Башҡортостан -Ҡытай хеҙмәттәшлеге нығына

Бөгөн Республика йортонда Радий Хәбиров Рәсәй-ҡытай индустриаль паркының башҡарма етәксеһе Хао Лянюань менән осрашты. Әңгәмә барышында Ҡытай Халыҡ Республикаһы менән хеҙмәттәшлекте үҫтереү мәсьәләләре ҡаралды. Ляонин провинцияһының Шэньян ҡалаһындағы Рәсәй-Ҡытай индустриаль паркы вәкилдәре ил субъекттары менән сауҙа әйләнешен киңәйтеү мөһимлеген билдәләне.

Башҡортостанда ташҡын осорона оло һыу күләме нормаға ярашлы көтөлә

Был хаҡта Башҡортостан башлығы Радий Хәбиров етәкселегендә үткән аҙналыҡ оператив кәңәшмәлә хәбәр ителде. Яҙғы ташҡынға бәйле теүәл фараздар 25 мартҡа билдәле буласаҡ. Ултырышта кардиология үҙәгенең яңы корпусын асыу датаһы иғлан ителде, махсус хәрби операцияла ҡатнашыусыларҙың яҡындарына ярҙам һорауҙары күтәрелде.

Былтыр «Башавтотранс» предприятиеһы хеҙмәттәре менән 127 миллион пассажир файҙаланған

Былтыр «Башавтотранс» предприятиеһы хеҙмәттәре менән 127 миллион пассажир файҙаланған, был 2023 йылға ҡарағанда 4 процентҡа күберәк. Дәүләт ташыусыһының уҙған йылдағы эш һөҙөмтәләре Радий Хәбиров рәйеселегендә үткән «Транспорт сәғәте»ндә барланды. Кәңәшмәлә йәмәғәт транспортының төрлө төрҙәрендә пассажир ташыуҙы үҫтереү мәсьәләләре тикшерелде.

Башҡортостанда капиталь ремонт өсөн иғәнәне күтәреү мөмкинлеге ҡарала

Әле республика ил буйынса иң түбән тариф иҫәпләнгән 85 төбәк араһында 77 урынды биләй. Иғәнә күләме 2022 йылдан алып үҙгәрмәгән, шул уҡ ваҡытта төҙөлөш материалдарына һәм хеҙмәттәргә хаҡ ҡырҡа артты. Ыңғай миҫалдар ҙа бар. Район-ҡалаларҙа урынлашҡан 89 күп фатирлы йортта милекселәр ҡарары менән айлыҡ иғәнә билдәләнгән сумманан арттырып түләнә, уның уртаса күләме яҡынса 10 һум тәшкил итә. Квитанцияла көтөлгән үҙгәрештәр мөһимлеге тураһында киләһе сюжетта.

«Башҡортостан» полкы яугирҙары Ҡыҙыл Лиман йүнәлешендә һөжүмде дауам итә

Яугирҙарыбыҙ Луганск халыҡ республикаһының Ҡыҙыл Лиман йүнәлешендә лә нацистарға тынғылыҡ бирмәй. Унда «Башҡортостан» полкының Алексей Сухоруков исемендәге артиллерия батареяһы «Град» реактив системаһынан дошман нығытмаларын, техникаһын ҡаҡшата. Залп уты дрондар һәм контрһөжүмгә ҡарамай көндөҙ ҙә, төндә лә асыла. Хәрби расчет позициялар асыҡланмаһын өсөн атыу урынын алмаштырып бәрелештәр һыҙығын тағы ла алғараҡ күсерегә ярҙам итә. Реактивщиктар менән сираттағы заданиеға БЮТ хәбәрселәре лә сыҡты.

Башҡортостандың Йәмғәт палатаһы менән Конституция советы хеҙмәттәшлек итәсәк

Яҡтар араһында ҡул ҡуйылған килешеү төбәктә граждандар йәмғиәте эшмәкәрлеге өсөн бик мөһим. Ул республика граждандарының именлеген һәм илебеҙ мәнфәғәтен тәьмин итеүгә, халыҡтың проблемаларын ишетергә ярҙам итәсәк. Йәмәғәт палатаһы менән Конституция советы төрлө йүнәлештәр буйынса үҙ-ара хеҙмәттәшлек булдырырға иҫәп тота.

Өфөнән Мәскәүгә самолеттар тотҡарлана

Мәскәүгә бөгөн иртән 73 пилотһыҙ осҡос һөжүм иткән. Бөтә аэропорттарҙа ябыҡ, самолеттарҙы ҡабул итмәй.

Мәскәү өлкәһендәге Домодедово ҡалаһында дрондар һөжүм итеүе арҡаһында 20 автомобиль янып киткән. Бер кеше һәләк булған.

🚀Дәүләт Думаһында дрондар һөжүменә «Орешник» менән яуап бирергә тәҡдим иттеләр

Оборона буйынса комитет башлығы Андрей Картаполов һүҙҙәренсә, яңы ракетаны осорорға ваҡыт.

— Ҡарарҙы баш командующий ҡабул итә, әммә украиндарға «Орешник» осороу артыу булмаҫ, тип уйлайым, - тигән ул.

Яугирҙар рәхмәт белдерә

Башҡортостан юлдаш телевидениеһы хәбәрсеһе Айнур Кәбировҡа А. Доставалов исемендәге батальондан Рәхмәт хаты тапшырғандар.

Былтыр Башҡортостанда 19 социаль объект файҙаланыуға тапшырылған

Күләмле проекттар араһында Өфө юбилейына төҙөлгән Көрәш һарайы, Фехтование үҙәге, Ишеү сламломы комплексы, «Именлек» геронтология үҙәге, алты мәғариф объекты бар. Был турала үҙенең социаль селтәрҙәге сәхифәһендә төбәк башлығы хәбәр итте.

1 апрелдә Рәсәйҙә социаль пенсия 14,75 процентҡа арта

Был туралағы күрһәтмәгә Хөкүмәт рәйесе Михаил Мишустин ҡул ҡуйҙы. Премьер-министр билдәләүенсә, был ярҙамды бөгөн страховка пенсияһын иҫәпләү өсөн етерлек стажы булмаған граждандар ала. Һүҙ 70 йәштән өлкән ир-аттар һәм 65 йәше тулған ҡатын-ҡыҙҙар тураһында бара.

Өфө аэропортында Мәскәүҙән бер нисә рейс тотҡарланған

Рәсәйҙең баш ҡалаһынан әлегә биш самолет пассажирҙары ҡайта алмай. Өфөнән Мәскәүгә ике рейс тотҡарланған, шулай уҡ Түбәнге Новгород һәм Ҡазан йүнәлешенә лә расписание үҙгәргән. Өфө аэропортының рәсми мөрәжәғәтендә билдәләүенсә, был Мәскәү аэропорттарында самолеттарҙы оҙатыу һәм ҡабул итеү буйынса ваҡытлыса сикләү индерелеүгә бәйле.

Һуңғы тәүлектә республика халҡы мутлашыусыларға 6 миллион һумдан ашыу аҡса күсергән

Был турала Хоҡуҡ һаҡлау органдарына 29 ғариза ҡабул ителгән. Баймаҡ районында 59 йәшлек ир инвестиция ярҙамында еңел табыш алырға теләп, уға үҙен телефон аша «финанс аналитик» тип таныштырған иргә ышана һәм телефонына махсус ҡушымта күсерә. Һөҙөмтәлә ул кредитҡа алынған 3 миллион һум аҡсаһын юғалта.

Ике аҙна эсендә «Башҡортостан геройҙары» программаһына 900-ҙән ашыу ғариза ҡабул ителгән

Хәтерегеҙгә төшөрәбеҙ, республикала февраль аҙағында «Геройҙар дәүере» федераль программаһының дауамы булған төбәк программаһы эшләй башланы. Проект махсус хәрби операцияла ҡатнашыусылар араһынан юғары квалификациялы идара кадрҙары резервын әҙерләү маҡсатында ойошторолған. Теркәлеү этабы 2025 йылдың 31 мартына тиклем дауам итә. Тулыраҡ мәғлүмәт менән героибашкортостана.рф сайтында танышырға мөмкин.

Баш ҡалала маскировка селтәрҙәрен үреү буйынса өмә үтте

Уны «Маскировка Щит Өфө» ирекмәндәр хәрәкәте ойошторҙо. Ул 12 меңгә яҡын кешене берләштергән Башҡортостандың иң ҙур волонтерҙар берләшмәләренең береһе. Дөйөм көс менән Халыҡ фронты активистары фронт өсөн 108 квадрат метр маскировка селтәре әҙерләне. Сарала ҡатнашыусы иң йәш ирекмән Яна Миңлеғәзинаға ни бары 4 кенә йәш, ул өләсәһенә ярҙам итергә килгән. Тылда еңеү сүкеүсе ҡытын-ҡыҙҙар милли кейемдә төрлө телдәрҙә йырҙар ҙа башҡарҙы.

Башҡортостан» полкының радиоэлектрон көрәш ротаһы яугирҙары ер аҫтында ғибәҙәтхана ойошторған

Хоҙайға мөрәжәғәт итергә бер нәмә лә ҡамасауламай. «Башҡортостан» 31-се мотоуҡсылар полкының радиоэлектрон көрәш ротаһы яугирҙары ер аҫтында ғибәҙәтхана ойошторған. Блиндаж рәүешендә эшләнгән бүлмә һалдаттар өсөн изге урынға әйләнгән. Унда ғибәҙәт ҡылыу, намаҙ уҡыу өсөн уңайлы һәм тыныс шарттар булдырылған. Бигерәк тә Рамаҙан айында иман бүлмәһенә йөрөүселәр йышайған. Хәрби заданиелар алдынан һәм уны үтәп ҡайтҡандан һуң да яугирҙар бында инеп белгән доғаларын уҡырға күнеккән.

Шаран ауылы мәктәбендә махсус хәрби операцияла ҡатнашыусы яугир менән осрашыу үтте

Батырлыҡ дәресе. Шаран ауылының 2-се урта мәктәбендә махсус хәрби операцияла ҡатнашыусы «Бек» ҡушаматлы яугир менән осрашыу үтте. Илһөйәрлек сараһы «Ватанды һаҡлаусылар»дәүләт фондының Башҡортостан буйынса Шаран районы филиалы ярҙамында ойошторолдо.

Баймаҡ районының «Октябрҙең 50 йыллығы» исемендәге колхоздың ойошторолоуына 95 йыл

Баймаҡ районындағы данлыҡлы «Октябрҙең 50 йыллығы» исемендәге колхоздың ойошторолоуына 95 йыл. Ошо уңайҙан төбәктә төрнлө йылдарҙа хужалыҡта эшләп киткән, уның үҫешенә тос өлөш индергән хеҙмәт ветерандары ҡатнашлығында тантаналы сара уҙҙы. Тулыраҡ киләһе яҙмала.

⚡️ Разыгрываем 5 сертификатов в книжный магазин!

Любите читать? Тогда скорее участвуйте в нашем розыгрыше!

Пятеро счастливчиков смогут стать обладателями подарочных сертификатов в один из крупнейших книжных магазинов.

👉🏻 Как принять участие в розыгрыше?

Подпишись на каналы ниже и нажми кнопку “Участвую”:

БСТ | Новости Башкортостана

Спутник ФМ

Бот-рандомайзер случайным образом выберет пятерых победителей 14 марта в 18:00. Сертификаты можно будет забрать у нас в офисе по адресу: Уфа, ул. Гафури 9/1.

Всем удачи!

Былтыр Башҡортостан бюджеты инвестиция ярҙамында рекордлы күләмгә артҡан

Сумма 784 миллиард һумға яҡын тәшкил итә. Күрһәткес буйынса республика Волга буйы федераль округында икенсе урында. 2023 йыл менән сағыштырғанда, йәлеп ителгән финанс күләме 9,7 процентҡа артҡан. Был турала үҙенең социаль селтәрҙәге сәхифәһендә төбәк башлығы хәбәр итте.