Баҡалы районы Иҫке Маты мәктәбе "Беренселәр хәрәкәте" конкурсында еңеү яуланы

Был турала район хакимиәте башлығы Олег Ефимов хәбәр итте. - Уҡыусылар һәм уларҙың остаздары 200 мең һум менән бүләкләнде. Был аҡсаны үҙ проекттарын ғәмәлгә ашырыу өсөн тотоналар, - тине ул. "Беренселәр хәрәкәте"нең башланғыс бүлексәләре конкурсы икенсе тапҡыр уҙғарыла. Быйыл көҙ проекттың яңы этабы башлана.

Башҡортостанда ике меңдән ашыу юл яны сервис объекты булдырылған

Был турала Сауҙа һәм хеҙмәттәр министры Азат Асҡаров белдерҙе. 700 яғыулыҡ станцияһы, 500-ҙән ашыу магазин, 230 кафе, 22 ҡунаҡхана, 58 электромобиль зарядлау станцияһы бар. - Башҡортостанда юл яны сервисын үҫтереү концепцияһы 2030 йылға тиклем оҙайтылды. Тағы 1 меңдән ашыу объект төҙөү һәм шунсаһын төҙөкләндереү маҡсаты ҡуйылған, - тине министр.

Өфөлә Миҙхәт Шакиров исемендәге сквер төҙөкләндерелә

Бының өсөн 85 миллион һумдан ашыу аҡса тотонола. Аҡса ҡала һәм республика бюджетынан бүленә, тип яҙа РБК агентлығы. Әле эште башҡарыусы компания һайлана. Контракт буйынса төҙөкләндереү быйыл ноябргә тиклем тамамланырға тейеш. Уҙған йылда был скверҙа Радий Хәбиров булды. Ул биләмәне тәртипкә килтереү кәрәклеге һәм КПССтың Башҡортостан өлкә комитеты беренсе секретарына һәйкәл ҡуйыласағы тураһында белдерҙе.

Башҡортостан муниципалитеттары стелаһын таныта ала

1 августан Бөтә Рәсәй конкурсына ғариза ҡабул ителә башлай. Уның барышында ауыл-ҡалаларға һәм йәмәғәт биләмәләренә ингән урындарҙағы стелаларға баһа бирелә, иң яҡшылары һайлана. Еңеүселәр декабрҙә тауыш биреү юлы менән асыҡлана.

Радий Хәбиров махсус хәрби операцияла ҡатнашыусыларҙы юғары дәүләт наградалары менән бүләкләне

Башҡортостан башлығы Радий Хәбиров махсус хәрби операцияла ҡатнашыусыларҙы юғары дәүләт наградалары менән бүләкләне. Яугирҙарҙы тәбрикләү сараһы Республика менән идара итеү үҙәгендә аҙналыҡ оператив кәңәшмәлә үтте. Алғы һыҙыҡта ватан өсөн көрәшкән хәрбиҙәр генерал Шайморатов ордены менән бүләкләнде. Медицина взводының медицина бүлеге командирына генерал Шайморатов миҙалы тапшырылды.

Стәрлетамаҡ районында үлемесле авария теркәлгән

Өс кеше һәләк булған, икәүһе дауаханала. Үлемесле авария Стәрлетамаҡ районы Ашҡаҙар ауылы тәңгәлендә - Өфө-Ырымбур трассаһының 135-се километрында теркәлгән. «Киа Оптима» менән Лада Ларгус» автомобилдәре бәрелешкән. Аварияла Кианың 22 йәшлек водителе, «Лада Ларгуста ултырған 40 һәм 51 йәштәге ике ҡатын һәләк булған. Тағы ла ике кеше Стәрлетамаҡ дауаханаһына килтерелгән. 21 йәшлек ҡыҙ ауыр хәлдә реанимация, 44 йәшлек ир травматология бүлектәренә урынлаштырылған. Ваҡиға сәбәптәре асыҡлана.

Иглин районында Иван купала байрамы билдәләнде

Белорус халҡының быуаттар төпкөлөнән килгән байрамы 90-сы йылдар башында райондың ошо милләт вәкилдәре күпләп йәшәгән Балтик ауыл советы биләмәһендә тергеҙелә. Әлеге ваҡытта ул республика байрамы статусына эйә. Ғәҙәттәгесә, байрам майҙансығында төбәктең ҡул эштәре оҫталары, шулай уҡ белорус милли аштары күргәҙмәләре ойошторолдо.

Мәләүездә төҙөкләндерелгәндән һуң «Спартак» стадионы үҙ ишектәрен яңынан асты

Мәләүездә төҙөкләндерелгәндән һуң «Спартак» стадионы үҙ ишектәрен яңынан асты. Спорт һөйөүселәрҙың шатлығын Радий Хәбиров уртаҡлашты. Былтыр республика етәксеһе объектты реконструкциялауҙы тамамларға ҡушҡайны. Бының өсөн бюджеттан 54 миллион һумдан ашыу аҡса бүленә.

Өфөлә сәйәси партияларҙың йәштәр берләшмәләре вәкилдәре мини-футбол буйынса турнирҙа ҡатнашты

Эш кейемдәрен спорт формаһына. Өфөлә сәйәси партияларҙың йәштәр берләшмәләре вәкилдәре мини-футбол буйынса турнирҙа ҡатнашты. иптәштәрсә матчтар тәүге тапҡыр «Нефтсе» стадионында үтте һәм бер юлы ике ваҡиғаға арналды. Бөйөк Ватан һуғышында еңеүҙең 80 һәм Дәүләт Йыйылышы-Ҡоролтайҙың 30 йыллығы. Быға тиклем командалар шундай уҡ волейбол турнирына иң көслөнө асыҡлағайны.

Радий Хәбиров яугирҙарҙы бүләкләне, баҡыр ятҡылығын күҙәтеүгә алды

Башҡортостан башлығы Радий Хәбиров махсус хәрби операцияла ҡатнашыусыларҙы юғары дәүләт наградалары менән бүләкләне. Тәбрикләү тантанаһы Республика менән идара итеү үҙәгендә аҙналыҡ оператив кәңәшмәлә үтте. Көн тәртибендә йылытыу миҙгеленә әҙерлек һорауҙары ҡаралды. Төбәк башлығы Радий Хәбиров Әбйәлил районында баҡырҙы геологик разведкалау кампанияһын шәхми контролгә алды.

Әбйәлил районында геологик разведка йәмәғәт контроле аҫтында үтә

Бөтә эштәр асыҡ һәм законға ярашлы булырға тейеш. Әбйәлил районының Ҡырҡтытау һырты янында геологик разведка эштәре урынында йәмәғәт күҙәтеү советы ағзалары һәм эксперттар булды. Улар «Салауат» яуаплылығы сикләнгән йәмғиәтенең геологик разведка эшмәкәрлеге менән танышты. Тулыраҡ мәғлүмәт киләһе яҙмала.

«Башҡортостан» 31-се мотоуҡсылар полкының шәхси составы өсөн яңы туҡланыу урыны асылды

Ер аҫтындағы ашхана. «Башҡортостан» 31-се мотоуҡсылар полкының шәхси составы өсөн яңы туҡланыу урыны асылды. Уҡыу полигондарының береһендә урынлашҡан ҡоролма 150 квадрат метр майҙанды биләй. Бында бер юлы өс тиҫтәгә тиклем яугир туҡлана ала.

Мәскәүҙең «Коломенское» музей-ҡурсаулығында һабантуй байрамы үтте

Уҙған шәмбе Мәскәүҙең «Коломенское» музей-ҡурсаулығында һабантуй байрамы үтте. Унда Дәүләт Йыйылышы - Ҡоролтай рәйесе Константин Толкачев ҡтаншаты. Республика төбәктрендә кеүек үк, быйыл Мәскәү һабантуйы ла Бөйөк Еңеүҙең 80 йыллығына һәм Ватанды һаҡлаусылар йылына арналды. Тулыраҡ киләһе яҙмала.

Баймаҡ районы Алғаҙы ауылының 300 йыллығы уңайынан «Һаумыһығыҙ, ауылдаштар!» байрамы үтте

Баймаҡ районы Алғаҙы ауылының 300 йыллығы уңайынан «Һаумыһығыҙ, ауылдаштар!» байрамы үтте. Тантана бай тарихлы ауылда тыуып үҫкән, ситтә йәшәгән замандаштарҙы бергә йыйҙы. Осрашыу уларҙы бергә тупланы, туғанлыҡ хистәрен яңыртты. Артабан киләһе сюжетта.

Саҡмағош районында ҡатын-ҡыҙҙар спорт аша сәләмәт тормошто һайлай

Һәр ваҡыт күтәренке кәйефтә һәм бер ҡасан да ауырымаҫҡа. Саҡмағош районында йәшәүсе ҡатын-ҡыҙҙар йәш сырайлы булыу серен яҡшы белә. Бының өсөн улар даими спорт менән шөғөлләнә.Ҡарайерек ауылында йәшәүсе көмөш йәштәге гүзәл заттар өсөн һәр йәкшәмбе иртәһе спорт уйындарынан башлана. Бында улар аралаша, шулай уҡ ябай, әммә һаулыҡ өсөн бик файҙалы уйындарҙа ярыша. Физик көсөргәнештән тыш, төркөм дөрөҫ итеп тын алыу, рухи һәм интеллектуаль практикалар ҡуллана. Улар көсөргәнеште бөтөрә һәм һәм күңел төшөнкөлөгөн еңергә булышлыҡ итә.

«Өфө-Арена» янында яугирҙарҙы махсус хәрби операцияға оҙатыу тантанаһы үтте

Башҡортостандан бер төркөм яугирҙар ҡыҫҡа ваҡытлы ялдан һуң йәнә махсус хәрби операция биләмәһенә юлланды. «Өфө-арена» комплексы эргәһендәге майҙанда хәрбиҙәрҙе оҙатыу тантанаһы уҙғарылды. Ҡаһарман яҡташтарыбыҙ алдында Республика Хөкүмәте премьер-министры урынбаҫары Ирек Сәғитов сығыш яһап, яугирҙар һәм уларҙың ғаиләләренә күп яҡлы ярҙам күрһәтелеүен, алғы һыҙыҡҡа даими рәүештә гуманитар ылауҙар оҙатылыуын билдәләне.

Өфөнөң Сипайлово биҫтәһе халҡы урамдарҙағы соҡорҙар проблемаһына зарлана

Өфөнөң Сипайлово биҫтәһе халҡы урамдарҙағы соҡорҙар проблемаһына зарлана. Ул автоһәүәҫкәрҙәрҙе генә түгел, йәш әсәләрҙе лә борсой. Күп ҡатлы йортта йәшәүселәрҙең төрлө инстанцияларға мөрәжәғәт итә. Әммә мәсьәлә асыҡ ҡала.

Археологтар «Подымалово-1» ҡаласығында һирәк табылдыҡтарға юлыҡты

Бер аҙна эсендә йөҙләгән яңы артефакт. Ҡаҙылмалар Евразия күсмә цивилизациялар музейы коллекцияһында урын аласаҡ. Һүҙ «Подымалово-1» ҡаласығындағы архелогия экспедицияһы тураһында бара. Был майҙандағы ҡаҙыныу эштәре 2017 йылда уҡ башланған. Архелогтарҙың табыштары бында Алтын Урза осороноң ҙур сауҙа һәм етештереү үҙәге булыуын иҫбатлай.

Иглин районында «Орлёнок – тыуған яҡты өйрәнеүсе» проектына йомғаҡ яһалды

Кесе Ватанға һөйөү тәрбиәләп. Иглин районында йәйге һауыҡтырыу лагерҙарының «Орленок - тыуған яҡты өйрәнеүсе» проектының йомғаҡлау этабы үтте. Башланғыс «Беренселәр хәрәкәте» Бөтә Рәсәй балалар һәм йәштәр ижтимағи-дәүләт хәрәкәте Гранты ярҙамында тормошҡа ашырылған.

Өфөгә гастролдәр менән Мәскәүҙең Никулин исемендәге күсмә циркы килде

Өфөгә гастролдәр менән Мәскәүҙең Никулин исемендәге күсмә циркы килде. Ижади коллектив тамашасыларға Владимир Дерябкиндың «Династия» тип исемләнгән өр-яңы шоу-программаһын тәҡдим итә. Яңы миҙгелдең төп ваҡиғаһы - донъялағы берҙән-бер Төньяҡ диңгеҙ арыҫландары аттракционы сығышы. Тулыраҡ киләһе яҙмала.