Радий Хәбиров Тажикстанда ике баланы ҡотҡарған студенттың ғаиләһе менән осрашты

Тажикстанда Радий Хәбиров Ағиҙелдә бата башлаған ике баланың ғүмерен ҡотҡарған студенттың ата-әсәһе Парвина һәм Саидакбар Каландаровтар менән осрашты. Республика башлығы әйтеүенсә, Хаджимурод үҙ ғүмерен аямай кеше ҡотҡарған ысын герой. Башҡорт дәүләт аграр университетының беренсе курсында белем алған студент 2020 йылда йылғала бата башлаған ике баланың ғүмерен ҡотҡара, әммә үҙе һыуҙан сыға алмай.

Башҡортостанда 12 күпер «Тормош өсөн инфраструктура» проекты буйынса төҙөкләндерелә

«Тормош өсөн инфраструктура» милли проекты буйынса республикала төбәк һәм муниципаль-ара әһәмиәттәге 12 күпер норматив хәлгә килтерелә. Уларҙың күбеһе туристик объекттарға алып барған юлда, терәк юл селтәренә ингән трассаларҙа урынлашҡан. Был турала бөгөн Башҡортостандың юл Транспорт һәм юл хужалығы министры Любовь Минакова хәбәр итте.

Иглин районында геройҙарға ярҙам итеүгә арналған форум үтте

Активистар, ирекмәндәр, йәмәғәт ойошмалары вәкилдәре, махсус хәрби операцияла ҡатнашыусыларҙың ғаиләләре «СВО Иглино» форумында ҡатнашты. Сараның төп бурысы-яугирҙарға һәм уларҙың яҡындарына ярҙам итеүҙе берләштереү. Форум тематик майҙансыҡтарға бүленде: район биләмәһендә коммерция булмаған ойошмаларҙы үҫтереү, эшҡыуарлыҡты һәм ирекмәндәр хәрәкәттәренә ярҙам итеү.

Өфөлә Ҡайтарылған исемдәр музейын булдырыу буйынса эш дауам итә

Республика үҫешенә ҙур өлөш индергән, әммә нахаҡҡа юҡ ителгән исемдәрҙе тергеҙеү маҡсаты ҡуйылған. Әлегә иллегә яҡын исем раҫланған, тағы ла 13 кандидат буйынса документтар ҡарала.

Археология һәм этнография музейында Алексей Нечвалода эштәре күрһәтелә

Быуаттар аша ҡараш... Раил Кузеев исемендәге этнологик тикшеренеүҙәр институтының археология һәм этнография музейында баш һөйәге буйынса кеше йөҙөнөң антропологик реконструкцияһы сәнғәтенә арналған күргәҙмә асылды.

Мөкәрим Төхвәтшин исемендәге китапхана 90 йыллығын ғилми-ғәмәли форум менән билдәләне

Өфөнөң «Торатау» конгрес холында Мөкәрим Төхвәтшин исемендәге Республика һуҡырҙар китапханаһының 90 йыллығына арналған ғилми-ғәмәли конференция үтте. Профессиональ форум кешенең сикһеҙ мөмкинлектәрен сағылдырған ысын байрамға әүерелде.

12-19 октябрҙә Өфө «Ҡолонсаҡ» беренсе халыҡ-ара театр спектаклдәре фестивален ҡабул итә

Унда Рәсәй һәм Бойондороҡһоҙ дәүләттәр илдәре профессиональ коллективтары ҡатнаша. Спектаклдәр Мостай Кәрим исемендәге Республика милли йәштәр, Өфө «Нур» татар дәүләт, һәм Мәжит Ғафури исемендәге Башҡорт академия драма театры сәхнәләрендә күрһәтеләсәк.

Радий Хәбиров Рәсәй-Тажикстан индустриаль паркын төҙөү тураһындағы килешеүгә ҡул ҡуйҙы

Был мөһим ваҡиға ил Президентының Тажикстанға сәфәре сиктәрендә үтте. Владимир Путин менән Эмомали Рахмон ҡатнашлығындағы сарала Радий Хәбиров Тажикстандың инвестиция һәм дәүләт мөлкәте менән идара итеү дәүләт комитеты рәйесе Султон Рахимзода менән килешеү нөхсәләре менән алышынды.

Рәсәй-Тажикстан индустриаль паркы — Башҡортостан өсөн яңы иҡтисади мөмкинлек

Башҡортостандың Рәсәй Президентының дәүләт сәфәрендә ҡатнашыуы тышҡы иҡтисади аренала биләгән урынын нығытыуын һәм статусын арттырыуын иҫбатлай. Федераль үҙәк республиканы етди һәм ышаныслы төбәк булараҡ ҡабул итә. Был күренеш башҡа күләмле халыҡ-ара проекттарҙа ҡатнашыуға ла юл аса. Сәфәр дөйөм һүҙҙәрҙән аныҡ эштәргә күсеүгә мөмкинлеге бирҙе.

Радий Хәбиров Тажикстанда бер нисә эшлекле осрашыу үткәрҙе

Башҡортостан башлығы Радий Хәбиров Тажикстанда бер нисә эшлекле осрашыу үткәрҙе, шулай уҡ сәнәғәт һәм социаль объекттар менән танышты. Тәүҙә Радий Хәбиров Тажикстандың сәнәғәт һәм яңы технологиялар министры Шерали Кәбир менән осрашты.

Бизнес-шериф ярҙамында Бишбүләк районында бәләкәй һәм урта эшҡыуарлыҡтың яңы субъекттары үҫешә

Үҙ эшеңде асыу. Бизнес-шериф ярҙамында Бишбүләк районында бәләкәй һәм урта эшҡыуарлыҡтың яңы субъекттары үҫешә. Айыт ауылында ла бер-нисә кеше үҙ эшен асҡан. Йүнселдәргә дәүләт ярҙамы һәм үҙ эшен асыу юлдарын беҙҙең ижади төркөм дә өйрәнде. Был хаҡта тулыраҡ киләһе яҙмала.

Башҡорт ҡурсаҡ театрында һуҡыр балалар өсөн «Красная шапочка» сәхнәләштерелде

Башҡорт дәүләт ҡурсаҡ театрында «Уңайлы театр» проекты сиктәрендә һуҡыр һәм күреү һәләте насар балалар өсөн «Красная шапочка» спектакле ҡуйылды. Проектты театр «Рухиәт» автономиялы коммерция булмаған ойошма менән берлектә Президент гранттары Фонды ярҙамында тормошҡа ашыра.

Баймаҡта «Ҡурайсылар төйәге» тип исемләнгән кисә үтте

10 октябрҙә Башҡортостандың иң сағыу символдарының береһенә арналған Ҡурай көнө билдәләнә. Ошо уңайҙан Баймаҡ биләмә-ара үҙәк китапханаһында «Ҡурайсылар төйәге» тип исемләнгән кисә үтте.

Өфөнән Рәмилә менән Динар Йомағужиндар алтын туйҙарын билдәләне

Ярты быуаттан ашыу ҡулға-ҡул тотоношоп. Бөгөн Өфөнән Рәмилә менән Динар Йомағужиндар алтын туйҙарын билдәләне. Тантаналы сара баш ҡаланың Киров ЗАГС-да үтте. Әйткәндәй, Рәмилә Йомағужина үҙе лә егерме йылдан ашыу Гражданлыҡ хәле акттарын теркәү идаралығында эшләһә, ә уның тормош иптәше Динар Ҡәнзәфәр «Юлдаш» радиоһында.

Асҡын районы Иҫке Мутабаш ауылында фельдшер-акушер пункты асылды

Медицина учреждениеһы 250-нән ашыу кешене хеҙмәтләндерә. Яңы ФАПта ашығыс ярҙам күрһәтелә, профилактик тикшеренеүҙәр уҙғарыла. Панциенттарҙы фельдшер Рәйсә Ғәлимшина ҡабул итә. Республикала “Оҙайлы һәм әүҙем тормош” милли проекты тормошҡа ашырыла. Уға ярашлы быйыл 6 поликлиника тапшырыла, 9 объект төҙөкләндерелә, 134 модуль конструкцияһы сафҡа инә.

Бөгөн Башҡортостанда ҡурай көнө билдәләнә

Был дата Республика башлығы Радий Хәбиров ҡушыуы буйынса уҙған йылда булдырылды. Өфөлә республика дәүләт ҡурайсылар ансамбле барлыҡҡа килде. Коллектив бер йыл эсендә район һәм ҡалаларҙа, сит төбәктәрҙә 100-ҙән ашыу концерт тәҡдим итте.
Бөгөн Өфөлә Башҡортостан дәүләт Ҡурайсылар ансамбленең концерты уҙа. “Башҡортостан” дәүләт концерт залында ойошторолған сара 6 йәштән өлкән тамашасыға тәғәйенләнә.

Тәбиғәткә сыҡҡанда хәүефһеҙлек ҡағиҙәләрен онотмаҫҡа кәңәш итәләр

Алдағы ялдарҙа һауа шарттарының яҡшы булыуы көтөлә. Күптәр баҡсаға һәм тәбиғәткә сығып ял итергә тырыша. Ғәҙәттән тыш хәлдәр буйынса дәүләт комитетынан хәбәр итеүҙәренсә, Башҡортостанда янғынға ҡаршы махсус тәртип бөтөрөлдө. Әммә ут менән һаҡ эш итергә кәрәк. Ҡоро үлән һәм япраҡ тиҙ генә янып китә. Шуға усаҡ урынын дөрөҫ һайлау шарт. Шешлекте баҡса биләмәһендә, йорт ихатаһында ғына ҡурырға мөмкин, тип иҫкәртәләр ведомствонан.

Башҡортосанда поликлиникааларҙың алдағы ялдарҙа эшләү тәртибе билдәләнде

Һаулыҡ һаҡлау министрлығынан хәбәр итеүҙәренсә улар иртәнге 8-ҙән 5 кә тиклем халыҡты ҡабул итә. Байрам көндәрендә медицина учреждениеалры халыҡты тейешенсә хеҙмәтләндереүе өсөн препараттар менән тәьмин ителгән. Башҡортостанда Республика көнө билдәләү уңайынан өс көнлөк ял ҡаралған.

Республикала 30-ға яҡын колледжға документ тапшырырға була

Ҡабул итеү кампанияһы 25 ноябргә тиклем оҙайтылған. 9-сы класты тамамлаған ҡыҙҙар һәм егеттәр урта һөнәри белем алыу программаһы буйынса уҡырға инә ала. Быйыл республика колледждарында 24 меңдән ашыу бюджет урыны булдырылды. Мәғриф министрлығынан хәбәр итеүҙәренсә, йыл һайын 30 мең сығарылыш уҡыусыһы колледжға уҡырға инә.

Республика көнөндә 80-нән ашыу хеҙмәт алдынғыһына дәүләт наградалары тапшырылды

Республика көнө уңайынан тырыш хеҙмәте менән дан ҡаҙанған, Башҡортостандың үҫешенә үҙ өлөшөн индергән төрлө тармаҡ белгестәренә дәүләт наградалары тапшырылды. Табиптар, ауыл хужалығы белгестәре, төҙөүселәр һәм уҡытыусылар, дәүләт эшмәкәрҙәре-барлығы һикһәндән ашыу кешенең хеҙмәте лайыҡлы баһаланды.

Өфөлә «Үҫеш биләмәһе. Движ командаһы» проекты остаздары һәм лидерҙары осрашты

Быйыл «Үҫеш биләмәһе» үҙенең биш йыллығын билдәләй. Быға тиклем форум форматында үткән проект тулы ҡеүәттә 2021 йылда эшләй башлай. Әлеге ваҡытта «Үҫеш биләмәһе» республика буйлап 32 резиденцияны берләштерә. Уларҙың һәр береһендә йәштәр остаздары менән берлектә проекттар яҙа, төрлө конкурстарҙа ҡатнаша.