Ишембай районы Алмалы ауылының 100 йыллығы билдәләнде

Ишембай районы Алмалы ауылының 100 йыллығы билдәләнде. Байрамға республиканың төрлө район-ҡалаларынан һәм сит төбәктәрҙә йәшәгән яҡташтар йыйылды. Сара ҡунаҡтары өсөн концерт ҡуйылды. Шулай уҡ сәхнәлә хеҙмәт ветерандары һәм өлгөлө ғаиләләр тәбрикләнде. Өлкән йәштәгеләр билдәләүенсә, бер быуатлыҡ тарихы булған ауыл йылдан-йыл күркәмләнә.

Өфөлә ишеү слаломы буйынса Рәсәй беренселеге старт алды

Башҡортостан тәүге тапҡыр ишеү слаломы буйынса юниорҙар араһында уҙғарылған ил беренселеген ҡабул итә. «Рәсәй йәшлеге» Бөтә Рәсәй ярыштарын асыу тантанаһында Башҡортостан башлығы Радий Хәбиров, ишеү слаломы буйынса Федерация президенты Сергей Папуш ҡатнашты.

Полиция хеҙмәткәрҙәре Өфө үҙәгендә янған «Land Rover» автомобиле менән бәйле хәлде тикшерә

Полиция хеҙмәткәрҙәре Өфө үҙәгендә янған «Land Rover» автомобиле менән бәйле хәлде тикшерә. Ваҡиға бөгөн иртән «Ҡунаҡһарай» сауҙа-эш комплексы биләмәһендә теркәлгән. Төбәк дәүләт автоинспекцияһының матбуғат хеҙмәте мәғлүмәте буйынса, джип руле артындағы водитель сауҙа үҙәге биләмәһенә ингән урында ҡоймаға бәрелгән. Һуңынан ул транспортты туҡтатып, ваҡиға урынын ҡалдырып ҡаса.

Иглин районында юл-транспорт ваҡиғаһында үлем осрағы теркәлгән

Иглин районында юл-транспорт ваҡиғаһында үлем осрағы теркәлгән. М-5 федераль трассаһында «СУЗУКИ» һәм «МАН» йөк машинаһы бәрелешкән. Еңел автомобилгә 54 йәшлек ир идара иткән булған. Дәүләт автоинспекцияһының яҡынса мәғлүмәттәре буйынса, инормарка билдәһеҙ сәбәп менән ҡаршы һыҙатҡа сыға. Бәрелеш һөҙөмтәһендә водитель үлемесле яралана. Юл-транспорт ваҡиғаһы буйынса тикшереү бара.

Рәсәй һәм Белоруссияның иң яҡшы велосипедсылары республикала осраша

Башҡортостанда халыҡ-ара һәм күп көнлөк велоуҙыш үтә. “Рәсәй туры” тип аталған ярыш дистанцияһы 147 километрға оҙайтылды һәм 917 километр була, тип хәбәр итәләр Рәсәй велосипед спорты федерацияһынан. Марафондың тәүге 4 этабы Удмурт республикаһында ойошторола. 17 июлдә ярыштар Башҡортостанға күсә. Велоспортсылар Шишмә һәм Ҡырмыҫҡалы райондарында, шулай уҡ Өфөлә уҙыша.

Өфөлә “Законлы водитель” операцияһы башланды

Водитель танытмаһы булмаған кешеләрҙе, хәмер эскәндәрҙе асыҡлау маҡсаты ҡуйыла. Дәүләт автоинспекцияһы көсәйтелгән тәртиптә эшләй. Рейдтар үтә. “Мөмкин тиклем күберәк водителдәрҙе туҡтатыу бурысын ҡуябыҙ. Автомобиль салонында балаларҙы йөрөтөүгә иғтибар бирелә. Шулай уҡ мототранспортҡа ултырған үҫмерҙәр асыҡлана”, - тип белдерәләр юл полицияһынан.

Өфөлә «Башҡортостан» полкы яугирҙары ялдан һуң махсус хәрби операция биләмәһәенә юлланды

Өфөлә «Башҡортостан» мотоуҡсылар полкы яугирҙары ҡыҫҡа ваҡытлы ялдан һуң махсус хәрби операция биләмәһәенә юлланды. Ике аҙналыҡ ялдан һуң контрактсыларҙы-төбәктең иң һәләтле хәрби подразделениеларының береһе хәрбиҙәрен алғы һыҙыҡҡа тантаналы оҙатыу митингы үтте. Хәрбиҙәрҙе оҙатырға туғандары, яҡындары һәм рәсми вәкилдәр килде.

Салауат районында крәҫтиән-фермер хужалыҡтары үҫешә

Салауат районында крәҫтиән-фермер хужалыҡтары үҫешә. Йәштәрҙең ергә берегеүенә дәүләт ярҙамы күрһәтелеүе булышлыҡ итә.
Әлкә ауылында йәшәгән шәхси эшҡыуар Иҙел Дәүләтшин агростартап программаһында ҡатнашып тоҡомло таналар алған. Әлеге ваҡытта уның хужалығында 130 баш һыйыр малы иҫәпләнә. Малдар Салауат еренә тиҙ өйрәнде, үрсем яҡшы, ти йәш фермер.

«Сәләмәтлек поезы» Баймаҡ районы буйлап юл тота

Башҡортостан башлығы Радий Хәбиров 2019 йылда төпкөл ауылдарҙа йәшәүселәргә медицина ярҙамы күрһәтеүҙең яңы форматын тәҡдим итте. Һәм «Сәләмәтлек поездары! билдәләнгән маршрут буйынса эшләүен әле лә дауам итә. Баймаҡ ере буйлап һаулыҡ һаҡлау поезы маршрутында беренсе нөктә булып Ишбирҙе ауылы булды, унда табип менән кәңәшләшеү мөмкинлегенән 200-ҙән ашыу кеше файҙаланған.

Башҡортостандың йәмәғәт палатаһы ярты йыллыҡ эшмәкәрлегенә йомғаҡ яһаны

Башҡортостандың йәмәғәт палатаһы ярты йыллыҡ эшмәкәрлегенә йомғаҡ яһаны. Киңәйтелгән ултырыш Шишмә районында Турахан визит-үҙәге базаһында үтте. Ошо осорҙа Палата ағзалары мутлашыуҙы иҫкәртеү буйынса уҡыу конференциялары һәм түңәрәк өҫтәлдәр серияһын уңышлы тамамлаған, шулай уҡ граждандарҙың мөрәжәғәттәре менән әүҙем эш алып барған.

Радий Хәбиров Бөрөлә «Спектр» предприятиеһы эшмәкәрлеге менән танышты

Башҡортостан башлығы Радий Хәбиров Бөрөлә «Спектр» предприятиеһы эшмәкәрлеге менән танышты. Эш сәфәре сиктәрендә төбәк етәксеһе балалар уйынсыҡтарын етештереү производствоһын ҡараны. 1988 йылда асылған заводта канцелярия тауарҙары, уйынсыҡтар, ижад һәм спорт менән шөғөлләнеү өсөн ҡоролмалар етештерелә. Предприятиеға республика тарафынан ярҙам күрһәтелә. Һуңғы биш йылда цехтарға производство ҡоролмаларын һатып алыу өсөн 600 млн һумдан ашыу субсидия бүленгән. Көн тәртибендә Башҡортостан башлығы Радий Хәбиров етәкселегендә күсмә «Сәнәғәт сәғәте» үткәрелде. Ултырышта төбәктә балалар уйынсыҡтарын етештереү индустрияһын үҫтереү, тармаҡ предприятиеларына дәүләт ярҙамын арттырыу һорауҙары ҡаралды.

Радий Хәбиров «Геройҙар дәүере» федераль программаһының икенсе ағымы финалистары менән осрашты

Башҡортостан башлығы Радий Хәбиров»Геройҙар дәүере»федераль программаһының икенсе ағымы финалистары менән осрашты. Проект Рәсәй Президенты Владимир Путин ҡушыуы буйынса тормошҡа ашырыла һәм махсус хәрби операцияла ҡатнашыусыларҙы идара итеүҙең заманса ысулдарына һәм шәхси үҫешкә өйрәтеүгә йүнәлтелгән.

Салауат мәғдән ятҡылығы биләмәһендә флора һәм фауна донъяһы тикшерелә

«Салауат»яуаплылығы сикләнгән йәмғиәте тарафынан тормошҡа ашырылған проект буйынса Әбйәлил районында бер төркөм биологтар эшләй. Улар төбәктең тәбиғәте менән яҡындан таныша, фәнни хеҙмәттәр яҙасаҡ. Уның һөҙөмтәләре буйынса урында геологик разведка эштәрен уҙғарыу күҙаллана. Тулыраҡ киләһе яҙмала.

«Стәрлетамаҡ Рәсәй һыуы» экология акцияһына ҡушылды

Стәрлетамаҡ Рәсәй һыуы»экология акцияһына ҡушылды. Ҡалала йәшәүселәр Ағиҙел йылғаһы буйын таҙартырға сыҡты. Сарала предприятие-ойошма хеҙмәткәрҙәре лә, уҡытыусылар ҙа, балалар ҙа ҡатнашты.

Дәүләт автоинспекцияһы водителдәрҙе ял көндәрендә айырыуса һаҡ булырға саҡыра!

Дәүләт автоинспекцияһы водителдәрҙе ял көндәрендә айырыуса һаҡ булырға саҡыра! Бөгөн һәм алдағы ял көндәрендә юл-патруль хеҙмәте инспекторҙары көсәйтелгән режимда эшләйәсәк. Сөнки тап ял көндәрендә республикала юл-транспорт ваҡиғаларының артыуы күҙәтелә.

Башҡортостан колледждарында ғаризалар һаны ҡырҡа артыуы күҙәтелә

Башҡортостан колледждарында ғаризалар һаны ҡырҡа артыуы күҙәтелә. Ҡабул итеү кампанияһың тәүге ике аҙнаһын ғына алайыҡ, уҙған йыл менән сағыштырғанда, ул яҡынса 14 процентҡа әүҙемерәк үткән. Был, тәү сиратта, сығарылыш синыф уҡыусылары араһында урта һөнәри белемгә ихтыяж артыуын күрһәтә.

Башҡортостанда етем балалар өсөн ойошма һәм приюттар яңыртыла

Башҡортостанда етем балалар өсөн ойошма һәм приюттар яңыртыла. Улар ярым стационар хеҙмәтләндереү формаһындағы учреждениеларға үҙгәртелә. Хеҙмәткәрҙәр ата-әсәләргә һәм уларҙы тәрбиәгә алған балаларға ярҙам итә-тәрбиә процесында кәңәштәр бирә, оҫталыҡ дәрестәре һәм тренингтар үткәрә, даими бәйләнештә тора һәм торлаҡ алыуға сиратҡа баҫыр өсөн документтар әҙерләүҙә ярҙам итә. Теманың дауамы киләһе яҙмала.

Бөрөлә Ғаилә, мөхәббәт һәм тоғролоҡ көнө үтте

Төбәктә матур йолаға әйләнгән байрам Башҡортостан башлығы Радий Хәбиров ҡарары буйынса 2019 йылдан уҙғарыла. Бөрө ҡалаһының Октябрь майҙанында уҙған сарала илһөйәрлек күргәҙмәһе, бай йөкмәткеле концерт, коляскалар парады ойошторолдо. Радий Хәбиров «Ҡатын -ҡыҙҙың бәхет биләмәһе» һәм Өфө хосписы хәйриә фондтарының попечителдәр советы рәйесе Каринэ Хәбирова менән Изге Петр Һәм Феврония һәйкәленә сәскә һалды.

«Өфө-Инйәр-Белорет» автомобиль юлында төҙөкләндреү эштәре бара

Йәй-юл төҙөүселәр өсөн иң ҡыҙыу мәл. Башҡортостан юлдарында водителдәргә уңайлы һәм хәүефһеҙ булһын өсөн юлсылар иртәнге сәғәт һигеҙҙән эш өҫтөндә. Төбәк әһәмиәтендәге «Өфө-Инйәр-Белорет» автомобиль юлында төҙөкләндреү эштәре барышы тураһында репортаж.

Рәсәйҙә хәрби иҫәп ҡағиҙәләрен боҙған өсөн штрафтар арттырылды

Рәсәйҙә хәрби комиссариатҡа йәшәү урынын алмаштырыу тураһында мәғлүмәтте хәбәр итмәгән өсөн штраф суммаһы арттырылды. Быға тиклем 1 меңдән 5 мең һумғаса түләргә тура килһә, хәҙер штраф күләме 10 меңдән 20 мең һумғаса еткерелде. Үҙгәрештәргә ярашлы, рәсми теркәү үтмәгән осраҡта йәшәү урынын алмаштырыу тураһында мәғлүмәт билдәләнгән ваҡытта хәрби комиссариатҡа хәбәр ителергә тейеш. Административ яуаплылылыҡ ҡаралған.