Бөгөн Өфөлә республика хәрби-патриотик йыр конкурсы финалистары бүләкләнә

Еңеүселәр һәм лауреаттар әҙәби, музыка һәм һынлы сәнғәт әҫәрҙәре авторҙары араһында билдәләнә. Уларға аҡсалата приз ҡаралған. Баһалама комиссияһына 120-нән ашыу эш тапшырылған. Башҡортостан дәүләт академия симфоник оркестры генераль директоры Артур Нәзиуллин.
“Конкурс махсус хәрби операция геройҙарының батырлығын данлаған авторҙарҙы билдәләү маҡсатында ойошторола”, - ти баһалма ағзаһы, Башҡортостан кинематографистар берлеге рәйесе Зөһрә Бураҡаева Еңеүселәр бөгөн “Арт-Ҡоролтай” халыҡ-ара мәҙәни форумы барышында бүләкләнә.

Өфөнөң Шаҡша күперендә транспорт өсөн сикләү индерелде

15 апрелгә тиклем ике йүнәлештә лә ситтәге уң яҡ һыҙаттар ябылды. Техника йөрөшө иртәнге сәғәт 9-ҙан көндөҙгө сәғәт 5-кә һәм киске сәғәт 8-ҙән таңғы 6-ға тиклем туҡтатыла. Күперҙә инженер коммуникациялар урынлаштырыла, тип хәбәр итәләр баш ҡала хакимиәтенән.

Былтыр Башҡортостан иҡтисадына инвестициялар күләме 784 миллиард һум самаһы тәшкил иткән

Был төбәк өсөн рекордлы күрһәткес, ул 2023 йылға ҡарағанда 10 процентҡа юғарыраҡ. Был хаҡта Радий Хәбиров инвестиция комитеты ултырышында белдерҙе. Уның билдәләүенсә, йыллыҡ күләмде триллион һумға тиклем еткерергә кәрәк.

Өфөлә «Родина» кинотетарында «Ете ҡыҙ» социаль проектының исем туйы уҙҙы

Проект махсус хәрби операцияла ҡатнашҡандарҙың ғаиләләренә ярҙам итеү маҡсатын тормошҡа ашыра. Бөтә донъя башҡорттары ҡоролтайы аппаратының йәштәр менән эш буйынса баш белгесе, ирекмән Ләйсән Рабаданова махсус хәрби операцияла хеҙмәт иткән, унда һәләк булғандарҙың яҡындарын туплаған. Проекттың исем туйына яугирҙәрҙең әсәләре, ҡатындары, ҡыҙҙары, апай-һеңлеләре килде.

Өфө тимер юл вокзалынан Волгоградҡа тарихи-тематик поезд юлланды

Республиканың төрлө мөйөштәренән 500-ҙән ашыу бала барлыҡ уңайлыҡтар тыуҙырылған ике ҡатлы вагондарҙа патриотик сәфәргә сыҡты. Перронда тарихи клубтар Бөйөк Ватан һуғышы йылдарына арналған интерактив күргәҙмә ҡорҙо.

Өфөнөң Почетлы Гражданины Виктор Погудин: 98 йәшлек ветерандың ҡаһарманлыҡ юлы

Еңеүҙең 80 йыллығы айҡанлы юбилей миҙалы Һәм Өфөнөң почетлы гражданы исеме Бөйөк Ватан һуғышы ветераны Виктор Погудинға тапшырылды. 18 йәшенән Ҡыҙыл армия сафында Украинаны, Польшаны һәм Чехословакияны фашистарҙан азат итеүҙә ҡатнашҡан 98 йәшлек ветеранды олоғайған көнөндә ҡыҙы Любовь ҡарай. Оло быуын вәкиленең шатлығын БЮТ ижади төркөмө лә уртаҡлашты. Был хаҡта тулыраҡ киләһе яҙмала.

Рамаҙан айы дауам итә: Баймаҡ мәсетендә ифтарҙар ойошторола

Мосолмандар өсөн изге Рамаҙан айы дауам итә. Дин ҡәрҙәштәр ураҙа тота, ифтар мәжлестәренә йөрөй, мәсеттәрҙә тәрәүих намаҙҙарына йыйыла. Баймаҡ ҡалаһының «Нәсихәт» мәсетендә лә йылдағыса халыҡ күпләп йөрөй. Бергәләшеп ауыҙ аса, намаҙ уҡый. Теманың дауамы киләһе яҙмала.

Башҡортостан сәнәғәт кластерҙары һаны буйынса Рәсәйҙә алдынғы төбәктәр исемлегендә

Радий Хәбиров етәкселегендә үткән киңәйтелгән совет ултырышында республиканың сәнәғәт тармағы үҫеше һөҙөмтәләре барланды, яңы маҡсаттар билдәләнде. Төбәк етәксеһе Радий Хәбиров Рәсәй сәнәғәт һәм сауҙа министры урынбаҫары Иван Куликов менән Зубов технопаркы эшмәкәрлеге менән танышып, яңы инвестиция проекттарына туҡталды.

Радий Хәбиров «Арт-Ҡоролтай» Халыҡ-ара форумының пленар ултырышында ҡатнашты

Республика башлығы Радий Хәбиров «Арт-Ҡоролтай» Халыҡ-ара форумының пленар ултырышында ҡатнашып, төбәктең мәҙәни ҡаҙаныштары, тармаҡ алдындағы бурыстар менән таныштырҙы. Бер төркөм хеҙмәт алдынғыларына дәүләт наградалары ла тапшырылды. Шулай уҡ тантаналы сарала Башҡортостан дәүләт ҡурайсылар ансамбле яңы автобус асҡысы менән бүләкләнде.

Өфө циркын яңы нормативтарға яраҡлаштырып төҙөкләндереү шарт

Был турала Ҙур Мәскәү дәүләт циркының генераль директоры Эдгард Запашный бөгөн объектты ҡарап сыҡҡандан һуң белдерҙе. Өфө циркы баш ҡаланың йөҙөн билдәләгән тарихи объекттарҙың береһе. Мәҙәни учреждениеға нигеҙ 1968 йыда уҡ һалынған, Өфө циркы ярты быуаттан ашыу тамашасыларҙы мауыҡтырғыс программалар менән һөйөндөргән. Әммә объетҡа бер тапҡыр ҙа капиталь ремонт яһалмаған, һөҙөмтәлә бина таушалып авария хәленә килгән. ә 2017 йылда Өфө циркын эксплуатациялау баш ҡаланың Октябрь районы суды ҡарары менән тыйылған. Цирктың торошо насарыраҡ, емерергә тура килер тип уйлағайным. Бында яңы нормативтарҙы иҫәпкә алып капиталь төҙөкләндереү талап ителә, тине Эдгард Запашный.

Өфөлә бер аҙна эсендә ер убылыуҙың өсөнсө осрағы теркәлде

Шуларҙың береһе ҡаланың юл-төҙөлөш лабораторияһы ҡаршыһында теркәлгән. Бөгөн иртән социаль селтәрҙәрҙә Пархоменко урамы һәм Ибраһимов бульвары киҫелешендә юл япмаһы емерелеп төшөүе тураһында мәғлүмәт барлыҡҡа килә.

Өфөлә «Һөйләүсе ҡала» системаһының презентацияһы үтте

Йәмәғәт транспортында яңы мөмкинлектәр. Бөгөн Өфөлә Салауат Юлаев исемендәге майҙанда «Һөйләүсе ҡала» тип исемләнгән радиомәғлүмәт һәм тауыш ориентерлашыу системаһының презентацияһы үтте. Уның менән әлегә 110-сы маршруттың 15 пассажир автобусы йыһазландырылған.

Ҡайғылы хәбәр...

Билдәле актер, режиссер Вәкил Йосопов арабыҙҙан китеп барҙы. Фотола ул «Өс таған» фильмында Шәрифулла образында.

- Күп белемде мин унан алдым, һөнәр нигеҙҙәренә өйрәндем. Уны фильмға төшөрөп өлгөрөүемә шатмын, - тип яҙа фильм режиссеры Айнур Асҡаров.

Республикала 300-ҙән ашыу ваҡытлыса йәшәү пункты әҙерләнгән

Унда һыу баҫыу ихтималлығы булған биләмәләрҙә йәшәүселәрҙе күсереү ҡарала. Башҡортостан Ғәҙәттән тыш хәлдәр буйынса дәүләт комитеты рәйесе Кирилл Первов ошо турала белдерҙе. Ваҡытлыса йәшәү пункттарына 45 мең кешене урынлаштырырға мөмкин. Быйыл республикала 44 хакимиәттә 300-ҙән ашыу ауылдың ташҡындан зыян күреүе фаразлана. “Йылғаларҙа боҙ тығылыу хәүефе булған урындарҙа шартлатыу эше алып барыла. Боҙ киҫелә һәм ҡарайтыла”- тип белдерҙе Кирил Первов.

Республикала апрелдең икенсе яртыһында яҙғы баҫыу эштәренә старт биреү ҡарала

Ауыл хужалығы министрлығынан ошо турала белдерәләр. Предприятие һәм хужалыҡтар кампанияға әҙерләнә. Уны уңышлы үткәреү өсөн льготалы кредит алырға ниәтләй. Ведомство етәксеһе Илшат Фәзрахманов әйтеүенсә, яҙғы сәсеүҙе уҙғарыу өсөн 30 миллиард һум аҡса кәрәк. Әле Федераль бюджет Башҡортостан агросәнәғәт комплексына 8 миллиард һумлыҡ 100-ҙән ашыу заявканы хупланған.

Журналист Иршат Теләүембәтов арабыҙҙан китеп барҙы

Ул оҙаҡ йылдар «Шоңҡар» республика журналын етәкләне. Йәштәр баҫмаһын иң күләмле тираж менән сыҡҡан осорҙа ең һыҙғанып эшләне, үҙен яҡшы, талапсан етәксе, талантлы журналист итеп күрһәтте. Һуңғы йылдарҙа сирләү сәбәпле, тыуған яғын - Бөрйән районында йәшәне.

Мәрхүмдең яҡындарының ауыр ҡайғыһын уртаҡлашабыҙ...

Башҡортостандың өс алдынғы юғары уҡыу йорто «Өҫтөнлөк - 2030» проектын яҡланы

Бөгөн Башҡортостандың алдынғы өс юғары уҡыу йорто «Өҫтөнлөк - 2030» проекты сиктәрендә Мәскәүҙә үҙҙәренең үҫеш программаларын яҡланы. Рәсәй фән һәм юғары белем биреү министры Валерий Фальков рәйеселегендә уҙған ултырышта Радий Хәбиров ҡатнашты.

15 март - Бөтә донъя ҡулланыусылар хоҡуҡтарын яҡлау көнө

Бөгөн - Бөтә донъя Ҡулланыусылар хоҡуғын яҡлау көнө. Быйыл халыҡ-ара дата «Тотороҡло тормош рәүешенә күсеү» девизы аҫтында үтә. Был продукттарҙы аңлы файҙаланыу һәм тирә-яҡҡа зыян кимәлен кәметеү тигәнде аңлата. Рәсәйҙә Ҡулланыусылар хоҡуғын яҡлауҙы ошондай уҡ исемле закон тәьмин итә. Был тәртип нисек эшләй һәм зыян күргән файҙаланыусы ниндәй яҡлауға дәғүә итә? Киләһе яҙмала.

Яҙыусы һәм сәйәхәтсе Камил Йыһаншин 75 йәшен билдәләй

Бөгөн яҙыусы һәм сәйәхәтсе Камил Йыһаншинға - 75 йәш! Радий Хәбиров «Һоҡланғыс кешеләрҙең тормошо» рубрикаһының сираттағы сығарылышын юбилярға бағышланы.

Матбуғат йортонда Бөйөк Ватан һуғышында юғалғандарҙы эҙләү буйынса акция үтте

Батырҙар эҙһеҙ юғалмай. Матбуғат йортонда Бөйөк Ватан һуғышында юғалғандарҙы эҙләү буйынса акция үтте. «Ватандаш» журналының баш мөхәррире, Рәсәйҙең атҡаҙанған журналисы Рәшиҙә Мәһәҙиева хәбәрһеҙ юғалған яу ҡаһармандарын эҙләү буйынса тәүге акцияны 2023 йылда ойоштора. Проект халыҡ араһында ҙур ҡыҙыҡһыныу уята, ә иң мөһиме туғандары йылдар дауамында эҙләгән атай-олатайҙарының яҙмышын асыҡлай.