Өфөнән Рәмилә менән Динар Йомағужиндар алтын туйҙарын билдәләне

Ярты быуаттан ашыу ҡулға-ҡул тотоношоп. Бөгөн Өфөнән Рәмилә менән Динар Йомағужиндар алтын туйҙарын билдәләне. Тантаналы сара баш ҡаланың Киров ЗАГС-да үтте. Әйткәндәй, Рәмилә Йомағужина үҙе лә егерме йылдан ашыу Гражданлыҡ хәле акттарын теркәү идаралығында эшләһә, ә уның тормош иптәше Динар Ҡәнзәфәр «Юлдаш» радиоһында.

Асҡын районы Иҫке Мутабаш ауылында фельдшер-акушер пункты асылды

Медицина учреждениеһы 250-нән ашыу кешене хеҙмәтләндерә. Яңы ФАПта ашығыс ярҙам күрһәтелә, профилактик тикшеренеүҙәр уҙғарыла. Панциенттарҙы фельдшер Рәйсә Ғәлимшина ҡабул итә. Республикала “Оҙайлы һәм әүҙем тормош” милли проекты тормошҡа ашырыла. Уға ярашлы быйыл 6 поликлиника тапшырыла, 9 объект төҙөкләндерелә, 134 модуль конструкцияһы сафҡа инә.

Бөгөн Башҡортостанда ҡурай көнө билдәләнә

Был дата Республика башлығы Радий Хәбиров ҡушыуы буйынса уҙған йылда булдырылды. Өфөлә республика дәүләт ҡурайсылар ансамбле барлыҡҡа килде. Коллектив бер йыл эсендә район һәм ҡалаларҙа, сит төбәктәрҙә 100-ҙән ашыу концерт тәҡдим итте.
Бөгөн Өфөлә Башҡортостан дәүләт Ҡурайсылар ансамбленең концерты уҙа. “Башҡортостан” дәүләт концерт залында ойошторолған сара 6 йәштән өлкән тамашасыға тәғәйенләнә.

Тәбиғәткә сыҡҡанда хәүефһеҙлек ҡағиҙәләрен онотмаҫҡа кәңәш итәләр

Алдағы ялдарҙа һауа шарттарының яҡшы булыуы көтөлә. Күптәр баҡсаға һәм тәбиғәткә сығып ял итергә тырыша. Ғәҙәттән тыш хәлдәр буйынса дәүләт комитетынан хәбәр итеүҙәренсә, Башҡортостанда янғынға ҡаршы махсус тәртип бөтөрөлдө. Әммә ут менән һаҡ эш итергә кәрәк. Ҡоро үлән һәм япраҡ тиҙ генә янып китә. Шуға усаҡ урынын дөрөҫ һайлау шарт. Шешлекте баҡса биләмәһендә, йорт ихатаһында ғына ҡурырға мөмкин, тип иҫкәртәләр ведомствонан.

Башҡортосанда поликлиникааларҙың алдағы ялдарҙа эшләү тәртибе билдәләнде

Һаулыҡ һаҡлау министрлығынан хәбәр итеүҙәренсә улар иртәнге 8-ҙән 5 кә тиклем халыҡты ҡабул итә. Байрам көндәрендә медицина учреждениеалры халыҡты тейешенсә хеҙмәтләндереүе өсөн препараттар менән тәьмин ителгән. Башҡортостанда Республика көнө билдәләү уңайынан өс көнлөк ял ҡаралған.

Республикала 30-ға яҡын колледжға документ тапшырырға була

Ҡабул итеү кампанияһы 25 ноябргә тиклем оҙайтылған. 9-сы класты тамамлаған ҡыҙҙар һәм егеттәр урта һөнәри белем алыу программаһы буйынса уҡырға инә ала. Быйыл республика колледждарында 24 меңдән ашыу бюджет урыны булдырылды. Мәғриф министрлығынан хәбәр итеүҙәренсә, йыл һайын 30 мең сығарылыш уҡыусыһы колледжға уҡырға инә.

Республика көнөндә 80-нән ашыу хеҙмәт алдынғыһына дәүләт наградалары тапшырылды

Республика көнө уңайынан тырыш хеҙмәте менән дан ҡаҙанған, Башҡортостандың үҫешенә үҙ өлөшөн индергән төрлө тармаҡ белгестәренә дәүләт наградалары тапшырылды. Табиптар, ауыл хужалығы белгестәре, төҙөүселәр һәм уҡытыусылар, дәүләт эшмәкәрҙәре-барлығы һикһәндән ашыу кешенең хеҙмәте лайыҡлы баһаланды.

Өфөлә «Үҫеш биләмәһе. Движ командаһы» проекты остаздары һәм лидерҙары осрашты

Быйыл «Үҫеш биләмәһе» үҙенең биш йыллығын билдәләй. Быға тиклем форум форматында үткән проект тулы ҡеүәттә 2021 йылда эшләй башлай. Әлеге ваҡытта «Үҫеш биләмәһе» республика буйлап 32 резиденцияны берләштерә. Уларҙың һәр береһендә йәштәр остаздары менән берлектә проекттар яҙа, төрлө конкурстарҙа ҡатнаша.

Өфө студенттары үҙҙәре етештергән хуш еҫле шәмдәрҙе һатыуға сығарған

Тотош ил буйынса таралған продукция ассортиментында интерьер өсөн диффузорҙар, автопарфюм да бар. Үҙмәшғүл булараҡ теркәлгән йәштәр хаҡында репортаж.

Өфөлә ҡурайға арналған тәүге ҙур күргәҙмә эшен башланы

Башҡортостандың Милли музейында «Ҡурай-башҡорт халҡының йәне» тип исемләнгән беренсе күләмле күргәҙмә асылды. 8 тематик зонаға бүленгән экспонаттар араһында сәхнә костюмдары, һирәк осраған китаптар, нота баҫмаларын һәм архив фотоһүрәттәрҙе күрергә мөмкин.

Махсус хәрби операция биләмәһе яугирҙары ҡурайҙы ташламай

Башҡорт халҡының милли музыка ҡоралы уларға рухи көс бирә, яу ҡырында ла илһамландыра. Сихри моң-ул тыуған ергә, ата-бабалар тарихына тоташтырыусы бер сылбыр. Ҡулына ҡорал алған һалдаттар араһында ла ҡурайсылар бар. Шуларҙың береһе «Сәләх» ҡушаматлы яугир. Ул, ара-тирә тынлыҡ урынлашҡан мәлдәрҙә, ҡурайҙа уйнап, иптәштәренең күңелен күтәрә, тыуған яҡҡа һағышты баҫа. Ҡурай моңо яугирҙарға көс һәм дәрт өҫтәй, рухын нығыта.

Республика көнө алдынан яҙыусылар менән журналистар осрашты

«Берҙәмлектә-көс» тип исемләнгән түңәрәк өҫтәл артындағы һөйләшеү яңыртылған Башҡортостан яҙыусылар союзы бинаһында үтте. Осрашыуҙа яҙыусылар, республиканың төп баҫмаларының баш мөхәррирҙәре, журналистар сығыш яһаны.

Өфөлә бер юлы ике ижади коллектив тамашасыға яңы йырҙарын тәҡдим итте

Республика көнө уңайынан «Хазина» этно-проекты менән «Тауыштар» вокал проекты композицияларының исем туйы үтте.

Федоровка районының Бала Сытырман урта дөйөм белем биреү мәктәбе 100 йыллыҡ юбилейын билдәләне

Сағыу гөлләмәләр, уҡытыусыға сикһеҙ рәхмәт һүҙҙәре. Федоровка районының Бала Сытырман урта дөйөм белем биреү мәктәбе 100 йыллыҡ юбилейын билдәләне. Тантаналы сара белем усағын төрлө йылдарҙа тамамлаусылар һәм педагогтарҙы осраштырҙы.

Башҡортостанда Республика көнө тантаналы рәүештә билдәләнде

11 октябрҙә Башҡортостандың төп дәүләт байрамы-Республика көнө билдәләнә. Төбәк башлығы Радий Хәбиров тарихи датаға арналған тантаналы йыйылышта ҡатнашып, республикала йәшәүселәрҙе байрам менән тәбрикләне. Сәхнәлә хеҙмәт алдынғыларына дәүләт наградалары. Салауат Юлаев исемендәге дәүләт премияһы лауреаттары тәбрикләнде.

Башҡортостанда спорт майҙансыҡтары асыуға старт бирелде

Башҡортостан спорттың күп төрҙәре буйынса илдең терәк төбәге иҫәпләнә. Республика 199 миҙал яулаған 76 Олимпия, паралимпия һәм сурдлимпия уйындары чемпионы һәм призеры менән ғорурлана. Был турала Радий Хәбиров Башҡортостан башлығы ҡарамағындағы Физик культура һәм спортты үҫтереү мәсьәләләре буйынса совет ултырышында белдерҙе. Төбәк етәксеһе шулай уҡ видеобәйләнеш аша район-ҡалаларҙа 13 спорт майҙансығын асыуға старт бирҙе.

Өфөлә тәүге профессиональ падел-турнирға старт бирелде

Башҡортостан башлығы Радий Хәбиров менән Рәсәй спорт министрының беренсе урынбаҫары Одес Байсолтанов республикала падел-спорт буйынса беренсе профессиональ турнирға старт бирҙе. Өфөлә яңы спорт төрө менән шөғөлләнеү өсөн клуб асылды. Шулай уҡ Өфөлә төҙөләсәк Өҫтәл теннисы үҙәгенә нигеҙ ташы һалынды.

Радий Хәбиров Йәштәр эштәре буйынса федераль агентлыҡ етәксеһе Григорий Гуров менән осрашты

Яҡтар йәштәр сәйәсәтен үҫтереү мәсьәләләрен тикшерҙе. Башҡортостан был өлкәлә интенсив һәм һөҙөмтәле эш алып бара. Республика йәштәр һаны буйынса Волга буйы федераль округында беренсе һәм Рәсәйҙә етенсе урынды биләй, тине Радий Хәбиров. Республика етәксеһе шулай уҡ тәрбиә һәм мәғрифәтселек эшен ойоштороу кәрәклегенә иғтибар итте.

Башҡортостандың хеҙмәт алдынғылары баш ҡала сәхнәһендә бүләкләнде

Уңышты йыйып бөткәс тә баш ҡалаға лайыҡлы бүләк артынан. Ҡырҡ йыл буйы механизатор булып эшләгән Станислав Ғөбәев бер төркөм хеҙмәт алдынғылары менән бер рәттән Башҡортостан башлығы Радий Хәбиров ҡулынан награда алды. Тотош ғүмеремде тиерлек ауылда, трактор рулендә уҙғарғас баш ҡалаға килеп Республика көнөнә арналған тантаналарҙа ҡатнашыу ҙур һынау булды, ти Станислав. Үҙенең көндәлек эшендә хеҙмәт ҡаһарманлығы күрһәткән, үҙ һөнәрендә, төбәк үҫешендә локомотив булған шәхестәрҙе тәбрикләү тантанаһынан репортаж.

Аҙна аҙағына көндәрҙең ҡапыл һыуытыуы фаразлана

Башҡортостан гидрометеорология үҙәгенән хәбәр итеүҙәренсә, шәмбе һәм йәкшәмбе урыны менән ямғыр һәм ҡар ҡатыш ямғыр яуыуы ихтимал. 13 октябрҙә иртәле-кисле юлдарҙа боҙлауыҡ булыуы, таулы, көнсығыш райондарҙа ваҡытлыса ҡар ятыуы мөмкин.

Радий Хәбиров Башҡоростан халҡын Республика көнө менән ҡотланы

- Беҙҙең Башҡортостан - ул күп милләтле тарих, үҙенсәлекле мәҙәниәт, уникаль тәбиғәт. Көслө сәнәғәт һәм ауыл хужалығы. Фән һәм инновациялар. Алға ынтылыш. Әммә төп байлығыбыҙ - ул бында йәшәүсе кешеләр. Ҡаһарман геройҙар, хеҙмәтсәндәр, һәләтле артистар, шағирҙар, рәссамдар, спортсылар, ғалимдар. Республиканың бар халҡына уңыш, сәләмәтлек, именлек һәм ҡаҙаныштар теләйем, - тип яҙа Радий Хәбиров социаль селтәрҙә.