Ишембай районы Маҡар ауылы мәҙәниәт йортонда күләмле төҙөкләндереү эштәренән һуң тәүге концерт ҡуйылды

«Берҙәм Рәсәй» партияһының «Кесе Ватан мәҙәниәте» проекты сиктәрендә клубҡа яңы мебель, йыһаздар, музыка ҡорамалдары һатып алынған, урындағы үҙешмәкәр коллективтар костюмдар менән тәьмин ителгән.

Өфөлә мәктәп уҡыусыларына Мостай Кәрим исемендәге фонд грантары тапшырылды

Бөйөк әҙиптең тыуыуына 106 йыл тулыуға арналған әҙәби-музыкаль кисәлә аҡсалата премияға Башҡортостандың халыҡ шағиры исемен йөрөткән 158-се башҡорт гимназияның 10 өлкән класс уҡыусыһы лайыҡ булды.

Радий Хәбиров Рәсәй һәм Үзбәкстан төбәктәре советы эшендә ҡатнашты

Башҡортостан башлығы Радий Хәбиров Мәскәү өлкәһендә «Патриот» конгресс-күргәҙмә үҙәге майҙансығында барған Рәсәй һәм Үзбәкстан төбәктәренең II Советы сараларында ҡатнашты.
Ҙур сара ике илдең төбәк-ара хеҙмәттәшлеген нығытыуға арналған. Советтың эшлекле программаһының төп ултырышын Рәсәй Хөкүмәте рәйесенең беренсе урынбаҫары Денис Мантуров менән Үзбәкстан Премьер-министры урынбаҫары Жамшид Ходжаев үткәрҙе.

Үзбәкстандың Наманган өлкәһе Өфөлә сауҙа йорто асырға йыйына

Был хаҡта өлкә хокимы Шәүкәт Абдуразаҡов Башҡортостан башлығы Радий Хәбиров менән осрашыуҙа хәбәр итте. Фекер алышыу барышында яҡтар төбәк-ара хеҙмәттәшлек мөмкинлектәрен тикшерҙе. Радий Хәбиров билдәләүенсә, республика Үзбәкстан төбәген берлектәге уңышлы проекттар тарихы булған ышаныслы партнер итеп ҡарай.

Өфөлә бурыслыларҙы асыҡлауға йүнәлтелгән рейд үтте

Дәүләт автоинспекторҙары суд приставтары һәм һалым хеҙмәте менән берлектә водителдәрҙе тикшерҙе. Сара махсус комплекс ярҙамында башҡарылды. Ул автомобилдәр ағымынан бурысы булған машиналарҙы табырға ярҙам итә. Белгестәр иҫкәртеүенсә, һалымын йәки штрафын ваҡытында түләмәүселәргә бурысҡа өҫтәп пеня, мөлкәткә арест, иҫәпте ябыу һәм сит илгә сығыуҙы тыйыу кеүек яза ҡаралған.

Башҡортостан күп балалы ғаиләләр һаны буйынса Волга буйында беренсе урында

Башҡортостанда миллиондан ашыу граждан, шул иҫәптән балалары булған 204 меңдән ашыу ғаилә төрлө социаль ярҙам ала. Күп балалы ғаиләләр һаны республикала 59 меңгә еткән. Был күрһәткес буйынса республика Волга буйы федераль округы төбәктәре араһында беренсе, ә Рәсәй буйынса 7-се урында.

Өфөлә махсус хәрби операция ветерандары торлаҡтарында уңайлы шарттар тыуҙырыла

«Ватанды һаҡлаусылар» фонды хеҙмәткәрҙәре эксперттар менән берлектә яугирҙарҙың йәшәү шарттарын яҡшыртыу буйынса социаль-көнкүреш консультациялары уҙғарҙы.

Өфөлә «Рәсәй төркиҙәре» Бөтә Рәсәй форумы башланды

Икенсе тапҡыр ойошторолған күләмле сара был юлы Ватанды һаҡлау темаһына арналды. Форумда сит илдәрҙән һәм Рәсәй субъекттарынан ғалимдар, йәмәғәт эшмәкәрҙәре ҡатнаша.Төп маҡсат булып төбәктәр араһындағы дуҫлыҡ ептәрен, берҙәмлекте нығытыу тора.

Ғәли Соҡоройҙоң 200 йыллығына арналған саралар Башҡортостанда дауам итә

Күренекле башҡорт мәғрифәтсеһе Ғәли Соҡоройҙоң 200 йыллығына бәйле саралар планы тормошҡа ашырыла. Башҡортостан башлығы Радий Хәбиров указына ярашлы, Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институтында шағирҙың һайланма әҫәрҙәренән торған китаптың исем туйы үтте.

Кадеттар тәүге тапҡыр «Күк йөҙө батырҙар өсөн!» проекты сиктәрендә оса

«Первушин аэродромы кесе авиация комплексы»нда Өфө һәм Ишембай ҡалаһы кадеттары өсөн практик осоштар үткәрелә. Авиаосоштар «Күк йөҙө батырҙар өсөн!» проекты буйынса президент фонды гранты иҫәбенә башҡарыла. Бөйөк Еңеүҙең 80 йыллығына арналған проект йәш быуынға ысын мәғәнәһендә «ҡанаттар» ҡуя.

⭐️ «Дуҫтар» проектының яңы ҡунағы - йырсы, блогер ZAGA!

Әбйәлил егете тиҙ арала республика йәштәренең һөйөүен яуланы! Уның йөрәге бушмы? Ни өсөн Заһир ауылда йәшәй? Ә хейтерҙарға нисек ҡарай?

24 октябрь сәғәт 23:00 БСТ каналында!

Стәрлетамаҡ ирекмәндәре ватан һаҡсыларына яңы партия гуманитар ярҙам әҙерләй

Уларҙың һәр береһе үҙенең көсөн һәм ваҡытын берләштереп, уртаҡ маҡсатҡа үҙ өлөшөн индерә. «Көмөш» йәштәге ирекмәндәр яугирҙар тураһында хәстәрлек күреү өсөн, һәр буш минутын бергә үткәрә. Волонтерҙар хәрәкәтендә 100-гә яҡын кеше. Улар араһында һуғыш балалары ла бар.

Ҡоролтайҙа төҙөлөш өлкәһендә энергияны һаҡсыл ҡулланыу мәсьәләһе тикшерелде

Дәүләт Йыйылышы-Ҡоролтайҙа торлаҡ сәйәсәте һәм инфраструктура үҫеше буйынса комитет ҡарамағындағы төҙөлөш буйынса эксперт советы ултырышы үтте. Эксперттар күп фатирлы йорттарҙа яңынан тергеҙелеүсе энергия сығанаҡтарын ҡулланыуҙы һәм ҡануниәтте камиллаштырыуҙы тикшерҙе.

Мәскәүҙә республикабыҙҙан уҡырға килгән беренсе курс студенттарын бағышлау тантанаһы үтте

Сараны Рәсәй президенты ҡарамағындағы Башҡортостандың тулы хоҡуҡлы вәкиллеге ярҙамында урындағы студенттар һәм аспиранттар ассоциацияһы ойошторҙо. Кисәлә йәштәр өсөн концерт номерҙары, шул иҫәптән Мәскәүҙең «Алтын ай» башҡорт бейеүҙәре ансамбле сығыштары тәҡдим ителде.

Салауат Башҡорт дәүләт драма театры Өфө сәхнәһендә сығыш яһаны

Баш ҡала халҡы һәм ҡунаҡтары иғтибарына улар драматург Сәрүәр Суринаның «Зәйтүнә» спектаклен тәҡдим итте. Ысын хәл-ваҡиғаларға нигеҙләнгән премьера әҫәре Миәкә районынан Зәйтүнә Әлибаеваның батырлығы тураһында. Ул Бөйөк Ватан һуғышы йылдарында фашист илбаҫарҙары менән тиңһеҙ алышта Ҡалмыҡ ерендә һәләк була. Рәсми документтарҙа ул тиҫтәләрсә йыл хәбәрһеҙ юғалған тип иҫәпләнә.

Башҡорт опера һәм балет театрында «Севильский цирюльник» премьераһы буласаҡ

Башҡорт опера һәм балет театрында 20 йылдан ашыу ваҡыт эсендә тәүге тапҡыр «Севильский цирюльник» спектакле күрһәтеләсәк. Бының өсөн Мәскәүҙән тәжрибәле режиссерҙар саҡырылған. Әле театр рәссамдары һәм тегенселәре костюмдар өҫтөндә эшләй, ә артистар репетицияларҙа әүҙем ҡатнаша.

Ишембай районы Ибрай ауылында яҡташтар, бағыусылар ярҙамы менән мәсет төҙөлә

Берәүҙәр аҡсалата, икенселәр төҙөлөш материалдары, ҡул көсө менән ярҙам итә. Әле иман йорто стенаһы манара күтәрелгән.. Мәсеттең имам-хатибы Рәсим Мәһәҙиев төҙөлөштә ҡатнашҡан барлыҡ ауылдаштарына рәхмәтле булыуын билдәләне.

Башҡортостан һәм Татарстан сигендәге яңы күпер асылды

Республикалар араһында күпер. Башҡортостандың Октябрьский ҡалаһы менән Татарстан сигендә реконструкциянан һуң Ыҡ йылғаһы аша күпер асылды. Объект планлаштырылған ваҡытынан бер йыл алда сафҡа индерелде. Уны файҙаланыуға тапшырыу тантнаһында Башҡортостан башлығы Радий Хәбиров һәм Татарстан Хөкүмәте Премьер-министры Алексей Песошин ҡатнашты. Транспорт хәрәкәтенә телекүпер режимында Рәсәй хөкүмәте вице-премьеры Марат Хөснуллин старт бирҙе.

Эш сәфәре менән Радий Хәбиров Туймазы ҡалаһында булды

Төбәк етәксеһе Туймазы дәүләт юридик колледжында булып креатив индустриялар йүнәлешендә уҡытыу шарттары менән танышты. Шулай уҡ республика башлығы бишенсе ҡала мәктәбенә капиталь ремонт үткәреү һөҙөмтәһен баһаланы.

Өфө үҙәгендә Азамат Юлдашбаевтың күн оҫтаханаһы продукцияһы менән сауҙа итеү нөктәһе барлыҡҡа килде

Ассортимент башлыса ир-егеттәр өсөн тәҡдим ителгән янсыҡ, сумка, билбау кеүек әйберҙәрҙән тора. Барыһы ла милли стилдә эшләнгән. Махсус урын Башҡортостан башлығының креатив индустрия вәкилдәре менән осрашыуы һөҙөмтәһендә барлыҡҡа килгән.

Шәһит Хоҙайбирҙин исемендәге хөкүмәт премияһы лауреаттары тағы ла биш журналистҡа тулыланды

Башҡортостан Хөкүмәте тарафынан булдырылған премияларҙы тапшырыу тантанаһы бөгөн Өфөлә, Шәһит Хоҙайбирҙиндың йорт-музейында үтте.
Шәһит Хоҙайбирҙин исемендәге премия-ул юғары хөкүмәт наградаһы, журналистың талантын һәм ҡаҙаныштарын таныу. 1989 йылда Журналистар Союзы тарафынан булдырылған дәртләндереү сараһы 1996 йылдан республика статусына эйә. Республика кимәлендәге бүләккә быйыл профессиональ ҡаҙаныштары һәм ҡыйыу гражданлыҡ ҡарашы булған һәләтле журналистар лайыҡ булды.