Бөгөн Ғабдрахман Ҡадыров исемендәге техник спорт әҙерлеге үҙәгенә 25 йыл

Ул Өфөнөң “Төҙөүсе” стадионы базаһында спорт клубы булараҡ асыла. Үҙәк янында мотоспорт буйынса балалар һәм үҫмерҙәр спорт техник мәктәбе эшләй. Боҙҙа мотоциклдарҙа уҙыш буйынса “Башҡортостан” командаһы - ил беренселегендә, үҙәк тәрбиәләнеүселәре- Дмитрий Буланкин, Николай Красников, Андрей Шишегов, Николай Акимов, Борис Самородов донъя, Европа һәм Рәсәй чемпионаттарында күп тапҡырҙар еңеүсе булды.

Башҡортостан пенсионерҙарына саф һауала фитнес менән шөғөлләнергә тәҡдим итәләр

"Икенсе һулыш. Өлкәндәр өсөн фитнес" тигән проект ғәмәлгә ашырыла. Ул 5 майҙан уҙғарыла. Өфөнән 30 кеше саф һауала тренер менән бушлай шөғөлләнә. Күнекмәләр Яҡутов исемендәге паркта аҙнаһына ике тапҡыр була.

Дыуан районы Ярославка ауылынан тыл ветераны Лидия Ситчихина 100 йәшлек юбилейын билдәләне

Урындағы хакимиәт вәкилдәре йөҙйәшәр инәйҙе тыуған көнө менән ҡотланы. Лидия Степановнаның бала сағы ауыр һуғыш йылдарына тура килә, меңләгән тыл эшсәндәре кеүек, ул да Еңеүгә үҙ өлөшөн индерә. Алты йәшенән умарталыҡта ярҙамсы, һуңынан колхозда эшләй. Әле ветеранға туғанының ғаиләһе ярҙам күрһәтә.

Башҡортостан халыҡтары милли кейем көнөн билдәләй

Бөгөн - Башҡортостан халыҡтары милли кейем көнөн билдәләй. Рәсми рәүештә 2020 йылдан башлап уҙғарылған сара быйыл бишенсе тапҡыр ойошторола. Иң сағыу һәм матур байрамдарҙың береһе төбәктә йәшәгән халыҡтарҙың йолаларын һәм мәҙәниәтен үҫтереүгә йүнәлтелгән.

Өфөнән Павловкаға илткән трассала асфальт яңыртыла

Әле Нуриман районының Красный Ключ ауылы аша үткән юл ремонтлана. Төҙөкләндереү эше «Тормош өсөн инфраструктура» милли проектына ярашлы башҡарыла.

Ҡоролтайҙа махсус хәрби операцияла ҡатнашыусы депутаттар тураһында күргәҙмә асылды

Дәүләт Йыйылышы - Ҡоролтай йортонда масхус хәрби операцияла ҡатнашҡан төрлө кимәл депутаттарға арналған күргәҙмә асылды. Экспозиция Республиканың Хәрби дан музейы менән берлектә ойошторолған. Стендта масхус хәрби операцияла ҡатнашҡан 84 депутат тураһында мәғлүмәт бирелгән.

Өфөлә Бөйөк Еңеүҙең 80 йыллығына арналған хәрби парад репетицияһы уҙҙы

Унда ике меңдән ашыу кеше ҡатнашты. Был ваҡиға барыбыҙ өсөн дә ҙур әһәмиәткә эйә, шуға ла әҙерлек айырыуса етди бара. Ғәҙәттәгесә, репетиция «Өфө-Арена» боҙ һарайы алдындағы майҙанда үтте.

Баш ҡалала янғын-ҡотҡарыу спорты буйынса Өфө беренселеге үтте

Бөйөк Еңеүҙең 80 йыллығына арналған ярыш баш ҡала янғын һағы идаралығының Чесноковка ҡасабаһындағы уҡыу полигонында ойошторолдо. Унда Өфөнөң янғынға ҡаршы көрәш бүлексәләре хеҙмәткәрҙәре көс һынашты.

Башҡортостанда быйыл 428 кеше талпан ҡаҙалып табипҡа күренгән

Был турала ҡулланыусылар хоҡуҡтарын яҡлау хеҙмәтенән хәбәр итәләр. Ведомство белгестәре тәбиғәткә сыҡҡанда, баҡса эштәре барышында хәүефһеҙлек ҡағиҙәләрен үтәргә кәңәш итә. Республикала халыҡ күпләп йөрөгән урындар талпанға ҡаршы препарат менән эшкәртелә.

Радий Хәбиров Салауат районына эш сәфәре сиктәрендә эшҡыуарҙар менән осрашты

Башҡортостан башлығы Радий Хәбиров Салауат районына эш сәфәре сиктәрендә эшҡыуарҙар менән осрашты. Төбәк етәксеһе менән асыҡ һөйләшеү барышында урындағы бизнес вәкилдәрен борсоған тиҫтәләгән һорау хәл ителде. Көн тәртибендә Радий Хәбиров Салауат Юлаев музейын төҙөкләндереү, «Янғантау» геопаркы инфраструктураһын үҫтереү мәсьәләләренә бағышланған ултырышта ҡатнашты. Төбәк етәксеһе ҡарары менән Дыуан күп профилле колледжын төҙөкләндереү пландары билдәләнде.

Башҡортостанда «Проффест» вакансиялар йәрминкәһе 700-ҙән ашыу ойошманы берләштерҙе

Башҡортостанда йәшәүселәргә яңы вакансиялар һәм карьера буйынса үҫеш мөмкинлеге. «Проффест. Рәсәй эше. Мөмкинлектәр ваҡыты» тип исемләнгән эшкә урынлашыу йәрминкәһенең төбәк этабында ете йөҙҙән ашыу предприятие-ойошма ҡатнашып, хеҙмәт баҙарында ихтыяж менән файҙаланылған һөнәрҙәр буйынса консультациялар алып барҙы. Шулай уҡ сарала мәктәп уҡыусылары һәм студенттар өсөн профориентация майҙансыҡтары эшләне.

Өфөлә Ағиҙел аша һалынған аркалы күперҙе тоташтырҙылар

«Алтын киҫелеш». Өфө халҡы өсөн мөһим ваҡиға- төҙөүселәр Ағиҙел аша һалынған күпер ярҙарын тоташтырҙы. «Алтын киҫелеш» - капиталь ремонттың иң ҡатмарлы этаптарының береһе. 1956 йылда төҙөлгән объект авария хәлендә була һәм күптән яңыртыуҙы талап итә. Ҡала халҡы өсөн был төп инеү һәм ҡаланан сығыу юлы. Яңыһы төҙөлгәндән һуң 2022 йылда иҫке аркалы күперҙә капиталь ремонт башлана.

Махсус хәрби операция биләмәһенә Стәрлетамаҡ ҡалаһы һәм районынан оҙатылған гуманитар ылау барып еткән

Ышаныслы тыл. Махсус хәрби операция биләмәһенә Стәрлетамаҡ ҡалаһы һәм районынан оҙатылған гуманитар ылау барып еткән. Йөк автомобилдәренә фронтҡа кәрәкле әйберҙәр тейәлгән. Яугирҙар янына йөктө муниципаль берәмектәрҙең хакимиәт башлыҡтары ла оҙатып барҙы. 1812 йылғы Ватан һуғышы геройы-Ҡаһым түрәнең яҡташтары йыйған ярҙамды махсус хәрби операция биләмәһендә беҙҙең хәрби БЮТ хәбәрсеһе ҡаршы алды.

Бөйөк Ватан һуғышы ветераны Николай Ключниковҡа орден планкаһы тапшырылды

Благовар районында йәшәүсе Бөйөк Ватан һуғышы ветераны Николай Ключниковҡа орден планкаһы бүләк ителде. Бөйөк Еңеү көнө алдынан 99 йәшлек ветеран Социаль страховкалау фонды бүлексәһендә тантаналы рәүештә тәбрикләнде. Ветеранға Рәсәйҙең пенсия һәм социаль страховкалау фонды етәксеһе Сергей Чирковтың ҡотлау открыткаһыла тапшырылды.

Башҡортостан халыҡтары милли кейеме көнө уңайынан Өфөлә мәҙәни саралар уҙҙы

Бөгөн - Башҡортостан халыҡтары милли кейем көнөн билдәләй. Рәсми рәүештә 2020 йылдан уҙғарылған сара быйыл бишенсе тапҡыр ойошторола. Төбәктә йәшәгән халыҡтарҙың йолаларын һәм мәҙәниәтен үҫтереүгә йүнәлтелгән байрам уңайынан төрлө ойошмаларҙа, майҙандарҙа күләмле саралар үтә.

Баймаҡ ҡалаһында ла милли кейем көнө киң билдәләнде

Милли кейемдәрҙә халыҡ тарихы. Баймаҡ ҡалаһында ла милли кейем көнө киң билдәләнде. Ул төрлө милләт халыҡтары араһында берҙәмлекте, татыулыҡты нығытыуға ҡоролдо.

Баш ҡаланың «Дуҫлыҡ монументы» майҙанында ижади коллективтар үҙенсәлекле акция ойошторҙо

Катюша йыры төрлө телдә яңғыраны. Баш ҡаланың «Дуҫлыҡ монументы» майҙанында ижади коллективтар үҙенсәлекле акция ойошторҙо. Һәүәҫкәр артистар Башҡортостанда йәшәүсе төрлө халыҡтарҙың милли кейемдәрен кейеп бер ансамблгә тупланды.

Ҡырмыҫҡалы районы үҙгәрештәр кисерә: колледж яңыртыла, поликлиника эшен башлап ебәрҙе

Киләһе йыл Ҡырмыҫҡалы ауылындағы Ауырғазы күп профилле колледжы филиалында күләмле төҙөкләндереү эштәре башлана. Башҡортостан башлығы Радий Хәбиров тәҡдиме менән ул урта һөнәри белем биреү учреждениеларын яңыртыу программаһына индереләсәк. Бөгөн төбәк етәксеһе шулай уҡ район үҙәк дауаханаһының яңы балалар поликлиникаһы эшмәкәрлеге менән танышты. «Хәтер баҡсаһы» Халыҡ-ара акцияһында ҡатнашты.

Радий Хәбиров Салауат районында махсус хәрби операцияла һәләк булған яугирҙарҙың ғаиләләре менән осрашты

Башҡортостан башлығы Радий Хәбиров Салауат районында махсус хәрби операцияла һәләк булған яугирҙарҙың ғаиләләре менән осрашты. Төбәк етәксеһе хәрби хеҙмәткәрҙәрҙең туғандарының ауыр ҡайғыһын уртаҡлашты, генерал Шайморатов орденын тапшырҙы. Республика етәксеһе төбәктә махсус хәрби операцияла ҡатнашыусыларға һәм уларҙың ғаиләләренә 40-тан ашыу ярҙам сараһы ғәмәлдә булыуын билдәләп, Салауат районы хакимиәтенә хәрби хеҙмәткәрҙәрҙең туғандарына тейешле ярҙам күрһәтеүҙе контролдә тоторға ҡушты.

Башҡортостанда «Сәләмәт республика – сәләмәт төбәк» акцияһы старт ала

Башҡортостанда йәшәүсе һәр кемгә диагностик ярҙам күрһәтелһен, хроник сирҙәр башланғыс осорҙа асыҡланһын өсөн... Дүшәмбенән Башҡортостанда «Сәләмәт республика - сәләмәт төбәк» акцияһы башлана. Өфө һәм республика медицина учреждениелары белгестәре «Сәләмәтлек поездарында» райондарҙы урап сығасаҡ. Теманың дауамы киләһе яҙмала.