Өфөлә «Кесе Нуриев» алтынсы халыҡ-ара фестивале асылды

Фестивалдә Башҡортостан һәм ил төбәктәренән, Белорусиянан, Бүрәт, Саха-Яҡут республикаларынан, Ҡырғыҙстандан уҡыусылар ҡатнаша. Уның барышында заман хореография мәсьәләләре буйынса түңәрәк өҫтәлдәр, билдәле хореографтарҙың оҫталыҡ дәрестәрен уҙғарыу ҡаралған, фестиваль 2 ноябрҙә Гала-концерт менән тамамлана.

Өфө тарихы музейында «Өфө һүрәттәре»күргәҙмәһе асылды

Экспозиция ҡала халҡын, ҡунаҡтарҙы баш ҡаланың боронғо һәм хәҙерге иҫтәлекле урындарын һүрәтләгән рәссам-скетчерҙарҙың эштәре менән таныштыра. Үҙ картиналарын ижад итеү өсөн авторҙар төрлө техника ҡулланған. Һүрәттәр ручка, ҡәләм һәм буяуҙар менән төшөрөлгән. Музейҙа бөтәһе 30-ға яҡын ижали эш әтҡдим ителгән. Күргәҙмәлә ҡатнашыусылар араһында профессиональ рәссамдар ҙа, һәүәҫкәрҙәре лә бар. «Өфө һүрәттәрен»ә 25 ноябргә тиклем тамаша ҡылырға мөмкин.

Баш ҡаланың театр проекты сираттағы ижад миҙгелен асты

Шулай ҙа Заһир Исмәғилев исемендәге Өфө дәүләт сәнғәт институтының театр бүлеген тамамлаусылар төркөмө тарафынан 2013 йылдың сентябрендә булдырылған коллектив миҙгел әйләнәһенә эшләне. «Мин бит әсәй» тип исемләнгән пьеса театр проекты етәксеһе Алһыу Ғәлина тарафынан ижад ителгән. Спектакль әсә бәхете тураһында бәйән итә, бала бағыуға бәйле мәсьәлә күтәрә.

Рәсәй Халыҡтар берҙәмлеге көнөн ҡаршы алырға йыйына

Был байрам тарихы быуаттар төпкөлөнә барып тоташа. Дүрт быуаттан ашыу элек Кузьма Минин менән Дмитрий Пожарский етәкселегендәге халыҡ ополчениеһы Мәскәүҙе баҫҡынсыларҙан азат итә. Шул ваҡыттан алып ошо дата илгә хәүеф янағанда берҙәмлектең, татыулыҡтың төп көс булыуы хаҡында хәтерләтеп тора. Күп милләтле Башҡортостан өсөн Халыҡтар берҙәмлеге көнө айырым әһәмиәткә эйә, төбәктә быуаттар дауамында йөҙҙән ашыу милләт бер ғаилә булып дуҫ, татыу йәшәй. Байрам айҡанлы улар Өфөнөң «Торатау» конгресс холына йыйылды. Ҡунаҡтарҙы Башҡортостан башлығы Радий Хәбиров тәбрикләне.

Константин Толкачев бер төркөм хеҙмәт алдынғыларына дәүләт наградаларын тапшырҙы

Халыҡтар берҙәмлеге көнө алдынан Дәүләт Йыйылышы-Ҡоролтай рәйесе Константин Толкачев бер төркөм хеҙмәт алдынғыларына дәүләт наградаларын тапшырҙы. Бүләкләү тантанаһына төрлө һөнәр эйәләре-уҡытыусылар, инженерҙар, транспорт идаралығы белгестәре, ауыл хужалығы эшсәндәре, төҙөүселәр саҡырылғайны. Улар республиканың социаль-иҡтисади үҫешенә тос өлөш индергән шәхестәр. Тулыраҡ мәғлүмәт киләһе яҙмала.

Башҡортостанда инвалидтар өсөн яңы эш урындары булдырыла

Мөмкинлектәр сикһеҙ. Һуңғы ун айҙа Республика мәшғүллек үҙәгенә мөрәжәғәт иткән 1625 инвалидтың яртыһы эшкә урынлашҡан. Шул уҡ ваҡытта эш биреүселәр мөмкинлектәре сикләнгән граждандарға вакансия, инфраструктура булдырыуға һәм стажировкаларға киткән сығымдары өсөн субсидия алыуға дәғүә итә.

Өфө юридик институтына — 55 йыл: хоҡуҡ һаҡсыларының төп әҙерлек үҙәге юбилейын билдәләй

Өфө Юридик институтына-55 йыл. Мөһим дата хөрмәтенә уҡыу йортонда тантаналы сара үтте.
Рәсәй Эске эштәр министрылығының Өфө юридик институты хоҡуҡ һаҡлау органдары өсөн алдынғы кадрҙар әҙерләй. 55 йыл эсендә 25 меңдән ашыу белгес сығарылған.

Республика йәмәғәтселеге Нурия Абдуллинаны хөрмәтләп иҫкә алды

Республика йәмәғәтселеге үҙешмәкәр композитор, йырсы һәм радиожурналист Нурия Абдуллинаны хөрмәтләп иҫкә алды. Бөгөн коллегабыҙҙың баҡыйлыҡҡа күсеүенә бер йыл.

«Беренсе тирмә» проекты ирекмәндәре хәрбиҙәрҙе Луганск госпиталендә ҡарай

Бер йыл инде «Беренсе тирмә» проекты ирекмәндәре хәрбиҙәрҙе Луганск госпиталендә ҡарай. Унда барыр өсөн ҡатын-ҡыҙҙарыбыҙ отпуск юллай, эш биреүсе менән килешә һәм ғаиләләренең ризалығын ала. Сменалар 2 аҙна дауам итә, бер төркөм икенсеһен алмаштыра. Башҡортостан башлығы Радий Хәбиров социаль селтәрҙәрҙә яҙыуыуынса, ирекмәндәребеҙ йәрәхәтләнгән яугирҙарҙы ашата, кейемдәрен алмаштыра, туғандары менән бәйләнеш булдыра.

Был аҙнала Башҡортостан башлығы менән тура бәйләнешкә мөрәжәғәттәр рәсми рәүештә ҡабул ителә башланы

Ул 11 ноябрҙә киске сәғәт етелә үтә. Әйтергә кәрәк, халыҡты борсоған һорауҙар яуапһыҙ ҡалмайй. Салауат районының Мөрсәлим ауылы халҡы ла быйыл, ниһайәт Өфөгә һәм Силәбегә үҙ ауылынан тимер юл транспортына ултыра ала. Быға тиклем улар өсөн юл йөрөү ысын мәғәнәһендә ғазапҡа тиң булған. Баш ҡаланан 210 саҡырым алыҫлыҡта ятҡан ауыл халҡы былтыр төбәк етәксеһе Радий Хәбировҡа мөрәжәғәт иткән

Әлшәй районында фермер ауыл хужалығы министрлығы грантын отоп 5 млн һум ярҙам алған

Эшҡыуарҙарға - дәүләт ярҙамы. Әлшәй районында фермер ауыл хужалығы министрлығы грантын отоп 5 млн һум ярҙам алған. Раевка ауылында йәшәүсе Фәнзил Фәйзрахманов был суммаға 20 һыйыр һәм трактор һатып алған. Герефорд тоҡомло һыйырҙарҙы ул ит продукцияһын етештереүҙә файҙаланырға ниәтләй.

Шаран ауылының 1-се мәктәбендә Советтар Союзы Геройы Дмитрий Кармишин иҫтәлегенә Герой партаһы асылды

Дмитрий Карми́шин 1926 йылдың 4 ноябрендә Шаран районы Залесовка ауылында тыуған. Бөйөк Ватан һуғышы яуҙары штурман булып үтә. 1956 йылдың 7 ноябрендә Венгр халыҡ республикаһында хәрби бурысын үтәгәндә батырҙарса һәләк була. Сарала уҡыусылар Геройҙың данлыҡлы яу юлы һәм тормошо тураһында ҡыҙыҡлы мәғлүмәттәр менән танышты.

Башҡортостан Рәсәй кимәлендә уҙғарылған Ҙур этнография диктантына ҡушылды

Сара республиканың 100-ҙән ашыу майҙансығында ойошторолдо. Иң ҙур майҙансыҡтар Дәүләт Йыйылышы-Ҡоролтай йортонда, Әхмәтзәки Вәлиди исемендәге Милли китапханала һәм Мифтахетдин Аҡмулла исемендәге Башҡорт дәүләт педагогия университетында эшләне. 10 йыл рәттән үткәрелгән этнографик диктанттың әһәмиәте тураһында репортаж.

Виктор Козлов Салауат Юлаев ордены менән бүләкләнде

«Салауат Юлаев» клубы баш тренеры Виктор Козлов Башҡортостандың иң абруйлы наградаларының береһе менән бүләкләнде. Халыҡтар берҙәмлеге көнөнә арналған тантаналы сарала Салауат Юлаев орденын Радий Хәбиров тапшырҙы. Виктор Козлов 2010/11 йылдар миҙгелендә Өфө командаһының капитаны була, ул саҡта юлаевсылар Гагарин кубогын яулай. 2022 йылда Виктор Николаевич «Салауат Юлаев»тың баш тренеры итеп тәғәйенләнә. Уҙған миҙгелдә уның тәрбиәләнеүселәре Гагарин Кубогының ярымфиналына сыҡты.

Пилотһыҙ осоусы аппараттар хәүефенән һаҡлау системаһы көсәйтелә

Пилотһыҙ осоусы аппараттар хәүефенә бәйле мотлаҡ сара. Республикала йәшәүселәр бындай осраҡтар теркәлгәндә, «112-ашығыс ярҙам» һәм «Рәсәйҙең Ғәҙәттән тыш хәлдәр министрлығы» мобиль ҡушымталары аша смс һәм пуш-хәбәрҙәр аша иҫкәртелә башланы. Әлегә был программалар менән ун биш меңгә яҡын кеше ҡуллана. Аҙна башында уҙғарылған оператив кәңәшмәлә Башҡортостан башлығы Радий Хәбиров системаны яҡшыртыу буйынса юл картаһын булдырыу бурысын ҡуйғайны. Был турала ентекләберәк БЮТ хәбәрсеһе Әлфинә Килдейәрова ойошторған әңгәмәлә.

Абсатаровтар быйыл «Ғаилә - традицияларҙы һаҡлаусы» номинацияһында еңеү яуланы

Өфө районында йәшәүсе Абсатаровтар быйыл «Йыл ғаиләһе» бөтә Рәсәй конкурсының «Ғаилә - традицияларҙы һаҡлаусы» номинацияһында еңеү яуланы. Башҡортостан башлығы Радий Хәбиров «Һоҡланғыс кешеләр тормошо» рубрикаһының сираттағы сығырылышын иҫ киткес ғаиләгә бағышланы.

Радий Хәбиров менән Тура бәйләнешкә тиклем бер аҙна ваҡыт ҡалды

Радий Хәбиров менән Тура бәйләнешкә тиклем бер аҙна ваҡыт ҡалды. Башҡортостан башлығына килгән һорауҙарҙың бер өлөшө мәғариф системаһына ҡағыла. Былтыр Тура бәйләнешкә 9 мең ярымдан ашыу мөрәжәғәт килгәйне, эфир барышында Радий Фәрит улы 65 һорауға яуап биреп өлгөрҙө. Әммә бер һорау ҙа иғтибарһыҙ ҡалмаясаҡ, уларҙың һәр береһен эшкә аласаҡбыҙ, тигәйне республика етәксеһе. Мәғариф өлкәһендә хәл ителгән проблемалар тураһында киләһе яҙмала.

Халыҡтар берҙәмлеге көнө алдынан Өфөлә төрлө милләт вәкилдәре бергә бейене

Башҡортостандың йәш депутаттары советы уҙғарған сара Дуҫлыҡ Монументы алдындағы майҙанда үтте. Ҡунаҡтар һәм республика халҡы өсөн милли музыкаль әҫәрҙәр яңғыраны, бейеүселәр донъя халыҡтары бейеүҙәрен башҡарҙы. Билдәле артистар патриотик йырҙар йырланы. Сара сиктәрендә викторина ойошторолдо һәм бер батман бал уйнатылды.

Халыҡтар берҙәмлеге көнө уңайынан Иглин районында байрам саралары үтте

Урындағы халыҡ Билдәһеҙ һалдат һәйкәленә сәскә гөлләмәләре һалды, һәүәҫкәр артистар әҙерләгән концерт ойошторолдо. Күп милләтле Иглин районы ансамлдәре тәҡдим иткән мәҙәни программаны тамашасылар йылы ҡабул итте. Урындағы мәҙәниәт һарайы алдында ауыл хужалығы йәрмикәһе ойошторолдо.

Балтас районында модулле турбазалар төҙөлә

Әлеге ваҡытта төбәктә заманса глэмпингтарҙы үҙ эсенә алған ике инвестиция проекты тормошҡа ашырыла. Был эшмәкәрлек «Туризм һәм ҡунаҡсыллыҡ» милли проекты буйынса, субсидия иҫәбенә алып барыла. Балтастың ике эшҡыуары 17 миллион һум күләмендә дәүләт ярҙамы алған. Киләһе репортаж туризмды үҫтереү буйынса эшмкәрлек барышы тураһында.

Салауат Юлаев исемендәге батальоны яугирҙарын махсус хәрби операция биләмәһенә оҙатыу тантанаһы үтте

Салауат Юлаев исемендәге башҡорт батальоны яугирҙарын махсус хәрби операция биләмәһенә оҙатыу тантанаһы үтте. Яҡташтарыбыҙ Донецк һәм Белгород йүнәлешендә ил адындағы бурысын үтәй. Башҡорт халҡының милли геройы исемен йөрөткән батальон өс йыл элек хәрби хәрәкәттәр һәм көс структуралары ветерандары башланғысы менән Рәсәй милли гвардияһы ғәскәрҙәре составында ойошторолдо.