Башҡортостанда Республика көнө тантаналы рәүештә билдәләнде

11 октябрҙә Башҡортостандың төп дәүләт байрамы-Республика көнө билдәләнә. Төбәк башлығы Радий Хәбиров тарихи датаға арналған тантаналы йыйылышта ҡатнашып, республикала йәшәүселәрҙе байрам менән тәбрикләне. Сәхнәлә хеҙмәт алдынғыларына дәүләт наградалары. Салауат Юлаев исемендәге дәүләт премияһы лауреаттары тәбрикләнде.

Башҡортостанда спорт майҙансыҡтары асыуға старт бирелде

Башҡортостан спорттың күп төрҙәре буйынса илдең терәк төбәге иҫәпләнә. Республика 199 миҙал яулаған 76 Олимпия, паралимпия һәм сурдлимпия уйындары чемпионы һәм призеры менән ғорурлана. Был турала Радий Хәбиров Башҡортостан башлығы ҡарамағындағы Физик культура һәм спортты үҫтереү мәсьәләләре буйынса совет ултырышында белдерҙе. Төбәк етәксеһе шулай уҡ видеобәйләнеш аша район-ҡалаларҙа 13 спорт майҙансығын асыуға старт бирҙе.

Өфөлә тәүге профессиональ падел-турнирға старт бирелде

Башҡортостан башлығы Радий Хәбиров менән Рәсәй спорт министрының беренсе урынбаҫары Одес Байсолтанов республикала падел-спорт буйынса беренсе профессиональ турнирға старт бирҙе. Өфөлә яңы спорт төрө менән шөғөлләнеү өсөн клуб асылды. Шулай уҡ Өфөлә төҙөләсәк Өҫтәл теннисы үҙәгенә нигеҙ ташы һалынды.

Радий Хәбиров Йәштәр эштәре буйынса федераль агентлыҡ етәксеһе Григорий Гуров менән осрашты

Яҡтар йәштәр сәйәсәтен үҫтереү мәсьәләләрен тикшерҙе. Башҡортостан был өлкәлә интенсив һәм һөҙөмтәле эш алып бара. Республика йәштәр һаны буйынса Волга буйы федераль округында беренсе һәм Рәсәйҙә етенсе урынды биләй, тине Радий Хәбиров. Республика етәксеһе шулай уҡ тәрбиә һәм мәғрифәтселек эшен ойоштороу кәрәклегенә иғтибар итте.

Башҡортостандың хеҙмәт алдынғылары баш ҡала сәхнәһендә бүләкләнде

Уңышты йыйып бөткәс тә баш ҡалаға лайыҡлы бүләк артынан. Ҡырҡ йыл буйы механизатор булып эшләгән Станислав Ғөбәев бер төркөм хеҙмәт алдынғылары менән бер рәттән Башҡортостан башлығы Радий Хәбиров ҡулынан награда алды. Тотош ғүмеремде тиерлек ауылда, трактор рулендә уҙғарғас баш ҡалаға килеп Республика көнөнә арналған тантаналарҙа ҡатнашыу ҙур һынау булды, ти Станислав. Үҙенең көндәлек эшендә хеҙмәт ҡаһарманлығы күрһәткән, үҙ һөнәрендә, төбәк үҫешендә локомотив булған шәхестәрҙе тәбрикләү тантанаһынан репортаж.

Аҙна аҙағына көндәрҙең ҡапыл һыуытыуы фаразлана

Башҡортостан гидрометеорология үҙәгенән хәбәр итеүҙәренсә, шәмбе һәм йәкшәмбе урыны менән ямғыр һәм ҡар ҡатыш ямғыр яуыуы ихтимал. 13 октябрҙә иртәле-кисле юлдарҙа боҙлауыҡ булыуы, таулы, көнсығыш райондарҙа ваҡытлыса ҡар ятыуы мөмкин.

Радий Хәбиров Башҡоростан халҡын Республика көнө менән ҡотланы

- Беҙҙең Башҡортостан - ул күп милләтле тарих, үҙенсәлекле мәҙәниәт, уникаль тәбиғәт. Көслө сәнәғәт һәм ауыл хужалығы. Фән һәм инновациялар. Алға ынтылыш. Әммә төп байлығыбыҙ - ул бында йәшәүсе кешеләр. Ҡаһарман геройҙар, хеҙмәтсәндәр, һәләтле артистар, шағирҙар, рәссамдар, спортсылар, ғалимдар. Республиканың бар халҡына уңыш, сәләмәтлек, именлек һәм ҡаҙаныштар теләйем, - тип яҙа Радий Хәбиров социаль селтәрҙә.

Өфөлә тарихи йөҙөн һаҡлаған Ағиҙел күпере асылды

Тарихи йөҙөн һаҡлаған яңыртылған күпер. Республика көнөндә өс йыл дауамында алып барылған ремонт эштәренән һуң, транспорт хәрәкәте ебәрелде. Объектты белгестәр элекке стиленә ҡарап төҙөкләндерергә тырышҡан. Уны асыу тантанаһында республика башлығы ла ҡатнашты.

Радий Хәбиров Өфөнөң транспорт инфраструктураһы идаралығына яңы троллейбус асҡыстарын тапшырҙы

Рәсәй-Белоруссия сәнәғәт кооперацияһы һөҙөмтәһе. Башҡортостан башлығы Радий Хәбиров Өфөнөң транспорт инфраструктураһы идаралығына яңы троллейбус асҡыстарын тапшырҙы. Экологик яҡтан иң таҙа машиналар ҡала электр транспортын үҫтереү программаһы буйынса һатып алынған. «Горожанин» троллейбусының төп үҙенсәлектәренең береһе-өҫтәмә аккумулятор ярҙамында 30 километрға тиклем автономлы хәрәкәт итеү мөмкинлеге.

Өфөлә Шайморатов класстары уҡыусылары тоғролоҡҡа ант бирҙе

Тыуған еребеҙҙең тоғро улы һәм ҡыҙы булырға, төплө белем алырға, илебеҙгә намыҫлы хеҙмәт итергә ант итәм! Шайморатов класында уҡыусылар тантаналы шарттарҙа тоғролоҡҡа ант бирҙе. Баш ҡаланың Совет майҙанына республиканың төрлө ҡала һәм райондарынан алты йөҙгә яҡын бала йыйылды. Радий Хәбиров буласаҡ Ватан һаҡсыларын шайморатовсыларға бағышланы. Республика көнөнә арналған тантаналы саранан репортаж.

Радий Хәбиров «Көслөләр һайлауы» Бөтә Рәсәй конференцияһында ҡатнашты

Башҡортостан башлығы Радий Хәбиров Берҙәм Рәсәй партияһының «Көслөләр һайлауы» федераль проектының Бөтә Рәсәй конференцияһында ҡатнашты.
Көрәш спортын үҫтереү, илһөйәр йәштәр тәрбиәләү һәм илдең кадрҙар резервын булдырыуҙы маҡсат итеп ҡуйған проект өс федерацияны-дзюдо, самбо һәм спорт көрәшен берләштерә.

Ейәнсура районы 95 йыллығын яңы проекттар һәм фольклор байрам менән ҡаршыланы

Ейәнсура районы ойошторолоуға 95 йыл. Юбилей уңайынан төбәктә бер нисә объект сафҡа инде. Мәрйәм Бураҡаева исемендәге Башҡорт-гимназия интернаты янында ГТО нормаларын тапшырыу, «Айыҡ ауыл» конкурсы еңеүселәре Кинйәбулатта балалар өсөн ял майҙансыҡтары асылды. ЗАГС эргәһендә «Ғашиҡтар йөрәге» объекты барлыҡҡа килде. Тарихи дата айҡанлы районда байрам саралары-«Йырлы бишегем-Ейәнсура» фольклор байрамы үтте. Район мәҙәниәт йортонда хеҙмәт алдынғылары бүләкләнде, фойела бай йөкмәткеле күргәҙмә әҙерләнгәйне. Тулыраҡ киләһе репортажда.

Өфөлә Ҡурай көнө уңайынан ҙур концерт үтте

Ҡурай көнөндә Башҡортостан Ҡурайсылар союзы ағзалары 13 кешегә артты. Республика башлығы Радий Хәбиров указына ярашлы быйылдан рәсми билдәләнгән дата уңайынан республикала бик күп мәҙәни саралар ойошторолдо. Өфөлә милли уйын ҡоралына бәйле үткән семинар, беренсе күргәҙмә шуларҙың береһе. Әһәмиәтле көндә Башҡортостан дәүләт ҡурайсылар ансамбле ҙур концерт программаһы менән сығыш яһаны.

Радий Хәбиров Өфөләге Ильич скверы һәм мозаикалы фонтан реконструкцияһы менән танышты

Башҡортостан башлығы Радий Хәбиров Өфөләге Ильич скверы һәм мозаикалы фонтан реконструкцияһы менән танышты. 1975 йылда төҙөлгән фонтан совет модернизмы стилендә ҡоролған. Ул 2000 йылда ябылып, сирек быуат эшләмәй. Реконструкция барышында уның тарихи йөҙө тулыһынса тергеҙелә, яҡтыртыу-музыкаль шоу ойоштороу мөмкинлеге булдырыла. Урындағы халыҡ Калинин районына булған иғтибар өсөн рәхмәт белдерҙе.

2019 йылдан алып Башҡортостанда һәр өсөнсө фельдшер-акушерлыҡ пункты яңыртылған

Төбәктә һаулыҡ һаҡлау өлкәһенең беренсел звеноһын нығытыуға, ауыл медицинаһын үҫтереүгә иғтибар юғары. Республика фаптар иҫәбе буйынса ла ил кимәлендә алдынғы урынды биләй. Был аҙнала сафҡа индерелгән модулле медицина пункттарында БЮТ ижади төркөмө лә булды.

Белорет районында ҡар яуыуы һәм боҙлауыҡ арҡаһында 13 километрлыҡ тығындар барлыҡҡа килде

Бөгөн Белорет районында ҡар яуыуы һәм боҙлауыҡ арҡаһында 13 километрлыҡ тығындар барлыҡҡа килде. Махсус хеҙмәттәр юлдағыларҙың хәүефһеҙлеген тәьмин итеү маҡсатында иртәнге сәғәт 7-нән Өфө-Инйәр-Белорет трассаһы буйлап хәрәкәтте туҡтатты. Күҙәтеү барышында Башҡортостандың Ғәҙәттән тыш хәлдәр буйынса дәүләт комитеты ҡотҡарыусылары туңған водителгә ярҙам күрһәткән.

«Мега» сауҙа һәм күңел асыу үҙәгендә «Да дому. Белорус етене» магазины асылды

Уның эшмәкәрлегенә старт биреү сараһында Башҡортостан бышлығы Радий Хәбиров ҡатнашты. «Да дому» магазины бары тик белорус етештереүселәренең продукцияһын-түшәктәр, өй кейеме, һауыт-һаба һәм йортта уңайлы атмосфера булдырыу өсөн тауарҙарҙы үҙ эсенә ала.

«Йәшел Башҡортостан» акцияһы буйынса 7 йылда меңдән ашыу тематик аллея барлыҡҡа килгән

2019 йылдан республикабыҙ ҡала-райондарында 183 мең төп ҙур ағас, 1 миллион 700 мең үҫенте һәм ҡыуаҡ ултыртылған. Был турала социаль селтәрҙәрҙә Радий Хәбиров яҙҙы. «Йәшел Башҡортостан» акцияһы йылына ике тапҡыр үткәрелә. Быйыл көҙ генә акцияға 37 меңгә яҡын кеше ҡушылды.

Шаран районында көнбағыштан мул уңыш йыйыла

Көнбағыш мул уңыш менән ҡыуандыра. Шаран районы аграрийҙары әйтеүенсә, майлы культура уңышы гектарына 20 центнер тура килә. Крәҫтиән-фермер хужалыҡтарының береһендә 2 мең гектар майҙандан ярауай культуралар, рапс йыйып алынған. Етен менән көнбағыш баҫыуында әле эш дауам итә.

Өфөлә Республика көнөнә арналған ауыл хужалығы йәрминкәләре үтте

Өфөнөң төп сауҙа майҙансыҡтарында Республика көнөнә арналған традицион ауыл хужалығы йәрминкәләре ойошторолдо. Байрам көндәрендә төбәк халҡы урында етештерелгән аҙыҡ-түлек, фермер хужалыҡтары тәҡдим иткән тауарҙарҙы ташлама менән һатып ала алды.

Хәйбулла районы үҙәгендә махсус хәрби операцияла ҡатнашыусыларға һәйкәл асылды

Унда хәрби хәрәкәттәр ветерандары, яу яланында һәләк булған геройҙарҙың туғандары һәм йәш быуын вәкилдәре саҡырылды. Скульптура композицияһы яугирҙарҙың ҡаһарманлығы тураһында һөйләй. Ошо уҡ урында аллея төҙөлгән һәм хәрби техника ҡуйылған. Был һәйкәл-беҙҙең уртаҡ хәтер һәм киләсәк быуындарға васыят, тине үҙ сығышында район хакимиәте башлығы Рөстәм Шәрипов.