Республикала йыландар әүҙемләшә: белгестәр халыҡҡа һаҡ булырға кәңәш итә

Республиканың ғәҙәттән тыш хәлдәр буйынса дәүләт комитетынан хәбәр итеүҙәренсә йыл башынан төбәктә 13 кешене йылан саҡҡан. Башҡортостан халҡы һөйрәлеүселәрҙең саманан тыш үрсеүенә һәм кеше йәшәгән урындарҙа күпләп осрауына зарлана.. 2025 йылда 112 системаһының шылтыратыуҙарҙы эшкәртеү үҙәгенә граждандарҙан йыландар тураһында 60-тан ашыу хәбәр килгән. Йыш ҡына һүҙ ағыулы булмаған туҙбаш йылан тураһында бара. Йыландар менән осрашҡанда ниндәй һаҡланыу сараларын үтәргә кәрәклеге хаҡында киләһе яҙмала.

Үзбәкстанда йәшәгән башҡорт балалары Башҡортостан менән таныша

Тамырҙарға сәйәхәт. Башҡортостанда тыуып үҫкән, әлеге ваҡытта Үзбәкстанда йәшәүсе яҡташтарыбыҙҙың балалары Өфөгә ҡунаҡҡа килде. Уларҙы ҡаршы алыу ике төбәк араһында төҙөлгән хеҙмәттәшлек нигеҙендә тормошҡа ашырыла. Сәйәхәттең төп маҡсаты-үҫеп килеүсе быуындың рухи-әхлаҡи ҡиммәттәрен формалаштырыу, Башҡортостан территорияһында йәшәгән халыҡтарҙың тәбиғәт ҡомартҡылары, йолалары һәм мәҙәниәте менән таныштырыу. 9 бала һәм уларҙы оҙатып барыусы 4 кешенән торған делегация Өфөгә кисә килеп етте.

Абитуриенттар республикабыҙ колледждарына 52 меңдән ашыу ғариза биргән

Абитуриенттар республикабыҙ колледждарына 52 меңдән ашыу ғариза биргән. Был күрһәткес буйынса Башҡортостан Мәскәү, Санкт-Петербург, Краснодар крайы менән бер рәттән илдә лидерҙар иҫәбенә инде. Ҡабул итеү кампанияһы 15 авгусҡа тиклем дауам итә, шуға күрә һан тағы ла артыр тип көтөлә.

Туймазы районында ҡоро үлән янып киткән

Туймазы районында ҡоро үлән янып киткән. Ул тиҙ арала һүндерелгән. Төбәктәге оператив хәл буйынса көнүҙәк мәғлүмәтте Башҡортостандың ғәҙәттән тыш хәлдәр буйынса дәүләт комитеты хәбәр итте. Ведомство мәғлүмәттәре буйынса, уҙған тәүлектә урман янғындары теркәлмәгән. Быйыл дөйөм майҙаны 26 гектарҙан ашыу булған 11 урман янғыны һәм 1 мең 200 гектарҙан ашыу 306 ҡоро үҫемлек янғыны барлыҡҡа килгән. Алдан хәбәр ителгәнсә, республикала алдағы көндәрҙең яуым-төшөмлө булыуы көтөлә.

Махсус хәрби операцияла ҡатнашыусылар өсөн киң йәмәғәтселек алдында сығыш яһау буйынса оҫталыҡ дәресе үтте

Алғы һыҙыҡтан ҡайтҡан егеттәр өсөн сараны махсус хәрби операция ветерандары ассоциацияһы ойошторған. Оҫталыҡ дәресендә ҡатнашыусылар алдында билдәле алып барыусылар, Дәүләт Йыйылышы-Ҡоролтай депутаттары Юлия Краснова, Артур Ғәлиев һәм башҡа эксперттар сығыш яһаны. Улар махсус хәрби операция ҡаһармандары аудитория алдында үҙеңде тотоу, фекереңде аныҡ итеп еткерә белеү буйынса кәңәштәрен еткерҙе, тәжрибәһе менән уртаҡлашты.

Саҡмағош районы аграрийҙары урып-йыйыу эштәрен башланы

Саҡмағош районы аграрийҙары урып-йыйыу эштәрен башланы. Ленин исемендәге ауыл хужалығы етештереү кооперативы игенселәре ужым арышын сабыуға төштө. Быйыл улар яҡшы уңыш алырға өмөтләнә, сөнки бөтә эштәр ҙә сифатлы үтәлгән, һауа шарттары ла ужым культуралары үҫешенә ыңғай тәьҫир иткән. Әлеге ваҡытта уңышты ваҡытында юғалтыуһыҙ йыйып алыу бурысы тора. Был хаҡта тулыраҡ киләһе яҙмала.

Башҡортостанда ҡымыҙ миҙгеленең ҡыҙыу осоро

Башҡортостанда ҡымыҙ миҙгеленең ҡыҙыу осоро. Бөгөн республикала ҡымыҙ етештертергән 180-гә яҡын хужалыҡ иҫәпләнә. Көн һайын тиҫтәләгән тонна шифалы эсемлек һатыуға сығарыла. Учалы районы Яңы Байрамғол ауылы милли брендты пропагандалауға үҙ өлөшөн индергән алдынғы төбәктәр исемлегендә.

Башҡортостанда армия генералы Мәхмүт Гәрәевтың 102 йыллығы билдәләнде

Башҡортостанда армия генералы Мәхмүт Гәрәевтың 102 йыллығы билдәләнде. Тантана Шишмә районының Сәлих ауылында үтте. Сара ҡунаҡтары геройҙың тарихи юлын иҫкә төшөрҙө, музейға яңы экспонаттар бүләк итте.

Бөгөн республика юлдарында “Ҡаршы һыҙат” акцияһы башланды

Ул 27 июлгә тиклем дауам итә. Баш автоинспектор Владимир Севастьянов белдереүенсә, һәр 4-се юлсы ҡаршы һыҙатҡа сығыу арҡаһында һәләк була. Имгәнгән водителдәр һәм пассажирҙар күп. “Юл ҡазаларын иҫкәртеү маҡсатында автоинспекторҙар аҙна аҙағына тиклем ҡатмарлы юл өлөштәрендә эшләй”, - тине ул.

Өфө халҡын берәҙәк эттәрҙе ашатмаҫҡа саҡыралар

Ҡайһы берәүҙәр хайуандарға подъезд алдында аҙыҡ бирә. Ҡалала хужаһыҙ эттәр һәм бесәйҙәр артыуы күҙәтелә. Быйыл уларҙың һаны 2 мең ярымға еткән.. Эттәрен ташлаған йәки иреккә сығарып ебәргәндәр бар. Баш ҡала хакимиәтенән белдереүҙәренсә, быйыл ошондай кешеләргә 500-ҙән ашыу штраф һалынған.

Һуңғы 10 йылда йөрәк сирҙәренән вафат булыусылар 22 процентҡа кәмегән

Башҡортостан башлығы ошо турала белдерҙе. Радий Хәбиров әйтеүенсә, республикала кардиология ярҙамын үҫтереүгә ҙур иғтибар бирелә. Республика кардиология үҙәгенең яңы хирургия корпусы төҙөлдө, учреждениеның матди-техник нигеҙе нығытылды. Заманса медицина ҡорамалдары менән йыһазландырылған ҡан тамыры үҙәге селтәрҙәре булдырылды. Башҡортостанда 2030 йылға тиклем уртаса ғүмер оҙонлоғо 78 йәшкә етергә тейеш, тине Радий Хәбиров.

Башҡортостанда йөҙйәшәрҙәр арта

Өфөлә йәшәүсе Мәшғүҙә Булатоваға 100 йәш тулды. Был турала социаль селтәрҙә Киров районы башлығы Илвир Нурдәүләтов хәбәр итә. “Мәшғүҙә Ғәҙелгәрәй ҡыҙы Саҡмағош районының Яңы Мортаза ауылында тыуған. Бала сағы һуғышҡа тиклемге һәм һуғыш йылдарына тура килә. Баҫыуҙа тир түгә, сөгөлдөр утай, бесәнен дә саба. Өфөгә күсеп килә, ғаилә ҡора. Тормош иптәше Ғүмәр бик иртә баҡыйлыҡҡа күсә. Оҙаҡ йылдар сәс киҫеүсе булып эшләй. Бик күп миҙалдары һәм рәхмәт хаттары бар, хеҙмәт ветераны. Хәҙер уны 5 ейән-ейәнсәре һәм 4 бүлә-бүләсәре һөйөндөрә. Йөҙйәшәргә ҡоростай һаулыҡ, туғандары һәм яҡындары менән оҙон-оҙаҡ ғүмер кисереүен теләйем”-, тип яҙған район башлығы.

Радий Хәбиров Дәүләт Думаһы рәйесе урынбаҫары Александр Бабаковты ҡабул итте

Башҡортостан башлығы Радий Хәбиров Дәүләт Думаһы рәйесе урынбаҫары Александр Бабаковты ҡабул итте. Осрашыу барышында һүҙ эшлекле бәйләнештәрҙе нығытыу, ҡануни системаны камиллаштырыу, төбәктең социаль-сәйәси һәм социаль-иҡтисади үҫеше мәсьәләләре тураһында барҙы.

Башҡортостанда ауыл хужалығы һәм сервис өлкәһендә яңы инвестиция проекттары тормошҡа ашырыласаҡ

Ауыл хужалығы тармағында яңы предприятиелар, юл буйын сервисын үҫтереү. Башҡортостан башлығы Радий Хәбиров рәйеслегендә уҙған «Инвестиция сәғәте»ндә республиканың төрлө төбәктәрендә тормошҡа ашырыласаҡ 4 проект тикшерелде.
Төбәктә яңы автомобиль юлдары һалыныуы юл буйы сервисын үҫтереүҙе лә күҙ уңында тота. «Алан» йәмғиәте Өфө районында ҡунаҡхана комплексы төҙөү проекты менән сығыш яһаны, объект үҙ эсенә туҡланыу нөктәһен һәм минимаркетты ала.

Сентябрҙә Өфөнөң Пугачев урамында хәрәкәт башлана

Сентябрҙә Өфөнөң Пугачев урамында хәрәкәт башлана. Тәүҙә ике һыҙат, ә республика көнөндә бөтә дүрт һыҙат буйынса. Әле объект юғары әҙерлек кимәлендә. Юлдың асылыуын водителдәр генә түгел, ә яҡын-тирәләге йорттарҙа йәшәүселәр ҙә көтә. Күптән түгел бында ҡаҙылған траншеялар булған, хәҙер асфальт ята, ә эшселәр бордюр ҡоймалар ҡуя.

Стәрлетамаҡта «Мәктәп системаһын модернизациялау» программаһына ярашлы 5 белем усағы яңырыу кисергән

Башҡортостанда мәктәптәрҙе капиталь ремонтлау йылдам бара, ҡайһы бер уҡыу йорттары эштәрҙе графиктан алда тамамлай. Стәрлетамаҡта «Мәктәп системаһын модернизациялау» программаһына ярашлы 5 белем усағы яңырыу кисергән. Уларҙы төҙөкләндереү өсөн һәр береһенә 120 миллион һумдан ашыу аҡса йүнәлтелгән. Был федераль, республика һәм ҡала бюджетынан бүленгән сумма.

Совет районында газ мәсьәләһе киҫкенләште

Зәңгәр яғыулыҡһыҙ. Өфөнөң Комсомол урамы, 35 адресы буйынса йәшәүселәр газһыҙ ҡалыуға зарлана. Өҫтәүенә йылы һыу селтәрендә лә ике аҙна самаһы планлы ремонт эштәре башҡарыласаҡ. Совет районында йәшәүселәрҙең газ тәьминәте тирәләй күтәргән мәсьәләһен беҙҙең ижади төркөм дә өйрәнде.

Өфөлә йәш табиптарҙың стратегик сессияһы үтте

Өфөлә йәш табиптарҙың стратегик сессияһы үтте. Төрлө дауаханаларҙан йыйылған белгестәр ауыл медицинаһы, диспансеризация, ауырыуҙарҙы иҫкәртеү һәм медицина коммуникациялары буйынса белемдәрен күрһәтте. Йәш кадрҙар тәҡдим ителгән йүнәлештәрҙең һәр береһе буйынса төп проблемаларҙы билдәләргә, ә һуңынан һаулыҡ һаҡлау системаһын камиллаштырыу буйынса үҙ проекттарын әҙерләргә тейеш була.

Башҡортостан Мосолмандары диниә назараты «Онлайн-мәғариф» яңы проекты өҫтөндә эш башланы

Башҡортостан Мосолмандары диниә назараты «Онлайн-мәғариф» тип исемләнгән яңы проект өҫтөндә эш башланы. Диниә назаратының рәсми сайты һәм мобиль ҡушымтаһында тормошҡа ашырылған яңылыҡ менән һәр кем файҙалана ала. Проект Ислам тәғлимәттәре буйынса халыҡҡа төплө белем биреүгә йүнәлтелгән.

Өфө сәнғәт институтында «Оскар һәм Алһыу ханым» спектакле сәхнәләштерелде

Заһир Исмәғилев исемендәге Өфө дәүләт сәнғәт институтында Эрик-Эмманюэль Шмитт әҫәре буйынса ҡуйылған «Оскар һәм Алһыу ханым» спектакленең премьераһы үтте.
Ижад юлына баҫҡан буласаҡ сәхнә оҫталары был әҫәрҙе юҡҡа ғына һайламаған. Ул кешенең рух көсө, һынауҙар, ауырлыҡтар алдында һынмау, юғалып ҡалмау тураһында.