был юлы йәнә лә 16 кеше транспортлы булды. Заманса техника хужаларының физик мөмкинлектәре сикләнгәнен иҫәпкә алып йыһазландырылған һәм ҡул менән идара итеү системаһы менән тәьмин ителгән. Яңы автомобиль алып ҡыуанған ир-егеттәр шатлығын беҙҙең ижади төркөм дә уртаҡлашты һәм тимер аттарҙың уңайлыҡтарын өйрәнде. Был хаҡта тулыраҡ киләһе яҙмала.

Башҡортостан райондары буйлап «Сәләмәтлек поездары» йөрөй

«Сәләмәт республика — сәләмәт төбәк» акцияһы барышында 8 көн эсендә генә 52 тораҡ пункта йәшәүселәр медицина тикшеренеүе үткән. Халыҡҡа күрһәтелгән ярҙам тураһында киләһе яҙма.

БСТ — «Медицина һәм профсоюз» конкурсы еңеүсеһе

«Башҡортостан» телерадиокомпанияһы һаулыҡ һаҡлау өлкәһе хеҙмәткәрҙәре эшмәкәрлеген яҡтыртыуға йүнәлтелгән «Медицина һәм профсоюз» республика конкурсының еңеүсеһе тип танылды.

1 сентябрҙән студент ҡатын-ҡыҙҙарға йөклөлөк буйынса пособие түләнә башлай

Рәсәй вуздарында һәм колледждарында уҡып йөрөгән ҡатын-ҡыҙҙар йөклөлөк һәм бала табыу буйынса арттырылған пособие аласаҡ. Уның күләме стипендияға түгел, төбәктәге йәшәү минимумына ҡарап иҫәпләп сығарыла. Башҡортостанда 2025 йылда йәшәү минимумы 17 202 һум кимәлендә билдәләнгән, тимәк, республикала йәш әсәләр өсөн 140 көнлөк отпуск өсөн түләү – 80 мең һум. Тағы бер үҙгәреш бар. Элек аҡсаны уҡыған урын буйынса бирһәләр, хәҙер ул Рәсәй Социаль фонды ҡарамағына тапшырылған. Пособие алыу өсөн ғаризаны “Дәүләт хеҙмәттәре” порталы аша, Социаль фондтың клиент хеҙмәттәрендә йәки күп функциялы үҙәктә бирергә мөмкин.

Башҡортостанда инвестиция һабантуйына әҙерлек бара

Премьер-министр Андрей Назаров социаль селтәрҙә ошо турала хәбәр итте. - Был етенсе форум. Йыл һайын ул төрлө. Состав, программа үҙгәрә, әммә маҡсат бер - бизнесты, иҡтисадты үҫтереү, эшлекле даирә менән бәйләнештәр булдырыу, - тине ул. Сибайҙа инвестиция һабантуйы 4-6 сентябрҙә уҙғарыла. Унда сит ил делегациялары ла ҡатнашыуы көтөлә. Инвестиция һабантуйы барышында шулай уҡ бизнес-шерифтар форумы уҙғарыла.

Башҡортостанда Волга буйы округындағы иң ҙур мәктәп төҙөлә

Ул Өфөлә урынлашҡан. Кузнецов Затонындағы объектты йыл аҙағына тиклем файҙалыныуға тапшырыу планлаштырыла. Был турала баш ҡаланың Киров район хакимиәте башлығы Илвир Нурдәүләтов белдерҙе. - Әле эске биҙәү, биләмәне төҙөкләндереү эштәре бара, - тине ул. Төҙөлөш 2023 йылда башланды. Мәктәп тулыһынса заманса йыһазландырыла. Унда 2 мең 200 бала белем аласаҡ.

Өфөлә ҡышҡы миҙгелгә әҙерлек бара

Ҡала урамдарын боҙлауыҡҡа ҡаршы препараттар менән эшкәртеү өсөн 26 миллион һум бүленә. 872 тонна махсус гранула һатып алыу планлаштырыла. Уның 500 тоннанан күберәге быйыл килтерелергә тейеш. Боҙлауыҡҡа ҡаршы материалдың ҙур өлөшө Киров һәм Ленин райондарында ҡулланыла.

Башҡортостанда бер юлы 5 биләмә уңайлы ҡала мөхите Бөтә Рәсәй конкурсында еңеү яуланы

Был турала Башҡортостан башлығы Радий Хәбиров социаль селтәрҙәрҙә яҙып сыҡты. Октябрьскийҙа: «Мираҫ һаҡлау», Дүртөйлөлә «Иванай баҡсаһы», Шишмәлә «Дуҫлыҡ шишмәһе», Үрге йәркәйҙә «Дуҫлыҡ ептәре» һәм Кушнаренко ауылында «Топорниндар һуҡмағы» проекттары билдәләнде. Беҙҙең муниципалитет командаларына, Торлаҡ-коммуналь хужалығы министрлығына һәм Башҡортостан ҡалаларын һәм ауылдарын үҫтереү Институтына оло рәхмәтемде еткерәм. Иҫегеҙгә төшөрәм, был конкурс йыл һайын «Тормош өсөн инфраструктура» милли проекты сиктәрендә ғәмәлгә ашырыла.

Йәйге каникулда 5,5 меңдән ашыу студент эш урыны тапты

Студенттар отрядтарына яҙылған 5 мең ярымдан ашыу егет-ҡыҙ йәйге каникул осоронда хеҙмәт урыны менән тәьмин ителгән. Уларҙың күпселеге төрлө предприятиеларҙа эшләп, яңы һөнәр үҙләштерә. Хеҙмәт хаҡтары-20 мең һумдан 110 мең һумға тиклем етеүе билдәле. Балалар һауыҡтырыу лагерҙарында вожатый булараҡ эшкә урынлашыусылар араһында педагогия колледждары студенттары ла бар. Өфө районындағы «Огонёк» балалар һауыҡтырыу лагерында ла йәштәр практикала үҫеп килгән быуын менән эшләргә өйрәнә. Иллегә яҡын вожатый араһында егермеһе-студенттар отряды вәкилдәре.

Төбәктең медицина учреждениелары реабилитация өсөн яңы мөмкинлектәр тәҡдим итә

Милли проект буйынса дауаханаларға заманса тренажерҙар һатып алына, әйтергә кәрәк, улар-республика предприятиеларында етештерелә. Компанияларҙың береһе әле производство ҡеүәттәрен арттырыу буйынса инвестиция проектын тормошҡа ашыра. Яҡын киләсәктә 2 мең ярым реабилитация аппараты етештереү маҡсаты ҡуйылған. Тулыраҡ киләһе яҙмала.

Бөгөн Рәсәйҙә Дәүләт флагы көнө билдәләнә

Рәсәйҙә бөгөн Дәүләт флагы көнө билдәләнә.Илебеҙҙең өс төҫлө әләме 300 йылдан ашыу тарихҡа эйә. Дәүләт флагы 17-се быуат аҙағында барлыҡҡа килә. Тәүге тапҡыр сәмреғош сигелгән был байраҡ «Орел» хәрби карабында күтәрелә. Аҙаҡ Петр Беренсе указына ярашлы флагтың өлгөһө, горизонталь һыҙаттарҙың тәртибе раҫлана. Өс төҫлө байраҡ 1991 йылдың 22 авгусында тергеҙелә. Ул Рәсәй Федерацияһының гербы һәм гимны кеүек үк дәүләт суверенитеты символикаһы булып тора.