Өфөлә әсәйҙәргә арналған йыр клибы төшөрөлә

Әсәйҙәр тураһындағы йырҙы Башҡортостан балалары һәм илдең башҡа ҡалаларында йәшәгән ҡыҙ һәм малайҙар башҡара. Унда әсәй һүҙе башҡорт, татар, рус, яҡут, сыуаш һәм тағы ла 15 телдә яңғырай. “Йыр матур яңғырашлы булһын өсөн бик күп белгестәр менән аралашырға, филогогтар менән фекер алышырға тура килде. Әсәйгә һөйөү хаҡындағы йырҙар бөтә халыҡтарҙа бар. Был бөйөк тема. Беҙ донъялағы иң ҡәҙерле кешегә бағышланған интернациналь гимн булдырабыҙ. Проектта танылған музыкант Заһир Зәйнетдинов ҡатнаша. Клиптың премьераһы Мәскәүҙә “Рәсәйҙең милли гүзәллеге” тигән фестиваль барышында тәҡдим ителә.

Иң шәп һәүәҫкәр футболсыларҙы “Олотау йыйыны”на көтәләр

Турнир июлдә Учалы районы Ҡотой ауылында була. Әле ҡатнашыусыларҙан ғаризалар ҡабул ителә. “Еңеү яулаған ир-егеттәр командаһына күсмә Кубок, 300 мең һум аҡса һәм башҡорт тоҡомло ат тапшырыла. Ҡатын-ҡыҙҙарға 100 мең һәм һыйыр бүләк итәбеҙ”, - ти турнирҙы ойоштороусыларҙың береһе Илнур Солтанов.
Турнирҙа футбол буйынса ярыштан тыш, кибер-спорт, милли ат сабышы, көрәш, уҡ атыу турниры үтә. Шулай уҡ башҡа уйындар уҙғарыла. Эстрада артистары ҡатнашлығында концерт ойошторола.

Дәүләт Йыйылышы - Ҡоролтай депутаттары махсус хәрби операция биләмәһенә УАЗ автомобиле оҙатты

Депутаттарҙан «Буханка». Дәүләт Йыйылышы - Ҡоролтай депутаттары махсус хәрби операция биләмәһенә УАЗ автомобиле оҙатты. Юғары үтемле техника 31-се «Башҡортостан» мотоуҡсылар полкында хеҙмәт итәсәк. Республика парламентарийҙары яугирҙарға, Донбасс халҡына ла даими ярҙам итә. Депутаттар даими рәүештә гуманитар ылау ҙа туплауҙа ҡатнаша. Техника оҙатыу ҙа тәүгә түгел. Өр яңы УАЗ «Буханка» яралыларҙы, хәрбикомплект һәм штурмға барыусыларҙы йөрөтөүҙә файҙаланыласаҡ.

Балтас районында шәхси йорттағы янғында өс баланың ғүмере өҙөлгән

Ғәҙәттән тыш хәлдәр министрлығының Башҡортостан буйынса баш идаралығы мәғлүмәттәренә ярашлы, утты һүндергәндә 3, 9, 16 йәшлек малайҙарҙың кәүҙәләре табылған. Балаларҙың атаһы махсус хәрби операция биләмәһендә хеҙмәт итә, әсә һәм тағы ла бер 12 йәшлек бала өйҙә булмаған. Әле янғын сәбәптәре асыҡлана. Урында ведомствоның оператив төркөмө эшләй.

Константин Толкачев Пенза ҡалаһында үткән Волга буйы федераль округы парламентарийҙары советында ҡатнашты

Дәүләт Йыйылышы - Ҡоролтай рәйесе Константин Толкачев Пенза ҡалаһында үткән Волга буйы федераль округы парламентарийҙары советында ҡатнашты. Көн тәртибендә төбәктәрҙә спорт өлкәһен үҫтереү һәм балалар ялы һорауҙары ҡаралды. Башҡортостанда 16 ҙур спорт объекты төҙөлөшө бара. Тиҙҙән был исемлеккә еңел атлетика манежы һәм олимпия резервындағы училище индерелергә тейеш. Спорт объекттары һаны буйынса Башҡортостан илдә өсөнсө урынды биләй.

«Нәсихәт» мәсете йыйылған хәйер-саҙаҡаларҙы мөһим эшкә йүнәлтте

Зыяратты төҙөкләндереү - бурыс. «Нәсихәт» мәсете йыйылған хәйер-саҙаҡаларҙы мөһим эшкә йүнәлтте. Баймаҡ ҡалаһындағы изге эш хаҡында киләһе сюжетта.

Башҡортостан делегацияһы Ҡырымда үткән «Таврида» форумында ҡатнашты

Ҡырымдың «Таврида» арт-кластеры майҙансығындағы йәйге мәктәпте «Меганом» академияһы йыл һайын ойоштора. Быйыл ул 4 ай дауамында 9 йүнәлеш буйынса бара һәм илдең төрлө төбәктәренән 4 меңгә яҡын йәштәрҙе берләштерә. Ете көнлөк курстар теория һәм практиканы, оҫталыҡ дәрестәрен үҙ эсенә ала.

Мәскәүҙең Коньковский быуаларында Һабантуй байрамы үтте

Башҡорт балы, бауырһаҡ һәм халыҡ бейеүҙәре. Мәскәүҙең Коньковский быуаларында Һабантуй байрамы үтте. Баш ҡаланың көньяҡ-көнбайыш яғында йәшәүселәр күп милләтле Башҡортостандың мәҙәниәте һәм йолалары менән танышты. Байрамда ҡунаҡтарға милли костюмдар, биҙәү-ҡулланма сәнғәте әйберҙәре, ҡулдан эшләнгән ҡурсаҡтар тәҡдим ителде. Шулай уҡ улар башҡорт балы, милли ризыҡтарынан да ауыҙ итте. «Алтын ай», «Бүләк», Аҡйондоҙ» кеүек һәм башҡа ижади коллективтарҙан торған бай концерт программаһы ла әҙерләнгәйне.

Туймазы районының Ҡандракүл ауылында Самауыр байрамы үтте

Һәр райондың үҙ байрамы. Бренд булырлыҡ мәҙәни саралар Республика Башлығы Радий Хәбиров тәҡдиме буйынса уҙа. Былтыр ғына Башҡортостандың 63 муниципалитетында ошондай байрамдар ойошторолған. Туймазы районының Ҡандракүл ауылында Самауыр байрамынан репортаж.

Өфөлә Республика кардиология үҙәгенең хирургия корпусы асылды

Өфөлә Республика кардиология үҙәгенең хирургия корпусы асылды. Яңы объектты файҙаланыуға тапшырыу тантанаһында видеобәйләнеш аша Рәсәй Президенты Владимир Путин да ҡатнашты. Башҡортостан башлығы Радий Хәбиров ун ҡатлы хирургия корпусында йөрәк-ҡан тамырҙары менән бәйле сирҙәрҙе заманса ысул буйынса дауалау, пациенттарға сифатлы ярҙам күрһәтеү өсөн алдынғы технологик шарттар тыуҙырылған тип белдерҙе.

Йөрәк -ҡан тамырҙары ауырыуҙарынан үлеү осраҡтары илдә беренсе урында

Йөрәк -ҡан тамырҙары ауырыуҙарынан үлеү осраҡтары илдә беренсе урында. Шуға ла был ваҡиға мөһимлеге баһалап бөткөһөҙ, ти медицина эксперттары. Пациенттарҙың күптәре юғары технологиялы операцияларға мохтаж. Кардиология үҙәгенең яңы хирургия корпусы ошондай мөмкинлектәр аса ла инде.
Заманса һаулыҡ һаҡлау учреждениеларының барлыҡҡа килеүе медицина сифтаны яҡшырта һәм һәр кем файҙалана алырлыҡ кимәлгә еткерә. Кардиология хеҙмәтенең яңы баҫҡысҡа күтәрелеүен халыҡҡа юғары технологиялы медицина ярҙамы ойоштороуҙы күпкә яҡшыртасаҡ, ти политологтар.

Республикала «Мәктәп 21» һанлы технологиялар проекты тормошҡа ашырыла башланы

Республикала «Мәктәп 21» һанлы технологиялар проекты тормошҡа ашырыла башланы. Бөгөн Евразия фән-белем биреү үҙәгенең халыҡ-ара студенттар кампусында урынлашҡан Геном үҙәгендә айти белем усағын асыу тантанаһы үтте. Тарихи сарала Башҡортостан башлығы Радий Хәбиров, Рәсәй һаҡлыҡ банкы идараһы рәйесе Герман Греф ҡатнашты. «Мәктәп 21»- Рәсәй һаҡлыҡ банкының хәйриә проекты, айти белем усаҡтары илдең тиҫтәнән ашыу төбәгендә эшләп килә. Хәҙер был исемлектә Башҡортостан да бар.

Махсус хәрби операцияға контракт буйынса хеҙмәт итергә килешеү төҙөүселәр кәмемәй

Контракт буйынса хәрби хеҙмәткә һайлап алыу пунктында көн һайын Рәсәйҙең ҡораллы көстәре менән утыҙға яҡын килешеү төҙөлә. Хәрбиҙәр сафына башлыса урта йәштәрҙәге ир-егеттәр баҫа. Пунктта уларҙың сәләмәтлеге тикшерелә. Ҡатмарлы сирҙәре булған, наркология һәм психология буйынса иҫәптә торғандар алынмай. Контракт буйынса түләүҙәр буйынса 5 июндән үҙгәрештәр индерелгән.

Шаран районы махсус хәрби операцияға сираттағы гуманитар ылау оҙатты

Хәрби хеҙмәткәрҙәргә һәм уларҙың ғаиләләренә ярҙам күрһәтеү буйынса Миңлеғәле Шайморатов исемендәге ирекмәндәр штабы 2022 йылдың сентябрь аҙағынан эшләй. Ирекмәндәр штабынан мобилизацияланған хәрби хеҙмәткәрҙәргә һәм батальон ирекмәндәренә 26 гуманитар конвой ебәрелгән. Изге эштә «Туймазы агросәнәғәт колледжы» филиалы студенттары әүҙем ҡатнаша.

Балтас районында урындағы властар һәм халыҡ фажиғә кисергән ғаиләгә ярҙам ойошторған

Иҫегеҙгә төшөрәбеҙ, Иҫке Балтас ауылындағы ағас өйҙә сыҡҡан янғында 16, 9 һәм 3 йәшлек өс малай һәләк булған. Район хакимиәте башлығы Илгиз Субушев социаль селтәрҙә зыян күргән ғаиләгә тейешле ярҙам күрһәтеләсәге хаҡында хәбәр итте. Фажиғәлә ғүмерҙәре өҙөлгән балаларҙың әсәһе һәм 12 йәшлек малай өйҙә булмаған. Күп балалы ғаилә башлығы махсус хәрби операцияла. Әле янғын сәбәбе асыҡлана. Бәхетһеҙ осраҡ буйынса енәйәт эше ҡуҙғатылған. Бер ҡатлы бүрәнә йортҡа электр һәм газ үткәрелгән, янғын тураһында хәбәр итеүсе ҡоролма ҡуйылған.
Аҡса күсереү өсөн иҫәп: 4276 06007272 7681 Телефон: 8 927 32 63 879 Венера Даресхановна С.

Киләһе йыл Ишембай - Воскресенское - Мәләүез юлындағы участкала капиталь ремонт тамамланырға тейеш

Туризм үҫешенә этәргес. Контрактҡа ярашлы, киләһе йыл октябрҙә Ишембай - Воскресенское - Мәләүез юлындағы участкала капиталь ремонт тамамланырға тейеш. Билдәле булыуынса, төҙөкләндереү эштәре йылдам бара, шуға күрә объект күпкә алдараҡ файҙаланыуға тапшырылыуы ихтимал. Автоһәүәҫкәрҙәр өсөн көтөп алынған асфальт юл тураһында киләһе материал.

Башҡортостанда тәүлек эсендә ике урында ҡоро үлән янып китеү осрағы теркәлгән

Яңауыл һәм Краснокама районындарындағы был янғын һүндерелгән, тип хәбәр итәләр Ғәҙәттән тыш хәлдәр буйынса дәүләт комитетынан. Быйыл Башҡортостанда ҡоро үлән янып китеүҙең 278 осрағы теркәлгән. 1 мең 200 гектарға зыян килгән.

Радий Хәбиров Сергей Кудрявцев менән осрашты

Республика башлығы Радий Хәбиров Федераль яза башҡарыу хеҙмәтенең Башҡортостан буйынса идаралығы етәксеһе вазифаһын ваҡытлыса башҡарыусы Сергей Кудрявцев менән осрашты. Төбәк башлығы яңы етәксегә уңыштар теләп республика тарафынан ведомствоға ярҙам итергә әҙерлеген белдерҙе. Сергей Кудрявцев быға тиклем Федераль яза башҡарыу хеҙмәтенең Бүрәт республикаһы буйынса идаралығын етәкләне.

Янғындар арта: йыл башынан 117 кешенең ғүмере өҙөлгән

Йыл башынан республикала 3 мең ярымдан ашыу янғын теркәлгән, уларҙа 117 кешенең, шул иҫәптән 12 баланың ғүмере өҙөлгән. Күңелһеҙ осраҡтарҙың төп сәбәбе ут менән һаҡһыҙ эш итеү, электр ҡорамалдарын дөрөҫ ҡулланмау һәм мейес менән йылытыу ҡағиҙәләрен боҙоуға бәйле. Республика Хөкүмәтендә үткән Ғәҙәттән тыш хәлдәрҙе иҫкәртеү һәм бөтөрөү, янғын хәүефһеҙлеген тәьмин итеү буйынса комиссияның сираттан тыш ултырышында район-ҡалаларҙа иҫкәртеү сараларын көсәйтеү бурысы ҡуйылды.

Луганск халыҡ республикаһының Петровское ҡалаһында йәшәүселәр Тимерйән Рәжәповты хөрмәтләп иҫкә алды

Луганск халыҡ республикаһының Петровское ҡалаһында йәшәүселәр Тимерйән Рәжәповты хөрмәтләп иҫкә алды. Яҡташыбыҙ 10 йыл элек Донбасҡа тәүге гуманитар ярҙам менән килә. Үҙ ғүмерен хәүеф аҫтына ҡуйып, ул аҙыҡ-түлек, дарыуҙар һәм башҡа кәрәкле әйберҙәрҙе иң ҡыҙыу нөктәләргә алып бара. Тимерйән Рәжәп улы кешеләрҙең ғазаптарын, уларҙың мохтажлығын һәм өмөтһөҙлөгөн күрә, һәм был уның яуҙам итергә тәүәккәллеген нығыта.