«Өфө динамик» командаһы «Транспорт инженерҙары» конкурсынан ҙур еңеү менән ҡайтты

«Башҡортостан Кванториумы» балалар технопаркында шөғөлләнгән «Өфө динамик» командаһы «Транспорт инженерҙары» Бөтә Рәсәй балалар инженер уйлап табыуҙары конкурсынан ҙур еңеү менән ҡайтты.

Сибайҙа Сәфәрғәле Йәнтүриндың «Татлы байҙан башланған юл» исемле китабының исем туйы үтте

Сибай институтында ғалим, биология фәндәре докторы, профессор Сәфәрғәле Йәнтүриндың «Татлы байҙан башланған юл» исемле китабының исем туйы үтте. Сара ғалимдың 80 йәшлек юбилейы уңайынан ойошторолдо. Юбилярҙы ҡотларға уҡытыусылар, студенттар, үткән йылдарҙағы сығарылыш уҡыусылары, дуҫтары йыйылды.

Башҡортостанда студенттар отрядын 9 меңгә еткереү бурысы ҡуйылған

Йыл аҙағына тиклем Башҡортостанда студенттар отрядын ағзаларын 9 меңгә тиклем еткереү бурысы ҡуйылған. Хәрәкәтте үҫтереү буйынса өҫтәмә саралар күрелә. Был турала республика башлығы Радий Хәбиров ҡатнашлығында үткән ведомство-ара координация советының тәүге ултырышында билдәләнде. Оператив штаб ҡарарына ярашлы, предприятие һәм ойошмалар менән берлектә 43 хеҙмәт проектын тормошҡа ашырыу ҡаралған.

Радий Хәбиров милләт-ара бәйләнештәр буйынса совет ултырышын уҙғарҙы

Башҡортостан башлығы Радий Хәбиров милләт-ара бәйләнештәр буйынса совет ултырышын уҙғарҙы. Эшлекле осрашыу махсус хәрби операция шарттарында мәғлүмәт һәм милләт, конфессия-ара тотороҡлоҡҡа янаған хәүефтәргә арналды. Төбәк етәксеһе билдәләүенсә, һуңғы йылдарҙа совет идара итеү командаһы, ғалимдар, дини эшмәкәрҙәр һәм төрлө өлкә белгестәре өсөн асыҡ диалог майҙансығына әйләнде.

Башҡортостан Хөкүмәтендә казактар ойошмалары буйынса координация советы ултырышы үтте

Бөгөн Башҡортостан Хөкүмәтендә казактар ойошмалары буйынса координация советы ултырышы үтте. Уны Премьер-министрҙың беренсе урынбаҫары Урал Килсенбаев алып барҙы.
Әлеге ваҡытта республикала тиҫтәнән ашыу казактар ойошмаһы иҫәпләнә, уларҙа 300-ләп кеше ағза булып тора. Башҡортостан казактарының тарихы Өфө ҡәлғәһенә нигеҙ һалынған осорға барып тоташа, 2024 йылда улар үҙәренең 450 йыллығын билдәләгән.

Башҡортостан парламентына 30 йыл

Башҡортостан парламентына 30 йыл. Тарихи дата айҡанлы бөгөн Дәүләт Йыйылышы - Ҡоролтай йортонда ғилми-ғәмәли конференция үтте. Сарала төбәк парламентаризмының үҫеш юлы, эш тәжрибәһе һәм киләсәккә пландары ҡаралды.

Башҡортостанда яҙғы ташҡындан зыян күреүселәргә аҡсалата компенсация түләнәсәк

Төбәк башлығы Радий Хәбиров ҡарарына ярашлы, торлаҡ мөлкәтен, мал-тыуарын юғалтыусыларға республика ярҙамы ҡаралған. Республикала оло һыу фаразланған ваҡыттан ике аҙнаға иртәрәк килде. Урындағы халыҡтың хәүефһеҙлеген тәьмин итеүгә төбәктә бөтә ведомстволар әҙерләнгән.

Башҡортостандың дүрт юғары уҡыу йорто «Өҫтөнлөк - 2030» федераль программаһына инде

Был турала бөгөн Республиканың Фән һәм юғары белем буйынса дәүләт комитеты рәйесе беҙҙең телеканалға биргән интервьюһында һөйләне. Хәтерегеҙгә төшөрәбеҙ, уҙған аҙнала Башҡорт дәүләт медицина, аграр, нефть техник, шулай уҡ Өфө фән һәм технологиялар университеттары Мәскәүҙә «Өҫтөнлөк - 2030» проекты буйынса үҫеш программаларын яҡланы. Осрашыу 101 юғары уҡыу йорто араһында үткән.

Башҡортостанда туберкулезға ҡаршы көрәш дауам итә

Туберкулезға ҡаршы көрәш. Республикала 2001 йылдан алып мәкерле сир менән ауырыусыларҙың түбәнәйеүе күҙәтелә. Былтыр Башҡортостанда бер меңдән ашыу кешелә туберкулез асыҡланған. Был Рәсәй буйынса уртаса күрһәткестән юғарыраҡ. Тик балалар һәм үҫмерҙәр араһында сирлеләр артыуы күҙәтелгән. Тулыраҡ киләһе яҙмала.

Республика йәштәре ифтар үткәрҙе

«Торатау» конгресс- холында 200- ҙән ашыу кеше йыйылды. Дини сара Башҡортостандың Йәштәр сәйәсәте министрлығы булышлығында уҙғарылды. Ул махсус хәрби операция хәрбиҙәренә ярҙам йөҙөнән ойошторолдо.

"Толпар" киләһе миҙгелдә "Алтын" дивизионда сығыш яһай

Өфө командаһы йәштәр хоккей лигаһында даими беренселектә көнсығыш конференцияла "Көмөш" дивизионда еңеү яуланы. Шулай уҡ йәш юлаевсыларҙың плей-ин раундында дәғүәсеһе билдәле. Өфө хоккейсылары плей-офта ҡатнашыу өсөн быйыл "Алтын" дивизионда 8-се урын алған "Кузнецк айыуҙары" менән көс һынаша. Тәүге уйын 25 мартта Өфөлә була.

Республикала китап сығарыусылар өсөн конкурс иғлан ителде

“Урал батыр ерендә йыл китабы" ярышының положениеһын “Матбуғат һәм киң мәғлүмәт саралары агентлығы һәм “Китап” нәшриәте төҙөгән. Ойоштороусылар иң яҡшы авторҙарҙы табыу, әҙәбиәт өлгөләрен танытыу, Башҡортостандың ыңғай имиджын булдырыу маҡсатын ҡуя. Иң яҡшы баҫмалар 7 номинация буйынса асыҡлана. Еңеүселәр “Китап байрамы” халыҡ-ара йәрминкәһе барышында бүләкләнә. Уларға иҫтәлекле бүләктәр һәм диплом тапшырыла. Ҡатнашыусыларҙан заявкалар 10 майға тиклем ҡабул ителә.

Торлаҡ-коммуналь хужалыҡ тармағына алты йылда 29 миллиард һум йүнәлтелгән

Премьер-министр Андрей Назаров етәкселегендә үткән кәңәшмәлә шәхси инвестиция йәлеп итеү мәсьәләһе ҡаралды. Унда республика башҡарма власть органдарына муниципаль берәмектәр менән һөҙөтмәле эш алып барырға ҡушылды. Республикала торлаҡ-коммуналь хужалыҡ өлкәһендә тәүге концессия килешеүе 2008 йылда төҙөлгән. Бөгөн Башҡортостанда 4 миллиард һумға 23 килешеү тормошҡа ашырыла.

Башҡортостанда бер тәүлектә 112 системаһына һыу баҫыуға бәйле 21 хәбәр килгән

12 муниципаль берәмектә 17 хәл контролгә алынған. Һыу баҫҡан биләмәләр бар. Һуңғы тәүлектә Йүрүҙән йылғаһы ныҡ күтәрелгән. Салауат районы Сулпан ауылы янында һыу 214 сантиметрға артҡан. Өфө янында Ағиҙел кимәле 88 сантиметрға күтәрелгән, тип хәбәр итәләр Ғәҙәттән тыш хәлдәр буйынса дәүләт комитетынан. Инйәр йылғаһында боҙ шартлатыу эштәре алып барыла. Архангел районында оператив штаб эшен дауам итә.

Быйыл йылғалар ғәҙәттәгенән иртәрәк ташты

Башҡортостанда ташҡындың беренсе тулҡыны алдан фаразланғандан ике аҙнаға иртәрәк башланды. Был турала премьер-министр Андрей Назаров хәбәр итте. -Ғәҙәттә апрелдә генә ҡар ныҡлап ирей ине. Бөгөн 11 районда хәл контролгә алынған. Белгестәр һәм ҡотҡарыусылар тәүлек әйләнәһенә эшләй. Төп маҡсат - халыҡты һәм биләмәләрҙе һаҡлау, бөтә хәүефһеҙлек сараларын күреү, - тине ул.

Бөгөндән Өфөлә "Бурыслы" операцияһы уҙғарыла

Ул 27 мартҡа тиклем дауам итә, тип хәбәр итәләр ҡала автоинспекцияһынан. Суд приставтары, һалым хеҙмәткәрҙәре, автоинспекторҙар машиналарҙы туҡтатып водителдәрҙең штраф һәм һалым буйынса түләнмәгән штрафтарын асыҡлай. Ҙур сумма тейеш булыусыларҙың транспорты ла тартып алыныуы мөмкин.

Силәбелә легендар башҡорт балеринаһы тураһында китап баҫылды

Эмма Тимерғазина тураһында баҫманың авторы - яҙыусы һәм йәмәғәт эшмәкәре Мөнирә Хәлимова. Китапта балеринаның тормошо һәм ижады тураһында мәғлүмәттәр бирелгән, фотоһүрәттәр күрһәтелгән. Башҡортостандың халыҡ артисы Эмма Тимерғазинаға быйыл 87 йәш тулды.

Гөлсимә Иштанованы ихлас ҡотлайбыҙ!

БСТ каналының «Телеүҙәк» һәм башҡа бик күп программалар алып барыусыһы БР Дәүләт Йыйылышы - Ҡоролтайҙың 30 йыллығына арналған журналистар конкурсында «Телевидение һәм радио» номинацияһында 1-се урын яуланы.

Награданы һәм бүләктәрҙе парламент рәйесе Константин Толкачев тапшырҙы.

Башҡортостанда һыу баҫыу сәбәпле ғәҙәттән тыш хәлдәргә ҡаршы саралар күрелә

Уҙған тәүлектә Башҡортостанда 112 системаһының шылтыратыуҙарҙы эшкәртеү үҙәгенә һыу баҫыу тураһында 21 хәбәр килгән.
Архангел, Белорет, Благовар һәм Кушнаренко райондарында йорт алды участкалары һыу эсендә ҡалған. Әлшәй, Архангел, Ауырғазы, Белорет, Ғафури, Ҡырмыҫҡалы, Салауат һәм Саҡмағош райондарында төбәк һәм муниципаль-ара әһәмиәттәге 9 автомобиль юлы участкаһын һыу баҫҡан.

Йомағужа һыуһаҡлағысында аварияға ҡаршы күнекмәләр үтте

Яҙғы ташҡынды үткәреүгә әҙер. Йомағужа һыуһаҡлағысында аварияға ҡаршы күнекмәләр үтте. Сценарий буйынса, һыу кимәле тиҙ күтәрелә башлай, ә һыу ағыҙыу ҡоролмаһын күтәреүсе кран сафтан сыға.