Өфө районы Нөрлө ауылында  сәнәғәт объектында  янғын сыҡты

  Ғәҙәттән тыш хәлдәр буйынса дәүләт комитеты етәксеһе Кирилл Первов белдереүенсә, бында күсмә лаборатория эшләй, һауа сифаты тикшерелә. "Белгестәр химик матдәләр таралыу мөмкинлеген тикшерә. Хәл контролгә алынған", -тине ул. Аварияла өс кеше йәрәхәттәр алған, улар дауаханаға һалынған.

Башҡортостанда аттракциондар тикшерелә

Был тема хөкүмәттә ҡаралды. Премьер-министр Андрей Назаров белдереүенсә, ҡоролмалар үтә хәүефле объект тип һанала. Улар кеше ғүмеренә һәм һаулығына зыян килтереүе ихтимал. Шуға хәүефһеҙлекте тәьмин итергә тейешбеҙ. Аттракциондарҙа даими тикшереү уҙғарырға, хеҙмәткәрҙәрҙең квалификацияһын күтәреп торорға  кәрәк, тине Андрей  Назаров. Быйыл май айында  Стәрлетамаҡта аттракционда  12 йәшлек  малай  ауыр йәрәхәтләнде.  Ул    республика дауаханаһына оҙатылған.

«МИН БАШҠОРТСА ҺӨЙЛӘШӘМ», Ә ҺИН?

26 июндә 18:00–23:00 Өфө ҡалаһындағы Арт-КВАДРАТ майҙанында «Мин башҡортса һөйләшәм» башҡорт теле фестивале үтәсәк.

Был телде, музыканы, ижадты һәм заманса башҡорт мәҙәниәтен берләштергән ҙур open-air сара. Фестиваль башҡорт телен заманса музыка, йәнле аралашыу һәм мастер-кластар аша популярлаштырыуға йүнәлтелгән.

Фестиваль 2019 йылда башланып, 2026 йылда өсөнсө тапҡыр ойошторола. 2024 йылдағы сарала 8000-дән ашыу кеше ҡатнашып, ул киң танылыу алды.

2026 йылда ҡунаҡтарҙы башҡорт телендә ижад иткән заманса башҡарыусылар һәм мастер-кластар көтә. Фестиваль йәштәр өсөн туған телдең заманса, матур һәм абруйлы булыуын күрһәтәсәк.

Инеү ирекле!

📍 Арт-КВАДРАТ, Өфө
📅 26 июнь
🕕 18:00–23:00

Фестиваль Башҡортостан Республикаһы Башлығы гранттары фонды ярҙамында үткәрелә.

Виктор Козлов “Йыл матчы”ның тренер штабына индерелде

Илдең иң оҫта 49 уйынсыһы Санкт-Петербургка хоккей миҙгелен тамамлау сараһына саҡырылды. Улар араһында “Салауат Юлаев” командаһы спортсылары Вадим Шипачев һәм Александр Жаровский бар. Матчта беҙҙең команданың баш тренеры Виктор Козлов та ҡатнаша. Командаларҙың капитаны булараҡ донъя хоккейы йондоҙҙары Артемий Панарин һәм Михаил Сергачев һайланған. “Йыл матчы” Милли һәм Континенталь хоккей лигаларының алдынғы уйынсыларын берләштерә. Иң яҡшы хоккейсылар ярышы 25 июлдә үтә.

4 июлдә Мәскәүҙә һабантуй үтәсәк

Ул  “Коломенское” музей-ҡурсаулығында ойошторола. Байрам майҙанына “Башҡорт ихатаһы” ҡуйыла. Ул “Урал батыр” эпосына нигеҙләнә. Халыҡты дастан геройҙары ҡаршылай. Балалар өсөн уйын, конкурс, оҫталыҡ дәрестәре ҡаралған. Башҡорт телендә йәнһүрәт күрһәтелә. Ошонда уҡ “Аҡбуҙат” балалар журналына яҙылырға тәҡдим ителә. Шағирә, журналист Лариса Абдуллина менән осрашыу көтөлә. Китап йәрминкәһе була. Һабантуй һәм “Башҡорт ихатаһы” сәхнәһендә республика артистары сығыш яһай.

Рәсәй Ауыл хужалығы министрлығы яғыулыҡ буйынса ҡыҙыу линия булдырҙы

Ауыр хәлдә ҡалған предприятиеларға, хужалыҡтарға ярҙам күрһәтелә. Ҡыҙыу линия һандары ведомство сайтында бар, 8-800-234-93-80 номерына тәүлек әйләнәһенә  шылтыратырға мөмкин. Мөрәжәғәттә төбәк, яғыулыҡ төрө, уның хаҡына, йә  етешмәүенә бәйле проблема аныҡланырға тейеш.

Өфөлә балалар һыуға бата яҙған

Ҡаланың граждандарҙы һаҡлау идаралығынан хәбәр итеүҙәренсә, 14-17 йәшлек 4 үҫмер Йылы күлендә ҡуртымға  кәмә алған.  Көслө  ямғыр башланғас улар ярға сығырға ашыҡмаған, киреһенсә  кәмәне һелкетеп уйнағандар. Ул түңкәрелгән, балалар ярҙан йөҙ метр алыҫлыҡта һыуҙа ҡалған. Уларҙы дежурҙа булған ҡотҡарыусылар күреп ҡалған, ярҙамға  килеп  өлгөргән.

⚡️ Башҡортостан йәштәрен Йылайыр районында ҙур фестивалгә саҡыралар
 
Фестиваль «Za единство – Za берҙәмлек» 4-6 августа Йылайыр районының «Дуҫлыҡ» лагерында уҙа.
 
Башҡортостандың йәштәр сәйәсәте министры Вито Сабиров хәбәр итеүенсә, фестиваль бер нисә тематик йүнәлеште берләштерәсәк:
 
Фестивалдә йәштәр үҙҙәренең социаль проектын тормошҡа ашырыу өсөн 1 миллион һумға тиклем аҡса отоу мөмкинлегенә эйә буласаҡ. «Росмолодёжь.Гранты» майҙансығында теркәлеү 1 августҡа тиклем ошо һылтанма буйынса бара: clck.ru/3UYb28.
 
Фестивалгә теркәлеү clck.ru/3UYRH3
һылтанмаһы буйынса 28 июлгә тиклем дауам итә.
 
Фестивалде асыҡ һауала үткәреү ҡаралған, ҡатнашыусыларға үҙҙәре менән палаткалар алырға кәрәк.

Ҡаршылыҡтар менән йүгереү һәм спорт ориентирлашыуы буйынса ярыш, билдәле кешеләр менән аралашыу, күсмә уйындар, иң яҡшы артистар менән асыҡ һауала дискотека – былар барыһы ла «Za единство – Za берҙәмлек» фестивалендә мотлаҡ булсаҡ, тип раҫлай Йәштәр сәйәсәте министры Вито Сабиров.

35 йәшкә тиклемгеләр өсөн бында теркәлеү үтергә: https://clck.ru/3UYRH3

Үҙ проектыңа 1 миллион һум бында алырға мөмкин: https://clck.ru/3UYb28

⚡️Ағиҙел ҡалаһында Радий Хәбиров баҡсасылар менән осрашты

Пенсионер апайҙарҙың береһе ололарға «Алға» картаһының ярҙам итеүе тураһында белдерҙе.

«Унһыҙ был тиклем уңыш та булмаҫ ине. Баҡсаға аҙнаһына бер тапҡыр ғына барыр инек. Былай көн һайын йөрөйбөҙ. Юл да яҡшы, быйыл асфальтты тәртипкә килтерҙеләр», – тине ул.

Радий Хәбиров йәшелсә һатып алды һәм баҡсасыларға уңыштар теләне.

🚀 Стәрлетамаҡ!

5 сентябрь сәғәт киске алтыла Салауат Юлаев исемендәге скверҙа «МИН БАШҠОРТСА ҺӨЙЛӘШӘМ» фестивале үтә.

Сәхнәлә — БҮРЕЛӘР төркөмө, BABY Ti һәм Тимур Ямалов.

Инеү бушлай! Кил! сағыу, заманса саранан ситтә ҡалма!

Рәсәйҙә йорт хайуандарын теркәү ҡағиҙәләре һәм ваҡыты үҙгәреүе мөмкин

Халыҡтан мөрәжәғәттәр күп булған. Вице-премьер Дмитрий Патрушев  тейешле  ведомстволарға был мәсьәләне ентекле өйрәнергә ҡушты. Теркәү процесында урындағы халыҡ, профилле ойошмалар тәҡдимдәре лә иҫәпкә  алынасаҡ.  2023 йылдан алып илдә йорт хайуандары теркәлә. Тәүҙә  эре мал, аттар һәм сусҡа иҫәпкә алынды. 2025 йылда ҡуян, бал ҡорттары теркәлде. Хәҙер ҡоштарға сират еткән. Яңы ҡағиҙәләр буйынса 1 сентябрҙән йорт ҡоштары  10 баштан күберәк  булһа, иҫәпкә  ҡуйылырға тейеш.

Башҡортостан ир-егеттәре республика күген дошман дрондарынан һаҡлай ала

БАРС, йәғни хәрби армия резервы отряды булдырылған. Хәрбиҙәр нефть эшкәртеү предприятиеларын ғына түгел, башҡа  стратегик объекттарҙы  һаҡлай. БАРСҡа ҡушылыусылар  Башҡортостан биләмәһендә  генә хеҙмәт итә. Өс йыллыҡ контракт төҙөлә. Ир-егет алмашлап ике ай хеҙмәт итә, ике ай үҙенең тыныс тормоштағы эшендә бурыстарын үтәй. Хәрби хеҙмәт ваҡытында эш хаҡы  һаҡлана, бынан тыш республиканан тәүлегенә ике мең һум түләнә.  Бәреп төшөрөлгән һәр дрон өсөн айырым  түләү ҡаралған.  Ғаиләләр өсөн Республика  Башлығы  указы  менән төрлө  льготалар билдәләнгән.

Араларҙы яҡынайтыр һөйөү, донъяны йылытырлыҡ көс, йылдар аша көткән ышаныс. Былар барыһы ла – әсәй йөрәге.

«Әсәй» проекты геройҙары, сәхнә йондоҙҙары, роктан алып операға тиклем йөрәккә үтеп инерлек йырҙар.

Көҙҙөң иң йылы ваҡиғаһы – 3 октябрҙә киске сәғәт 7-лә.