Башҡортостанда ауыл хужалығы хеҙмәткәрҙәре дәүләт наградалары менән билдәләнде

Тырыш хеҙмәткә баһа. Башҡортостан Хөкүмәте Премьер-министры урынбаҫары-ауыл хужалығы министры Илшат Фәзрахманов Ауыл хужалығы һәм эшкәртеү сәнәғәте хеҙмәткәрҙәре көнө уңайынан тармаҡ алдынғыларына дәүләт наградалары тапшырҙы.

Республикала йәш депутаттарҙы уҡытыу программаһы дауам итә

«Берҙәм Рәсәй» партияһы проекты сиктәрендә 35 йәшкә тиклемге парламентарийҙар сәйәси тармаҡ нескәлегенә төшөнә. Дәрес барышында депутаттарҙың остаздары булып юғары партия мәктәбе филиалы спикерҙары сығыш яһай. Улар йәштәргә кешеләрҙең тормошон яҡшыртыусы аныҡ эштәр башҡарыу мөһимлеген аңлата, йәмғиәт менән власть тығыҙ бәйләнешт булдырыу юлдары менән таныштыра.

Иглин районының Ҡаҙаяҡ ауылында Эҫем урамына асфальт түшәлгән

Ауыл халҡы оҙаҡ йылдар машиналар үткәндән һуң туҙанға зарланған. Дөйөм йыйылышта улар Иглин районы хакимиәте башлығы Гүзәл Насироваға проблеманы хәл итеүҙе һорап мөрәжәғәт иткән. Юлды ремонтлауға өҫтәмә аҡса Радий Хәбиров ҡушыуы буйынса республика бюджетынан бүленгән.

Ҡыуатов исемендәге Республика клиник дауаханаһы табиптары пациенттың бауырын үҫтергән

Колоректаль яман шеш диагнозы менән дауаланған 66 йәшлек пациентҡа уникаль операция яһалған. Тикшереү ваҡытында уның бауырының уң өлөшөндә метастазалар табыла. Хирургтарҙың тәжрибәле командаһы бауырҙы ике өлөшкә бүлә һәм зарарланған яғын алып ташлай. Унан һуң ағзаның һау өлөшө кәрәкле ҙурлыҡта үҫкән. Пациент химия терапияһы ала.

«Һәнәк» журналының 100 йыллығына арналған китап-антологияның исем туйы үтте

Көлә-көлә «Һәнәк» килә. Республика сатира һәм юмор журналының 100 йыллығы уңайынан донъя күргән китап-антология шулай тип атала. Баҫманың исем туйы Зәйнәб Биишева исемендәге Башҡортостан «Китап» нәшриәтенең фирма магазинында үтте.

Өфөлә академик Зиннур Ураҡсиндың 90 йыллығына арналған халыҡ-ара конференция үтте

Рәсәй фәндәр академияһының Өфө федераль тикшеренеүҙәр үҙәге Тарих, тел һәм әҙәбиәт институтында «2-се Ураксин уҡыуҙары»фәнни-ғәмәли конференцияһы уҙҙы.
Унда ҡатнашыусылар һанлаштырыу дәүерендә гуманитар белемдең мәҙәни мираҫты һаҡлау һәм халыҡтар араһында дуҫлыҡты нығытыуҙа айырыуса ҙур әһәмиәткә эйә булыуын билдәләне.

Иң яҡшы механизаторҙарға «Лада Нива»: Башҡортостанда хеҙмәт алдынғылары билдәләнде

Иң яҡшы механизаторҙарға «Лада Нива». Ауыл хужалығы һәм эшкәртеү сәнәғәте хеҙмәткәрҙәре көнө айҡанлы уҙған тантаналы йыйылышта хеҙмәт алдынғыларына автомобиль асҡыстары тапшырылды.Еңеүселәрҙе Башҡортостан башлығы тәбрикләне.
Радий Хәбиров ер хужаларына фиҙаҡәр хеҙмәте өсөн рәхмәт белдерҙе, бурыстарҙы билдәләне.

Радий Хәбиров «Мин АГРО-ла» һөнәрҙәр ҡалаһы эшмәкәрлеге менән танышты

Өфөлә «Мин АГРО-ла» ауыл хужалығы комплексының һөнәрҙәр ҡалаһын өс көн эсендә генә 100-ҙән ашыу мәктәбенән мең ярымлап уҡыусы ҡараған. Ул Рәсәйҙең үҙ аграр университеты булған 13 ҡалаһында тормошҡа ашырылған күләмле проект. Уның эшмәкәрлеге менән бөгөн Башҡортостан башлығы Радий Хәбиров та танышты.

Башҡортостанда ауыл хужалығы хеҙмәткәрҙәре көнө билдәләнде

Тырыш хеҙмәткә баһа. Башҡортостан Хөкүмәте Премьер-министры Андрей Назаров Ауыл хужалығы һәм эшкәртеү сәнәғәте хеҙмәткәрҙәре көнө уңайынан тармаҡ алдынғыларына дәүләт наградалары тапшырҙы. Тантанала билдәләнеүенсә, төбәк аграрийҙары йыл һайын республика иҡтисады үҫешенә тос өлөш индерә. Быйылғы күрһәткестәр ҙә ҡыуандырырлыҡ. Үҫтерелгән мул уңыш, мал аҙығының тейешле күләмдә тупланыуы һәм малсылыҡ продукцияһы етештереүҙәге ҡаҙаныштар ҙа аграр йылдың уңышлы тамамланыуына ишаралай. Тулыраҡ мәғлүмәт киләһе яҙмала.

Башҡортостанда грипҡа ҡаршы прививка яһатыу миҙгеле дауам итә

Әле республика дүртенсе партия вакцина ҡабул итте. 700 меңгә яҡын препарат медицина учреждениеларына таратылған. Билдәле булыуынса, вакцина һалдырыу-киҙеүҙе иҫкәртеү буйынса төп һәм иң һөҙөмтәле сара. Прививка иммунитет булдыра һәм өҙлөгөүҙәр барлыҡҡа килеү хәүефен кәметә, тип иҫкә төшөрә табиптар.

Юғары уҡыу йорттары араһындағы студенттар кампусында Ҡытай теле һәм мәҙәниәте үҙәге асылды

Яңы майҙансыҡ Өфө фән һәм технологиялар университеты менән Ляонин университеты араһында тиҫтә йыллап алып барылған хеҙмәттәшлек сиктәрендә булдырылды. Үҙәктә мәктәп уҡыусылары, студенттар һәм оло быуын вәкилдәре өсөн ҡытай телен, шулай уҡ каллиграфия, декоратив сәнғәт төрҙәрен өйрәнеү буйынса ла махсус дәрестәр үтәсәк.

Өфөлә Октябрь революцияһының 107 йыллығы билдәләнде

Октябрь социалистик революцияһының 107 йыллығы билдәлән көндө Өфөлә Рәсәй Коммунистар партияһы вәкилдәре Ленин һәйкәленә сәскә һалды. 90-сы йылдарҙан башлап 7 ноябрь рәсми тантана булыуҙан бөтөнләй туҡтаны. Хәҙер был көндө тик коммунистар ғына ҡыҙыл әләмдәр тотоп үҙҙәренең маршруты буйынса үтә.

Өфөлә Миҙхәт Шакиров исемендәге сквер янындағы биләмә төҙөкләндерелә

Өфөлә Дорофеев һәм Коммунистик урамдары киҫелешендәге Миҙхәт Шакиров исемендәге сквер янында йәмәгәт биләмәһе төҙөкләндерелә. Башҡортостан өлкә комитетының беренсе секретары, Социалистик Хеҙмәт Геройы Миҙхәт Шакиров исемендәге сквер янындағы биләмәне төҙөкләндереү Радий Хәбиров ҡушыуы буйынса башҡарыла.

Рәссам Гөлназ Мирхәйҙәрова Шәйехзада Бабич исемендәге йәштәр премияһына дәғүә итә

Шәйехзада Бабич исемендәге республика дәүләт йәштәр премияһы талантлы ижадсыларға тапшырыласаҡ. Әҙәбиәт, сәнғәт һәм архитектура өлкәһендәге абруйлы премияға дәғүә итеүселәр араһында Башҡортостан рәссәамдар союзы ағзаһы Гөлназ Мирхәйҙәрова ла бар.

Башҡортостанда меңләгән күпер авторы Павел Рабухин юбилейын билдәләй

Башҡортостандағы меңдән ашыу күпер һәм юл үткәргесте Павел Рабухин төҙөгән. Был легендар шәхескә 82 йәш тулды. Уның тураһында Радий Хәбиров «Һоҡланғыс кешеләр тормошо» рубрикаһында яҙҙы.

Радий Хәбиров халыҡ һорауҙарына тура эфирҙа яуап бирәсәк

11 ноябрҙә киске сәғәт етелә Башҡортостан башлығы Радий Хәбиров менән тура бәйләнеш үтә. Республика етәксеһе халыҡ һорауҙарына «Башҡортостан юлдаш телевидениеһы», «Рәсәй-24», «Башҡортостан 24», «Вся Уфа», «Сәләм», UTV телеканалдары, шулай уҡ «Юлдаш» радиоһы тура эфирында һәм социаль селтәрҙәрҙә яуап бирәсәк. Тура бәйләнешкә һорауҙарҙы бер нисә юл менән ебәрә алаһығыҙ.

Стәрлетамаҡтағы фиброцемент заводына 300 миллион һумлыҡ инвестиция йүнәлтелә

Төбәк предприятиеларына Сәнәғәтте үҫтереү фондынан 60 миллиард һумға яҡын инвестиция бүленгән. Уларҙың 300 миллион һумы Стәрлетамаҡтағы фиброцемент заводына йүнәлтелгән. Был аҡсаға ҡорамалдар һатып алына, предприятиела өҫтәмә технологик линия йыйыла. Модернизациялау һөҙөмтәһендә төҙөлөш материалдарын етештереү яҡынса ике тапҡырға артасаҡ.

Өфө хужожество-сәнәғәт колледжында мөмкинлектәре сикләнгән студенттар маляр һөнәрен үҙләштерә ала

Былтыр колледж «Профессионалитет» федераль программаһы буйынса еңеүгә өлгәшкән. Һөҙөмтәлә уҡыу йортоның 70 миллион һумға матди-техник базаһы яңыртыла. Республика ҡаҙнаһынан бүленгән 50 миллион һумға капиталь ремонт яһала. «Профессионалитет» федераль проекты республикала 2022 йылда старт алды.

«Башҡортостан геойҙары» төбәк иҡтисадын һәм ресурстар менән идара итергә өйрәнә

Республикала махсус хәрби операцияла ҡатнашыусылар өсөн кадрҙар программаһының икенсе белем биреү модуле дауам итә. Проекттың беренсе этабы «Патриот» паркында үтте. Унда ҡатнашыусылар лекциялар тыңланы, тренингтар үтте һәм эксперттар менән осрашты. Хәҙер иһә парта артында алынған белем ғәмәлдә һынап ҡарала.

Өфөлә йәшәүсе Лилия Евдокоимова ихатаһында үҫкән шыршыны Ленин районына тапшырҙы

Тыуып үҫкән ҡалаға бүләк. Өфөлә йәшәүсе Лилия Евдокоимова ихатаһында үҫкән шыршыны Ленин районына тапшырҙы. Ылыҫлы ағасты ҡатындың өләсәһе 5 тиҫтә йыл самаһы элек ултыртҡан булған. Мәңге йәшел һылыуҡайҙың бейеклеге 22 метрға етә, ә олононоң диаметры метрҙан күберәк. Йылдан-йыл ҡартая барған ағас урындағы халыҡта хәүеф тыуҙыра, сөнки уның көслө ел ваҡытында ҡолау ихтималлы арта.

Милли китапханада халыҡ шағиры Рауил Шаммасҡа арналған хәтер кисәһе үтте

Әхмәтзәки Вәлиди исемендәге Милли китапханала Башҡортостандың халыҡ шағиры Рауил Шаммастың тыуыуына 95 йыл тулыуға арналған хәтер һәм ижад кисәһе үтте.
Рауил Шаммас әҙәбиәт һөйөүселәргә үҙенең тыуған илгә, тормошҡа һөйөү менән һуғарылған шиғырҙары аша ғына түгел, тәржемәләре, журналист яҙмалары буйынса ла яҡшы таныш. Ул киң ҡырлы, тынғыһыҙ ижадсы, ике тиҫтәнән ашыу китап авторы.