Шишмә районында хаҡлы ялдағылар араһында спартакиаданың муниципаль этабы үтте

Көмөш йәш спорт менән шөғөлләнергә ҡамасауламай. Шишмә районында хаҡлы ялдағылар араһында спартакиаданың муниципаль этабы үтте.
Ярышта 20-нән ашыу кеше ҡатнашты. Улар физик әҙерлектәрен ГТО нормативтарын тапшырыуҙа күрһәтте. Бынан тыш, спартакиада программаһына дартс, өҫтәл теннисы, йөҙөү һәм шахмат инде. Пенсионерҙың күбеһе яҡшы физик әҙерлеге менән айырып торҙо һәм алтын билдә алыу хоҡуғына эйә булды.

Радий Хәбиров хеҙмәт етештереүсәнлеген арттырыу һәм яугирҙарға ярҙам мәсьәләләрен күтәрҙе

Махсус хәрби операция яугирҙарына ярҙам, хеҙмәт етештереүсәнлеген арттырыу, студенттар төҙөлөш отрядтарының эшен камиллаштырыу. Бөгөн Башҡортостан башлығы Радий Хәбиров рәйеслегендә уҙған оператив кәңәшмәлә ошо һәм башҡа мөһим темалар ҡаралды. Аҙна дауамындағы эш йүнәлештәре билдәләнде.

Өфө Рәсәй мунсаһы баш ҡалаһы тип аталыу хоҡуғына дәғүә итә

Өфө Рәсәй мунсаһы баш ҡалаһы тип аталыу хоҡуғына дәғүә итә. Был турала Башҡортостан Хөкүмәте Премьер-министры Андрей Назаров «Рәхәттә» халыҡ-ара сәләмәтлек һәм туризм фестивале менән танышҡандан һуң белдерҙе. «Ҡашҡаҙан» паркындағы сара быйыл дүртенсегә ойошторолдо. Андрей Назаров төбәк шифаханаларының ҡаҙаныштары, оҫта-һөнәрселәрҙең эштәре менән ҡыҙыҡһынды.

Башҡортостанда федераль пилот проектына ярашлы сәнәғәт кластерҙары үҫтерелә

Башҡортостанда федераль пилот проектына ярашлы сәнәғәт кластерҙары үҫтерелә. Рәсәйҙең сәнәғәт һәм сауҙа министрлығы реестрына республиканың 25 кластеры ҡарай, унда ингән ойошмалар льготалы займ һәм кредит, сығымдарҙың бер өлөшөн ҡаплауға субсидиялар кеүек төрлө ярҙам алыуға хоҡуҡлы. Былтыр был мөмкинлек менән республиканың ике компанияһы файҙаланған. Федераль бюджеттан йәлеп ителгән дөйөм сумма 39 миллион һум.

Башҡортостан халҡы Донбаста һәләк булған балаларҙы хәтерләне

Йыл һайын 27 июлдә Донбаста һуғыш ҡорбандары булған балаларҙы иҫкә алыу көнө билдәләнә. 2022 йылдан алып был көн хәрби хәрәкәттәр һәм украина ҡораллы көстәренең утҡа тотоуы һөҙөмтәһендә һәләк булған Донецк халыҡ республикаһы йәштәре иҫтәлегенә арнала. Донбаста ғүмерҙәрен һуғыш өҙгән балаларҙы иҫкә алыу акциялары һәм саралары тотош ил буйынса уҙҙы.

Шүлгәнташ ҡурсаулығында ЮНЕСКО мираҫы исемлегенә инеү уңайынан ҙур байрам үтте

Бөрйән районының Шүлгәнташ ҡурсаулығында заманса музей комплексы асылыуға өс йыл тулыуға һәм Юнеско-ның бөтә донъя мираҫы исемлегенә инеүгә арналған ҙур концерт үтте.
Музей амфитеатры сәхнәһендә Башҡортостандың һәм райондың билдәле сәхнә йондоҙҙары сығыш яһаны. Тамашасылар «Дәрүиш», «Бүреләр», «Етегән» төркөмдәренең, Рәсүл Ҡарабулатовтың, Нәжип Юлдашбаевтың сығыштарын көслө алҡыштар менән оҙатты.

Республикала “Бәлеш фестивале” үтәсәк

Сара 9 августа Бүздәк район үҙәгендә ойошторола. Сара ҡунаҡтары Башҡортостан халыҡтарының кухняһы менән таныша, милли ризыҡтарҙан ауыҙ итә ала. Оҫталыҡ дәрестәре, йәрминкә һәм ҙур концерт була. Бәлеш фестивале көндөҙгө сәғәт 11-ҙә башлана.

“Салауат Юлаев” тың элекке уйынсыһы Нэйтон Тодд “Спартак”ка күсте

Канада легионеры Мәскәү клубы менән 1 йылға килешеү төҙөнө. Хоккейсы юлаевсылар составында 72 матч уҙғарып һөҙөмтәле уйын күрһәтте, 16 шайба индерҙе, 41 пас бирҙе. Плей-офта йәрәхәт алып, командаға ярҙам итә алманы.

Башҡортостанда махсус хәрби операцияла ҡатнашыусыларға һәм уларҙың ғаиләләренә ярҙам саралары күрһәтелә

Башҡортостанда махсус хәрби операцияла ҡатнашыусыларға һәм уларҙың ғаиләләренә төбәктән 54 ярҙам сараһы күрһәтелә. Улар тормоштоң төрлө өлкәләрен үҙ эсенә ала, атап әйткәндә, мәғариф, медицина ярҙамы, социаль яҡлау, эшкә урынлашыу, көнкүреш проблемаларын хәл итеү. Айырым иғтибар - өйҙәренә ҡайтҡан яугирҙарға бүленә. Уларға һаулыҡтарын нығытыу, ҡайтанан уҡыу, күңелдәренә яҡын шөғөл табыу мөмкинлеген бирәбеҙ, тип яҙған Радий Хәбиров социаль селтәрҙәрҙә.

Уҙған төндә Өфөнөң Черниковка биҫтәһендә үлемесле янғын теркәлгән

Уҙған төндә Өфөнөң Черниковка биҫтәһендә үлемесле янғын теркәлгән. Ғәҙәттән тыш хәлдәр министрлығы мәғлүмәттәре буйынса, Маяковский урамындағы йорттарҙың береһендә фатир янған. Махсус хеҙмәттәр кешеләрҙе эвакуациялай һәм 4 квадрат метр майҙандағы асыҡ янғынды һүндерә. Ҡыҙғанысҡа ҡаршы, ҡотҡарылған 47 йәшлек ҡатын һәләк була. 69 йәштәге ир менән 57 йәшлек ҡатын һөрөм газы менән ағыуланған. Ваҡиға сәбәбен тәфтишселәр асыҡлай.

Яуым-төшөм һөҙөмтәһендә Баймаҡ районы Әхмәр ауылы һыу аҫтында ҡалған

Башҡорт Венецияһы. Яуым-төшөм һөҙөмтәһендә Баймаҡ районы Әхмәр ауылы һыу аҫтында ҡалған. Урындағы халыҡ билдәләүенсә, бындай көслө ямғыр төбәктә күҙәтелгәне булмаған. Интернетҡа һалынған видеояҙманан күренеүенсә, шәхси йорттарҙы һәм ихаталарҙы һыу баҫҡан. Әле хужалыҡтарҙағы ҡаҙ-өйрәктәр йөҙөп йөрөмәле ғәрәсәттең эҙемтәләре баһалана.

Өфөнөң Коммунар урамында йәшәүселәр бер фатирҙың эт питомнигына әйләнеүенә зарлана

Өфөнөң Коммунар урамы 69/2 йорт адресы буйынса йәшәүселәр бер фатирҙың эт питомнигына әйләнеүенә зарлана. Проблема 5-6 ай элек, өсөнсө ҡатттағы фатир һатылғандан һуң башлана. Торлаҡтың яңы хужаһы унда эттәр индерә, үҙе икенсе урында йәшәй. Ә йортта йәшәүселәр өсөн тормош мәхшәргә әйләнә. Эттәр өйөрө кешеләргә тынғылыҡ бирмәй, көн-төн өрә.

Салауат Юлаев исемендәге батальон яугирҙары ҡыҫҡа ваҡытлы ялдан һуң йәнә алғы һыҙыҡҡа юлланды

Салауат Юлаев исемендәге батальон яугирҙары ҡыҫҡа ваҡытлы ялдан һуң йәнә алғы һыҙыҡҡа юлланды. Егеттәрҙе оҙатыу тантанаһы «Өфө-арена» спорт һарай эргәһендәге майҙанда үтте.
Салауат Юлаев исемендәге батальоны Росгвардия стурктураһына инә. Яугирҙар диверсия-разведка төркөмдәрен эҙләү һәм зарарһыҙландырыу менән шөғөлләнә, улар ҡорал һаҡлағыстарҙы, йәшерен урындарҙы асыҡлау буйынса ҙур эш алып бара.

Башҡортостанда махсус хәрби операциянан ҡайтҡандар өсөн ярҙам итеү программалары барлана

Махсус хәрби операция биләмәһенән ҡайтҡан хөкөм ителеүселәргә нисек ярҙам итергә? Мәсьәлә «Берҙәм Рәсәй» партияһының йәмәғәт ярҙамы штабында тикшерелде. Кәңәшмәлә федераль яза башҡарыу хеҙмәтенең Башҡортостан буйынса идаралығы һәм пробация үҙәктәре вәкилдәре ҡатнашты.

Өфөлә Салауат Юлаев һәйкәлен реставрациялауға әҙерлек эштәре планға ярашлы бара

Милли батырыбыҙ Салауат Юлаев һәйкәлен реставрациялауға әҙерлек эштәре планға ярашлы бара. Биләмә урыны кәртәләнгән, төҙөлөш майҙансығына ауыр техника, ауыр массаны күтәрә алырлыҡ кран үтеп инерлек юл тулынса әҙер. Тиҙҙән һәйкәлде һүтеү эштәре башланасаҡ. Әлеге ваҡытта подрялсы ойошма вәкилдәре тротуар плитәләрен һүтеү менән мәшғүл.

Илеш районының «көмөш» йәштәге туристары Баймаҡ районының иҫтәлекле урындары менән танышты

Илеш районының «көмөш» йәштәге туристары Баймаҡ районының иҫтәлекле урындары менән танышты. Был сәйәхәт туғанлашҡан ике райондың хеҙмәттәшлеген нығытыу мәҡсатында ойошторолдо. Илеш менән Баймаҡ араһындағы дуҫтарса мөнәсәбәт үткән быуаттың алтмышынсы йылдарында барлыҡҡа килһә лә халыҡ бер -береһенең көнитмешен төптән өйрәнгәне булмай . «Башҡорт оҙон ғүмерлелеге. Туризм» программаһы был етешһеҙлекте хәл итеү мөмкинлеге бирә.

Белорет районында «Ирҙәр ҡоро» ойошмаһы үҙенсәлекле сара ойошторҙо

Атайҙар улдары менән йүкә тәпән оҫталаған. Башҡортостандың «Ирҙәр ҡоро» ойошмаһы үҙенсәлекле сара ойошторҙо. Оҫталыҡ дәресе Белорет районы Ноҡат ауылында үтте. Унда атайлы-уллы 15 команда ҡатнашты. Тәпән тәпәләү ҡатнашыусыларҙан айырыуса таһыллыҡ талап итә.

Башҡортостан уҡсылары халыҡ-ара турнирҙа призлы урындар яуланы

Башҡортостан уҡсылары Екатеринбургта «Халыҡтар дуҫлығы кубогы» халыҡ-ара турнирында уңышлы сығыш яһаны. Был хаҡта республиканың Һыбай килеш һәм традицион уҡтан атыу федерацияһы хәбәр итә. Ярышта туғыҙ илдән йыйылған 25 уҡсы ҡатнаша. Рәсәй, Белоруссия, Пакстан, Үзбәкстан, Көньяҡ Африка Республикаһы, Төркиә, Гвинея, Иордания һәм Йемен һыбайлылары шәхси беренселектә көс һынашты.

Шишмә районында «Башҡортостан геройҙары» проекты сиктәрендә остаз көнө үтте

Шишмә районында «Башҡортостан геройҙары» проекты сиктәрендә остаз көнө үтте. Илһөйәрлек сараһында ҡатнашыусылар әзерләгән остаздар презентацияһы менән Башҡортостан башлығы Радий Хәбиров танышты. «Патриот» хәрби- илһөйәрлек паркында уҙған уҡыу модулендә республика хөкүмәте ағзалары, ҙур предприятие етәкселәре һәм муниципаль власть органдары араһынан билдәләнгән остаздар сығыш яһаны. Улар программа уҡыуҙарында ҡатнашып , финалистар менән тәжрибә уртаҡлашты. «Башҡортостан геройҙары» программаһының маҡсаты төбәк өсөн көслө идарасы кадрҙар әҙерләү.

Радий Хәбиров формаль булмаған берләшмә ағзалары менән осрашты

Башҡортостан башлығы Радий Хәбиров формаль булмаған берләшмә ағзалары менән осрашты. Һөйләшеү «Арт-квадрат» йәмәғәт биләмәһендә үтте. Республика етәксеһе менән осрашыуға косплей, кейпоп, стрит-арт, скейтерҙар, роллерҙар, велосипедсылар, диджей клуб кеүек рәсми булмаған берләшмәләргә ҡараған йәштәр йыйылды.
Радий Хәбиров билдәләүенсә, үҙен ғәҙәти булмаған һәм башҡаларҙан айырыла тип һанаған һәр йәш кеше, кәм тигәндә, ҡыйыу һәм талантлы. Һеҙ тормошта үҙ юлығыҙ менән бараһығыҙ, һәр күренешкә үҙ ҡарашығыҙ бар. Беҙ үҙ сиратыбыҙҙа һеҙҙе нимә ҡыҙыҡһындырыыуын, ниндәй ярҙам кәрәклеген белергә теләйбеҙ, тине Радий Фәрит улы.