Көйөргәҙе районында Кинйә Арыҫланов иҫтәлегенә арналған уҡтан атыу буйынса турнир үтте

Өсөнсө йыл рәттән ойошторолған ярыш 50-гә яҡын ҡатнашыусыны берләштерҙе. Тулыраҡ киләһе яҙмала.

Башҡортостан фильмдары Адыгея халҡына күрһәтелде

Мәҙәниәт министрлығынан хәбәр итеүҙәренсә, Майкоп ҡалаһында ойошторолған кино фестивале барышында халыҡ-ара конкурс еңеүселәре билдәләнде. Ижади бәйгелә Бойондороҡһоҙ Дәүләттәр берлеге илдәренән, Төркиәнән һәм Рәсәй төбәктәренән 300-ҙән ашыу картина ҡатнашты. Режиссер Руслан Юлтаев “Бетеү” фильмы өсөн диплом менән бүләкләнде. Рәссам Рима Шәрәфетдинованың “Һуңғы киносеанс” йәнһүрәте иң яҡшы анимацион фильм исеменә лайыҡ булды.

Башҡортостан шыршылары Рәсәй төбәкәтренә оҙатылды

Ауыл хужалығын күҙәтеү идаралығанан хәбәр итеүҙәренсә, Шаран районынан Липецк, Ростов, Тамбов өлкәләренә, Перь крайы һәм Ҡырым республикаһына 2 мең ярым яңы йыл ағасы экспортланған. Шыршылар фитосанитар талаптарға тикшерелгән, етешһеҙлектәр асыҡланмаған.

Башҡортотсанда дини символдар закон менән яҡлана

Дәүләт Йыйылышы-Ҡоролтайҙа ошо турала закон проекты әҙерләнгән. Мәҙәни йәки дини мираҫ объекттары айырылғыһыҙ өлөшө булған һүрәттәрҙе һәм символдарҙы бөтөрөү, юйыу тыйыласаҡ. Ҡайһы бер осраҡтарҙа фотоһүрәттәрҙән дини символдарҙы юйыу күренештәре булды.

Радий Хәбиров Тажикстан хөкүмәте ҡарамағындағы дәүләт матди резервтары буйынса агентлыҡ директоры менән осрашты

Радий Хәбиров Тажикстан хөкүмәте ҡарамағындағы дәүләт матди резервтары буйынса агентлыҡ директоры Нурмахмад Ахмадзода менән осрашты. Яҡтар ике республика араһында иҡтисади хеҙмәттәшлекте нығытыу мәсьәләләре тураһында фекер алышты. Уртаҡ проекттарҙан Рәсәй-Тажикстан индустриаль технопаркына айырыуса иғтибар бүленде.

Радий Хәбиров Тажикстандың мәҙәни объекттары менән танышты

Дүшәнбелә ул «Кохи Наурыз» һарайын һәм республиканың милли музейын барып күрҙе. «Кохи Наурыз» һарайы Шанхай хеҙмәттәшлек ойошмаһындағы һигеҙ заман мөғжизәһенең береһе һанала. 2014 йылда асылған комплекс 40 мең квадрат метр майҙанды биләй һәм Тажикстандың иң популяр ял урыны. Милли архитектураны сағылдырған залдар мозаика, төҫлө быяла, ағас, таш, көҙгөләр менән биҙәлгән.

Радий Хәбиров Тажикстанда ике баланы ҡотҡарған студенттың ғаиләһе менән осрашты

Тажикстанда Радий Хәбиров Ағиҙелдә бата башлаған ике баланың ғүмерен ҡотҡарған студенттың ата-әсәһе Парвина һәм Саидакбар Каландаровтар менән осрашты. Республика башлығы әйтеүенсә, Хаджимурод үҙ ғүмерен аямай кеше ҡотҡарған ысын герой. Башҡорт дәүләт аграр университетының беренсе курсында белем алған студент 2020 йылда йылғала бата башлаған ике баланың ғүмерен ҡотҡара, әммә үҙе һыуҙан сыға алмай.

Башҡортостанда 12 күпер «Тормош өсөн инфраструктура» проекты буйынса төҙөкләндерелә

«Тормош өсөн инфраструктура» милли проекты буйынса республикала төбәк һәм муниципаль-ара әһәмиәттәге 12 күпер норматив хәлгә килтерелә. Уларҙың күбеһе туристик объекттарға алып барған юлда, терәк юл селтәренә ингән трассаларҙа урынлашҡан. Был турала бөгөн Башҡортостандың юл Транспорт һәм юл хужалығы министры Любовь Минакова хәбәр итте.

Иглин районында геройҙарға ярҙам итеүгә арналған форум үтте

Активистар, ирекмәндәр, йәмәғәт ойошмалары вәкилдәре, махсус хәрби операцияла ҡатнашыусыларҙың ғаиләләре «СВО Иглино» форумында ҡатнашты. Сараның төп бурысы-яугирҙарға һәм уларҙың яҡындарына ярҙам итеүҙе берләштереү. Форум тематик майҙансыҡтарға бүленде: район биләмәһендә коммерция булмаған ойошмаларҙы үҫтереү, эшҡыуарлыҡты һәм ирекмәндәр хәрәкәттәренә ярҙам итеү.

Өфөлә Ҡайтарылған исемдәр музейын булдырыу буйынса эш дауам итә

Республика үҫешенә ҙур өлөш индергән, әммә нахаҡҡа юҡ ителгән исемдәрҙе тергеҙеү маҡсаты ҡуйылған. Әлегә иллегә яҡын исем раҫланған, тағы ла 13 кандидат буйынса документтар ҡарала.

Археология һәм этнография музейында Алексей Нечвалода эштәре күрһәтелә

Быуаттар аша ҡараш... Раил Кузеев исемендәге этнологик тикшеренеүҙәр институтының археология һәм этнография музейында баш һөйәге буйынса кеше йөҙөнөң антропологик реконструкцияһы сәнғәтенә арналған күргәҙмә асылды.

Мөкәрим Төхвәтшин исемендәге китапхана 90 йыллығын ғилми-ғәмәли форум менән билдәләне

Өфөнөң «Торатау» конгрес холында Мөкәрим Төхвәтшин исемендәге Республика һуҡырҙар китапханаһының 90 йыллығына арналған ғилми-ғәмәли конференция үтте. Профессиональ форум кешенең сикһеҙ мөмкинлектәрен сағылдырған ысын байрамға әүерелде.

12-19 октябрҙә Өфө «Ҡолонсаҡ» беренсе халыҡ-ара театр спектаклдәре фестивален ҡабул итә

Унда Рәсәй һәм Бойондороҡһоҙ дәүләттәр илдәре профессиональ коллективтары ҡатнаша. Спектаклдәр Мостай Кәрим исемендәге Республика милли йәштәр, Өфө «Нур» татар дәүләт, һәм Мәжит Ғафури исемендәге Башҡорт академия драма театры сәхнәләрендә күрһәтеләсәк.

Радий Хәбиров Рәсәй-Тажикстан индустриаль паркын төҙөү тураһындағы килешеүгә ҡул ҡуйҙы

Был мөһим ваҡиға ил Президентының Тажикстанға сәфәре сиктәрендә үтте. Владимир Путин менән Эмомали Рахмон ҡатнашлығындағы сарала Радий Хәбиров Тажикстандың инвестиция һәм дәүләт мөлкәте менән идара итеү дәүләт комитеты рәйесе Султон Рахимзода менән килешеү нөхсәләре менән алышынды.

Рәсәй-Тажикстан индустриаль паркы — Башҡортостан өсөн яңы иҡтисади мөмкинлек

Башҡортостандың Рәсәй Президентының дәүләт сәфәрендә ҡатнашыуы тышҡы иҡтисади аренала биләгән урынын нығытыуын һәм статусын арттырыуын иҫбатлай. Федераль үҙәк республиканы етди һәм ышаныслы төбәк булараҡ ҡабул итә. Был күренеш башҡа күләмле халыҡ-ара проекттарҙа ҡатнашыуға ла юл аса. Сәфәр дөйөм һүҙҙәрҙән аныҡ эштәргә күсеүгә мөмкинлеге бирҙе.

Радий Хәбиров Тажикстанда бер нисә эшлекле осрашыу үткәрҙе

Башҡортостан башлығы Радий Хәбиров Тажикстанда бер нисә эшлекле осрашыу үткәрҙе, шулай уҡ сәнәғәт һәм социаль объекттар менән танышты. Тәүҙә Радий Хәбиров Тажикстандың сәнәғәт һәм яңы технологиялар министры Шерали Кәбир менән осрашты.

Бизнес-шериф ярҙамында Бишбүләк районында бәләкәй һәм урта эшҡыуарлыҡтың яңы субъекттары үҫешә

Үҙ эшеңде асыу. Бизнес-шериф ярҙамында Бишбүләк районында бәләкәй һәм урта эшҡыуарлыҡтың яңы субъекттары үҫешә. Айыт ауылында ла бер-нисә кеше үҙ эшен асҡан. Йүнселдәргә дәүләт ярҙамы һәм үҙ эшен асыу юлдарын беҙҙең ижади төркөм дә өйрәнде. Был хаҡта тулыраҡ киләһе яҙмала.

Башҡорт ҡурсаҡ театрында һуҡыр балалар өсөн «Красная шапочка» сәхнәләштерелде

Башҡорт дәүләт ҡурсаҡ театрында «Уңайлы театр» проекты сиктәрендә һуҡыр һәм күреү һәләте насар балалар өсөн «Красная шапочка» спектакле ҡуйылды. Проектты театр «Рухиәт» автономиялы коммерция булмаған ойошма менән берлектә Президент гранттары Фонды ярҙамында тормошҡа ашыра.

Баймаҡта «Ҡурайсылар төйәге» тип исемләнгән кисә үтте

10 октябрҙә Башҡортостандың иң сағыу символдарының береһенә арналған Ҡурай көнө билдәләнә. Ошо уңайҙан Баймаҡ биләмә-ара үҙәк китапханаһында «Ҡурайсылар төйәге» тип исемләнгән кисә үтте.

Өфөнән Рәмилә менән Динар Йомағужиндар алтын туйҙарын билдәләне

Ярты быуаттан ашыу ҡулға-ҡул тотоношоп. Бөгөн Өфөнән Рәмилә менән Динар Йомағужиндар алтын туйҙарын билдәләне. Тантаналы сара баш ҡаланың Киров ЗАГС-да үтте. Әйткәндәй, Рәмилә Йомағужина үҙе лә егерме йылдан ашыу Гражданлыҡ хәле акттарын теркәү идаралығында эшләһә, ә уның тормош иптәше Динар Ҡәнзәфәр «Юлдаш» радиоһында.