БСТ телеканалында «Әсәй -Мама»хәйриә концерты күрһәтелә

Бөгөн киске сәғәт етелә БСТ телеканалында «Әсәй -Мама»хәйриә концерты күрһәтелә. Программа Ватанды һаҡлаусылар һәм Махсус хәрби операция яугирҙары һәм уларҙың ғаиләләренә ярҙам йылына арналған.

Башҡортостанда Яңауыл - Үрге Тәтешле трассаһында 19 километр юл ремонтлана

Төҙөкләндереү “Тормош өсөн инфраструктруа” милли проекты буйынса алып барыла. Подрядсы ойошма иҫке юл ҡатламын ала башлаған, артабан асфальт-бетонды яңыртыу, юл яны һыҙаттарын нығытыу һәм билдәләү башҡарыла, тип белдерәләр Юл хужалығы һәм транспорт миинстрлығынан. Быйыл Башҡортостанда 83 обьектта 280 километр юл төҙөкләндерелә.

«Салауат Юлаев» хоккейсылары Гагарин кубогының ярымфиналында «Локомотив» менән осраша

Яҡтар араһындағы серия 27 апрелдә Ярославлдә башлана. Плей-оффтың өсөнсө этабын сығыу өсөн кисә Виктор Козлов тәрбиәләнеүселәре «Спартак» менән етенсе осрашыу үткәрҙе. «Өфө-Арена»лағы был уйын көйәрмәндәрҙә айырыуса ҙур ҡыҙыҡһыныу уятты. Билеттар тиҙ арала һатылып бөттө, ә алыпһатарҙар хаҡты бер нисә тапҡырға күтәрҙе. Башҡортостан юлдаш телевидениеһы ла тамашасылар һаны буйынса рекорд ҡуйҙы.

Баймаҡ ҡалаһында Бөйөк Еңеүҙең 80 йыллығына арналған «Зарница 2.0» уйыны үтте

«Беренселәр хәрәкәте» зарницаны тергеҙә. Баймаҡ ҡалаһында Бөйөк Еңеүҙең 80 йыллығына арналған «Зарница 2.0» уйыны үтте. Тулыраҡ БЮТ хәбәрселәре әҙерләгән яҙмала.

Өфөлә Башҡорт дәүләт медицина университеты клиникаһының яңы корпусы төҙөлөшөнә старт бирелде

Өфөлә Башҡорт дәүләт медицина университеты клиникаһының яңы корпусы - Трансляция медицина институты төҙөлөшөнә старт бирелде. Тантаналы сарала Башҡортостан башлығы Радий Хәбиров ҡатнашты. Яңы объектта онкология һәм кардиология профиле буйынса пациенттарға алдынғы юғары технологиялы ярҙам күрһәтелеүҙән тыш, һаулыҡ һаҡлау өлкәһе өсөн кадрҙар әҙерләү ҙә ҡаралған.

Башҡортостанда ижад йүнәлеше яңы һулыш ала

Төбәктә «Креатив индустриялар сәғәте» һәм төбәк башлығы ҡарамағында яңы Совет булдырыласаҡ. Бының өсөн ойоштороу структураһы һәм норматив-хоҡуҡи база булдырылған, мөмкин булған ярҙам саралары тикшерелә. Был турала Радий Хәбиров вуз-ара студенттар кампусында үткән төбәктең креатив индустрия вәкилдәре менән осрашыуҙа белдерҙе.

Ҡоролтайҙа фронтовик депутаттарҙың фотоэкспозицияһы асылды

Башҡортостан башлығы Радий Хәбиров Дәүләт Йыйылышы - Ҡоролтайҙа Бөйөк Ватан һуғышында ҡатнашҡан БАССР-ҙың Юғары Советы депутаттарына арналған фотоэкспозицияны ҡараны. Күргәҙмә Бөйөк Еңеүҙең 80 йыллығына арнала.

Өфө Арена боҙ һарайы алдында Еңеү парадына сираттағы репетиция үтте

Бөгөн Өфө Арена боҙ һарайы алдында Бөйөк Ватан һуғышында Еңеүҙең 80 йыллыҡ юбилейына арналған Еңеү парадына сираттағы репетиция үтте. Бер тактҡа, бер тигеҙ итеп һәм бер тиҙлектә атларға. Кәүҙә төҙ, ғорур ҡиәфәт, йөҙҙәрҙә йылмайыу булырға тейеш. Еңеүселәр вариҫтарына был талаптар һәр репетиция һайын ҡуйыла. Әле беренсе тапҡыр парадта ҡатнашыусылар өсөн хәрби марш еңел бирелмәй.

Июндә Өфөлә түләүле парковкалар эшләй башлай

Баш ҡаланың тарихи үҙәгенә ҡараған урамдарҙа парковканың 1 cәғәте 40 һум буласаҡ. Тәүге 20 минут өсөн түләргә кәрәкмәй. Яңы ҡағиҙәләр буйынса парковка урыны өсөн түләү эш көндәрендә иртәнге сәғәт етенән киске туғыҙға тиклем ғәмәлдә. Төндә, ял һәм байрам көндәрендә парковка менән бушлай файҙаланып буласаҡ. Тулыраҡ мәғлүмәт киләһе яҙмала.

Ауыл йәштәре өсөн һөнәри йыйылыш

Башҡортостан Башлығы грантына ауыл йәштәре форумы. Ауылдарҙа төпләнеп йәшәр һәм эшләр өсөн ҡыҙҙарға һәм егеттәргә ниндәй мөмкинлектәр бар, маҡсатлы юллама буйынса ҡайҙа юғары һәм махсус техник белем алырға мөмкин? Урал аръяғы агросәнәғәт колледжының Әбйәлил ауылы филиалында һәм район мәктәптәрендә ойошторолған һөнәри йүнәлеш биреү осрашыуҙары хаҡында репортаж.

Гөлсирә Ғиззәтуллинаның хикәйәһе буйынса «Яратам, тип әйтеп өлгөрмәнем» спектакленең премьераһы үтте

Мәжит Ғафури исемендәге Башҡорт дәүләт академия драма театры сәхнәһендә билдәле башҡорт яҙыусыһы Гөлсирә Ғиззәтуллинаның хикәйәһе буйынса «Яратам, тип әйтеп өлгөрмәнем» спектакленең премьераһы үтте. Ул Бөйөк Еңеүҙең 80 йыллығына арналған.

Башҡортостан халҡы төҙөкләндерелергә тейешле йәмәғәт биләмәләрен һайлай

Бер нисә көн эсендә 227 мең кеше фекерен белдергән. Бүздәк, Дүртөйлө, Мәсетле, Краснокама, Иглин, Ишембай, Стәрлебаш, Бөрйән райондары халҡы айырыуса әүҙем. Йәмәғәт биләмәләре "Тормош өсөн инфраструктура" милли проектына ярашлы тәртипкә килтерелә. Әле 2026 йылда башҡарыласаҡ эштәр өсөн тауыш биреү бара.

❤ Радий Хәбиров: «Тулҡындандырғыс йыр!»

🎼Республика Башлығы МХО яугирҙарына арналған «Батырҙар» тип аталған яңы йыр менән уртаҡлашты, уны Башҡортостандың халыҡ артисы Рәсүл Ҡарабулатов һәм Өфө мэры урынбаҫары Денис Ғәниев башҡара.

🔥Иғтибарығыҙға клибын тәҡдим итәбеҙ!

Депутаттар юл соҡорҙарын ямау өсөн бүленгән аҡсаның нисек тотонолоуын тикшерә

Депутат Флүр Нурлығаянов әйтеүенсә, әле юлдар ремонт сифаты бүленгән аҡсаға торошло түгел. Насар юл авариялар артыуына килтерә. Шуға депутаттар һәм эксперттар ҡатнашлығында контроль булырға тейеш. Контроль-иҫәп палатаһы был тәҡдимде хупланы. Палата рәйесе Константин Шаһиморатов белдереүенсә, ремонт тамамланғас, 15 июндән һуң юлдар өсөн бүленгән аҡсаның маҡсатҡа ярашлы тотонолоуын баһаларға мөмкин.

Башҡортостан "Бумбатл" Бөтә Рәсәй акцияһына ҡушылды

Халыҡ йыл әйләнәһенә макулатура тапшыра ала. Был турала Тәбиғәттән файҙаланыу һәм экология министрлығынан хәбәр итәләр. Акцияла теләгән һәр кешенең ҡатнашыу мөмкинлеге бар. Бының өсөн проект сайтында теркәлергә кәрәк. "Бумбатл" һөҙөмтәләре киләһе йылдың мартында иғлан ителә.

Шишмә районы Балағуш ауылында модулле ФАП төҙөлә

Һаулыҡ һаҡлау министрлығынан хәбәр итеүҙәренсә, ул күрше ауылдар халҡын да хеҙмәтләндерә, медицина учреждениеһында 230-ҙан ашыу кеше теркәлә. Бина заманса йыһазландырыла. Шишмә районында шулай уҡ Енғалыш ауылында фельдшер-акушер пунктына нигеҙ һалынды.

Башҡортостанда ир-егеттәр контракт килешеүе буйынса хәрби хеҙмәткә ҡабул ителә

Егеттәр «Защитник» үҙәгендә «берҙәм тәҙрә» ысулы буйынса медицина тикшереүе үтә, банк картаһы аса һәм документтарҙы туплап алғы һыҙыҡҡа юллана ала. Үҙәктә анализ тапшырыу һәм медицина тикшереүе үтеү өсөн тейешле шарттар тыуҙырылған. Өс тапҡыр туҡланыу, йәшәү бүлмәләре ҡаралған. Бөтә хеҙмәттәр бушлай күрһәтелә. Хәрби контракт төҙөүсегә үҙе менән документ һәм юлға сығыу өсөн кәрәк-яраҡ алырға ғына кәрәк.

Рәсәй мәктәптәрендә дәрестәр теҙмәһе бер төрлө була

Яңы норма 1 сентябрҙән ҡабул ителә. Был турала федераль Мәғариф министры Сергей Кравцов белдерҙе. - Шулай уҡ контроль һәм тикшереү эштәре бер системаға һалына. Улар программа буйынса ҡаралған дәрестәрҙең 10 процентынан артмаҫҡа тейеш, - тине ул.

Өфөлә табиптар хәрби-ялан хирургияһы буйынса тәжрибә туплай

Табиптар хәрби-ялан хирургияһын үҙләштерә. Өфөнөң Евразия фән-белем биреү үҙәгендә барған ғилми-ғәмәли конференцияла Волга буйы федераль округы субъекттарынан хирургтар, травматологтар, анестезилогтар - бөтәһе 300-гә яҡын табип ҡатнаша. Проект Стратегик башланғыстар агентлығы ярҙамында тормошҡа ашырыла.

Радий Хәбиров креатив индустрияларҙы үҫтереү буйынса фонд барлыҡҡа килеүен иғлан итте

Республика башлығы Радий Хәбиров креатив индустрияларҙы үҫтереү буйынса фонд барлыҡҡа килеүен иғлан итте. Ижади проекттарҙы финанслауға дөйөм алғанда 50 миллион һум аҡса йүнәлтелә. Башҡортостанда был йүнәлешкә иғтибар көсәйә, айырым совет ойошторолоуы ла шуға дәлил.