Башҡортостанда белем усаҡтарындағы капиталь ремонт 15 авгусҡа тиклем тамамланасаҡ

«Йәштәр һәм балалар» милли проектының капиталь ремонт программаһы буйынса мәғариф учреждениеларында ремонт эштәре 15 авгусҡа тиклем тамамлана. «Берҙәм Рәсәй» партияһы ағзалары белем усаҡтарында булып, проект үтәлеше менән танышты. Тулыраҡ мәғлүмәт киләһе яҙмала.

Өфө дәүләт автоинспекцияһы хеҙмәткәрҙәре Инорс биҫтәһендә теркәлгән үлемесле авария сәбәптәрен асыҡлай

Уҙған төндә Сельская Богородская урамында 41 йәшлек ҡатын «ВАЗ» автомобиле аҫтында ҡала. Юл фажиғәһе һөҙөмтәһендә йәйәүле ауыр йәрәхәттәр менән реанимация бүлегенә оҙатыла, һуңынан вафат була. Билдәле булыуынса, ҡазаға тарыусы ер аҫты үткәүеле була тороп юл аша рөхсәт ителмәгән урындан сығырға уйлаған. Осраҡ буйынса тикшереү башланған.

Өфөлә яугирҙарҙы махсус хәрби операция биләмәһенә оҙатыу тантанаһы үтте

«Хәрби кәйеф менән еңеүгә!». Өфөлә яугирҙарҙы махсус хәрби операция биләмәһенә оҙатыу тантанаһы үтте. Ватан һаҡсыларын оҙатырға ҡатындары, балалары һәм яҡындары килде. Хеҙмәт урынына уларҙы уңайлы автобустар алып барасаҡ.

Баймаҡтан фронтҡа күңел йылыһы менән әҙерләнгән аш-һыу оҙатыла

Ватан һаҡсылары өйҙә әҙерләнгән ризыҡтарҙы бик ярата. Сөнки унда яҡын кешеләрҙең күңел йылыһы һалына. Шуға ла Баймаҡ районында йәшәүссе ҡатын-ҡыҙҙар хәрбиҙәр өсөн төрлө аш-һыу даими әҙерләй. Былау бешереү хаҡында киләһе репортаж. .

Мәжит Ғафуриҙың тыуыуына 145 йыл тулыуға арналған әҙәби-музыкаль кисә үтте

Мәжит Ғафуриҙың мемориаль йорт-музейында Башҡортостандың беренсе халыҡ шағирының тыуыуына 145 йыл тулыуға арналған әҙәби-музыкаль кисә үтте. Сара мәҙәниәт фонды тарафынан ойошторолдо. Бындай саралар әҙәби мираҫты һаҡлауға һәм үҫтереүгә ҙур этәргес бирә. Сара сиктәрендә авторҙың ижади юлы тураһында һирәк материалдар менән күргәҙмә асылды.

Башҡортостанда йәш педагогтарға дәүләт ярҙамы күрһәтелә

Йәш педагогтар ауылға ҡайта. Республика программалары сиктәрендә ауылға эшкә урынлашҡан белгестәр һөнәрен камиллаштырып ҡына ҡалмай, йорт төҙөү өсөн миллион һумлыҡ финанс ярҙам ала. Хәтерегеҙгә төшөрәбеҙ, Башҡортостанда «Ауыл уҡытыусыһы» программаһы алтынсы йыл эшләй. Уға ярашлы, ауыл-ҡасабаларға һәм 50 меңгә тиклем кеше йәшәгән ҡалаларға күсеп килгән уҡытыусыларға бер тапҡыр бирелә торған компенсация ҡаралған.

«Ватан» һәм «Шурави» футбол командалары иптәштәрсә уйын үткәрҙе

«Ватан» һәм «Шурави» футбол командалары иптәштәрсә уйын үткәрҙе. Өфөнөң «Динамо» стадионында уҙған осрашыу Һауа-десант ғәскәрҙәренең 95 йыллығына арналды. Майҙанға дәүләт власы органдары вәкилдәре, уларға ҡаршы элекке ҡанатлы пехота яугирҙары һәм хәрби хәрәкәттәрҙә ҡатнашыусылар сыҡты.

Өфөнән Силәбегә "Ҡарлуғас" йөрөй башланы

Бөгөн Өфөнән Силәбегә “Ҡарлуғас” электр поезының беренсе рейсы юлға сыҡты. Ул Дим станцияһынан ҡуҙғалды. Тантаналы сарала Башҡортостан башлығы Радий Хәбиров һәм Куйбышев тимер юлы етәксеһе Вячеслав Дмитриев ҡатнашты.
Радий Хәбиров:
“Приятное, радостное событие – постоянное расширение линейки поездок. Это большая слаженная работа с Куйбышевской железной дорогой. Мы практически 50 процентов железнодорожного состава поменяли на наших пригородных путях. Это на самом деле очень интересный маршрут. До Челябинска можно доехать и поездами дальнего следования, но новый маршрут очень удобный, комфортный и достаточно доступный с учётом скидок, возможностей для студентов. Мы еще больше приближаем друг к другу Челябинск и Республику Башкортостан. Впереди у нас планы точно такую же историю сделать с Самарой, с Магнитогорском, поэтому всё только начинается. Спасибо вам за ваш труд.”

Өфө юридик институты 51-се тапҡыр лейтенанттар сығарҙы

Дәртле көйҙәр урынына гимн, ә дискотеканы вальс һәм парадта үтеү алмаштыра. Эске эштәр министрлығының Өфө юридик институты 51-се тапҡыр лейтенанттар сығарҙы. Уҡыу йортонда диплом тапшырыу тантанаһы үтте. Баш ҡаланың Совет майҙанында, Шайморатов һәйкәле янында уҙғарылған байрамда республика башлығы Радий Хәбиров та ҡатнашты.

Өфөнән Силәбегә тәүге электропоезд юлға сыҡты

Бөгөн Өфөнән Силәбегә тәүге электропоезд юлға сыҡты. Юғары тиҙлекле тимер юл транспорты Дим биҫтәһендә асылған яңы вокзалдан ҡуҙғалды. Ул аҙнаһына өс тапҡыр йөрөйәсәк. Яңы ҡала-ара маршрутҡа Башҡортостан башлығы Радий Хәбиров, Куйбышев тимер юлы етәксеһе Вячеслав Дмитриев старт бирҙе.

Өфөлә ҡаланың тарихи өлөшөндә Октябрь революцияһы урамын реконструкциялау дауам итә

Өфөлә ҡаланың тарихи өлөшөндә Октябрь революцияһы урамын реконструкциялау дауам итә. Проект Ленин урамынан Салауат Юлаев проспектына тиклем тергеҙеү эштәрен, шулай уҡ 20 мәҙәни мираҫ объектына ингән йорт-усадьбаларҙы реставрациялауҙы күҙ уңында тота.

Республика клиник онкология диспансерында фәнни-практик конференция старт алды

Республика клиник онкология диспансерында йола буйынса ике көнгә иҫәпләнгән фәнни-практик конференция старт алды. Был юлы уның темаһы итеп «Яман шештәрҙе дауалау тактикаһын камиллаштырыу» һайланған. Сара барышында Рәсәйҙең алдынғы онкологтарының оҫталыҡ дәрестәре үтте.

Башҡортостанда 150 меңдән ашыу кешелә шәкәр сире асыҡланған

Башҡортостанда 150 меңдән ашыу кешелә шәкәр сире асыҡланған. Эпидемия кимәлендә таралған яман сиргә ҡаршы көрәш саралары көнүҙәк. Ил Президенты Владимир Путиндың дәүләтте үҫтереүҙәге милли маҡсаттар указына ярашлы, Башҡортостанда «Шәкәр диабеты менән көрәш» республика программаһы раҫланды. Уның аша пациенттарға ниндәй ярҙам һәм дауалау алымдары ҡаралған? Теманың дауамы киләһе яҙмала.

Туймазы торба етештереү заводында яңы цех асылды

Туймазы торба етештереү заводында яңы цех асылды. Республикала пластик торбалар эшләү буйынса иң ҙур предприятиела айына 700 тонна продукция етештерелә. Сифатлы торбалар һыу һәм зәңгәр яғыулыҡ өсөн файҙалана. Цех киңәйеү менән Туймазыла яңы эш урындары булдырылған.

Махсус хәрби операция яугирының ғаиләһендә ҡыуаныслы ваҡиға - ҡыҙҙары тыуған

Сабый Республика клиник перинаталь үҙәгендә 3 килограмм 170 грамм ауырлыҡта, буйы 53 сантиметр булып донъяға килгән. Уға Алһыу тип исем ҡушҡандар.
Ҡыҙҙың атаһы әлеге ваҡытта алғы һыҙыҡта ил һағында тора. Әсәһе - Лениза ханым махсус хәрби операцияла ҡатнашыусыларҙың ҡатындарына ярҙам итә, гуманитар ылау туплауҙа ҡатнаша, төрлө саралар ойоштора.

Рәсәйҙә һауа-десант ғәскәрҙәре көнө билдәләнде

Бөгөн Рәсәйҙә һауа-десант ғәскәрҙәре көнө. Ҡанатлы гвардия ветерандарын һәм шәхси составты байрам менән Башҡортостан башлығы Радий Хәбиров ҡотланы. Төбәк етәксеһе «Патриот « хәрби - илһөйәрлек паркында Рәсәй геройы Максим Серафимов иҫтәлегенә һәйкәл асыу тантанаһында ҡатнашты һәм бер төркөм ир-егеттәргә дәүләт наградаларын тапшырҙы . Өсөнсө йыл рәттән ошо майҙанда уҙғарылған байрамда пилотаж төркөм әҙерләгән сағыу тамаша күрһәтелде.

Рәсәй Геройы Руслан Ғәрифуллинға «Алтын Йондоҙ» тапшырылды

Данлыҡлы 116-сы махсус тәғәйенләнештәге «ҡорос» бригадаһы командиры хәрби хеҙмәт барышында күрһәткән батырлығы һәм ҡаһарманлығы өсөн дәүләттең юғары наградаһы менән билдәләнде. Руслан Ғәрифуллинға «Алтын Йондоҙ»ҙо Росгвардия етәксеһе Виктор Золотов тапшырҙы. Награданы Рәсәй геройы тәүгеләрҙән булып яҡташтарына күрһәтте. Йәрмәкәй районында үткән осрашыу тураһында киләһе сюжет.

Махсус хәрби операцияла ҡатнашҡан яҡташтарыбыҙ ялдан һуң йәнә фронтҡа юлланды

Отпускыға бергә ҡайтҡан кеүек, махсус хәрби операция биләмәһенә лә яугирҙар ойошҡан рәүештә юллана. Ир-егеттәрҙе хеҙмәт урынына «Башавтотранс» автобустары алып бара. Маршрут республика башлығы Радий Хәбиров ҡушыуы буйынса ойошторола.

Өфөлә Өршәк йылғаһы аша һалынған күперҙе ремонтлау ваҡытынан алда тамамланды

Өфө районы Булгаково ауылы эргәһендәге объектты төҙөкләндереү эштәре план буйынса август урталарына тиклем күҙалланғайны. Әммә транспорт хәрәкәте әле үк тулыһынса тереҙелде. . Хәтерегеҙгә төшөрәбеҙ, 1980 йылда төҙөлгән һәм авария хәлендә тип танылған объектта ремонт һуңғы тапҡыр бынан 11 йыл элек яһалған. Өршәк йылғаһы аша күпер республиканың күпселек райондарына һәм туристик урындарға илткән трассала урынлашҡан. Көн һайын унан 58 меңгә яҡын автомобиль үтә.

Учалы районы Бәләкәй Ҡаҙаҡҡол ауылында модулле фельдшер-акушерлыҡ пункты асылды

Һаулыҡ һаҡлауҙың тәүсел звеноһын яңыртыу программаһы буйынса быйыл республикала 134 модулле фельдшер-акушерлыҡ пунктын урынлаштырыу күҙаллана. Былтыр ҙа ошо уҡ күләмдә медицина учреждениеһы файҙаланыуға тапшырылған. Учалы районы Бәләкәй Ҡаҙаҡҡол ауылы улар иҫәбендә.