Башҡортостанда ишле ғаиләләргә ярҙам арта

Дәүләт Йыйылышы – Ҡоролтайҙа закон проекты әҙерләнгән. Уға ярашлы, күп бала тәрбиәләгән ата-әсәләргә эшкә урынлашыуҙа ярҙам күрһәтелә. Парламент рәйесе Константин Толкачев белдереүенсә, ҡанун ҡабул ителһә бындай төркөм кешеләре сираттан тыш эш урыны менән тьәмин ителә. Закон проекты апрель аҙағында парламенттың пленар ултырышында ҡарала.

Өфөлә зәңгәр яғыулыҡ өсөн тәүге инновацион двигатель һынау үтте

Өфө моторҙар эшләү производство берекмәһендә зәңгәр яғыулыҡ транспартировкаһы өсөн ҡаралған двигатель һынауҙары тамамланды. Ҡеүәтле сәнәғәт газтурбинаһы эшмәкәрлеге менән Башҡортостан бпашлығы Радий Хәбиров танышты.

Махсус хәрби операцияла ҡатнашыусыларҙың ғаилә ағзаларына айырыуса иғтибар

Көйөргәҙе районының халыҡ мәшғүллеге үҙәге хәрбиҙәрҙең туғандарын эш урындары менән тәьмин итеүҙә ҙур ярҙам күрһәтә. Хәҙер ул Рәсәйҙә эш» кадрҙар үҙәге тип аталған яңыртылған, төҙөкләндерелгән форматта эшләй. Йыл башында ғына асылыуына ҡарамаҫтан, халыҡ мәшғүллеген тәьмин итеү буйынса ҙур эштәр башҡарылған. Ентекләберәк сираттағы яҙмала.

Стәрлетамаҡ районында яҙғы сәсеү эштәренә арналған агро-конференция үтте

Ауыл хужалығы эшсәндәре район етәкселеге менән берлектә баҫыу миҙгеленә әҙерлек мәсьәләләрен тикшерҙе. Конференцияла аграрийҙар өсөн ҡаралған дәүләт ярҙамы саралары иғтибар үҙәгендә булды.

Шаран районында яҙғы баҫыу эштәренә арналған конференция үтте

Крәҫтиән-фермер хужалыҡтары, агрономдар һәм Туймазы агросәнәғәт колледжының Шаран районындағы филиалы ҡатнашлығындағы сарала мөһим кампанияға бәйле һорауҙар күтәрелде. Быйыл сәсеү эштәре 48 мең гектарға яҡын майҙанда башҡарыласаҡ. Был былтырға ҡарағанда,1150 гектарға күберәк.

Өфөлә «Яман шеште дауалау, заман хирургия алымдары»на бәйле конференция үтте

Республика клиник онкология диспансерында «Яман шеште дауалау, заман хирургия алымдары»на бәйле Халыҡ-ара ғилми-ғәмәли конференция үтте. Мәскәүҙең билдәле онкологтары Башҡортостан белгестәре менән бергә ҡатмарлы операция яһаны, тәжрибә уртаҡлашты. Операция барышын БЮТ ижади төркөмө лә күҙәтте.

Тоталь диктант йәнә рус теле һәм әҙәбиәте һөйөүселәрҙе берләштерҙе

Диктантты донъяның теләһә ҡайһы нөктәһенән онлайн форматта ла яҙырға мөмкин ине. Теләгән һәр кем үҙ белемен тикшерә алды. Өфө ҡалаһы майҙансыҡтарында уҙған акция тураһында киләһе яҙмала.

Өфө Рәсәйҙә беренсе булып «Бөтә донъя һөнәрселек ҡалаһы» Халыҡ-ара статусына эйә булды

Кәсепселек үҫешкән ҡалалар исемлеге 2014 йылда формалаша башлаған, әле унда Иран, Һиндостан, Ҡытай, Ҡаҙағстан, Үзбәкстан һәм башҡа илдәрҙән 60-ҡа яҡын ҡала ингән. Өфөнө «Ағас һәм таштарҙы художестволы эшкәртеү һәм биҙәү буйынса» баһалар өсөн ғинуарҙа Бөтә донъя һөнәрселек Советы делегацияһы килгәйне.

Сибайҙа «Мәғариф: инновацион алымдар һәм тәрбиәүи практикалар» педагогик конференцияһы үтте

Сибайҙа «Мәғариф: инновацион алымдар һәм тәрбиәүи практикалар» тип исемләнгән төбәк-ара педагогик конференция үтте. Ватанды һаҡлаусылар һәм Бөйөк Еңеүҙең 80 йыллығына бағышланған сараны Рамаҙан Өмөтбаев исемендәге башҡорт лицейы ҡабул итте.

Өфөлә дрондарҙы осороу буйынса асыҡ ҡала фестивале үтте

Ватанды һаҡлаусылар һәм Бөйөк Еңеүҙең 80 йыллығына арналған сарала республика район-ҡалаларын 8 мәғариф учреждениеһы ҡатнашты. Фестиваль «Глобус» балалар сәнғәт үҙәге Өфө ҡала хакимиәтенең мәғариф идаралығы ярҙамында ойошторолдо. Әйткәндәй, «ТехноГлобус» IT - паркы былтыр эш башлауға ҡарамаҫтан, бөгөн унда 500-ҙән ашыу мәктәп уҡыусыһы шөғөлләнә. Ата-әсәләр араһында ла ҡыҙыҡһыныу көслө.

Өршәк йылғаһы аша һалынған күперҙә ремонт эштәре ике аҙнаға ҡыҫҡартылды

Өфө-Ырымбур трассаһы аша үткән обьектта төҙөкләндереү 3 июндә башлап, август башына тамамлау ҡарала, тип белдерәләр “Приуралье” юл идаралығынан. Ремонт осоронда күперҙә өс һыҙат буйынса транспорт йүнәлеше светофор ярҙамында көйләнә. Иртән Өфөгә барышлай, кисен баш ҡаланан сыҡҡан юл һыҙат асыҡ була.

Башҡортостанда балыҡ тотоуға сикләү көсөнә инә

Төп һыу ятҡылыҡтарында балыҡтың ыуылдырыҡ сәсә башлауы көтөлә. 15 июнгә тиклем ярҙан тороп бер ҡармаҡҡа ғына тотоу рөхсәт ителә. Закон боҙоусыларға штраф балыҡ төрөнә ҡарап 21 мең һумға етеүе мөмкин. Сикләү 15 апрелдән ғәмәлдә була.

Мөнир Ҡунафиндың яңы китабы донъя күрҙе

Билдәле журналист, яҙыусы, «Ағиҙел» әҙәби журналы мөхәррире Мөнир Ҡунафиндың яңы китабы донъя күрҙе. Был яңылыҡ менән социаль селтәрҙәрҙә Радий Хәбиров уртаҡлашты. Махсус хәрби операция башланғандан алып бөтә республика яугирҙарға ярҙам итә. Был эшкә беҙҙең ижади интеллигенция, шул иҫәптән Башҡортостан яҙыусылар союзы ла әүҙем ҡушылды.

Шаран районының йыл әйләнәһенә эшләгән «Бригантина» лагерында Батырлыҡ дәресе уҙҙы

Осрашыу район ветерандар советы һәм «Ватанды һаҡлаусылар» дәүләт фондының урындағы филиалы көсө менән ойошторолдо. Йәштәрҙе илһөйәрлек рухында тәрбиәләү фонд эшмәкәрлегендәге мөһим йүнәлештәрҙең береһе. Осрашыуҙа махсус хәрби операцияла хеҙмәт иткән «Варик» ҡушаматлы яугирҙың ата-әсәһе Инзирә менән Аркадий Сәйетовтар улдарының бала сағы, уның бәләкәйҙән спортҡа ылығып үҫеүе, һәр эшкә яуаплылыҡ менән тотоноуы тураһында һөйләне.

Өфөнөң Яркий биҫтәһендә 1225 урынлыҡ мәктәп төҙөлә

Белем усағы концессия килешеүе буйынса һалына. Баш ҡаланың 450 йыллығына арналған объект федераль һәм республика ҡаҙнаһынан финанслана.

Баймаҡта үҙешмәкәр сәнғәт смотр-конкурсы башланды

Ватан һаҡсыларына дан йырлап. Баймаҡ ҡалаһының мәғариф учреждениелары, йәмәғәт ойошмалары араһында үҙешмәкәр сәнғәт смотр-конкурсы башланды. Ул Бөйөк еңеүҙең 80 йыллығына һәм Ватанды һаҡлаусылар йылына арналған. Тулыраҡ киләһе яҙмала.

Башҡортостан спортсыһы тау саңғыһы буйынса донъя чемпионатында миҙалдар яуланы

«Өфө» Халыҡ-ара аэропортында Францияла тау саңғыһы буйынса донъя чемпионатында миҙалдар яулаған спортсыны ҡаршы алдылар. Карина Закирова мөмкинлектәре сикләнгән кешеләр өсөн ярышта беренсегә ҡатнашҡан. Башта яҡташыбыҙ супер-гигант һәм гигант слаломда бронза алһа, артабан турнирҙың йомғаҡлау этабында ла тау саңғыһы комбинацияһы буйынса уңышҡа өлгәште.

Шишмә районында милли яндан уҡ атыу буйынса тәүге республика чемпионаты уҙҙы

Шишмә районының «Турахан» кәшәнәһе биләмәһендә милли яндан уҡ атыу буйынса беренсе республика чемпионаты үтте. Башҡортостандың ике тиҫтәнән ашыу район-ҡалаһынан килгән 80 ҡатнашыусы «Көмбәҙ» һәм «Тиҙ атыш» тип исемләнгән тәүге тапҡыр ойошторолған ярыштарҙа сығыш яһаны.

Өфөлә «Именлек» республика геронтология үҙәгенең яңы корпусы тулы ҡеүәттә эш башланы

Социаль учреждениела ҡарттар һәм мөмкинлектәре сикләнгән граждандарҙы даими ҡарау өсөн уңайлы шарттар булдырылған. Башҡортостан башлығы Радий Хәбиров менән Рәсәйҙең хеҙмәт һәм халыҡты социаль яҡлау министры урынбаҫары Магомед Абдулхәлимов үҙәктәге йәшәү, туҡланыу, дауаланыу урындарын юғары баһалап, ошондай күләмле төҙөлөш эштәренең мөһимлеген билдәләне.

Радий Хәбиров Магомед Абдулхәлимов менән осрашты

Бөгөн Башҡортостан башлығы Рәсәйҙең хеҙмәт һәм халыҡты социаль яҡлау министры урынбаҫары Магомед Абдулхәлимов менән осрашты. Радий Хәбиров әйтеүенсә, республика федераль ведомство менән әүҙем хеҙмәттәшлек итә. Төбәктә социаль өлкәгә ҙур иғтибар бүленә, һуңғы йылдарҙа егерменән ашыу учреждение файҙаланыуға тапшырылған. Осрашыуҙа пансионаттар төҙөгәндә дәүләт-шәхси партнерлыҡтың тәжрибәһе, балаларҙы, оло йәштәге граждандарҙы һәм инвалидтарҙы ҡарау тураһында ла һүҙ барҙы.