Радий Хәбиров йәштәргә ил башлығы менән тәүге осрашыуы тураһында һөйләне

Владимир Путин менән осрашҡанда ҡулдары ла ҡылтыранған. Радий Хәбиров йәштәргә ил башлығы менән тәүге осрашыуы тураһында һөйләне. Ҡурҡыуҙан түгел, тулҡынланыуҙан, тине республика етәксеһе. Был турала ул үҫмерҙәрҙең иң иҫтә ҡалған мәлдәр тураһындағы һорауына яуап итеп белдерҙе. Бынан тыш Радий Хәбиров махсус хәрби операцияла һәләк булған яугирҙарҙың ата-әсәләре менән осрашыуҙар тетрәндереүен, Башҡортостан тарихындағы мөһим һәм күләмле ваҡиғаларҙың да иҫендә уйылып ҡалыуы тураһында әйтте. Сөнки республика һулышын тойоп , уның киләсәге өсөн босролоп йәшәйем, тине төбәк башлығы.

Башҡортостан «Еңеү утын һаҡлайбыҙ» тип исемләнгән Бөтә Рәсәй акцияһына ҡушылды

Бөйөк Еңеүҙең 80 йыллығы уңайынан ил буйынса бер юлы 80 Мәңгелек ут һәм Хәтер уттары тоҡандырылды. Саҡмағош районындағы мемориал да тәбиғи газға күсерелде. Республика башлығы Радий Хәбиров тантаналы сарала ҡатнашып, Мәңгелек уттың Еңеү символы булыуын билдәләне. Еңеүселәр быуынына оло ихтирам билдәһе.

«Беренсе тирмә» республика проекты ирекмәндәре беренсе форум-осрашыуға йыйылды

Сарала әүҙем йәмәғәтселәргә рәхмәт хаттары тапшырылды, проекттың әһәмиәте тураһында һөйләшеү булды. «Беренсе тирмә» 2024 йылдың ноябрендә Башҡортостандың эшҡыуарлыҡ һәм туризм министры Зөһрә Гордиенко тәҡдиме менән башланған үҙенсәлекле проект. Был Рәсәйҙәге берҙән-бер ирекмән ҡатын-ҡыҙҙар отряды. Гүзәл заттар хәрби госпиталгә барып яралы яугирҙарҙы тәрбиәләргә ярҙам итә. Ноябрҙән алып әлегә тиклем 12 состав эшләп ҡайтҡан, ошо көндәрҙе тағы бер төркөм юлға сыҡҡан.

Һуғыш ветерандары республика клиник госпиталендә йыл һайын Еңеү көнөнә байрам концерты ойошторола

Аҡ халатлыларҙан йыр-моң. Һуғыш ветерандары республика клиник госпиталендә йыл һайын Еңеү көнөнә байрам концерты ойошторола. Быйыл да медицина учреждениеһы табиптары һәм хеҙмәткәрҙәре Бөйөк Ватан һуғышында һәм махсус хәрби операцияла ҡатнашыусылар, тыл хеҙмәтсәндәре өсөн байрам программаһы тәҡдим итте. Кисәлә төрлө композициялар башҡарылды, Өфөнөң ижади коллективтары һуғыш осорондағы йырҙар менән сығыш яһаны.

Өфөлә Башҡортостан Башлығы кубогына ижади конкурс асылды

Ғаилә йылъяҙмаһы, һуғыш тураһында фотоһүрәттәр һәм фильмдарҙан рухлы образдар. Башҡортостан Башлығы кубогына Өфөлә республика конкурсы асылды. Ҡала халҡына һигеҙенсе класс уҡыусыларының эштәре тәҡдим ителде, ижади конкурста республиканан бөтәһе 12 меңдән ашыу уҡыусы ҡатнаша. Конкурстың жюри рәйесе Каринэ Хәбирова ла йәш рәссамдарҙың уңышын лайыҡлы тип билдәләй.

Башҡортостан йәмәғәтселеге Павел Качкаев менән хушлаша

Бәхилләшеү сәғәте. Билдәле дәүләт һәм йәмәғәт эшмәкәре, Дәүләт Думаһы депутаты, Дәүләт Думаһының Торлаҡ сәйәсәте һәм торлаҡ-коммуналь хужалыҡ комитеты рәйесенең беренсе урынбаҫары Павел Рюрикович Качкаевты оҙатыу иртәгә, 7 майҙа иртәнге сәғәт 9-ҙан 11-гә тиклем Дәүләт Йыйылышы - Ҡоролтай йортонда Зәки Вәлиди урамы, 40-сы йорт адресы буйынса үтә. Матәм митингы сәғәт 11-ҙә башлана. Алдараҡ хәбәр ителеүенсә, Павел Качкаев 5 майҙа 74-се йәшендә вафат булды.

Өфөлә илдең бөтә төбәктәрен берләштергән «Тормош уты» Бөтә Рәсәй факел эстафетаһы этабы үтте

Эстафетаны «Импакт» хәйриә фонды һәм «Тормош уты» социаль башланғыстарға ярҙам фонды менән берлектә Рәсәй федераль медицина академияһы башлап ебәргән. Акцияның маҡсаты-лейкемия һәм башҡа ауыр сирле пациенттарҙы ҡотҡарыу мөмкинлеген арттырыу өсөн федераль һөйәк мейеһе донорҙары регистрына яңы донорҙар йәлеп итеү. Генетик яҡтан яраҡлы донор табыу ихтималлығы 10 меңгә 1 осраҡ ҡына тәшкил итә. Ярыштар башланған мәлдә 120 мең потенциаль донор булған, бөгөн был һан биш йөҙ меңгә еткән. Һөйәк мейеһе донорҙары федераль регистрына инеү өсөн 256 кеше килде.

Григорий Панин карьераһын Өфөлә дауам итергә теләй

“Салауат Юлаев” капитаны Григорий Панин тағы бер йыл командала уйнарға теләк белдерә. Өфө клубында 8 йыл сығыш яһаным. Карьерамды ла Өфөлә тамамларға хыялланам”,-тигән хоккейсы. Һаҡсы быйыл чемпионатта 59 уйында ҡатнашҡан- 2 шайба индергән, 5 һөҙөмтәле пас биргән. Григорий Панинға ноябрҙә 40 йәш тула.

Республика йәмәғәтселеге Павел Качкаевты һуңғы юлға оҙатты

Республика йәмәғәтселеге Дәүләт думаһы депутаты, сәйәсмән, Өфө ҡала хакимиәтенең элекке етәксеһе Павел Качкаевты һуңғы юлға оҙатты. Баш ҡала үҫешенә күп көс һалған шәхес менән бәхилләшергә уның яҡындары, төрлө ведомство етәкселәре, хеҙмәттәштәре йыйылды. Дәүләт Йыйылышы - Ҡоролтай майҙанында ойошторолған матәм митингында Башҡортостан башлығы Радий Хәбиров сығыш яһап, арабаҙҙын ғәҙел,талапсан, тәжрибәле етәксе һәм коллега китте тип билдәләне.

Өфөнөң Октябрь районы хакимиәтендә махсус хәрби операция яугирҙарына гуманитар ярҙам тапшырылды

Хәрби ялан шарттарында юғары үтеүсәнле уазик, генераторҙар, бензин менән эшләүсе бысҡылар, иретеп-йәбештереү аппараттары бөтәһе лә һалдаттар үтенесе буйынса йыйылған. Махсус хәрби операцияла илебеҙҙе нацистарҙан һаҡлаған яугирҙарға кәрәкле төҙөлөш материалдарын һәм техниканы «Стратег» төҙөлөш компанияһы етәксеһе һәм хеҙмәткәрҙәре үҙ иҫәбенә һатып алған.

Баш ҡалала Бөйөк Ватан һуғышы ветераны Әсхәт Фәхретдинов өсөн шәхси парад ойошторолдо

Фронтовик йәшәгән ихатала парад. Баш ҡаланың Киров районында Бөйөк Ватан һуғышы ветераны Әсхәт Фәхретдинов өсөн шәхси парад ойошторолдо. Сафтан баш кадет һәм Шайморатовсылар кластары уҡыусылары, хәрби-патриотик клубтар тәрбиәләнеүселәре һәм курсанттар үтте.

Өфө йәмәғәтселәре тыл ветерандарын яҡынлашып килгән Еңеү көнө менән ҡотланы

Баш ҡалала Бөтә Рәсәй һуҡырҙар йәмғиәтенең урындағы ойошмаһы ағзалары араһында дүрт тыл ветераны бар. Уларҙың береһе - Ғәли Моратшин. 12 йәшендә генә ғаилә тураһындағы хәстәрлек уның иңенә төшә. Ауырыған әсәһенә ҡусты-һеңлеләрен тәрбиәләшергә ярҙам итә, үҫмер сағынан колхозда эшләй. Һуғыш тамамланғандан һуң Көйөргәҙе ауыл хужалығы техникумына уҡырға инә. Әрме сафында хеҙмәт итә, Ригалағы хәрби училище һәм Мәскәү ветеринария академияһын тамамлай. Ғәли Моратшин -доцент, ветеринария фәндәре кандидаты. 25 йыл Башҡорт дәүләт аграр университетында уҡытҡан.

Ун биш йыллыҡ эҙәрмәнлек эше изге сәфәр менән тамамланды

Бөйөк Ватан һуғышына Баймаҡ районынан алынған һалдаттың туғандары, уның һәләк булған ерен табып, тыуған төйәге тупрағын һалды. Смоленск ерендә ҡалған яугир яҡташыбыҙ хаҡында киләһе яҙмала.

Еңеү көнөнә арналды: Өфө студенттары йыр, бейеү, хәрби уйындар менән байрам итте

Студент яҙынан Еңеү яҙына. Мифтахетдин Аҡмулла исемендәге Башҡорт дәүләт педагогия университетының ижади коллективтары юғары уҡыу йорттары араһында уҙғарылған иң күләмле конкурс һөҙөмтәләрен Еңеү көнөнә бағышланы. Белем усағы алдындағы майҙанда «Студент яҙы» фестиваленең иң сағыу бейеү һәм йырҙарынан торған концерт уҙҙы.

Республиканың балаларҙы һауыҡтырыу лагерҙары йәйге ялға балаларҙы ҡабул итеүгә әҙәерләнә

Өфөләге «Аҡсарлаҡ» лагерында дүрт профилле смена ҡаралған. Уҡыусылар өсөн дүрт корпус эшләй, уларҙың икеһе модулле. Гигиена һәм эпидемиология үҙәге белгестәре биналарҙағы микроклиматты үлсәй. Дымлылыҡ, яҡтылыҡ тикшерелә. Янғын хәүефһеҙлеге буйынса талаптарҙың үтәлеүе ҡарала. Лагерь Бөтә Рәсәй конкурсында ҡатнашып былтыр илдең иң яҡшы лагеры исеменә лайыҡ булған. Сираттағы миҙгелдә лә уҡыусыларҙы күңелле һәм файҙалы ял көтә.

Баймаҡ районында «Орленок» балалар ял лагеры инфраструктураһы яңыртыла

Талҡаҫ күле эргәһендә һаулыҡ һәм ял өсөн шарттар. Баймаҡ районында «Орленок» балалар ял лагеры инфраструктураһы яңыртыла. Капиталь ремонттан һуң учреждение йыл әйләнәһенә эшләр тип күҙаллана. Әлеге ваҡытта лагерь биләмәһендә төҙөүселәр йөҙ урынлыҡ тиҙ төҙөлә торған ике корпус ҡорай. Ошо маҡсатта ил, республика һәм район бюджетынан 86 миллион һумдан ашыу аҡса бүленгән.

Шишмә районындағы «Турахан» музейы майҙанында яңы арт-объекттар барлыҡҡа киләсәк

Шишмә районындағы «Турахан» Евразия күсмә халыҡтар цивилизацияһы музейы майҙанында яңы арт-объекттар барлыҡҡа киләсәк. Уларҙы бәләкәй кәшәнә эргәһендә төҙөү планлаштырыла.

Республика йәмәғәтселеге Павел Качкаевты һуңғы юлға оҙатты

Республика йәмәғәтселеге Дәүләт думаһы депутаты, дәүләт эшмәкәре, Өфө ҡала хакимиәтенең элекке етәксеһе Павел Качкаевты һуңғы юлға оҙатты. Баш ҡала үҫешенә күп көс һалған шәхес менән бәхилләшергә уның яҡындары, төрлө ведомство етәкселәре, хеҙмәттәштәре йыйылды. Дәүләт Йыйылышы - Ҡоролтай майҙанында ойошторолған матәм митингында Башҡортостан башлығы Радий Хәбиров сығыш яһап, арабаҙҙын ғәҙел,талапсан, тәжрибәле етәксе һәм коллега китте тип билдәләне.

Радий Хәбиров Республика террорға ҡаршы көрәш комиссияһының сираттағы ултырышын үткәрҙе

Күләмле акциялар, байрам саралары алдынан барлыҡ хеҙмәттәрҙең дә әҙерлеген тикшереү мөһим. Төбәк башлығы әйтеүенсә, халыҡ күпләп йөрөгән урындарҙа, парад, «Үлемһеҙ полк» сафтары үткән майҙандарҙа хәүефһеҙлек талаптарын етди үтәү мөһим. Барлыҡ хеҙмәттәр ҙә ғәҙәттән тыш хәлдәрҙе иҫкәртеүгә әҙер булыуы шарт, тине Радий Хәбиров.